ಹೊಸದಿಲ್ಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಹದಿಮೂರನೇ ಆವೃತ್ತಿಯ ಆರಂಬಕ್ಕೆ ಇನ್ನು ಎರಡು ವಾರಗಳಷ್ಟೇ ಬಾಕಿ ಉಳಿದಿದೆ. ಈ ಸಂದರ್ಭದಲ್ಲಿ ಐಪಿಎಲ್ 2020 ಟೂರ್ನಿಯಲ್ಲಿ ಮಿಂಚಬಲ್ಲ 5 ಅಪ್ರತಿಮ ವಿದೇಶಿ ಬ್ಯಾಟ್ಸ್ಮನ್ಗಳನ್ನು ಭಾರತ ಟೆಸ್ಟ್ ತಂಡದ ಮಾಜಿ ಓಪನರ್ ಹಾಗೂ ಜನಪ್ರಿಯ ಕ್ರಿಕೆಟ್ ಕಾಮೆಂಟೇಟರ್ ಆಕಾಶ್ ಚೋಪ್ರಾ ಆಯ್ಕೆ ಮಾಡಿದ್ದಾರೆ.ನಿಗದಿಯಂತೆ ಮಾರ್ಚ್ 29ರಿಂದ ಮೇ 24ರವರೆಗೆ ನಡೆಯಬೇಕಿದ್ದ ಟೂರ್ನಿಯನ್ನು ಕೊರೊನಾ ವೈರಸ್ ಭೀತಿ ಹಿನ್ನೆಲೆಯಲ್ಲಿ ರದ್ದು ಪಡಿಸಿದ್ದ ಬಿಸಿಸಿಐ, ಇದೀಗ ಐಸಿಸಿ ತನ್ನ ಟಿ20 ಕ್ರಿಕೆಟ್ ವಿಶ್ವಕಪ್ ಟೂರ್ನಿಯನ್ನು ಮುಂದೂಡಲ್ಪಟ್ಟ ಬೆನ್ನಲ್ಲೇ ಆ ಅವಧಿಯಲ್ಲಿ ಅಂದರೆ ಸೆಪ್ಟೆಂಬರ್ 19ರಿಂದ ನವೆಂಬರ್ 10ರವರೆಗೆ ಯುಎಇ ಅಂಗಣದಲ್ಲಿ ವಿಶ್ವದ ಅತ್ಯಂತ ಶ್ರೀಮಂತ ಕ್ರಿಕೆಟ್ ಲೀಗ್ ಆಯೋಜಿಸಲು ಮುಂದಾಗಿದೆ.ಕೊರೊನಾ ವೈರಸ್ ಭೀತಿ ಕಾರಣ ಭಾರತೀಯ ಕ್ರಿಕೆಟ್ ಕಳೆದ ಆರೇಳು ತಿಂಗಳಿಂದ ಜಡವಾಗಿದ್ದು, ಈಗ ಐಪಿಎಲ್ ಟೂರ್ನಿ ಮೂಲಕ ದೇಶದಲ್ಲಿ ಕ್ರಿಕೆಟ್ ಕಿಚ್ಚು ಮರಳಿ ಹೊತ್ತಿಕೊಳ್ಳಲಿದೆ. ಟೀಮ್ ಇಂಡಿಯಾ ಸ್ಟಾರ್ಗಳ ಆಟ ಕಾಣದೆ ಬೇಸತ್ತಿರುವ ಕ್ರಿಕೆಟ್ ಅಭಿಮಾನಿಗಳು ಐಪಿಎಲ್ನಲ್ಲಿ ಭರಪೂರ ಮನೋರಂಜನೆಯನ್ನು ಎದುರು ನೋಡುತ್ತಿದ್ದಾರೆ.ಐಪಿಎಲ್ನಲ್ಲಿ ಕನಿಷ್ಠ 4-5 ವರ್ಷ ಆಡಲಿದ್ದೇನೆ ಎಂದ ಸುರೇಶ್ ರೈನಾ!