ಕಾಬೂಲ್: ದಕ್ಷಿಣ ಭಾಗದಲ್ಲಿನ ಕಂದಹಾರ್ ವಿಮಾನ ನಿಲ್ದಾಣದ ಮೇಲೆ ಶನಿವಾರ ತಡರಾತ್ರಿ ಕನಿಷ್ಠ ಮೂರು ರಾಕೆಟ್‌ಗಳು ಅಪ್ಪಳಿಸಿದ್ದು, ಈ ವಿಮಾನ ನಿಲ್ದಾಣದಿಂದ ಎಲ್ಲ ವಿಮಾನಗಳ ಸಂಚಾರವನ್ನು ರದ್ದುಗೊಳಿಸಲಾಗಿದೆ. 'ಕಳೆದ ರಾತ್ರಿ ವಿಮಾನ ನಿಲ್ದಾಣದತ್ತ ಮೂರು ರಾಕೆಟ್ ದಾಳಿಗಳನ್ನು ನಡೆಸಲಾಗಿದೆ. ಇದರಲ್ಲಿ ಎರಡು ರಾಕೆಟ್‌ಗಳು ರನ್‌ವೇಗೆ ಅಪ್ಪಳಿಸಿವೆ. ಇದರಿಂದಾಗಿ ವಿಮಾನ ನಿಲ್ದಾಣದಿಂದ ಎಲ್ಲ ವಿಮಾನಗಳ ಸಂಚಾರವನ್ನು ರದ್ದುಗೊಳಿಸಲಾಗಿದೆ' ಎಂದು ವಿಮಾನ ನಿಲ್ದಾಣ ಮುಖ್ಯಸ್ಥ ಮಸ್ಸೌದ್ ಪಾಷ್ಟುನ್ ತಿಳಿಸಿದ್ದಾರೆ. ರನ್‌ವೇ ದುರಸ್ತಿ ಕಾರ್ಯ ನಡೆಯುತ್ತಿದ್ದು, ಭಾನುವಾರ ಸಂಜೆ ಬಳಿಕ ಕಾರ್ಯಾಚರಣೆಗೆ ಮುಕ್ತವಾಗುವ ಸಾಧ್ಯತೆ ಇದೆ ಎಂದಿದ್ದಾರೆ. ಕಳೆದ ಕೆಲವು ವಾರಗಳಿಂದ , ಕಂದಹಾರ್‌ನ ಹೊರವಲಯದಲ್ಲಿ ನಿರಂತರ ದಾಳಿಗಳನ್ನು ನಡೆಸುತ್ತಿದೆ. ಪ್ರಾಂತ್ಯದ ರಾಜಧಾನಿಯನ್ನು ಉಗ್ರ ಸಂಘಟನೆ ತನ್ನ ವಶಕ್ಕೆ ಪಡೆದುಕೊಳ್ಳುವ ಭೀತಿ ಎದುರಾಗಿದೆ. ಅಂತಾರಾಷ್ಟ್ರೀಯ ಸಮುದಾಯದ ಬೆಂಬಲ ಹಾಗೂ ಅಮೆರಿಕದ ವಾಯು ದಾಳಿಗಳ ನೆರವಿನಿಂದ ಅಫ್ಘಾನಿಸ್ತಾನ ರಾಷ್ಟ್ರೀಯ ರಕ್ಷಣಾ ಪಡೆಗಳು ತಾಲಿಬಾನ್ ಅನ್ನು ಹಿಮ್ಮೆಟ್ಟಿಸುವ ಕಾರ್ಯಾಚರಣೆ ಆರಂಭಿಸಿವೆ. ಘಜ್ನಿ, ಟಖಾರ್, ಕಂದಹಾರ್, ಹೆಲ್ಮಾಂಡ್ ಮತ್ತು ಬಘ್ಲಾನ್ ಸೇರಿದಂತೆ 20 ಪ್ರಾಂತ್ಯಗಳಲ್ಲಿ ಭಾರಿ ಕದನ ನಡೆದಿದೆ. ಕಳೆದ 24 ಗಂಟೆಗಳಲ್ಲಿ ನಡೆದ ಸಂಘರ್ಷದಲ್ಲಿ ಕನಿಷ್ಠ 250 ಉಗ್ರರನ್ನು ಹತ್ಯೆ ಮಾಡಲಾಗಿದೆ ಮತ್ತು ನೂರಾರು ಮಂದಿ ಗಾಯಗೊಂಡಿದ್ದಾರೆ. ಝೆರಾಯ್ ಜಿಲ್ಲೆಯಲ್ಲಿರುವ ತಾಲಿಬಾನ್ ಉಗ್ರರ ಅಡಗುದಾಣವನ್ನು ಆಫ್ಘನ್ ವಾಯುಪಡೆಯ ಛಿದ್ರಗೊಳಿಸಿದೆ.
from India & World News in Kannada | VK Polls https://ift.tt/3jdPWly
