ಬರ್ಮಿಂಗ್‌ಹ್ಯಾಮ್: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಆತಿಥೇಯ ಇಂಗ್ಲೆಂಡ್ ವಿರುದ್ಧ ಪಂದ್ಯದಲ್ಲಿ ಟೀಮ್ ಇಂಡಿಯಾ ಮಾಜಿ ನಾಯಕ ಹಾಗೂ ಹಿರಿಯ ಅನುಭವಿ ಬ್ಯಾಟ್ಸ್‌ಮನ್ ಎಡವಟ್ಟು ಮಾಡಿದ್ದಾರೆ. ಇದರೊಂದಿಗೆ ಮಗದೊಮ್ಮೆ ಧೋನಿ ರಿವ್ಯೂ ಸಿಸ್ಟಂ ಮಗದೊಂದು ಫೇಲ್ ಆಗಿದೆ. ಪಂದ್ಯದ 11ನೇ ಓವರ್‌ನಲ್ಲಿ ಘಟನೆ ನಡೆದಿತ್ತು. ಹಾರ್ದಿಕ್ ಪಾಂಡ್ಯ ಎಸೆದ ತಮ್ಮ ಪ್ರಥಮ ಓವರ್‌ನ ಐದನೇ ಎಸೆತದಲ್ಲಿ ಜೇಸನ್ ರಾಯ್ ಲೆಗ್ ಸೈಡ್‌ನಲ್ಲಿ ಮಿಸ್ ಮಾಡಿದ್ದರು. ಪರಿಣಾಮ ಅಂಪೈರ್ ವೈಡ್ ನೀಡಿದರು. ತಕ್ಷಣ ಹಾರ್ದಿಕ್ ಪಾಂಡ್ಯ ಹಾಗೂ ವಿರಾಟ್ ಕೊಹ್ಲಿ ಡಿಆರ್‌ಎಸ್ ಮನವಿ ಪಡೆಯಲು ಬಯಸಿದ್ದರೂ ವಿಕೆಟ್ ಕೀಪರ್ ಧೋನಿ ಆಸಕ್ತಿ ತೋರಲಿಲ್ಲ. ಇದರಿಂದಾಗಿ ಜೇಸನ್ ರಾಯ್ ಔಟ್ ಮಾಡುವ ಸುವರ್ಣಾವಕಾಶವನ್ನು ಭಾರತ ಮಿಸ್ ಮಾಡಿಕೊಂಡಿತು. ದೋನಿಗೆ ನಿರ್ಧಾರಕ್ಕೆ ಗೌರವ ನೀಡಿದ ಕೊಹ್ಲಿ ಡಿಆರ್‌ಎಸ್ ನಿರ್ಣಯಕ್ಕೆ ಮೊರೆ ಹೋಗಲಿಲ್ಲ. ಇದರಿಂದಾಗಿ ಭಾರತಕ್ಕೆ ಅಮೂಲ್ಯವಾದ ವಿಕೆಟ್ ನಷ್ಟವಾಗಿದೆ. ಬಳಿಕ ರಿಪ್ಲೇ ಪರೀಶೀಲಿಸಿದ ಔಟ್ ಎಂಬುದು ಸ್ಫಷ್ಟವಾಗಿತ್ತು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2YkW0NH
