: ತಾಲೂಕಿನ ಇಸಾಮುದ್ರ ಗ್ರಾಮದ ಅಪ್ರಾಪ್ತ ಬಾಲಕಿ ಮೇಲೆ ವೆಸಗಿ, ಮಾಡಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದು, ಮಂಗಳವಾರ ಸಂಜೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ. ಇಸಾಮುದ್ರ ಗ್ರಾಮದ ಪಕ್ಕದ ಮನೆಯ ಯುವಕ ರಾಜ ಅಲಿಯಾಸ್‌ ನಾಗರಾಜ (24) ಬಂಧಿತ ಆರೋಪಿ. ಪ್ರಾಥಮಿಕ ಹಂತದ ಸುಳಿವುಗಳನ್ನಾಧರಿಸಿ ಕೃತ್ಯ ನಡೆದ ಮರು ದಿನವೇ ಆರೋಪಿಯನ್ನು ವಿಚಾರಣೆ ನಡೆಸಿದ್ದ ಪೊಲೀಸರು, ಕೃತ್ಯ ಎಸಗಿರುವ ಕುರಿತು ಖಚಿತವಾದ ನಂತರ ಅಧಿಕೃತವಾಗಿ ವಶಕ್ಕೆ ಪಡೆದುಕೊಂಡಿದ್ದಾರೆ. ಆರೋಪಿ ವಿರುದ್ಧ ಪೋಕ್ಸೋ ಕಾಯ್ದೆಯಡಿ ಭರಮಸಾಗರ ಠಾಣೆಯಲ್ಲಿ ಕೇಸು ದಾಖಲಿಸಲಾಗಿದೆ. ಮಂಗಳವಾರ ಸಂಜೆ ಸುದ್ದಿಗೋಷ್ಟಿಯಲ್ಲಿ ಆರೋಪಿ ಬಂಧನ ಕುರಿತು ಮಾಹಿತಿ ನೀಡಿದ ಎಸ್ಪಿ ಜಿ.ರಾಧಿಕಾ, ಪ್ರಕರಣವನ್ನು ಯಾವುದೇ ಆಧುನಿಕ ತಂತ್ರಜ್ಞಾನದ ನೆರವು ಇಲ್ಲದೇ, ಸಾಂಪ್ರದಾಯಿಕ ವಿಧಾನಗಳಲ್ಲೇ ಅತ್ಯಂತ ವೃತ್ತಿಪರವಾಗಿ ತನಿಖೆ ನಡೆಸಿ, ಆರೋಪಿಯನ್ನು ಬಂಧಿಸುವಲ್ಲಿ ನಿಯೋಜಿತ ಇಲಾಖಾ ತಂಡಗಳು ಯಶಸ್ವಿಯಾಗಿವೆ ಎಂದರು. ಬಾಲಕಿಯ ಮನೆಯ ಪಕ್ಕದಲ್ಲೇ ಇದ್ದ ಆರೋಪಿ ನಾಗರಾಜ, ನಿತ್ಯವೂ ಬಾಲಕಿ ಸ್ನಾನಕ್ಕೆ ಹೋಗುವುದು ಸೇರಿದಂತೆ ಚಲನವಲನ ಗಮನಿಸುತ್ತಿದ್ದ. ಅವಕಾಶಕ್ಕಾಗಿ ಹೊಂಚು ಹಾಕಿ ಬಾಲಕಿ ಒಬ್ಬಳೇ ಬಹಿರ್ದೆಸೆಗೆ ಹೋಗಿದ್ದನ್ನು ನೋಡಿ ಹಿಂಬಾಲಿಸಿ ಅತ್ಯಾಚಾರ ಎಸಗಿದ್ದಾನೆ ಎನ್ನುವ ಅಂಶ ತನಿಖೆಯ ವೇಳೆ ಬಯಲಿಗೆ ಬಂದಿದೆ. ಎಮ್ಮೆ, ಚಪ್ಪಲಿ ನೀಡಿದ ಸುಳಿವು: ಆರೋಪಿ ಕೃತ್ಯವೆಸಗಿರುವ ಕುರಿತು ಗ್ರಾಮದ ಕೆಲವರಿಗೆ ಪ್ರಾಥಮಿಕ ಮಾಹಿತಿ ಇದ್ದರೂ ಪೊಲೀಸರಿಗೆ ಸುಳಿವು ಬಿಟ್ಟು ಕೊಟ್ಟಿರಲಿಲ್ಲ. ಆದರೆ, ಕೃತ್ಯ ನಡೆದ ಸ್ಥಳದಲ್ಲಿದ್ದ ಚಪ್ಪಲಿ, ಕಟ್ಟಿದ್ದ ಎಮ್ಮೆ ಪೊಲೀಸರ ತನಿಖೆಗೆ ದಾರಿ ತೋರಿಸಿದೆ. ಕೃತ್ಯ ನಡೆದ ಸ್ಥಳದಲ್ಲಿ ಲಭ್ಯವಾಗಿದ್ದ ವಾಕ್‌ಮೇಟ್‌ ಚಪ್ಪಲಿ ಸಂಗ್ರಹಿಸಿದ ಪೊಲೀಸರು ಇಂತಹ ಚಪ್ಪಲಿ ಯಾರು ಧರಿಸುತ್ತಾರೆ? ಕಾಣೆಯಾಗಿರುವ ಚಪ್ಪಲಿ ಯಾರದಿರಬಹುದು? ಎಂದು ತನಿಖೆ ನಡೆಸಿದ್ದಾರೆ. ಆಗ ನಾಗರಾಜ ಇಂತಹ ಚಪ್ಪಲಿ ಧರಿಸುತ್ತಿದ್ದ ಎನ್ನುವ ಮಾಹಿತಿ ಸಿಕ್ಕಿದೆ. ಜತೆಗೆ ಇದೇ ಅಳತೆಯ ಚಪ್ಪಲಿಗಳನ್ನು ಮತ್ತೊಬ್ಬ ಯುವಕನೂ ಧರಿಸುತ್ತಿದ್ದ ಎನ್ನುವ ಮಾಹಿತಿ ಸಿಕ್ಕಿದ್ದರಿಂದ ಗೊಂದಲ ಉಂಟಾಗಿದೆ. ನಂತರ ಕೃತ್ಯ ನಡೆದ ಸಮಯದಲ್ಲಿ ಎಮ್ಮೆಯೊಂದು ಮೇಯುತ್ತಿತ್ತು ಎನ್ನುವ ಮಾಹಿತಿ ಸಂಗ್ರಹಿಸಿದ ಪೊಲೀಸರು ಗ್ರಾಮದ ಕೆಲ ಎಮ್ಮೆಗಳ ಇಮೇಜನ್ನು ತೆಗೆದು ತೋರಿಸಿದಾಗ ಒಂದು ಎಮ್ಮೆ ಆರೋಪಿ ನಾಗರಾಜನಿಗೆ ಸೇರಿದ್ದು ಎಂದು ದೃಢಪಟ್ಟಿದೆ. ಆ ನಂತರ ಪೊಲೀಸರು ನಡೆಸಿದ ವಿಚಾರಣೆಯಲ್ಲಿ ನಾಗರಾಜ ಕೃತ್ಯ ಎಸಗಿರುವ ಬಗ್ಗೆ ಪೊಲೀಸರ ಬಳಿ ಬಾಯಿ ಬಿಟ್ಟಿದ್ದಾನೆ. ಅತ್ಯಾಚಾರ ಕೃತ್ಯದ ಕುರಿತು ಸಂತ್ರಸ್ತೆ ಪೋಷಕರಿಗೆ ಮಾಹಿತಿ ನೀಡಬಹುದು