ಟೋಕಿಯೋ (ಜಪಾನ್): ಭಾರತದ ಬಾಕ್ಸರ್ ಅವರು ಟೋಕಿಯೋ ಒಲಿಂಪಿಕ್ಸ್ ಮಹಿಳೆಯರ ಕುಸ್ತಿ 64-69 ಕೆ.ಜಿ ವಿಭಾಗದ ಸೆಮಿಫೈನಲ್ ಹಣಾಹಣಿಯಲ್ಲಿ ಟರ್ಕಿಯ ಬುಸೆನಝ್ ಸುರ್ಮೆನೆಲಿ ವಿರುದ್ಧ 5-0 ಅಂತರದಲ್ಲಿ ಸೋಲು ಅನುಭವಿಸಿದರು. ಸೋಲಿನ ಹೊರತಾಗಿಯೂ ಲವ್ಲಿನಾ ಕಂಚಿನ ಪದಕವನ್ನು ಮುಡಿಗೇರಿಸಿಕೊಂಡರು. ಬುಧವಾರ ಬೆಳಗ್ಗೆ ನಡೆದಿದ್ದ ಅಂತಿಮ ನಾಲ್ಕರ ಘಟ್ಟದ ಹಣಾಹಣಿಯಲ್ಲಿ ಭಾರತೀಯ ಬಾಕ್ಸರ್, ಎದುರಾಳಿ ಬುಸೆನಝ್ ವಿರುದ್ಧ ಪುಟಿದೇಳುವಲ್ಲಿ ವಿಫಲರಾದರು. ಹಾಗಾಗಿ, ಖಾತೆ ತೆರೆಯದೆ 0-5 ಅಂತರದಲ್ಲಿ ಹೀನಾಯ ಸೋಲುಂಡರು. ಆದರೂ, ಭಾರತದ ಪದಕ ಪಟ್ಟಿಗೆ ತಮ್ಮ ಕಂಚಿನ ಪದಕವನ್ನು ಸೇರ್ಪಡೆ ಮಾಡಿದರು. ಇದಕ್ಕೂ ಮುನ್ನ ಜುಲೈ 30 ರಂದು ನಡೆದಿದ್ದ ಅಂತಿಮ ಎಂಟರ ಘಟ್ಟದ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ತೋರಿದ್ದ ಲವ್ಲಿನಾ ಬೊರ್ಗೊಹೈನ್, 4-1 ಅಂತರದಲ್ಲಿ ಎದುರಾಳಿ ಚಿನ್-ಚೆನ್ ವಿರುದ್ಧ ಗೆದ್ದು ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಚೊಚ್ಚಲ ಪದಕವನ್ನು ಖಚಿತಪಡಿಸಿಕೊಂಡಿದ್ದರು. ಆದರೆ, ಇಂದು(ಬುಧವಾರ) ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಭಾರತೀಯ ಬಾಕ್ಸರ್ ನೀರಿಕ್ಷಿತ ಪ್ರದರ್ಶನ ತೋರುವಲ್ಲಿ ವಿಫಲರಾದರು. ಟರ್ಕಿಯ ಬುಸೆನಝ್ ಸುರ್ಮೆನೆಲಿ ವಿರುದ್ಧ ಖಾತೆ ತೆರೆಯದೆ ಹೀನಾಯ ಸೋಲು ಅನುಭವಿಸಿದರು. ಆ ಮೂಲಕ ಮಹತ್ವದ ಕ್ರೀಡಾಕೂಟದಲ್ಲಿ ಚೊಚ್ಚಲ ಕಂಚಿನ ಪದಕಕ್ಕೆ ಲವ್ಲಿನಾ ಸಮಾಧಾನ ಪಟ್ಟುಕೊಂಡರು. ಒಂದು ವೇಳೆ ಸೆಮಿಫೈನಲ್ ಹಣಾಹಣಿಯಲ್ಲಿ ಭಾರತೀಯ ಬಾಕ್ಸರ್ ಗೆಲುವು ದಾಖಲಿಸಿದ್ದರೆ, ಫೈನಲ್ ತಲುಪುವ ಮೂಲಕ ಕನಿಷ್ಠ ಬೆಳ್ಳಿ ಪದಕವನ್ನು ಖಚಿತಪಡಿಸಿಕೊಳ್ಳುತ್ತಿದ್ದರು. ಆ ಮೂಲಕ ಈ ಹಿಂದೆ ಬಾಕ್ಸರ್ನಲ್ಲಿ ಕಂಚಿನ ಪದಕ ಗೆದ್ದಿದ್ದ ವಿಜೇಂದರ್ ಸಿಂಗ್ ಹಾಗೂ ಮೇರಿ ಕೋಮ್ ಅವರ ದಾಖಲೆಯನ್ನು ಮುರಿಯುವ ಅವಕಾಶವಿತ್ತು. ಆದರೆ, ಲವ್ಲಿನಾ ಕನಸನ್ನು ಟರ್ಕಿಯ ಬಾಕ್ಸರ್ ಭಗ್ನಗೊಳಿಸಿದರು. 2008ರಲ್ಲಿ ವಿಜೇಂದರ್ ಸಿಂಗ್ ಹಾಗೂ 2012ರಲ್ಲಿ ಮೇರಿ ಕೋಮ್ ಭಾರತಕ್ಕೆ ಸ್ಪರ್ಧೆಯಲ್ಲಿ ಭಾರತಕ್ಕೆ ಕಂಚಿನ ಪದಕ ತಂದುಕೊಟ್ಟಿದ್ದರು. ಒಟ್ಟಾರೆ ಪ್ರಸಕ್ತ ಆವೃತ್ತಿಯ ಟೋಕಿಯೋ ಒಲಿಂಪಿಕ್ಸ್ನಲ್ಲಿ ಬುಧವಾರದ ಹೊತ್ತಿಗೆ ಭಾರತದ ಪದಕ ಪಟ್ಟಿಯಲ್ಲಿ ಒಂದು ಬೆಳ್ಳಿ, ಎರಡು ಕಂಚಿನ ಪದಕಗಳು ಸೇರ್ಪಡೆಯಾಗಿವೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3xyeXxf
