ಭುವನೇಶ್ವರ: ಹಿಂದಿನ ಕಾಲದಲ್ಲಿ ಹೆಣ್ಣು ಮಕ್ಕಳು ಕುಡುಕನಿರಲಿ, ಕ್ರೂರಿಯಾಗಿರಲಿ ಪತಿಯೇ ಪರದೈವ ಎಂದು ಕಣ್ಣಿಗೊತ್ತಿಗೊಂಡು ಬದುಕುತ್ತಿದ್ದರು. ಮತ್ತೀಗ ಕಾಲ ಬದಲಾಗಿದೆ. ಮಹಿಳೆಯರಿಗೆ ತಮಗೆ ಸ್ವಂತ ಅಸ್ತಿತ್ವವಿದೆ ಎಂಬುದು ಅರ್ಥವಾಗಿದೆ. ಹೀಗಾಗಿ ಅನ್ಯಾಯವನ್ನೆದುರಿಸುವ, ತಮ್ಮ ಹಕ್ಕನ್ನು ಪಡೆಯುವ ಧೈರ್ಯ ತೋರುತ್ತಿದ್ದಾರೆ. ಇದು ಅಂತಹದ್ದೇ ಯುವತಿಯ ಕಥೆ. ದಿನವೂ ಕುಡಿದ ಮತ್ತಿನಲ್ಲಿಯೇ ಬಂದಿದ್ದ ವರನನ್ನು ವರಿಸಲು ಆಕೆ ನಿರಾಕರಿಸಿದ್ದಾಳೆ. ಒಡಿಶಾದ ಮಮತಾ ಭೋಯಿ ಗೋವರ್ಧನ್ ಬಡಮಾಲ್ ಗ್ರಾಮದ ನಿವಾಸಿಯಾಗಿದ್ದು, ಆದಿವಾಸಿ ಸಮುದಾಯಕ್ಕೆ ಸೇರಿದ್ದಾಳೆ. 20 ವರ್ಷದ ಮಮತಾಗೆ ಇತ್ತೀಚಿಗೆ ಮದುವೆ ನಿಶ್ಚಯವಾಗಿತ್ತು. ಸಾವಿರಾರು ಹೊಂಗನಸುಗಳನ್ನು ಕಟ್ಟಿಕೊಂಡು ಹಸೆಮಣೆ ಏರಿದ್ದ ಆಕೆ ವರ ಕುಡಿದು ತೂರಾಡುತ್ತ, ನಿಲ್ಲಲು ಸಹ ಶಕ್ತಿ ಇಲ್ಲದೆ ತಾಳಿ ಕಟ್ಟಲು ಬಂದಾಗ ಬೆಚ್ಚಿ ಬಿದ್ದಳು. ತಕ್ಷಣಕ್ಕೆ ಹಸೆಮಣೆಯಿಂದ ಎದ್ದು ನಿಂತು ನನಗೀ ಮದುವೆ ಬೇಡ ಎಂದು ಹೊರ ನಡೆದಳು. ಹೀಗಾಗಿ ವರನ ಕಡೆಯವರ ದಿಬ್ಬಣ ಅಲ್ಲಿಂದ ವಧುವಿಲ್ಲದೇ ಮರಳಬೇಕಾಯಿತು. ಮನೆಯ ಸದಸ್ಯರೆಲ್ಲರೂ ಸಹ ಮಗಳ ನಿರ್ಧಾರವನ್ನು ಸಮರ್ಥಿಸಿಕೊಂಡರು. ಮಮತಾಳ ಈ ದಿಟ್ಟ ನಡೆಗಾಗಿ ಜಿಲ್ಲಾಡಳಿತ ಅವಳನ್ನು ಸನ್ಮಾನಿಸಿದೆ.
from India & World News in Kannada | VK Polls https://ift.tt/2XdKrLK