ಎನ್ನುವ ಆತಂಕದಿಂದ ಕೊಲೆ ಮಾಡಿದ್ದಾಗಿ ಒಪ್ಪಿಕೊಂಡಿದ್ದಾನೆ. ಮನೆಯಲ್ಲೇ ಇದ್ದ: ಕೃತ್ಯ ಎಸಗಿದ ನಂತರ ಆರೋಪಿ ನಾಗರಾಜ ಎಲ್ಲೂ ತಪ್ಪಿಸಿಕೊಂಡು ಹೋಗದೇ ಕೆಸರಾಗಿದ್ದ ಬಟ್ಟೆಗಳನ್ನು ಮನೆಯಲ್ಲಿ ಎತ್ತಿಟ್ಟು ಬೇರೆ ಬಟ್ಟೆ ಧರಿಸಿ, ಪುನಃ ಎಮ್ಮೆ ಮೇಯಿಸಲು ಹೋಗಿದ್ದ. ಮನೆಯವರಿಗೂ ಈತ ಕೃತ್ಯ ಎಸಗಿರುವ ಸುಳಿವು ಸಿಕ್ಕಿಲ್ಲ. ತಾನು ಆರೋಪಿ ಎಂಬುದು ತಿಳಿಯದಂತೆ ಇರಲಿ ಎನ್ನುವ ಕಾರಣಕ್ಕೆ ಪೊಲೀಸರು ಮನೆಗಳ ಶೋಧನೆ ನಡೆಸುತ್ತಿದ್ದಾಗ ಕೆಲ ಮನೆಗಳ ಬಳಿ ನಾಗರಾಜ ಕೂಡಾ ಹೋಗಿದ್ದಾನೆ. ಪೊಲೀಸರಿಗೆ ಸಂಶಯ ಬಂದರೂ ಅಧಿಕೃತ ಸುಳಿವು ಸಿಗದ ಕಾರಣ ಸುಮ್ಮನೆ ಈತನ ಚಲನವಲನ ಗಮನಿಸುತ್ತಾ ಹೋಗಿ, ಅಂತಿಮವಾಗಿ ಸೂಕ್ತ ಸಾಕ್ಷ್ಯಗಳು ದೊರೆತ ಬಳಿಕ ಬಂಧಿಸಿದ್ದಾರೆ. ಹೊಂಚು ಹಾಕಿ ಹಿಂಬಾಲಿಸಿದ: ಬಾಲಕಿ ಕುಟುಂಬ ವಾಸಿಸುತ್ತಿರುವ ಸಮುದಾಯ ಭವನದ ಮುಂಭಾಗದಲ್ಲಿ ಬಯಲು ಬಚ್ಚಲು ಮನೆ ಇದೆ. ಇದು ಕೇವಲ ಗರಿಗಳಿಂದ ಸುತ್ತುವರಿದ ಮೇಲ್ಚಾವಣಿ ಇಲ್ಲದ ಸ್ನಾನದ ಮನೆ. ಆರೋಪಿಯ ಮನೆಯ ಸ್ನಾನದ ಕೋಣೆಯೂ ಇದಕ್ಕೆ ಹೊಂದಿಕೊಂಡಂತೆ ಇದೆ. ಬಾಲಕಿ ಸ್ನಾನ ಮಾಡುವಾಗ ಆಗಾಗ ಇಣುಕಿ ಕದ್ದು ಮುಚ್ಚಿ ನೋಡಿ ಉನ್ಮಾದಿತನಾಗಿದ್ದ. ಜುಲೈ 23 ರಂದು ಬಹಿರ್ದೆಸೆಗೆ ಹೊರಟಾಗ ಹಿಂಬಾಲಿಸಿಕೊಂಡು ಹೋಗಿದ್ದಾನೆ. ಬಾಲಕಿ ವಾಪಸು ಬರುವಾಗ ಆಕೆಯ ಬಾಯಿ ಮುಚ್ಚಿ ಜೋಳದ ಹೊಲದೊಳಕ್ಕೆ ಎಳೆದುಕೊಂಡು ಹೋಗಿ ಅತ್ಯಾಚಾರವೆಸಗಿದ್ದ. ಅಶ್ಲೀಲ ವಿಡಿಯೋ ವೀಕ್ಷಣೆ: ಒಂದು ವರ್ಷದಿಂದ ಫೋನ್‌ ಬಳಕೆ ನಿಲ್ಲಿಸಿದ್ದ ನಾಗರಾಜ, ಸ್ನೇಹಿತರ ಫೋನ್‌ನಲ್ಲಿ ಅಶ್ಲೀಲ ವಿಡಿಯೋಗಳನ್ನು ವೀಕ್ಷಿಸುತ್ತಿದ್ದ. ಬಾಲಕಿಯ ಮೇಲೆ ಮೋಹಿತನಾಗಿದ್ದ ಆರೋಪಿ ಏಕಾಂಗಿಯಾಗಿ ಸಿಗುವ ಅವಕಾಶಕ್ಕಾಗಿ ಹೊಂಚು ಹಾಕುತ್ತಿದ್ದ. ತಾನು ಎಸಗಿರುವ ಕೃತ್ಯದ ಕುರಿತು ಪೋಷಕರಿಗೆ ವಿಷಯ ತಿಳಿಸಬಹುದು ಎಂದು ಭಾವಿಸಿ, ಕತ್ತು ಹಿಸುಕಿ ಕೊಲೆ ಮಾಡಿದ್ದ. ಪ್ರಕರಣದ ಗಂಭೀರ ಸ್ವರೂಪದ್ದಾಗಿದ್ದ ಹಿನ್ನೆಲೆಯಲ್ಲಿ ಆರೋಪಿಯ ಪತ್ತೆಗಾಗಿ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಜಿ. ರಾಧಿಕಾ, ಎಎಸ್‌ಪಿ ಮಹಾನಿಂಗ ನಂದಗಾವಿ ಮಾರ್ಗದರ್ಶನದಲ್ಲಿ ಜಿಲ್ಲೆಯ 6 ಪಿಐಗಳು, 15 ಪಿಎಸ್‌ಐಗಳು ಹಾಗೂ 50 ಸಿಬ್ಬಂದಿಗಳ ತಂಡ ರಚಿಸಿದ್ದರು. ಬಾಲಕಿಯ ಅತ್ಯಾಚಾರದ ಘಟನೆಯ ನಂತರ ಜಿಲ್ಲೆಯ ಹಲವು ಗ್ರಾಮಕ್ಕೆ ಭೇಟಿ ನೀಡಿ ಸಾಂತ್ವನ ಹೇಳುವುದರ ಜತೆಗೆ ಆರೋಪಿಗಳನ್ನು ಕೂಡಲೇ ಬಂಧಿಸಬೇಕು ಎಂದು ಆಗ್ರಹಿಸಿದ್ದವು. ಮಂಗಳವಾರ ಕೂಡಾ ಹಲವು ಸಂಘಟನೆಗಳು ಪ್ರತಿಭಟನೆ ಮುಂದುವರಿಸಿದ್ದವು. "ಸರ್ವೋಚ್ಚ ನ್ಯಾಯಾಲಯದ ನಿರ್ದೇಶನದಂತೆ ಲೈಂಗಿಕ ದೌರ್ಜನ್ಯಕ್ಕೆ ಒಳಗಾದ ವ್ಯಕ್ತಿಯ ಖಾಸಗಿತನವನ್ನು ಕಾಪಾಡಲು ಅವರ ಗುರುತನ್ನು ಇಲ್ಲಿ ಬಹಿರಂಗಪಡಿಸಿಲ್ಲ."
from India & World News in Kannada | VK Polls https://ift.tt/3x9iSju
