ಹೊಸದಿಲ್ಲಿ: ಆಸ್ಟ್ರೇಲಿಯಾದ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ಈ ಬಾರಿ ರಾಯಲ್ ಚಾಲೆಂಜ್ ಬೆಂಗಳೂರು ಪರ ಐಪಿಎಲ್ ಪದಾರ್ಪಣೆ ಮಾಡುವ ಉತ್ಸಾಹದಲ್ಲಿದ್ದಾರೆ. ರಾಷ್ಟ್ರೀಯ ತಂಡಕ್ಕೆ ಆಯ್ಕೆಯಾಗಿದೇ ಇದ್ದರೂ ಅವರು, ಫ್ರಾಂಚೈಸಿ ಲೀಗ್ ಆಡುವ ಸಾಮರ್ಥ್ಯವಿರುದನ್ನು ಸಾಬೀತುಪಡಿಸಿದ್ದಾರೆ. ಕಳೆದ ವರ್ಷ ಡಿಸೆಂಬರ್ನಲ್ಲಿ ನಡೆದಿದ್ದ ಐಪಿಎಲ್ ಹರಾಜಿನಲ್ಲಿ ಜಾಶ್ ಫಿಲಿಪ್ ಬಗ್ಗೆ ಹೆಚ್ಚು ಗೊತ್ತಿಲ್ಲದೇ ಇದ್ದರೂ ನೇರವಾಗಿ ಯುವ ಪ್ರತಿಭೆಯನ್ನು ತಮ್ಮ ತಂಡಕ್ಕೆ ಸೇರಿಸಿಕೊಂಡಿತ್ತು. ಸ್ಟೀವನ್ ಸ್ಮಿತ್ ಅವರಂಥ ಆಟಗಾರರನ್ನು ಹೊರತು ಪಡಿಸಿದರೆ ಇದು ನಿಜಕ್ಕೂ ಅದೃಷ್ಠ ಎಂದ ಅವರು, ಬೆಂಗಳೂರು ಫ್ರಾಂಚೈಸಿ ನೇರವಾಗಿ ತಮ್ಮನ್ನು ಖರೀದಿ ಮಾಡಿರುವ ಬಗ್ಗೆ ಸ್ವಲ್ಪ ಶಾಕ್ ಆದರೂ ಈ ಬಗ್ಗೆ ನನಗೆ ನಂಬಲು ಸಾಧ್ಯವಾಗಿರಲೇ ಇಲ್ಲ ಎಂದರು. "ಬಿಗ್ ಬ್ಯಾಷ್ ಲೀಗ್ ಪಂದ್ಯದ ಬಳಿಕ ನಾವು ಆ ರಾತ್ರಿ ಆಲಿಸ್ ಸ್ಪ್ರಿಂಗ್ಸ್ಗೆ ಹಾರಿದ್ದೆವು. ಐಪಿಎಲ್ ಹರಾಜು ನಡೆಯುತ್ತಿದೆ ಎಂದು ನನಗೆ ತಿಳಿದಿತ್ತು, ಆದ್ದರಿಂದ ಅದನ್ನು ಬಹಳ ಹತ್ತಿರದಿಂದ ನೋಡುತ್ತಿದ್ದ ಹಾಗೂ ಬೆಳಿಗ್ಗೆ 12.30ರವರೆಗೂ ಹರಾಜು ಪ್ರಕ್ರಿಯೆಯನ್ನು ಅನುಸರಿಸುತ್ತಿದ್ದೆ ಅಂತಿಮವಾಗಿ ನನ್ನ ಹೆಸರು ಬಂದಿತು," ಎಂದು ಫಿಲಿಪ್ ತಿಳಿಸಿದರು. "ಆರ್ಸಿಬಿ ನನ್ನನ್ನು ಹರಾಜಿನಲ್ಲಿ ನೇರವಾಗಿ ಖರೀದಿಸಿತು. ಇದರಿಂದ ನನಗೆ ಸ್ವಲ್ಪ ಶಾಕ್ ಆಗಿತ್ತು ಹಾಗೂ ಇದನ್ನು ನನ್ನ ಕೈಯಲ್ಲಿ ನಂಬಲು