ಇದು 1962ರ ಭಾರತವಲ್ಲ: ಗ್ಲೋಬಲ್ ಟೈಮ್ಸ್‌ನ ಮಿಲಿಟರಿ ಪೆಟ್ಟಿನ ಧಮ್ಕಿ ತರವಲ್ಲ!

ಲಡಾಖ್ ಗಡಿ ತಂಟೆಗೆ ನೆಲದಾಹಿ ಚೀನಿ ಡ್ರ್ಯಾಗನ್ ಕಾರಣ ಎಂಬುದು ಇಡೀ ಜಗತ್ತಿಗೆ ಗೊತ್ತಿರುವ ಸಂಗತಿ. ಲಡಾಖ್ ಗಡಿಯಲ್ಲಿ ವಿನಾಕಾರಣ ಭಾರತವನ್ನು ಕೆಣಕಿರುವ ಚೀನಾ, ಎರಡು ಬಾರಿ ಪೆಟ್ಟು ತಿಂದಿದೆ. ಗಲ್ವಾನ್‌ನಲ್ಲಿ ಮೇಲೆರಗಿ ಬಂದ ಚೀನಿ ಸೈನಿಕರ ವಿರುದ್ಧ ನಮ್ಮ ವೀರ ಸೈನಿಕರು ಪ್ರಾಣದ ಹಂಗು ತೊರೆದು ಹೋರಾಡಿದ್ದಾರೆ. ಇತ್ತೀಚಿಗೆ ಪ್ಯಾಂಗಾಂಗ್ ತ್ಸೋದಲ್ಲೂ ಚೀನಿ ಸೈನಿಕರನ್ನು ಹೊರದಬ್ಬುವಲ್ಲಿ ಭಾರತೀಯ ಸೇನೆ ಯಶಸ್ವಿಯಾಗಿದೆ. ಭಾರತೀಯ ಸೇನೆಯ ಶಕ್ತಿ ಕಂಡು ಹೆದರಿರುವ ಚೀನಿ ಸೈನಿಕರು, ಲಡಾಖ್ ಗಡಿ ಖಾಲಿ ಮಾಡುವುದೊಂದೇ ಮಾರ್ಗ ಎಂದು ದಿನ ಎಣಿಸುತ್ತಿದ್ದಾರೆ. ಆದರೆ ಇದ್ಯಾವುದರ ಅರಿವಿಲ್ಲದ ಚೀನಾದ ಸರ್ಕಾರಿ ಮಾಧ್ಯಮ ಗ್ಲೋಬಲ್ ಟೈಮ್ಸ್ ಮಾತ್ರ, ಭಾರತಕ್ಕೆ 1962ರ ಯುದ್ಧಕ್ಕಿಂತಲೂ ಭೀಕರ ಮಿಲಿಟರಿ ಪೆಟ್ಟು ನೀಡಲು ನಾವು ಶಕ್ರರಾಗಿದ್ದೇವೆ ಎಂದು ಧಮ್ಕಿ ಹಾಕಿದೆ. ಗ್ಲೋಬಲ್ ಟೈಮ್ಸ್‌ನ ಈ ಧಮ್ಕಿ ಹಾಸ್ಯಾಸ್ಪದವಾಗಿ ಕಾಣುತ್ತಿದ್ದು, ಭಾರತದ ಸಾಮರಿಕ ಶಕ್ತಿಯ ಅರಿವು ಪತ್ರಿಕೆಗಿಲ್ಲ ಎಂದೇ ವಿಶ್ಲೇಷಿಸಲಾಗಿದೆ. ಹಾಗಾದರೆ ಚೀನಾದ ಸರ್ಕಾರಿ ಮಾಧ್ಯಮ ಗ್ಲೋಬಲ್ ಟೈಮ್ಸ್ ವರದಿಯತ್ತ ಗಮನಹರಿಸುವುದಾದರೆ...

ಪ್ಯಾಂಗಾಂಗ್ ತ್ಸೋದಲ್ಲಿ ಪೆಟ್ಟು ತಿಂದು ಓಡಿದವರು ಇದೀಗ ಭಾರತಕ್ಕೆ ಧಮ್ಕಿ ಹಾಕುತ್ತಾರೆ ಎಂದರೆ ಅದು ಹಾಸ್ಯಾಸ್ಪದವೇ ಸರಿ. ಹೌದು, ಭಾರತಕ್ಕೆ 1962ರ ಯುದ್ಧದಲ್ಲಿ ನೀಡಿದ್ದ ಪೆಟ್ಟಿಗಿಂತಲೂ ಹೆಚ್ಚಿನ ಮಿಲಿಟರಿ ಪೆಟ್ಟು ನೀಡಲಿ ನಾವು ಶಕ್ತರಾಗಿದ್ದೇವೆ ಎಂದು ಚೀನಾದ ಸರ್ಕಾರಿ ಮಾಧ್ಯಮ ಗ್ಲೋಬಲ್ ಟೈಮ್ಸ್ ಧಮ್ಕಿ ಹಾಕಿದೆ.

