ಸದ್ಯ ದೇಶ ಹಾಗೂ ವಿದೇಶಗಳಲ್ಲಿ ಭಾರೀ ಚರ್ಚೆಗೆ ಈಗ ಗಿಲ್ಗಿಟ್ ಬಲ್ಟಿಸ್ತಾನ ಕಾರಣವಾಗಿದೆ. ಹೌದು, ಗಿಲ್ಗಿಟ್ ಬಲ್ಟಿಸ್ತಾನವನ್ನು ತನ್ನ ಐದನೇ ಪ್ರಾಂತ್ಯ ಎಂದು ಘೋಷಣೆ ಮಾಡಿ ಅಲ್ಲಿ ತನ್ನ ಸೇನಾ ಪಾರುಪತ್ಯ ಮೆರೆದು ಬಳಿಕ ಇಲ್ಲಿ ಚುನಾವಣೆ ನಡೆಸುವ ಯೋಜನೆ ಹಾಕಿದ್ದ ಪಾಕಿಸ್ತಾನಕ್ಕೆ ಈಗ ಭಾರೀ ಮುಖಭಂಗವಾಗಿದೆ. ಸ್ವತಃ ಗಿಲ್ಗಿಟ್ ಬಲ್ಟಿಸ್ತಾನದ ಜನರೇ ಪಾಕಿಸ್ತಾನ ಸರಕಾರದ ವಿರುದ್ಧ ಮುಗಿಬಿದ್ದಿದಲ್ಲದೆ, ಪ್ರತಿಪಕ್ಷಗಳಿಂದ ಪಾಕ್ನ ಸೇನಾ ಪಾರುಪತ್ಯದ ಕ್ರಮದ ವಿರುದ್ಧ ಆಕ್ರೋಶ ವ್ಯಕ್ತವಾಗಿದೆ. ಈ ಮಧ್ಯೆ ಪಾಕಿಸ್ತಾನಕ್ಕೆ ಗಿಲ್ಗಿಟ್ ಬಲ್ಟಿಸ್ತಾನದ ಮೇಲೆ ಯಾವುದೇ ಹಕ್ಕಿಲ್ಲ, ಇದು ಭಾರತದ ಅವಿಭಾಜ್ಯ ಅಂಗ ಎನ್ನುವ ಮಾತುಗಳು ಈಗ ಎಲ್ಲೆಡೆಯಿಂದ ಕೇಳಿಬರುತ್ತಿದೆ.
ಸದ್ಯ ದೇಶ ಹಾಗೂ ವಿದೇಶಗಳಲ್ಲಿ ಭಾರೀ ಚರ್ಚೆಗೆ ಈಗ ಗಿಲ್ಗಿಟ್ ಬಲ್ಟಿಸ್ತಾನ ಕಾರಣವಾಗಿದೆ. ಹೌದು, ಗಿಲ್ಗಿಟ್ ಬಲ್ಟಿಸ್ತಾನವನ್ನು ತನ್ನ ಐದನೇ ಪ್ರಾಂತ್ಯ ಎಂದು ಘೋಷಣೆ ಮಾಡಿ ಅಲ್ಲಿ ತನ್ನ ಸೇನಾ ಪಾರುಪತ್ಯ ಮೆರೆದು ಬಳಿಕ ಇಲ್ಲಿ ಚುನಾವಣೆ ನಡೆಸುವ ಯೋಜನೆ ಹಾಕಿದ್ದ ಪಾಕಿಸ್ತಾನಕ್ಕೆ ಈಗ ಭಾರೀ ಮುಖಭಂಗವಾಗಿದೆ. ಸ್ವತಃ ಗಿಲ್ಗಿಟ್ ಬಲ್ಟಿಸ್ತಾನದ ಜನರೇ ಪಾಕಿಸ್ತಾನ ಸರಕಾರದ ವಿರುದ್ಧ ಮುಗಿಬಿದ್ದಿದಲ್ಲದೆ, ಪ್ರತಿಪಕ್ಷಗಳಿಂದ ಪಾಕ್ನ ಸೇನಾ ಪಾರುಪತ್ಯದ ಕ್ರಮದ ವಿರುದ್ಧ ಆಕ್ರೋಶ ವ್ಯಕ್ತವಾಗಿದೆ. ಈ ಮಧ್ಯೆ ಪಾಕಿಸ್ತಾನಕ್ಕೆ ಗಿಲ್ಗಿಟ್ ಬಲ್ಟಿಸ್ತಾನದ ಮೇಲೆ ಯಾವುದೇ ಹಕ್ಕಿಲ್ಲ, ಇದು ಭಾರತದ ಅವಿಭಾಜ್ಯ ಅಂಗ ಎನ್ನುವ ಮಾತುಗಳು ಈಗ ಎಲ್ಲೆಡೆಯಿಂದ ಕೇಳಿಬರುತ್ತಿದೆ.
