ಚಂಡೀಗಢ: ಜಮ್ಮು ಮತ್ತು ಕಾಶ್ಮೀರಕ್ಕೆ ನೀಡಲಾಗಿದ್ದ ವಿಶೇಷ ಸ್ಥಾನಮಾನ ರದ್ದತಿ ಬಳಿಕ, ಕೇವಲ ರಾಜಕೀಯ ಹೋರಾಟದಲ್ಲೇ ಮುಳುಗಿರುವ ಕಣಿವೆಯ ಮಾಜಿ ಮುಖ್ಯಮಂತ್ರಿ ಹಾಗೂ ನ್ಯಾಶನಲ್ ಕಾನ್ಫರೆನ್ಸ್ ನಾಯಕ , ಪಂಜಾಬ್ ಮುಖ್ಯಮಂತ್ರಿ ಕ್ಯಾ. ಅಮರೀಂದರ್ ಸಿಂಗ್ ಅವರ ಮೊಮ್ಮಗಳ ಮದುವೆ ಸಮಾರಂಭದಲ್ಲಿ ಭರ್ಜರಿ ಡ್ಯಾನ್ಸ್ ಮಾಡುವ ಮೂಲಕ ಗಮನ ಸೆಳೆದಿದ್ದಾರೆ. ಹೌದು, ಕ್ಯಾ.ಅಮರೀಂದರ್ ಸಿಂಗ್ ಪುತ್ರ ರಣೀಂದರ್ ಸಿಂಗ್ ಅವರ ಪುತ್ರಿ ಸೆಹರೀಂದರ್ ಕೌರ್ ಹಾಗೂ ಆದಿತ್ಯ ನಾರಂಗ್ ಅವರ ಮದುವೆ ಸಮಾರಂಭದಲ್ಲಿ, ಫಾರೂಕ್ ಅಬ್ದುಲ್ಲಾ ಡ್ಯಾನ್ಸ್ ಮಾಡಿ ಎಲ್ಲರನ್ನೂ ರಂಜಿಸಿದರು. ಬಾಲಿವುಡ್ ದಂತಕಥೆ ಗಾಯಕ ಮೊಹಮ್ಮದ್ ರಫಿ ಅವರ 'ಆಜ್ ಕಲ್ ತೇರೆ ಮೇರೆ ಪ್ಯಾರ್ ಕೇ ಚರ್ಚೆ...' ಹಾಗೂ ' ಗುಲಾಬಿ ಆಂಕೆ ಜೋ ತೇರಿ ದೇಖಿ..' ಹಾಡುಗಳಿಗೆ ಕ್ಯಾ. ಸಿಂಗ್ ಹಾಗೂ ಫಾರೂಕ್ ಅಬ್ದುಲ್ಲಾ ಹೆಜ್ಜೆ ಹಾಕಿದ್ದು ನೆರೆದವರು ಮೂಗಿನ ಮೇಲೆ ಬೆರಳಿಡುವಂತೆ ಮಾಡಿತು. ಅತಿಥಿಗಳೊಂದಿಗೆ ಕುಳಿತಿದ್ದ ಕ್ಯಾ. ಸಿಂಗ್ ಅವರನ್ನು ಒತ್ತಾಯ ಮಾಡಿ ವೇದಿಕೆಗೆ ಕರೆತಂದ ಫಾರೂಕ್ ಅಬ್ದುಲ್ಲಾ, ರಫಿ ಹಾಡುಗಳಿಗೆ ಅವರೊಂದಿಗೆ ಕುಣಿಯುವಂತೆ ಮಾಡಿದರು. ಅಲ್ಲದೇ ತಾವೂ ಭರ್ಜರಿ ಸ್ಟೆಪ್ಸ್‌ಗಳನ್ನು ಹಾಕುವ ಮೂಲಕ ಗಮನ ಸೆಳೆದರು. ಫಾರೂಕ್ ಅಬ್ದುಲ್ಲಾ ಹಾಗೂ ಕ್ಯಾ. ಸಿಂಗ್ ಅವರ ಡ್ಯಾನ್ಸ್ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದ್ದು, ಹಿರಿಯ ನಾಯಕರ ಭರ್ಜರಿ ಸ್ಟೆಪ್ಸ್‌ಗೆ ಎಲ್ಲರೂ ಫಿದಾ ಆಗಿದ್ದಾರೆ.
from India & World News in Kannada | VK Polls https://ift.tt/3ebRhZu