ಲಡಾಖ್ ಗಡಿ ತಂಟೆಗೆ ನೆಲದಾಹಿ ಚೀನಿ ಡ್ರ್ಯಾಗನ್ ಕಾರಣ ಎಂಬುದು ಇಡೀ ಜಗತ್ತಿಗೆ ಗೊತ್ತಿರುವ ಸಂಗತಿ. ಲಡಾಖ್ ಗಡಿಯಲ್ಲಿ ವಿನಾಕಾರಣ ಭಾರತವನ್ನು ಕೆಣಕಿರುವ ಚೀನಾ, ಎರಡು ಬಾರಿ ಪೆಟ್ಟು ತಿಂದಿದೆ. ಗಲ್ವಾನ್‌ನಲ್ಲಿ ಮೇಲೆರಗಿ ಬಂದ ಚೀನಿ ಸೈನಿಕರ ವಿರುದ್ಧ ನಮ್ಮ ವೀರ ಸೈನಿಕರು ಪ್ರಾಣದ ಹಂಗು ತೊರೆದು ಹೋರಾಡಿದ್ದಾರೆ. ಇತ್ತೀಚಿಗೆ ಪ್ಯಾಂಗಾಂಗ್ ತ್ಸೋದಲ್ಲೂ ಚೀನಿ ಸೈನಿಕರನ್ನು ಹೊರದಬ್ಬುವಲ್ಲಿ ಭಾರತೀಯ ಸೇನೆ ಯಶಸ್ವಿಯಾಗಿದೆ. ಭಾರತೀಯ ಸೇನೆಯ ಶಕ್ತಿ ಕಂಡು ಹೆದರಿರುವ ಚೀನಿ ಸೈನಿಕರು, ಲಡಾಖ್ ಗಡಿ ಖಾಲಿ ಮಾಡುವುದೊಂದೇ ಮಾರ್ಗ ಎಂದು ದಿನ ಎಣಿಸುತ್ತಿದ್ದಾರೆ. ಆದರೆ ಇದ್ಯಾವುದರ ಅರಿವಿಲ್ಲದ ಚೀನಾದ ಸರ್ಕಾರಿ ಮಾಧ್ಯಮ ಗ್ಲೋಬಲ್ ಟೈಮ್ಸ್ ಮಾತ್ರ, ಭಾರತಕ್ಕೆ 1962ರ ಯುದ್ಧಕ್ಕಿಂತಲೂ ಭೀಕರ ಮಿಲಿಟರಿ ಪೆಟ್ಟು ನೀಡಲು ನಾವು ಶಕ್ರರಾಗಿದ್ದೇವೆ ಎಂದು ಧಮ್ಕಿ ಹಾಕಿದೆ. ಗ್ಲೋಬಲ್ ಟೈಮ್ಸ್‌ನ ಈ ಧಮ್ಕಿ ಹಾಸ್ಯಾಸ್ಪದವಾಗಿ ಕಾಣುತ್ತಿದ್ದು, ಭಾರತದ ಸಾಮರಿಕ ಶಕ್ತಿಯ ಅರಿವು ಪತ್ರಿಕೆಗಿಲ್ಲ ಎಂದೇ ವಿಶ್ಲೇಷಿಸಲಾಗಿದೆ. ಹಾಗಾದರೆ ಚೀನಾದ ಸರ್ಕಾರಿ ಮಾಧ್ಯಮ ಗ್ಲೋಬಲ್ ಟೈಮ್ಸ್ ವರದಿಯತ್ತ ಗಮನಹರಿಸುವುದಾದರೆ...

ಗ್ಲೋಬಲ್ ಟೈಮ್ಸ್ ಧಮ್ಕಿ ಏನು?

