ಹೊಸದಿಲ್ಲಿ: ಇದೇ ದಿನ 2010ರ ಮೇ2 ರಂದು ಚುಟುಕು ಕ್ರಿಕೆಟ್ನಲ್ಲಿ ಸೆಂಚೂರಿ ಬಾರಿಸಿದ ಭಾರತದ ಮೊದಲ ಬ್ಯಾಟ್ಸ್ಮನ್ ಎಂಬ ಸಾಧನೆಗೆ ಭಾಜನರಾಗಿದ್ದರು. ಹಿರಿಯ ಎಡಗೈ ಬ್ಯಾಟ್ಸ್ಮನ್ನ ಈ ವಿಶಿಷ್ಠ ದಾಖಲೆಗೆ ಇಂದಿಗೆ 10 ವರ್ಷಗಳು ತಂಬಿವೆ. ಬ್ಯಾಟ್ಸ್ಮನ್ 2010ರ ಟಿ-20 ವಿಶ್ವಕಪ್ ಟೂರ್ನಿಯಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಈ ಸಾಧನೆ ಮಾಡಿದ್ದರು. ಅಂದು ಟಾಸ್ ಸೋತ ಭಾರತ ತಂಡ ಮೊದಲು ಬ್ಯಾಟಿಂಗ್ ಮಾಡಿತ್ತು. ಆರಂಭಿಕನಾಗಿ ಕಣಕ್ಕೆ ಇಳಿದಿದ್ದ ಮುರಳಿ ವಿಜಯ್ ಅವರ ವಿಕೆಟ್ ಮೊದಲ ಓವರ್ನಲ್ಲಿ ಉರುಳುತ್ತಿದ್ದಂತೆ ಸುರೇಶ್ ರೈನಾ ಕ್ರೀಸ್ಗೆ ಆಗಮಿಸಿದ್ದರು. ಆರಂಭದಿಂದಲೂ ಅಬ್ಬರಿಸಿದ ರೈನಾ, ದಕ್ಷಿಣ ಆಫ್ರಿಕಾ ಬೌಲರ್ಗಳನ್ನು ದೂಳಿಪಟ ಮಾಡಿದ್ದರು. ಆಡಿದ ಕೆಲವೇ ಎಸೆತಗಳಲ್ಲಿ 101 ಚಚ್ಚುವ ಮೂಲಕ ಹರಿಣಗಳಿಗೆ ಬೆವರಿಳಿಸಿದ್ದರು. ಇವರ ಸ್ಫೋಟಕ ಶತಕದಲ್ಲಿ 9 ಬೌಂಡರಿಗಳು ಹಾಗೂ 5 ಸಿಕ್ಸರ್ಗಳಿದ್ದವು. ಈ ಪಂದ್ಯದಲ್ಲಿ ಮತ್ತೊಬ್ಬ ಎಡಗೈ ಬ್ಯಾಟ್ಸ್ಮನ್ ಯುವರಾಜ್ ಸಿಂಗ್ ಕೂಡ ಅತ್ಯುತ್ತಮ ಬ್ಯಾಟಿಂಗ್ ಮಾಡಿದ್ದರು. ಇವರು, ರೈನಾ ಅವರೊಂದಿಗೆ 88 ರನ್ ಜತೆಯಾಟವಾಡಿದ್ದರು. ಪ್ರಥಮ ಇನಿಂಗ್ಸ್ನಲ್ಲಿ ಭಾರತ ನಿಗದಿತ 20 ಓವರ್ಗಳಿಗೆ 5 ವಿಕೆಟ್ ನಷ್ಟಕ್ಕೆ 186 ರನ್ ಸೇರಿಸಿತ್ತು. ಬೌಲರ್ಗಳ ಸಮರ್ಪಕ ನಿರ್ವಹಣೆಯಿಂದ ಅಂದು ಧೋನಿ ಪಡೆ 14 ರನ್ಗಳಿಂದ ಜಯ ಸಾಧಿಸಿತ್ತು. ಅಂದು ಯೂಸಫ್ ಪಠಾಣ್ ಎರಡು ವಿಕೆಟ್ ಕಬಳಿಸಿ ಎದುರಾಳಿ ಆಫ್ರಿಕಾ ತಂಡವನ್ನು ನಿಯಂತ್ರಿಸುವಲ್ಲಿ ಉತ್ತಮ ಕಾಣಿಕೆ ನೀಡಿದ್ದರು. ಪಂದ್ಯದ ಜಯದ ಹೊರತಾಗಿಯೂ ಭಾರತ ತಂಡ ಅಂದು ಸೆಮಿಫೈನಲ್ಗೆ ಅರ್ಹತೆ ಪಡೆಯುವಲ್ಲಿ ವಿಫಲವಾಗಿತ್ತು. ಒಟ್ಟಾರೆ ಟಿ20 ಕ್ರಿಕೆಟ್ನಲ್ಲಿ ಹಿಟ್ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ 4 ಸೆಂಚೂರಿಗಳನ್ನು ಸಿಡಿಸಿದ್ದರೆ, ಕನ್ನಡಿಗ ಕೆ.ಎಲ್. ರಾಹುಲ್ ಇದುವರೆಗೂ ಚುಟುಕು ಕ್ರಿಕೆಟ್ನಲ್ಲಿ ಎರಡು ಶತಕ ಬಾರಿಸಿದ್ದಾರೆ. ಭಾರತ ಟಿ20 ಕ್ರಿಕೆಟ್ನಲ್ಲಿ ಸುರೇಶ್ ರೈನಾ ಅತ್ಯದ್ಭುತ ಬ್ಯಾಟ್ಸ್ಮನ್ ಆಗಿದ್ದಾರೆ. ಭಾರತದಲ್ಲಿ ನಡೆಯುವ ವಿಶ್ವದ ಶ್ರೀಮಂತ ಫ್ರಾಂಚೈಸಿ ಲೀಗ್ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿರುವ ಎರಡನೇ ಬ್ಯಾಟ್ಸ್ಮನ್ ಆಗಿದ್ದಾರೆ. ಚೆನ್ನೈ ಸೂಪರ್ ಕಿಂಗ್ಸ್ ಪರ ರೈನಾ, 193 ಪಂದ್ಯಗಳಾಡಿದ್ದು, 5,368 ರನ್ ಗಳಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3f7Pra5