ಅಂದಹಾಗೆ ಭಾರತದಲ್ಲಿ ಕೋವಿಡ್-19 ಪ್ರಕರಣಗಳು ಕಡಿಮೆಯಾಗದ ಪರಿಣಾಮ ಅನಿವಾರ್ಯವಾಗಿ ಯುಎಇನಲ್ಲಿ ಟೂರ್ನಿ ಆಯೋಜನೆಗೆ ಬಿಸಿಸಿಐ ಮುಂದಾಗಿದ್ದು, ದುಬೈ, ಶಾರ್ಜಾ ಮತ್ತು ಅಬುದಾಭಿ ಕ್ರೀಡಾಂಗಣಗಳಲ್ಲಿನ ಬಯೋ ಸೆಕ್ಯೂರ್ (ಜೈವಿಕ ಸುರಕ್ಷತೆ) ವಾವಾವರಣದ ಅಡಿಯಲ್ಲಿ ಸಂಪೂರ್ಣ 60 ಪಂದ್ಯಗಳನ್ನು ನಡೆಸಲಿದೆ. ಈ ಮಧ್ಯೆ ಐಪಿಎಲ್ ಟೂರ್ನಿ ಬಗ್ಗೆ ಸಾಕಷ್ಟು ಒಳನೋಟಗಳನ್ನು ನೀಡಿರುವ ಆಕಾಶ್ ಚೋಪ್ರಾ ಈಗ ತಮ್ಮ ಆಯ್ಕೆ ಐವರು ಟಾಪ್ ಕ್ಲಾಸ್ ವಿದೇಶಿ ಬ್ಯಾಟ್ಸ್ಮನ್ಗಳನ್ನು ಆಯ್ಕೆ ಮಾಡಿದ್ದಾರೆ.ಹದಿಮೂರನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಕಿಚ್ಚು ಹಚ್ಚಬಲ್ಲ ಐವರು ಅಪ್ರತಿಮ ವಿದೇಶಿ ಬ್ಯಾಟ್ಸ್ಮನ್ಗಳು ಯಾರೆಂದು ಕ್ರಿಕೆಟ್ ಕಾಮೆಂಟೇಟರ್ ಆಕಾಶ್ ಚೋಪ್ರಾ ವಿವರಿಸಿದ್ದಾರೆ.
ಹೊಸದಿಲ್ಲಿ:
ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಹದಿಮೂರನೇ ಆವೃತ್ತಿಯ ಆರಂಬಕ್ಕೆ ಇನ್ನು ಎರಡು ವಾರಗಳಷ್ಟೇ ಬಾಕಿ ಉಳಿದಿದೆ. ಈ ಸಂದರ್ಭದಲ್ಲಿ ಐಪಿಎಲ್ 2020 ಟೂರ್ನಿಯಲ್ಲಿ ಮಿಂಚಬಲ್ಲ 5 ಅಪ್ರತಿಮ ವಿದೇಶಿ ಬ್ಯಾಟ್ಸ್ಮನ್ಗಳನ್ನು ಭಾರತ ಟೆಸ್ಟ್ ತಂಡದ ಮಾಜಿ ಓಪನರ್ ಹಾಗೂ ಜನಪ್ರಿಯ ಕ್ರಿಕೆಟ್ ಕಾಮೆಂಟೇಟರ್ ಆಕಾಶ್ ಚೋಪ್ರಾ ಆಯ್ಕೆ ಮಾಡಿದ್ದಾರೆ.
ನಿಗದಿಯಂತೆ ಮಾರ್ಚ್ 29ರಿಂದ ಮೇ 24ರವರೆಗೆ ನಡೆಯಬೇಕಿದ್ದ ಟೂರ್ನಿಯನ್ನು ಕೊರೊನಾ ವೈರಸ್ ಭೀತಿ ಹಿನ್ನೆಲೆಯಲ್ಲಿ ರದ್ದು ಪಡಿಸಿದ್ದ ಬಿಸಿಸಿಐ, ಇದೀಗ ಐಸಿಸಿ ತನ್ನ ಟಿ20 ಕ್ರಿಕೆಟ್ ವಿಶ್ವಕಪ್ ಟೂರ್ನಿಯನ್ನು ಮುಂದೂಡಲ್ಪಟ್ಟ ಬೆನ್ನಲ್ಲೇ ಆ ಅವಧಿಯಲ್ಲಿ ಅಂದರೆ ಸೆಪ್ಟೆಂಬರ್ 19ರಿಂದ ನವೆಂಬರ್ 10ರವರೆಗೆ ಯುಎಇ ಅಂಗಣದಲ್ಲಿ ವಿಶ್ವದ ಅತ್ಯಂತ ಶ್ರೀಮಂತ ಕ್ರಿಕೆಟ್ ಲೀಗ್ ಆಯೋಜಿಸಲು ಮುಂದಾಗಿದೆ.