ಲಡಾಖ್ ಗಡಿ ಘರ್ಷಣೆಗೆ ಸಂಬಂಧಿಸಿದಂತೆ ಲೇಖನ ಬರೆದಿರುವ ಚೀನಾ ಸರ್ಕಾರಿ ಮಾಧ್ಯಮ ಗ್ಲೋಬಲ್ ಟೈಮ್ಸ್, ಗಡಿಯಲ್ಲಿ ಚೀನಿ ಸೇನೆಯನ್ನು ಕೆಣಕುತ್ತಿರುವ ಭಾರತೀಯ ಸೇನೆ ಭಾರೀ ಪೆಟ್ಟು ತಿನ್ನಲಿದೆ ಎಂದು ಎಚ್ಚರಿಸಿದೆ. ಈ ಹಿಂದೆ ಚೀನಾ 1962ರಲ್ಲಿ ಭಾರತಕ್ಕೆ ಮಿಲಿಟರಿ ಪೆಟ್ಟು ನೀಡಿದ್ದು, ಗಡಿಯಲ್ಲಿ ಮತ್ತೆ ಕೆಣಕಿದರೆ ಅದಕ್ಕಿಂತ ಹೆಚ್ಚಿನ ಸಾಮರಿಕ ಪೆಟ್ಟು ನೀಡಲು ಚೀನಾ ಶಕ್ತವಾಗಿದೆ ಎಂದು ಗ್ಲೋಬಲ್ ಟೈಮ್ಸ್ ತನ್ನ ವರದಿಯಲ್ಲಿ ಉಲ್ಲೇಖಿಸಿದೆ.

ನಾವು ಯಾರೊಂದಿಗೂ ಗಡಿ ತಂಟೆಗೆ ಹೋಗಿಲ್ಲ: ಚೀನಿ ವಿದೇಶಾಂಗ ವಕ್ತಾರೆಯ ಹಾಸ್ಯಾಸ್ಪದ ಹೇಳಿಕೆ!

ಲಡಾಖ್ ಗಡಿ ಘರ್ಷಣೆಗೆ ಭಾರತವೇ ಕಾರಣ ಎಂದಿರುವ ಗ್ಲೋಬಲ್ ಟೈಮ್ಸ್, ಚೀನಾದ ಮಿಲಿಟರಿ ಶಕ್ತಿಯನ್ನು ಭಾರತ ಅರಿಯಬೇಕಿದೆ ಎಂದು ಪರೋಕ್ಷ ಎಚ್ಚರಿಕೆ ನೀಡಿದೆ.

ಅಮೆರಿಕದ ಬೆಂಬಲದ ಭ್ರಮೆ ಬೇಡ ಎಂದ ಗ್ಲೋಬಲ್ ಟೈಮ್ಸ್!

ಮುಂದುವರೆದು, ಚೀನಾದೊಂದಿಗಿನ ತಕರಾರಿನಲ್ಲಿ ಅಮೆರಿಕ ನಮ್ಮೊಂದಿಗೆ ನಿಲ್ಲುತ್ತದೆ ಎಂಬ ಭ್ರಮೆಯಲ್ಲಿ ಭಾರತವಿದೆ ಎಂದು ಹೇಳಿದೆ. ಭಾರತ-ಚೀನಾ ನಡುವಿನ ಸಮಸ್ಯೆಯಲ್ಲಿ ಅಮೆರಿಕ ಯಾವ ಪಾತ್ರವನ್ನೂ ನಿರ್ವಹಿಸುವುದಿಲ್ಲ. ಹಾಗಾಗಿ ಅಮೆರಿಕ ನಮಗೆ ಸಾಮರಿಕ ಸಹಯೋಗ ನೀಡುತ್ತದೆ ಎಂಬ ಭ್ರಮೆಯನ್ನು ಭಾರತ ಕಳಚಬೇಕು ಎಂದು ಗ್ಲೋಬಲ್ ಟೈಮ್ಸ್ ಉಲ್ಲೇಖಿಸಿದೆ.

ಭಾರತಕ್ಕೆ ಧಮ್ಕಿ ನೀಡುವ ದುಸ್ಸಾಹಸ ಮೆರೆದಿರುವ ಚೀನಾದ ಗ್ಲೋಬಲ್ ಟೈಮ್ಸ್, ಗಡಿ ಘರ್ಷಣೆಯಲ್ಲಿ ಅಮೆರಿಕವನ್ನೂ ಎಳೆದು ತಂದು ಭಾರತ-ಅಮರಿಕಕ್ಕೆ ಜಂಟಿ ಪಂಥಾಹ್ವಾನ ನೀಡಿದೆ. ಇದು ಚೀನಿ ಸರ್ಕಾರದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವ ಸಾಧ್ಯತೆಯೇ ಹೆಚ್ಚಿದೆ.

ಗಡಿಯಿಂದ ಭಾರತ ತನ್ನ ಸೈನ್ಯ ಹಿಂಪಡೆಯಬೇಕು: ಚೀನಾದಿಂದ ಉದ್ಧಟತನದ ಹೇಳಿಕೆ!

ಕಾರಣ ಲಡಾಖ್ ಗಡಿ ಘರ್ಷಣೆಯಿಂದಾಗಿ ಈಗಾಗಲೇ ಚೀನಾ ಜಾಗತಿಕವಾಗಿ ತಪ್ಪಿತಸ್ಥನ ಸ್ಥಾನದಲ್ಲಿದೆ. ಭಾರತದ ಸಫಲ ರಾಜತಾಂತ್ರಿಕ ನಡೆಗಳಿಂದಾಗಿ ಅಮೆರಿಕವೂ ಸೇರಿದಂತೆ ಜಗತ್ತಿನ ಬಹುತೇಕ ಶಕ್ತಿಶಾಲಿ ರಾಷ್ಟ್ರಗಳ ಬೆಂಬಲ ಭಾರತಕ್ಕೆ ಸಿಕ್ಕಿದೆ. ಇದೀಗ ಗ್ಲೋಬಲ್ ಟೈಮ್ಸ್‌ನ ಆವೇಶಭರಿತ ಲೇಖನ ಚೀನಾದ ಆಕ್ರಮಣಕಾರಿ ನೀತಿಯನ್ನೇ ಪ್ರತಿಬಿಂಬಿಸುವಂತಿದೆ.

ಇದು 1962ರ ಭಾರತವಲ್ಲ ಎಂಬುದು ಅರಿಯದಾದ ಗ್ಲೋಬಲ್ ಟೈಮ್ಸ್!

ನಾವು ಭಾರತಕ್ಕೆ 1962ರ ಯುದ್ಧದಲ್ಲಿ ನೀಡಿದ್ದ ಮಿಲಿಟರಿ ಪೆಟ್ಟಿಗಿಂತಲೂ ಹೆಚ್ಚಿನ ಪೆಟ್ಟನ್ನು ನೀಡಲು ಶಕ್ತರಾಗಿದ್ದೇವೆ ಎಂದು ಗ್ಲೋಬಲ್ ಟೈಮ್ಸ್ ವರದಿ ಮಾಡಿದೆ. ಆದರೆ ಈ ಭರದಲ್ಲಿ ಗ್ಲೋಬಲ್ ಟೈಮ್ಸ್ ವರ್ತಮಾನದ ಭಾರತ 1962ರ ಭಾರತವಲ್ಲ ಎಂಬುದನ್ನು ಮರೆತಂತಿದೆ.

ಖಂಡಿತವಾಗಿಯೂ ಚೀನಾದ ಸಾಮರಿಕ ಶಕ್ತಿ ಭಾರತಕ್ಕಿಂತ ಅಧಿಕ. ಆದರೆ ಆಧುನಿಕ ಭಾರತ ಕೂಡ ತನ್ನ ಮಿಲಿಟರಿ ಬಲ ವೃದ್ಧಿಸುವಲ್ಲಿ ಹಿಂದೆ ಬಿದ್ದಿಲ್ಲ. ಭಾರತದ ರಕ್ಷಣಾ ಸಾಮರ್ಥ್ಯ ಇದೀಗ ಈ ಹಿಂದೆಂದಿಗಿಂತಲೂ ಅಧಿಕವಾಗಿದ್ದು, ಸಫಲ ವಿದೇಶಾಂಗ ನೀತಿಯ ಫಲವಾಗಿ ಪ್ರಬಲ ರಾಷ್ಟ್ರಗಳೊಂದಿಗೆ ಮಿಲಿಟರಿ ಒಪ್ಪಂದ ಮಾಡಿಕೊಳ್ಳುವಲ್ಲಿ ಭಾರತ ಸಫಲವಾಗಿದೆ.

ಚೀನಿಯರ ಗಲ್ವಾನ್ ಪಾರ್ಟ್-2 ಸಂಚು ವಿಫಲಗೊಂಡಿದ್ದು ಹೀಗೆ: ಸೇನೆಯ ಹೇಳಿಕೆ ಏನು?