ಮಿಲಿಟರಿ ಪಾರುಪತ್ಯಕ್ಕೆ ವಿರೋಧ!
ಗಿಲ್ಗಿಟ್ ಬಲ್ಟಿಸ್ತಾನದಲ್ಲಿ ಚುನಾವಣೆ ನಡೆಸಲು ಪಾಕಿಸ್ತಾನದ ಅಧ್ಯಕ್ಷ ಆರೀಫ್ ಅಲ್ವಿ ಅನುಮತಿ ನೀಡಿದ್ದಾರೆ. ಇದಕ್ಕಾಗಿ ಪ್ರಧಾನಿ ಇಮ್ರಾನ್ ಖಾನ್ ಹಾಗೂ ಪಾಕ್ ಸೇನಾ ಮುಖ್ಯಸ್ಥ ಬಾಜ್ವಾ ನೇತೃತ್ವದಲ್ಲಿ ಪ್ರತಿಪಕ್ಷಗಳೊಂದಿಗೆ ರಾವಲ್ಪಿಂಡಿಯಲ್ಲಿ ಸಭೆ ನಡೆದಿದೆ. ಆದರೆ ಈ ಸಭೆಯಲ್ಲಿ ಈ ಹಿಂದಿನ ಮಾಜಿ ಪ್ರಧಾನಿ ನವಾಜ್ ಶರೀಫ್ ಅವರ ಪಕ್ಷವಾದ ಪಿಎಂಎಲ್ ಸೇರಿ ಕೆಲವು ಪ್ರತಿಪಕ್ಷಗಳು ವಿರೋಧ ವ್ಯಕ್ತಪಡಿಸಿವೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಮಾಜಿ ಪ್ರಧಾನಿ ನವಾಜ್ ಶರೀಫ್, ಗಿಲ್ಗಿಟ್ ಬಲ್ಟಿಸ್ತಾನದಲ್ಲಿ ಮಿಲಿಟರಿ ಸ್ಥಾಪನೆ ಪ್ರಜಾಪ್ರಭುತ್ವ ಪ್ರಕ್ರಿಯೆಯಲ್ಲಿನ ಹಸ್ತಕ್ಷೇಪ ಎಂದು ಆಕ್ರೋಶವ್ಯಕ್ತಪಡಿಸಿದರು. ಈ ಬಗ್ಗೆ ಸಂಸತ್ನಲ್ಲಿ ಚರ್ಚೆ ನಡೆಯಬೇಕು ಎಂದು ತಿಳಿಸಿದ್ದಾರೆ.
ಗುಜರಾತ್: ಹಜೀರಾ ಬಂದರಿನಲ್ಲಿರುವ ONGCಯಲ್ಲಿ ಭಾರೀ ಸ್ಟೋಟ, ಎದೆ ಝಲ್ ಎನಿಸುವ ಶಬ್ಧದ ಬಳಿಕ ಕೆಂಪಾದ ಆಕಾಶ!
#StandWithGilgitBaltistan ಹ್ಯಾಷ್ ಟ್ಯಾಗ್ ಟ್ರೆಂಡ್!
