ಬೆಂಗಳೂರು: ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ತಮ್ಮ ಸಾಮರ್ಥ್ಯ ಸಾಬೀತು ಪಡಿಸಿಕೊಳ್ಳಲು ಯುವ ವಿಕೆಟ್‌ಕೀಪರ್‌ ಬ್ಯಾಟ್ಸ್‌ಮನ್‌ ಮತ್ತೊಮ್ಮೆ ವಿಫಲರಾಗಿದ್ದಾರೆ. ವಿರುದ್ದದ ಟಿ20 ಕ್ರಿಕೆಟ್ ಸರಣಿಯ ಮೂರನೇ ಹಾಗೂ ನಿರ್ಣಾಯಕ ಪಂದ್ಯದಲ್ಲಿ ಸ್ಯಾಮ್ಸನ್ ಶೂನ್ಯಕ್ಕೆ ಔಟ್‌ ಆಗುತ್ತಿದ್ದಂತೆಯೇ ಅವರ ಪಯಣ ಅಂತ್ಯಗೊಂಡಿದೆ ಎಂದು ಟ್ವಿಟರ್‌ನಲ್ಲಿ ಕ್ರಿಕೆಟ್ ಪ್ರಿಯರು ಜಾಡಿಸಿದ್ದಾರೆ. ಕೇರಳ ಬ್ಯಾಟ್ಸ್‌ಮನ್‌ ಅತ್ಯಂತ ಪ್ರತಿಭಾನ್ವಿತ ಆಟಗಾರ ಎಂಬುದು ಅಖಾಡದಲ್ಲಿ ಹಲವು ಬಾರಿ ಸಾಬೀತಾಗಿದೆ. ಆದರೆ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಂಜು ಒಮ್ಮೆಯೂ ಐಪಿಎಲ್‌ನಲ್ಲಿ ನೀಡಿರುವಂತಹ ಭರ್ಜರಿ ಪ್ರದರ್ಶನವನ್ನು ತರಲಿಲ್ಲ. ಅತ್ಯಂತ ಸುಲಭವಾಗಿ ಚೆಂಡನ್ನು ಬೌಂಡರಿ ಗೆರೆ ದಾಟಿಸುವ ಸಾಮರ್ಥ್ಯ ಹೊಂದಿರುವ ಸ್ಯಾಮ್ಸನ್, ಶ್ರೀಲಂಕಾ ತಂಡದ ಸ್ಪಿನ್ನರ್‌ಗಳ ಎದುರು ಅಕ್ಷರಶಃ ತಡಬಡಾಯಿಸಿದರು. ಸರಣಿಯ ಮೂರೂ ಇನಿಂಗ್ಸ್‌ಗಳಲ್ಲಿ ಲೆಗ್ ಸ್ಪಿನ್ನರ್‌ ವಾನಿಂದು ಹಸರಂಗಗೆ ವಿಕೆಟ್‌ ಒಪ್ಪಿಸಿದರು. ಸರಣಿಯ ಮೊದಲ ಪಂದ್ಯದಲ್ಲಿ ಭಾರತ ತಂಡ 38 ರನ್‌ಗಳ ಭರ್ಜರಿ ಜಯ ದಾಖಲಿಸಿತ್ತು. ಆದರೆ, 2ನೇ ಪಂದ್ಯಕ್ಕೂ ಮುನ್ನ ಕೃಣಾಲ್ ಪಾಂಡ್ಯ ಅವರಲ್ಲಿ ಕೊರೊನಾ ವೈರಸ್‌ ಸೋಂಕು ಪತ್ತೆಯಾಗಿ ಅವರ ಸಂಪರ್ಕಕ್ಕೆ ಬಂದ 8 ಆಟಗಾರರು ಕೂಡ ಕ್ವಾರಂಟೈನ್‌ಗೆ ಒಳಪಡುವಂತ್ತಾಯಿತು. ಪರಿಣಾಮ ಭಾರತ ತಂಡ ತನ್ನಲ್ಲಿ ಅಳಿದು ಉಳಿದಿರುವ ಆಟಗಾರರೊಂದಿಗೆ 2 ಮತ್ತು 3ನೇ ಪಂದ್ಯದಲ್ಲಿ ಆಡುವ ಸಂಕಷ್ಟದ ಸ್ಥಿತಿಗೆ ಸಿಲುಕಿತ್ತು. ಈ ಸಂದರ್ಭದಲ್ಲಿ ಭಾರತ ತಂಡಕ್ಕೆ ಬ್ಯಾಟಿಂಗ್ ಬಲವಾಗಿ ನಿಲ್ಲುವ ಅದ್ಭುತ ಅವಕಾಶ ಸಂಜು ಕೈಲಿತ್ತು. ಆದರೆ ಒಂದು ಪಂದ್ಯದಲ್ಲೀ 30ಕ್ಕಿಂತಲೂ ಹೆಚ್ಚು ರನ್ ಗಳಿಸಲಾಗದೆ ಸತತ ವೈಫಲ್ಯ ಎದುರಿಸಿದರು. ಇನ್ನು ಟಿ20 ಕ್ರಿಕೆಟ್ ವೃತ್ತಿಬದುಕಿನಲ್ಲಿ ಆಡಿದ 10 ಪಂದ್ಯಗಳಲ್ಲಿ 15ಕ್ಕಿಂತಲೂ ಕಡಿಮೆ ಬ್ಯಾಟಿಂಗ್ ಸರಾಸರಿ ಹೊಂದಿದ್ದಾರೆ. ಈ ಬಗ್ಗೆ ಟ್ವಿಟರ್‌ನಲ್ಲಿ ಭಾರಿ ಚರ್ಚೆ ನಡೆದಿದ್ದ, ಟೀಮ್ ಇಂಡಿಯಾ ಆಟಗಾರರನ್ನು ಕ್ರಿಕೆಟ್ ಪ್ರೇಮಿಗಳು ಹೇಗೆಲ್ಲಾ ತರಾಟೆಗೆ ತೆಗೆದುಕೊಂಡಿದ್ದಾರೆ ಎಂಬುದರ ವಿವರ ಈ ಕೆಳಗಿದೆ. ಸಂಜು ಸ್ಯಾಮ್ಸನ್ ಆಟ ಇನ್ನು ಮುಗಿದಿಲ್ಲ, ಆದರೆ ಅವರಿಗೆ ಇದ್ದ ಅವಕಾಶಗಳಂತೂ ಮುಗಿದಿವೆ. ಸಂಜು ಸ್ಯಾಮ್ಸನ್ ಆಟ ಕಂಡು ಕೋಚ್ ರಾಹುಲ್ ದ್ರಾವಿಡ್‌ ಪ್ರತಿಕ್ರಿಯೆ ಹೀಗಿದೆ. ಆತನ ಹೆಸರು: ಅತ್ಯಂತ ದೊಡ್ಡ ಆಟಗಾರಆತನ ಆಟ: ಅತ್ಯಂತ ಕಳಪೆ ಆಟಗಾರ ಟೀಮ್ ಇಂಡಿಯಾ ಪರ ಸಂಜು ಸ್ಯಾಮ್ಸನ್ ಬ್ಯಾಟಿಂಗ್ ತೀರಾ ಸಾಧಾರಣ. 10 ಇನಿಂಗ್ಸ್‌ಗಳಲ್ಲಿ 117 ರನ್ ಮಾತ್ರ ಗಳಿಸಿದ್ದು, 110ರ ಸ್ಟ್ರೈಕ್‌ರೇಟ್‌ನಲ್ಲಿ ಬ್ಯಾಟ್‌ ಬೀಸಿದ್ದಾರೆ. ಒಮ್ಮೆಯೂ 30 ರನ್‌ಗಳ ಗಡಿ ದಾಟಿಲ್ಲ. 2020ರ ಬಳಿಕ ಅವರಿಗೆ 4ನೇ ಕ್ರಮಾಂಕಕ್ಕಿಂತ ಮೇಲೆ ಬ್ಯಾಟ್‌ ಮಾಡುವ ಅವಕಾಶ ಸಿಕ್ಕಿದೆ. ಈಗ ಪ್ರಮುಖ ಬ್ಯಾಟ್ಸ್‌ಮನ್‌ಗಳ ಅನುಪಸ್ಥಿತಿಯಲ್ಲಿ ಸಿಕ್ಕಿದ್ದ ಅವಕಾಶವನ್ನೂ ಅವರು ಕೈಚೆಲ್ಲಿದ್ದಾರೆ. ಸಂಜು ಸ್ಯಾಮ್ಸಮ್‌ ಮತ್ತು ನಿತೀಶ್ ರಾಣಾ ಅಂತಾರಾಷ್ಟ್ರೀಯ ಕ್ರಿಕೆಟ್ ವೃತ್ತಿಬದುಕು ಫಿನಿಷ್. ಸಂಕ್ಷಿಪ್ತ ಭಾರತ: 20 ಓವರ್‌ಗಳಲ್ಲಿ 8 ವಿಕೆಟ್‌ಗೆ 81 ರನ್ (ಋತುರಾಜ್ ಗಾಯಕ್ವಾಡ್‌ 14, ಭುವನೇಶ್ವರ್ ಕುಮಾರ್‌ 16, ಕುಲ್ದೀಪ್ ಯಾದವ್ ಅಜೇಯ 23; ವಾನಿಂದು ಹಸರಂಗ 9ಕ್ಕೆ 4, ದಸುನ್ ಶನಕ 20ಕ್ಕೆ 2). ಶ್ರೀಲಂಕಾ: 14.3 ಓವರ್‌ಗಳಲ್ಲಿ 3 ವಿಕೆಟ್‌ಗೆ 82 ರನ್ (ಅವಿಷ್ಕ ಫರ್ನಾಂಡೊ 12, ಮಿನೋದ್‌ ಭಾನುಕ 18, ಧನಂಜಯ ಡಿ'ಸಿಲ್ವಾ ಅಜೇಯ 23, ವಾನಿಂದು ಹಸರಂಗ ಅಜೇಯ 14; ರಾಹುಲ್ ಚಹರ್ 15ಕ್ಕೆ 3). ಪಂದ್ಯ ಮತ್ತು ಸರಣಿ ಶ್ರೇಷ್ಠ: ವಾನಿಂದು ಹಸರಂಗ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3l8aHSr
