ಚಿಕ್ಕಮಗಳೂರು: ನಗರದ ಹೊರವಲಯದ ಇಂದಾವರದ ಜೆ.ಕೆ.ಹೋಮ್‌ ಸ್ಟೇನಲ್ಲಿ ಇಸ್ಪೀಟ್‌ ಆಡುತ್ತಿದ್ದ 9 ಜನರನ್ನು ಗ್ರಾಮಾಂತರ ಠಾಣೆ ಪೊಲೀಸರು ಬುಧವಾರ ರಾತ್ರಿ ಬಂಧಿಸಿದ್ದು, 20,570 ರೂ.ಗಳನ್ನು ವಶಪಡಿಸಿಕೊಂಡಿದ್ದಾರೆ. ನಗರದ ಐ.ಜಿ.ಬಡಾವಣೆಯ ಚೇತನ್‌, ನರಗನಹಳ್ಳಿಯ ಪ್ರಸನ್ನ, ವಿಜಯಪುರ ಮುಖ್ಯ ರಸ್ತೆಯ ಸಿ.ಜೆ.ಪುನೀತ್‌, ಐ.ಜಿ.ಬಡಾವಣೆಯ ದೀಪು, ನರಗನಹಳ್ಳಿಯ ದಿಲೀಪ್‌, ಸಂಜಯ್‌, ವಿಜಯಪುರದ ಕಿರಣ್‌, ಗುಡ್ಡದೂರಿನ ಪ್ರದೀಪ್‌, ನರಗನಹಳ್ಳಿಯ ಚಂದನ್‌ ಬಂಧಿತ ಆರೋಪಿಗಳು. ಇಆರ್‌ಎಸ್‌ಎಸ್‌ ವಾಹನದ ಮೂಲಕ ಜೂಜಾಡುತ್ತಿರುವ ಬಗ್ಗೆ ಖಚಿತ ಮಾಹಿತಿ ಪಡೆದ ಗ್ರಾಮಾಂತರ ಠಾಣೆ ಪೊಲೀಸರು, ಸರ್ಕಲ್‌ ಇನ್ಸ್‌ಪೆಕ್ಟರ್‌ ಜಿ.ಎಸ್‌.ಸ್ವರ್ಣ ನೇತೃತ್ವದಲ್ಲಿ ಎಎಸ್‌ಐ ಕರಿಗೌಡ, ನಾಗರಾಜ್‌, ಸಿಬ್ಬಂದಿ ಮಧುಸೂದನ್‌, ಶ್ರೀಧರ್‌, ವಿನಾಯಕ ದಾಳಿ ನಡೆಸಿದ್ದರು. ಆರೋಪಿಗಳಿಂದ 20,570 ರೂ, 52 ಇಸ್ಪೀಟ್‌ ಕಾರ್ಡ್‌ಗಳು, ಒಂದು ಜಮಖಾನ ವಶಪಡಿಸಿಕೊಂಡಿದ್ದು, ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.
from India & World News in Kannada | VK Polls https://ift.tt/2WBA9Wf