ಇನ್ನು ಯಾವಾಗ ಪಾಕಿಸ್ತಾನ ಗಿಲ್ಗಿಟ್ ಬಲ್ಟಿಸ್ತಾನದಲ್ಲಿ ಚುನಾವಣೆ ಹಾಗೂ ತನ್ನ ಪ್ರಾಂತ್ಯ ಮಾಡಲಿದೆ ಎಂದು ಹೇಳಿತೋ ಆ ಕ್ಷಣದಿಂದ ಭಾರತದಲ್ಲಿ #StandWithGilgitBaltistan ಹ್ಯಾಷ್ ಟ್ರೆಂಡಿಂಗ್ನಲ್ಲಿದೆ. ಗಿಲ್ಗಿಟ್ ಬಲ್ಟಿಸ್ತಾ ಭಾರತದ ಅವಿಭಾಜ್ಯ ಅಂಗ ಎಂದು ಹೇಳಿ ಟ್ವೀಟ್ ಮಾಡುತ್ತಿದ್ದಾರೆ. ಅಲ್ಲದೆ ಪಾಕಿಸ್ತಾನದ ಹಸ್ತಕ್ಷೇಪ ನಮ್ಮಲ್ಲಿ ಬೇಡ ಎಂದು ಪ್ರತಿಭಟನೆ ನಡೆಸುತ್ತಿರುವ ಗಿಲ್ಗಿಟ್ ಬಲ್ಟಿಸ್ತಾನದ ಜನರಿಗೆ ಟ್ವಿಟ್ಟರ್ ಮೂಲಕ ಬೆಂಬಲ ಸೂಚಿಸುತ್ತಿದ್ದಾರೆ.
'ಯುಪಿಎಸ್ಸಿ ಜಿಹಾದ್' ಕಾರ್ಯಕ್ರಮ ಬಿತ್ತರಿಸಿದ ಸುದರ್ಶನ್ ಟಿವಿಗೆ ನೋಟಿಸ್: ಸುಪ್ರೀಂಕೋರ್ಟ್ಗೆ ಕೇಂದ್ರ ಮಾಹಿತಿ
ಭಾರತದ ಅವಿಭಾಜ್ಯ ಅಂಗವೇ?
ಪರಿಣಿತರ ಪ್ರಕಾರ ಗಿಲ್ಗಿಟ್ ಬಲ್ಟಿಸ್ತಾನ ಭಾರತದ ಅವಿಭಾಜ್ಯ ಅಂಗ ಎಂದು ತಿಳಿಸಿದ್ದಾರೆ. ರಾಜ ಹರಿಸಿಂಗ್ ಕಾಲದಲ್ಲಿ ಪಾಕಿಸ್ತಾನ ಇದನ್ನು ವಶಕ್ಕೆ ಪಡೆದುಕೊಂಡಿತ್ತು ಎಂದು ತಿಳಿಸಿದ್ದಾರೆ. ಪಾಕಿಸ್ತಾನ ಅಕ್ರಮವಾಗಿ ಗಿಲ್ಗಿಟ್ ಬಲ್ಟಿಸ್ತಾನವನ್ನು ಒತ್ತುವರಿ ಮಾಡಿಕೊಂಡಿತ್ತು ಎಂದಿದ್ದಾರೆ. ಸದ್ಯ ಪಿಒಕೆಯಂತೆ ಗಿಲ್ಗಿಟ್ ಬಲ್ಟಿಸ್ತಾನ ಕೂಡ ಪಾಕ್ ಆಕ್ರಮಿತ ಜಿಬಿ ಆಗಿದೆ ಎಂದು ಹೇಳಿದ್ದಾರೆ. ಭಾರತದ ನಕಾಶೆಯಲ್ಲಿರುವ ಪಾಕ್ ಆಕ್ರಮಿತ ಕಾಶ್ಮೀರದ ಮೇಲ್ಭಾಗದಲ್ಲಿ ಗಿಲ್ಗಿಟ್ ಬಲ್ಟಿಸ್ತಾನ ಇದೆ. ಭೂಪಟದಲ್ಲಿಯು ಇದು ಭಾರತದ ಭಾಗ ಎಂದು ತೋರಿಸಲ್ಪಟ್ಟಿದೆ. ಇನ್ನು ಈ ಹಿಂದೆ ಬ್ರಿಟನ್ನ ಸಂಸತ್ತು ಕೂಡ ಜಿಬಿ ಭಾರತದ್ದು ಎಂದು ಹೇಳಿತ್ತು.
from India & World News in Kannada | VK Polls https://ift.tt/2G5QR7G