ಕೊರೊನಾ ವೈರಸ್ ಭೀತಿ ಕಾರಣ ಭಾರತೀಯ ಕ್ರಿಕೆಟ್ ಕಳೆದ ಆರೇಳು ತಿಂಗಳಿಂದ ಜಡವಾಗಿದ್ದು, ಈಗ ಐಪಿಎಲ್ ಟೂರ್ನಿ ಮೂಲಕ ದೇಶದಲ್ಲಿ ಕ್ರಿಕೆಟ್ ಕಿಚ್ಚು ಮರಳಿ ಹೊತ್ತಿಕೊಳ್ಳಲಿದೆ. ಟೀಮ್ ಇಂಡಿಯಾ ಸ್ಟಾರ್ಗಳ ಆಟ ಕಾಣದೆ ಬೇಸತ್ತಿರುವ ಕ್ರಿಕೆಟ್ ಅಭಿಮಾನಿಗಳು ಐಪಿಎಲ್ನಲ್ಲಿ ಭರಪೂರ ಮನೋರಂಜನೆಯನ್ನು ಎದುರು ನೋಡುತ್ತಿದ್ದಾರೆ.
ಐಪಿಎಲ್ನಲ್ಲಿ ಕನಿಷ್ಠ 4-5 ವರ್ಷ ಆಡಲಿದ್ದೇನೆ ಎಂದ ಸುರೇಶ್ ರೈನಾ!
ಅಂದಹಾಗೆ ಭಾರತದಲ್ಲಿ ಕೋವಿಡ್-19 ಪ್ರಕರಣಗಳು ಕಡಿಮೆಯಾಗದ ಪರಿಣಾಮ ಅನಿವಾರ್ಯವಾಗಿ ಯುಎಇನಲ್ಲಿ ಟೂರ್ನಿ ಆಯೋಜನೆಗೆ ಬಿಸಿಸಿಐ ಮುಂದಾಗಿದ್ದು, ದುಬೈ, ಶಾರ್ಜಾ ಮತ್ತು ಅಬುದಾಭಿ ಕ್ರೀಡಾಂಗಣಗಳಲ್ಲಿನ ಬಯೋ ಸೆಕ್ಯೂರ್ (ಜೈವಿಕ ಸುರಕ್ಷತೆ) ವಾವಾವರಣದ ಅಡಿಯಲ್ಲಿ ಸಂಪೂರ್ಣ 60 ಪಂದ್ಯಗಳನ್ನು ನಡೆಸಲಿದೆ. ಈ ಮಧ್ಯೆ ಐಪಿಎಲ್ ಟೂರ್ನಿ ಬಗ್ಗೆ ಸಾಕಷ್ಟು ಒಳನೋಟಗಳನ್ನು ನೀಡಿರುವ ಆಕಾಶ್ ಚೋಪ್ರಾ ಈಗ ತಮ್ಮ ಆಯ್ಕೆ ಐವರು ಟಾಪ್ ಕ್ಲಾಸ್ ವಿದೇಶಿ ಬ್ಯಾಟ್ಸ್ಮನ್ಗಳನ್ನು ಆಯ್ಕೆ ಮಾಡಿದ್ದಾರೆ.
1. ಫಾಫ್ ಡು'ಪ್ಲೆಸಿಸ್ (ಚೆನ್ನೈ ಸೂಪರ್ ಕಿಂಗ್ಸ್)
ದಕ್ಷಿಣ ಆಫ್ರಿಕಾ ತಂಡದ ಮಾಜಿ ನಾಯಕ ಫಾಫ್ ಡು'ಪ್ಲೆಸಿಸ್ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಪರ ಕಣಕ್ಕಿಳಿಯಲಿದ್ದು, ಫಾಫ್ ಈ ವರ್ಷ ಮಿಂಚಬಲ್ಲ ವಿದೇಶಿ ಬ್ಯಾಟ್ಸ್ಮನ್ಗಳ ಪೈಕಿ ತಮ್ಮ ಮೊದಲ ಆಯ್ಕೆ ಎಂದು ಆಕಾಶ್ ಯೂಟ್ಯೂಬ್ ಕಾರ್ಯಕ್ರಮದಲ್ಲಿ ಹೇಳಿಕೊಂಡಿದ್ದಾರೆ. ಡು'ಪ್ಲೆಸಿಸ್ ಸಿಎಸ್ಕೆ ತಂಡದಲ್ಲಿ ಇರುವ ಅತ್ಯಂತ ಅನುಭವಿ ಬ್ಯಾಟ್ಸ್ಮನ್ ಆಗಿದ್ದು, ಸುರೇಶ್ ರೈನಾ ಅಲಭ್ಯತೆ ನಡುವೆ ತಂಡಕ್ಕೆ ಆಸರೆಯಾಗುವ ಸಾಮರ್ಥ್ಯ ಹೊಂದಿದ್ದಾರೆ ಎಂದು ಹೇಳಿದ್ದಾರೆ.
"ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಬಗ್ಗೆ ಮೊದಲು ಮಾತನಾಡೋಣ. ರೈನಾ ಈ ಬಾರಿ ಆಡುತ್ತಿಲ್ಲ. ಅವರ ಅನುಪಸ್ಥಿತಿಯಲ್ಲಿ ತಂಡಕ್ಕೆ ಫಾಫ್ ಡು'ಪ್ಲೆಸಿಸ್ ಆಸರೆಯಾಗಬಲ್ಲರು. ದಕ್ಷಿಣ ಆಫ್ರಿಕಾ ಪರ ದೀರ್ಘಕಾಲದ ವರೆಗೆ ಆಡಿರುವ ಅವರಲ್ಲಿ ಅಪಾರ ಅನುಭವವಿದೆ. ಜೊತೆಗೆ ಸ್ಪಿನ್ ಬೌಲಿಂಗ್ ಎದುರು ಭರ್ಜರಿಯಾಗಿ ಬ್ಯಾಟಿಂಗ್ ಮಾಡುತ್ತಾರೆ. ಅವರ ಫಿಟ್ನೆಸ್ ಕೂಡ ಅತ್ಯುತ್ತಮವಾಗಿದ್ದು, ಸ್ವೀಪ್ ಶಾಟ್ ಜೊತೆಗೆ ವಿಕೆಟ್ ನೇರವಾಗಿ ಚೆಂಡನ್ನು ಬೌಂಡರಿಗೆ ಬಡಿದಟ್ಟುವ ಸಾಮರ್ಥ್ಯ ಹೊಂದಿದ್ದಾರೆ," ಎಂದು ಆಕಾಶ್ ವಿವರಿಸಿದ್ದಾರೆ.
ಐಪಿಎಲ್ 2020 ಸಮಗ್ರ ಸುದ್ದಿಗಳನ್ನು ಇಲ್ಲಿ ಪಡೆಯಿರಿ
2. ಗ್ಲೆನ್ ಮ್ಯಾಕ್ಸ್ವೆಲ್ (ಕಿಂಗ್ಸ್ ಇಲೆವೆನ್ ಪಂಜಾಬ್)
ಆಸ್ಟ್ರೇಲಿಯಾ ತಂಡದ ಸ್ಟಾರ್ ಆಲ್ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್ ಕೂಡ ಈ ಬಾರಿ ಐಪಿಎಲ್ನಲ್ಲಿ ಅಬ್ಬರಿಸಬಲ್ಲರು ಎಂದು ಆಕಾಶ್ ಭವಿಷ್ಯ ನುಡಿದಿದ್ದಾರೆ. ಸ್ಫೋಟಕ ಬ್ಯಾಟಿಂಗ್ಗೆ ಹೆಸರುವಾಸಿಯಾದ ಗ್ಲೆನ್, ಟಿ20 ಕ್ರಿಕೆಟ್ಗೆ ಹೇಳಿ ಮಾಡಿಸಿದ ಬ್ಯಾಟ್ಸ್ಮನ್. ಜೊತೆಗೆ ಈ ಹಿಂದೆ ಯುಎಇನಲ್ಲಿ ಐಪಿಎಲ್ ನಡೆದಾಗಲೂ ಮ್ಯಾಕ್ಸ್ವೆಲ್ ಅವರಿಂದ ಸ್ಫೋಟಕ ಪ್ರದರ್ಶನ ಹೊರಬಂದಿತ್ತು. ಈ ಬಾರಿಯೂ ಅದನ್ನೇ ನಿರೀಕ್ಷಿಸಬಹುದು ಎಂದು ಆಕಾಶ್ ಹೇಳಿದ್ದಾರೆ. ಕಳೆದ ಡಿಸೆಂಬರ್ನಲ್ಲಿ ನಡೆದ ಆಟಗಾರರ ಹರಾಜಿನಲ್ಲಿ ಮ್ಯಾಕ್ಸ್ವೆಲ್ ಅವರನ್ನು ಕಿಂಗ್ಸ್ ಇಲೆವೆನ್ ತಂಡ 10.75 ಕೋಟಿ ರೂ. ನೀಡಿ ಖರೀದಿ ಮಾಡಿದೆ.
"ನನ್ನ ಆಯ್ಕೆಯ ಎರಡನೇ ಬ್ಯಾಟ್ಸ್ಮನ್ ಗ್ಲೆನ್ ಮ್ಯಾಕ್ಸ್ವೆಲ್. ಈ ವರ್ಷ ಐಪಿಎಲ್ ಟೂರ್ನಿ ಮ್ಯಾಕ್ಸ್ವೆಲ್ ಅವರದ್ದು ಎಂಬುದು ನನ್ನ ನಿರೀಕ್ಷೆ. ಕಳೆದ 12-18 ತಿಂಗಳಲ್ಲಿ ಮ್ಯಾಕ್ಸ್ವೆಲ್ ಅವರ ಬ್ಯಾಟಿಂಗ್ ಗಮನಿಸಿ ಅವರು ಅದ್ಭುತ ಲಯದಲ್ಲಿದ್ದಾರೆ. ಜೊತೆಗೆ ಜವಾಬ್ದಾರಿಯುತವಾಗಿ ಆಡುವುದನ್ನೂ ಅಭ್ಯಾಸ ಮಾಡಿಕೊಂಡಿದ್ದಾರೆ. ತಂಡ ತಮಗೆ ನೀಡಿರುವ ದೊಡ್ಡ ಮೊತ್ತಕ್ಕೆ ಅವರು ಖಂಡಿತಾ ಬೆಲೆ ತಂದುಕೊಡಲಿದ್ದಾರೆ. ಜೊತೆಗೆ ಯುಎಇನಲ್ಲಿ ಅವರ ದಾಖಲೆಗಳು ಉತ್ತಮವಾಗಿದೆ," ಎಂದಿದ್ದಾರೆ.
ಮನೆಯಲ್ಲಿದ್ದು ಅಳುವುದಕ್ಕಿಂತಲೂ ಇದೇ ವಾಸಿ ಎಂದ ಮಯಾಂಕ್ ಅಗರ್ವಾಲ್!
3. ಸ್ಟೀವ್ ಸ್ಮಿತ್ (ರಾಜಸ್ಥಾನ್ ರಾಯಲ್ಸ್)
ಆಕಾಶ್ ತಮ್ಮ ಆಯ್ಕೆ ಮೂರನೇ ವಿದೇಶಿ ಬ್ಯಾಟ್ಸ್ಮನ್ ಆಗಿ ಆಸ್ಟ್ರೇಲಿಯಾ ತಂಡದ ಮಾಜಿ ನಾಯಕ ಸ್ಟೀವ್ ಸ್ಮಿತ್ ಅವರನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. 31 ವರ್ಷದ ಬಲಗೈ ಬ್ಯಾಟ್ಸ್ಮನ್ ಈ ವರ್ಷ ರಾಜಸ್ಥಾನ್ ರಾಯಲ್ಸ್ ತಂಡದ ಕ್ಯಾಪ್ಟನ್ ಆಗಿಯೂ ಕಾಣಿಸಿಕೊಳ್ಳಲಿದ್ದಾರೆ. ಸ್ಪಿನ್ ಬೌಲಿಂಗ್ ಎದುರು ಅದ್ಭುತವಾಗಿ ಬ್ಯಾಟ್ ಮಾಡುವ ಸಾಮರ್ಥ್ಯ ಹೊಂದಿರುವ ಸ್ಮಿತ್, ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಿದ ಅಪಾರ ಅನುಭವವನ್ನು ಹೊಂದಿದ್ದಾರೆ.
