ಅಲ್ವಾರ್: ಸಾಮೂಹಿಕ ಅತ್ಯಾಚಾರ-ಕೊಲೆ ಹಾಗೂ ಗುಂಪು ಹತ್ಯೆ ಪ್ರಕರಣಗಳಿಂದ ದೇಶಾದ್ಯಂತ ಸುದ್ದಿಯಾಗಿದ್ದ ರಾಜಸ್ಥಾನದ ಜಿಲ್ಲೆಯಲ್ಲಿ ಎದೆನಡುಗಿಸುವಂತಹ ಮತ್ತೊಂದು ಭಯಾನಕ ಘಟನೆ ನಡೆದಿದೆ. ಜಿಲ್ಲೆಯ ಧೋಲ್ಪುರ ಎಂಬಲ್ಲಿ ಕೇಳಿದಷ್ಟು ನೀಡಲು ವಿಫಲವಾಗಿದ್ದಕ್ಕೆ 23 ವರ್ಷದ ಮಹಿಳೆಯನ್ನು ಆಕೆಯ ಗಂಡನ ಸೂಚನೆಯಂತೆ ಆತನ ಸಮ್ಮುಖದಲ್ಲಿಯೇ ಮಾಡಲಾಗಿದೆ. ಪತಿ ಶನಿವಾರ ಕರೆದುಕೊಂಡು ಬಂದಿದ್ದ ಅಪರಿಚಿತ ವ್ಯಕ್ತಿಯೊಬ್ಬ ತನ್ನ ಮೇಲೆ ಅತ್ಯಾಚಾರ ಎಸಗಿ ಹಲ್ಲೆ ನಡೆಸಿದ್ದ. ಮರುದಿನವೂ ತನ್ನ ದಾರುಣ ಸ್ಥಿತಿ ಮುಂದುವರಿದಿತ್ತು. ಭಾನುವಾರ ಬಂದಿದ್ದ ಮತ್ತೊಬ್ಬ ವ್ಯಕ್ತಿ ಕೂಡ ಅತ್ಯಾಚಾರ ಎಸಗಿದ. ಪತಿ ಹಾಗೂ ಇತರೆ ಆರೋಪಿಗಳು ತನ್ನ ಗುಪ್ತಾಂಗಗಳಿಗೆ ಮೆಣಸಿನ ಕಾಯಿ ಹಚ್ಚಿ ಚಿತ್ರಹಿಂಸೆ ನೀಡಿದ್ದಾರೆ ಎಂದು ಬಸೇರಿ ಪೊಲೀಸ್ ಠಾಣೆಯಲ್ಲಿ ನೀಡಿರುವ ದೂರಿನಲ್ಲಿ ಮಹಿಳೆ ಆರೋಪಿಸಿದ್ದಾಳೆ. ಅತ್ಯಾಚಾರ ಸಂತ್ರಸ್ತೆ ತನ್ನ ಪೋಷಕರಿಗೆ ಮಾಹಿತಿ ನೀಡಿದ್ದು, ಅವರು ಧೋಲ್ಪುರಕ್ಕೆ ತೆರಳಿ ಆಕೆಯನ್ನು ರಕ್ಷಿಸಿದ್ದಾರೆ. ಐಪಿಸಿ ಸೆಕ್ಷನ್ 371 ಡಿ (ಸಾಮೂಹಿಕ ಅತ್ಯಾಚಾರ) ಅಡಿ ಪೊಲೀಸರು ಎಫ್‌ಐಆರ್ ದಾಖಲಿಸಿದ್ದಾರೆ. 'ಈ ಮಹಿಳೆಗೆ ಐದು ತಿಂಗಳ ಹಿಂದೆ ಮದುವೆಯಾಗಿತ್ತು. ವರದಕ್ಷಿಣೆ ತಂದುಕೊಡುವಂತೆ ಮದುವೆಯಾದ ಸಂದರ್ಭದಿಂದಲೂ ಆಕೆಯ ಪತಿ ಹಾಗೂ ಕುಟುಂಬದವರು ಒತ್ತಾಯಿಸಿ ಹಿಂಸೆ ನೀಡುತ್ತಿದ್ದರು. ಬಳಿಕ ಆಕೆಯ ಮೇಲೆ ಅತ್ಯಾಚಾರ ನಡೆಸಲು ಆತ ಬೇರೆ ವ್ಯಕ್ತಿಗಳನ್ನು ಕರೆದುಕೊಂಡು ಬಂದಿದ್ದ' ಎಂದು ಡಿಎಸ್‌ಪಿ ವರಿಷ್ಠಾಧಿಕಾರಿ ಪರ್ವೇಂದ್ರ ಸಿಂಗ್ ತಿಳಿಸಿದ್ದಾರೆ. ಮಹಿಳೆಯ ವೈದ್ಯಕೀಯ ತಪಾಸಣೆ ನಡೆಸಲಾಗಿದ್ದು, ಆರೋಪಿಗಳ ವಿರುದ್ಧ ಎಫ್‌ಐಆರ್ ದಾಖಲಿಸಲಾಗಿದೆ. ತಮ್ಮ ವಿರುದ್ಧ ಮಹಿಳೆ ದೂರು ನೀಡುತ್ತಾಳೆ ಎನ್ನುವುದು ತಿಳಿದ ಕೂಡಲೇ ಗಂಡ ಹಾಗೂ ಆತನ ಮನೆಯವರು ಪರಾರಿಯಾಗಿದ್ದಾರೆ ಎಂದು ಅವರು ಹೇಳಿದ್ದಾರೆ. ಮದುವೆಯಾಗುತ್ತಿದ್ದಂತೆಯೇ ವರದಕ್ಷಿಣೆ ಕಿರುಕುಳ ನೀಡಲು ಆರಂಭಿಸಿದ್ದರು. ಅತ್ತೆ ಮಾವ ಪದೇ ಪದೇ ಹಿಂಸೆ ನೀಡಿ ಹಲ್ಲೆ ಮಾಡುತ್ತಿದ್ದರು. ಆಕೆಯ ಕುಟುಂಬದವರಿಗೆ ಮತ್ತಷ್ಟು ಹಣ ನೀಡಲು ಸಾಧ್ಯವಾಗದೆ ಇದ್ದಾಗ ಆರೋಪಿ ಪತಿ ಆಕೆಯ ಮೇಲೆ ಅತ್ಯಾಚಾರ ಮಾಡಲು ವ್ಯಕ್ತಿಗಳನ್ನು ಕಳುಹಿಸಿದ್ದಾನೆ ಎಂದು ಅವರು ತಿಳಿಸಿದ್ದಾರೆ. ವಿಷಯ ತಿಳಿದ ಮಹಿಳೆಯ ಪೋಷಕರು ಕೂಡಲೇ ಆಕೆಯ ಮನೆಗೆ ಧಾವಿಸಿದರು. ಅತ್ಯಾಚಾರ ಹಾಗೂ ಚಿತ್ರಹಿಂಸೆಯ ನೋವಿನಿಂದ ಒದ್ದಾಡುತ್ತಿದ್ದ ಮಗಳನ್ನು ರಕ್ಷಿಸಿದರು. ಮಗಳನ್ನು ಗಂಡ ನಡೆಸಿಕೊಂಡ ಬಗೆಯಿಂದ ಆ ಕುಟುಂಬ ಆಘಾತಕ್ಕೆ ಒಳಗಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.
from India & World News in Kannada | VK Polls https://ift.tt/3qAEkwo