ಸಾಧ್ಯವಾಗಿರಲಿಲ್ಲ. ಐಪಿಎಲ್ ಆಡುವ ಅವಕಾಶ ಸಿಗುತ್ತಿದೆ ಎಂದು ನನಗೆ ನಾನೇ ಅಂದುಕೊಂಡೆ ಆದರೆ ಯಾವುದಕ್ಕೂ ಕಲ್ಲು ಹಾಕಿದಂತೆ ಅಲ್ಲ, ಜನರು ಎಲ್ಲಾ ಸಮಯದಲ್ಲೂ ತಮ್ಮ ಮನಸನ್ನು ಬದಲಾಯಿಸಿಕೊಳ್ಳಬೇಕು," ಎಂದು ಹೇಳಿದರು. "ನೀವು ಎಲ್ಲರೂ ಬಯಸುವ ಸ್ಟೀವ್ ಸ್ಮಿತ್ರಂತೆ ಆಗದಿದ್ದರೂ ನಿಮ್ಮಲ್ಲಿ ಅದೃಷ್ಠ ಅನ್ನುವುದು ಇರಬೇಕು. ಮುಂಜಾನೆ ತಂಡದಲ್ಲಿ ಯಾರೆಲ್ಲಾ ತಂಡದಲ್ಲಿ ಇದ್ದಾರೆ ಎಂದು ತಿಳಿಯಲು ಪ್ರಾರಂಭಿಸುತ್ತಿದ್ದಂತೆ ನನಗೆ "ವಾವ್ಹ್" ಎಂದೆನಿಸಿತು," ಎಂದರು. "ಇದು ಅತಿ ವಾಸ್ತವಿಕವಾಗಿದೆ; ವಿಶ್ವದ ಶ್ರೇಷ್ಠ ಬ್ಯಾಟ್ಸ್ಮನ್ಗಳಾದ ಹಾಗೂ ಎಬಿ ಡಿವಿಲಿಯರ್ಸ್ ಹೇಗೆ ತರಬೇತಿ ನಡೆಸುತ್ತಾರೆ, ಹೇಗೆ ಆಡುತ್ತಾರೆ ಹಾಗೂ ಪಂದ್ಯದಲ್ಲಿ ಹೇಗೆ ಪ್ರದರ್ಶನ ತೋರುತ್ತಾರೆ ಎಂಬುದನ್ನು ನೋಡಲು ಅದ್ಭುತವಾಗಿರುತ್ತದೆ. ಈ ಇಬ್ಬರೂ ಆಟಗಾರರಿಂದ ಶಹಬಾಸ್ ಎನಿಸಿಕೊಳ್ಳುವ ಅವಕಾಶ ಅದ್ಭುತವಾಗಿರುತ್ತದೆ," ಎಂದು ಸೇರಿಸಿದರು. ಜಾಶ್ ಫಿಲಿಪ್ ಅವರು ಬಿಗ್ ಬ್ಯಾಷ್ ಲೀಗ್ನಲ್ಲಿ ಸಿಡ್ನಿ ಸಿಕ್ಸರ್ ಪರ ಗಮನಾರ್ಹ ಪ್ರದರ್ಶನ ತೋರಿದ್ದರು. 2019ರ ಬಿಬಿಎಲ್ ಆವೃತ್ತಿಯಲ್ಲಿ 130 ಸ್ಟ್ರೈಕ್ ರೇಟ್ನೊಂದಿಗೆ 487 ರನ್ಗಳನ್ನು ಚಚ್ಚಿದ್ದರು. ಅಲ್ಲದೆ ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಸ್ಫೋಟಕ ಬ್ಯಾಟಿಂಗ್ನಿಂದಾಗಿ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾಗಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2F1bAcA