ಆಧುನಿಕ ಯುದ್ಧ ಸಲಕರಣೆಗಳ ಖರೀದಿಯಲ್ಲಿ ಭಾರತ ಹಿಂದೆ ಬಿದ್ದಿಲ್ಲ. ಅಮರಿಕ, ರಷ್ಯಾ ಸೇರಿದಂತೆ ವಿಶ್ವದ ಪ್ರಬಲ ರಾಷ್ಟ್ರಗಳೊಂದಿಗೆ ಮಾಡಿಕೊಂಡ ರಕ್ಷಣಾ ಒಪ್ಪಂದಗಳು ಭಾರತದ ಸೈನ್ಯ ಸಾಮರ್ಥ್ಯವನ್ನು ಮತ್ತಷ್ಟು ಹೆಚ್ಚಿಸಿದೆ. ಆಧುನಿಕ ಯುದ್ಧ ವಿಮಾನಗಳು, ಟ್ಯಾಂಕರ್‌ಗಳು, ಪರಮಾಣು ಸಜ್ಜಿತ ಯುದ್ಧ ನೌಕೆಗಳು, ವಿನಾಶಕಾರಿ ಕ್ಷಿಪಣಿಗಳು ಹೀಗೆ ಭಾರತದ ಸಾಮರಿಕ ತಾಕತ್ತಿನ ಪಟ್ಟಿ ಬಹಳ ಉದ್ದವಿದೆ. ಇದನ್ನು ಗ್ಲೋಬಲ್ ಟೈಮ್ಸ್ ಮರೆಯಬಾರದು.

ಕ್ಸಿ ಜಿನ್‌ಪಿಂಗ್ ಸರ್ಕಾರಕ್ಕೆ ಮುಳುವಾಗಲಿದೆ ಗ್ಲೋಬಲ್ ಟೈಮ್ಸ್ ಧಮ್ಕಿ?

ಹೌದು, ಲಡಾಖ್ ಗಡಿ ಘರ್ಷಣೆಗೆ ಸಂಬಂಧಿಸಿದಂತೆ ಆವೇಶಕಾರಿ ಲೇಖನ ಬರೆದಿರುವ ಗ್ಲೋಬಲ್ ಟೈಮ್ಸ್, ಭಾರತಕ್ಕೆ ಎಚ್ಚರಿಕೆಯ ನೀಡುವ ಭರದಲ್ಲಿ ಅಮೆರಿಕವನ್ನೂ ಮಧ್ಯೆ ಎಳೆದು ತಂದಿದೆ. ಅಮೆರಿಕದ ಬೆಂಬಲ ದೊರೆಯಲಿದೆ ಎಂಬ ಭ್ರಮೆಯಲ್ಲಿ ಭಾರತ ಇರಬಾರದು ಎಂದು ಗ್ಲೋಬಲ್ ಟೈಮ್ಸ್ ತನ್ನ ಲೇಖನದಲ್ಲಿ ಉಲ್ಲೇಖಿಸಿದೆ.

ಆದರೆ ಲಡಾಖ್ ಗಡಿ ಸಮಸ್ಯೆ ಕುರಿತಂತೆ ತಾನು ಭಾರತದ ಪರ ಗಟ್ಟಿಯಾಗಿ ನಿಲ್ಲುವುದಾಗಿ ಈಗಾಗಲೇ ಅಮೆರಿಕ ಘೋಷಿಸಿದೆ. ಅಲ್ಲದೇ ಲಡಾಖ್ ಗಡಿಯಲ್ಲಿ ಚೀನಿ ದುಸ್ಸಾಹಸವನ್ನು ಹಲವು ಬಾರಿ ಅಮೆರಿಕ ಬಹಿರಂಗವಾಗಿ ಖಂಡಿಸಿದೆ.

ಭಾರತಕ್ಕೆ ಬೆಂಬಲ: ಚೀನಿ ಆಕ್ರಮಣ ವಿರುದ್ಧ ಅಮೆರಿಕ ಸಂಸತ್ತಿನಲ್ಲಿ ನಿರ್ಣಯ ಅಂಗೀಕಾರ!

ಹೀಗಾಗಿ ತನ್ನದೇ ಮಾಧ್ಯಮದ ವರದಿ ಕ್ಸಿ ಜಿನ್‌ಪಿಂಗ್ ಸರ್ಕಾರಕ್ಕೆ ಕಿರಿಕಿರಿಯುಂಟು ಮಾಡಿದರೂ ಅಚ್ಚರಿಯಿಲ್ಲ ಎನ್ನುತ್ತಾರೆ ತಜ್ಞರು.

from India & World News in Kannada | VK Polls https://vijaykarnataka.com/news/world/china-is-able-to-make-india-suffer-more-military-losses-than-1962-warns-global-times/articleshow/77889728.cms