ಮಾಸ್ಕೋ: ರಷ್ಯಾದ ಸಂಶೋಧನಾ ಘಟಕವೊಂದರ ಜೆಟ್ ಥ್ರಸ್ಟರ್‌ಗಳನ್ನು ಕಕ್ಷೆಯ ಹೊರನೆಲೆಯಲ್ಲಿ ಹೊಸದಾಗಿ ಸೇರ್ಪಡೆ ಮಾಡಿದ ಕೆಲವೇ ಗಂಟೆಗಳಲ್ಲಿ ಅದು ಬೆಂಕಿ ಉಗುಳಿದ ಪರಿಣಾಮ ಅಂತಾರಾಷ್ಟ್ರೀಯ ನಿಲ್ದಾಣ ಕೆಲ ಸಮಯ ನಿಯಂತ್ರಣ ತಪ್ಪಿ ಹೋಗಿದ್ದಾಗಿ ತಿಳಿಸಿದೆ. ರಷ್ಯಾದ ಇಬ್ಬರು ಖಗೋಳಯಾನಿಗಳು, ನಾಸಾದ ಮೂವರು ಗಗನಯಾನಿಗಳು, ಜಪಾನ್ ಮತ್ತು ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆಯಲ್ಲಿನ ಫ್ರಾನ್ಸ್ ಸೇರಿದಂತೆ ಒಟ್ಟು ಏಳು ಮಂದಿ ನಿಲ್ದಾಣದಲ್ಲಿದ್ದು, ಅವರಿಗೆ ಯಾವುದೇ ಅಪಾಯ ಸಂಭವಿಸಿಲ್ಲ ಎಂದು ನಾಸಾ ಮತ್ತು ರಷ್ಯಾದ ಸರಕಾರಿ ಸ್ವಾಮ್ಯದ ಮಾಧ್ಯಮ ಸಂಸ್ಥೆ ಆರ್‌ಐಎ ತಿಳಿಸಿವೆ. ಆದರೆ, ಈ ಅವಘಡದ ಕಾರಣದಿಂದ ನಾಸಾ ತನ್ನ ಕಾರ್ಯಯೋಜನೆಯನ್ನು ಕನಿಷ್ಠ ಆಗಸ್ಟ್ 3ರವರೆಗೆ ಮುಂದೂಡುವಂತಾಗಿದೆ. ಅದು ಬಹು ನಿರೀಕ್ಷಿತ ಸಿಬ್ಬಂದಿರಹಿತ ಪರೀಕ್ಷಾರ್ಥ ನೌಕೆ, ಬೋಯಿಂಗ್‌ನ ಹೊಸ ಸಿಎಸ್‌ಟಿ-100 ಸ್ಟಾರ್‌ಲೈನರ್‌ಅನ್ನು ಬಾಹ್ಯಾಕಾಶ ನಿಲ್ದಾಣಕ್ಕೆ ಉಡಾವಣೆ ಮಾಡಲು ಉದ್ದೇಶಿಸಿತ್ತು. ಈ ಸ್ಟಾರ್‌ಲೈನರ್, ಫ್ಲೋರಿಡಾದ ಕೆನೆಡಿ ಬಾಹ್ಯಾಕಾಶ ಕೇಂದ್ರದಿಂದ ಶುಕ್ರವಾರ ಅಟ್ಲಾಸ್ ವಿ ರಾಕೆಟ್ ಮೂಲಕ ಉಡಾವಣೆಯಾಗಬೇಕಿತ್ತು. ನಿರ್ಮಿತ ಬಹು ಉದ್ದೇಶಿತ 'ನೌಕಾ' ಎಂಬ ನೌಕೆಯನ್ನು ಬಾಹ್ಯಾಕಾಶ ನಿಲ್ದಾಣಕ್ಕೆ ರವಾನಿಸಲಾಗಿತ್ತು. ಅದನ್ನು ನಿಲ್ದಾಣದ ಹೊರವಲಯದ ಕಕ್ಷೆಗೆ ಸೇರ್ಪಡೆಗೊಳಿಸಿದ ಮೂರು ಗಂಟೆಗಳ ಬಳಿಕ ಮರು ಸಂಯೋಜನೆ ಕಾರ್ಯವಿಧಾನ ಅನುಸರಿಸಲಾಗುತ್ತಿತ್ತು. ಅದರ ಸಂಪೂರ್ಣ ನಿಯಂತ್ರಣ ಮಾಸ್ಕೋದಲ್ಲಿಯೇ ಇತ್ತು. ಬಾಹ್ಯಾಕಾಶ ತುರ್ತು ಪರಿಸ್ಥಿತಿ ನೌಕೆಯ ಜೆಟ್‌ಗಳು ವಿವರಿಸಲಾಗದಂತೆ ಮರು ಚಾಲನೆಗೊಂಡವು. ಭೂಮಿಯಿಂದ ಸುಮಾರು 250 ಮೈಲು ಮೇಲ್ಭಾಗದಲ್ಲಿರುವ ಇಡೀ ನಿಲ್ದಾಣದ ಸಹಜ ಹಾರಾಟ ಸ್ಥಿತಿಯನ್ನು ಕದಲಿಸಿದವು. ಇದರಿಂದ ಯೋಜನೆಯ ಹಾರಾಟ ನಿರ್ದೇಶಕರು 'ಬಾಹ್ಯಾಕಾಶ ನೌಕೆ ತುರ್ತುಪರಿಸ್ಥಿತಿ' ಘೋಷಿಸಿದರು. ನಿಲ್ದಾಣದ ನೆಲೆಯಲ್ಲಿ ಉಂಟಾದ ಅನಿರೀಕ್ಷಿತ ಪಲ್ಲಟವನ್ನು ಸ್ವಯಂಚಾಲಿತ ಭೂ ಸೆನ್ಸರ್‌ಗಳು ಪತ್ತೆಹಚ್ಚಿದವು. 15 ನಿಮಿಷದ ಬಳಿಕ ಆಟಿಟ್ಯೂಡ್ ನಿಯಂತ್ರಣ ಕಡಿತದ ಸನ್ನಿವೇಶ ಎದುರಾಯಿತು. ಇದು ಸುಮಾರು 45 ನಿಮಿಷಗಳ ಕಾಲ ಇತ್ತು.
from India & World News in Kannada | VK Polls https://ift.tt/3BZ3s55