"ಈ ವರ್ಷ ಸ್ಟೀವ್ ಸ್ಮಿತ್ ಕೂಡ ಆಡಲಿದ್ದಾರೆ. ಅವರು ಸ್ಪಿನ್ ಬೌಲಿಂಗ್ ಎದುರು ಅದ್ಭುತ ಆಟಗಾರ. ಅಜಿಂಕ್ಯ ರಹಾನೆ ಈಗ ತಂಡದಲ್ಲಿಲ್ಲ. ಇನ್ನು ಜೋಸ್ ಬಟ್ಲರ್ ಮತ್ತು ಬೆನ್ ಸ್ಟೋಕ್ಸ್ ಸ್ಪಿನ್ನರ್ಗಳ ಎದುರು ಅಷ್ಟೇನು ಉತ್ತಮವಾಗಿ ಆಡುವವರಲ್ಲ. ಆದರೆ, ಸ್ಮಿತ್ ಅವರಲ್ಲಿ ಆ ಸಾಮರ್ಥ್ಯವಿದೆ. ಸ್ಮಿತ್ ಯಶಸ್ಸು ಗಳಿಸಿದರೆ ರಾಯಲ್ಸ್ ಮಿಂಚುವುದು ಖಚಿತ. ಎಲ್ಲಕ್ಕಿಂತಲೂ ಮಿಗಿಲಾಗಿ ಅವರ ಅನುಭವ ಮತ್ತು ವಿಶ್ವಾಸ ಇಲ್ಲಿ ಮುಖ್ಯವಾಗುತ್ತದೆ. ದೊಡ್ಡ ವೇದಿಕೆಗಳಲ್ಲಿ ಮಿಂಚುವುದೆಂದರೆ ಅವರಿಗೆ ಬಲು ಪ್ರೀತಿ," ಎಂದು ಹೇಳಿದ್ದಾರೆ.
'ವಿಕ ವೆಬ್' ಐಪಿಎಲ್ ರಸಪ್ರಶ್ನೆ ಸ್ಪರ್ಧೆ: 50 ಸಾವಿರ ಗೆಲ್ಲೋ ಅವಕಾಶ ನಿಮ್ಮದು
4. ಐಯಾನ್ ಮಾರ್ಗನ್ (ಕೋಲ್ಕತಾ ನೈಟ್ ರೈಡರ್ಸ್)
ಕಳೆದ ಮೂರ್ನಾಲ್ಕು ವರ್ಷಗಳಲ್ಲಿ ಸೀಮಿತ ಓವರ್ಗಳ ಕ್ರಿಕೆಟ್ ಕಂಡ ಅತ್ಯಂತ ಸ್ಫೋಟಕ ಬ್ಯಾಟ್ಸ್ಮನ್ಗಳಲ್ಲಿ ಇಂಗ್ಲೆಂಡ್ ತಂಡದ ಕ್ಯಾಪ್ಟನ್ ಐಯಾನ್ ಮಾರ್ಗನ್ ಕೂಡ ಒಬ್ಬರು. ಇತ್ತೀಚೆಗೆ ಪಾಕಿಸ್ತಾನ ವಿರುದ್ಧ ಟಿ20 ಪಂದ್ಯದಲ್ಲಿ 36 ಎಸೆತಗಳಲ್ಲಿ 66 ರನ್ ಚಚ್ಚಿರುವುದು ಅವರ ಸ್ಫೋಟಕ ಬ್ಯಾಟಿಂಗ್ ಮತ್ತು ಅವರ ಅದ್ಭುತ ಲಯಕ್ಕೆ ಹಿಡಿದ ಕೈಗನ್ನಡಿ ಆಗಿದೆ.
ಮಾರ್ಗನ್ ತಮ್ಮ ಸಿಕ್ಸರ್ ಬಾರಿಸುವ ಸಾಮರ್ಥ್ಯದೊಂದಿಗೆ ತಂಡಕ್ಕೆ ಏಕಾಂಗಿಯಾಗಿ ಪಂದ್ಯಗಳನ್ನು ಗೆದ್ದುಕೊಡುವ ಸಾಮರ್ಥ್ಯ ಹೊಂದಿದ್ದಾರೆ. ಜೊತೆಗೆ ಅವರೊಟ್ಟಿಗೆ ಕೋಲ್ಕತಾ ನೈಟ್ ರೈಡರ್ಸ್ ತಂಡದಲ್ಲಿ ಆಂಡ್ರೆ ರಸೆಲ್ ಮತ್ತು ಸುನಿಲ್ ನರೇನ್ ಅವರಂತಹ ಹೊಡಿ ಬಡಿಯ ಆಟಗಾರರ ಬೆಂಬಲ ಕೂಡ ಇದ್ದು, ಇದು ಮಾರ್ಗನ್ ಕೆಲಸವನ್ನು ಸುಲಭವನ್ನಾಗಿಸಲಿದೆ ಎಂದು ಆಕಾಶ್ ಚೋಪ್ರಾ ಅಭಿಪ್ರಾಯ ಪಟ್ಟಿದ್ದಾರೆ.
ಪಾಕಿಸ್ತಾನ್ ಸೂಪರ್ ಲೀಗ್ ಬದಲು ಐಪಿಎಲ್ ಆಯ್ಕೆಗೆ ಕಾರಣ ವಿವರಿಸಿದ ಜಿಮ್ಮಿ!
5. ಡೇವಿಡ್ ವಾರ್ನರ್ (ಸನ್ರೈಸರ್ಸ್ ಹೈದರಾಬಾದ್)
ಕಳೆದ ಬಾರಿಯ ಐಪಿಎಲ್ ಟೂರ್ನಿಯಲ್ಲಿ 12 ಪಂದ್ಯಗಳಿಂದ 692 ರನ್ ಗಳಿಸಿ ಆರೆಂಜ್ ಕ್ಯಾಪ್ ಗೆದ್ದುಕೊಂಡ ಆಸ್ಟ್ರೇಲಿಯಾದ ಸ್ಟಾರ್ ಓಪನರ್ ಡೇವಿಡ್ ವಾರ್ನರ್ ಈ ಬಾರಿಯೂ ತಮ್ಮ ಭರ್ಜರಿ ಬ್ಯಾಟಿಂಗ್ ಮುಂದುವರಿಸುವ ಸಾಧ್ಯತೆ ಇದೆ. ಹೀಗಾಗಿ ಆಕಾಶ್ ತಮ್ಮ ಆಯ್ಕೆಯ 5ನೇ ಬ್ಯಾಟ್ಸ್ಮನ್ ಆಗಿ ಸನ್ರೈಸರ್ಸ್ ಹೈದರಾಬಾದ್ ತಂಡದ ನಾಯಕನನ್ನು ಆಯ್ದು ಕೊಂಡಿದ್ದಾರೆ.
"ಕೊನೆಯದಾಗಿ ನಾನು ಡೇವಿಡ್ ವಾರ್ನರ್ ಅವರನ್ನು ಆಯ್ಕೆ ಮಾಡಿಕೊಳ್ಳುತ್ತೇನೆ. ಐಪಿಎಲ್ನಲ್ಲಿ ಸಾಮಾನ್ಯವಾಗಿ ಅವರ ಪ್ರದರ್ಶನ ಅತ್ಯುತ್ತಮವಾಗಿಯೇ ಇರುತ್ತದೆ. ಸ್ಪಿನ್ ವಿರುದ್ಧ ಭರ್ಜರಿಯಾಗಿ ಬ್ಯಾಟ್ ಬೀಸುವ ವಾರ್ನರ್ ಹಸಿದ ಹೆಬ್ಬುಲಿಯಂತೆ. ಕಳೆದ ವರ್ಷ ತಾವು ಐಪಿಎಲ್ ತೊರೆಯುವ ಮೊದಲು 500 ರನ್ ಗಳಿಸುವುದಾಗಿ ಹೇಳಿ ಅದನ್ನು ಮಾಡಿ ತೋರಿಸಿದ್ದರು. ಜೊತೆಗೆ ನಾಯಕನ ಜವಾಬ್ದಾರಿ ಇರುವುದರಿಂದ ಅದಕ್ಕೆ ತಕ್ಕಂತೆ ಬ್ಯಾಟಿಂಗ್ ಮಾಡುತ್ತಾರೆ," ಎಂದು ಆಕಾಶ್ ನುಡಿದಿದ್ದಾರೆ.
ಈ ಬಾರಿ ಕಿಂಗ್ಸ್ ಇಲೆವೆನ್ ಪಂಜಾಬ್ ಐಪಿಎಲ್ ಮುಡಿಗೇರಿಸಿಕೊಳ್ಳಲಿದೆ: ಹಾರ್ಡಸ್
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2QNZrdq
