ಸಿಡ್ನಿ: ಇಂಡೋ-ಪೆಸಿಫಿಕ್ ವಲಯದಲ್ಲಿ ಸುಸ್ಥಿರ ಅಭಿವೃದ್ಧಿ ಸಾಧಿಸುವುದರ ಜತೆಗೆ ಚೀನಾದ ಆರ್ಭಟ ತಗ್ಗಿಸಲು , , ಮತ್ತು ರಚಿಸಿಕೊಂಡಿರುವ 'ಕ್ವಾಡ್' (ಕ್ವಾಡ್ರಿಲ್ಯಾಟ್ರಲ್ ಸೆಕ್ಯೂರಿಟಿ ಡೈಲಾಗ್) ಕೂಟದ ಪ್ರಮುಖ ವರ್ಚುಯಲ್ ಸಭೆ ಸದ್ಯದಲ್ಲೇ ನಡೆಯಲಿದೆ. ಸಭೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ, ಅಮೆರಿಕ ಅಧ್ಯಕ್ಷ ಜೋ ಬೈಡೆನ್, ಜಪಾನ್ ಪ್ರಧಾನಿ ಯೊಶಿಹಿಡೆ ಸುಗಾ ಹಾಗೂ ಆಸ್ಪ್ರೇಲಿಯಾ ಪ್ರಧಾನಿ ಸ್ಕಾಟ್ ಮಾರಿ-ಸನ್ ಭಾಗವಹಿಸಲಿದ್ದು ಹಲವು ವಿಚಾರಗಳು ಚರ್ಚೆಗೆ ಬರಲಿವೆ ಎಂದು ಮೂಲಗಳು ಹೇಳಿವೆ. ದಕ್ಷಿಣ ಸಮುದ್ರದಲ್ಲಿ ಚೀನಾ, ಅಂತಾ-ರಾಷ್ಟ್ರೀಯ ಕಾನೂನುಗಳನ್ನು ಕಡೆಗಣಿಸಿ ಕೃತಕ ದ್ವೀಪಗಳನ್ನು ಸೃಷ್ಟಿಸಿ ಶಕ್ತಿ ಪ್ರದರ್ಶಿಸುತ್ತಿದೆ. ಸೇನಾ ನೆಲೆಗಳನ್ನು ಸ್ಥಾಪಿಸುವ ಮೂಲಕ ಸಮುದ್ರ ಸಂಪತ್ತಿನ ಅಷ್ಟೂ ಹಕ್ಕು ತನಗೇ ಸೇರಿದ್ದು ಎಂದು ಆರ್ಭಟಿಸುತ್ತಿದೆ. ಅದರಲ್ಲೂ ತೈವಾನ್ ಮೇಲೆ ಚೀನಾ ಕಣ್ಣು ಹಾಕಿದೆ. ಚೀನಾದ ಈ ಆಕ್ರಮಣಕಾರಿ ಧೋರಣೆಯನ್ನು ಬಗ್ಗುಬಡಿ-ಯಲು ಅಮೆರಿಕ, ಭಾರತ, ಜಪಾನ್ ಮತ್ತು ಆಸ್ಪ್ರೇಲಿಯಾ ಈ 'ಕ್ವಾಡ್' ಕೂಟವನ್ನು 2017ರಲ್ಲಿ ರಚಿಸಿಕೊಂಡಿವೆ. ಇಂಡೋ-ಪೆಸಿಫಿಕ್ ವಲಯದಲ್ಲಿ ಶಾಂತಿ, ಸಮೃದ್ಧತೆ ಹಾಗೂ ಸುಸ್ಥಿರ ಅಭಿವೃದ್ಧಿ ಸಾಧನೆ ಕೂಟದ ಆಶಯವಾಗಿದೆ. ಈ ಹಿನ್ನೆಲೆಯಲ್ಲಿ ವರ್ಚುಯಲ್ ಸಭೆಯು ಮಹತ್ವದ್ದಾಗಿದೆ. ಅಮೆರಿಕದಲ್ಲಿ ಹೊಸ ಸರಕಾರ ರಚನೆ-ಯಾಗಿದೆ. ಈ ಹಿನ್ನೆಲೆಯಲ್ಲಿ ಬೈಡೆನ್ ಅವರ ಜತೆ ಭಾರತ, ಜಪಾನ್ ಮತ್ತು ಆಸ್ಪ್ರೇಲಿಯಾದ ಪ್ರಧಾನಿಗಳು ಚರ್ಚೆ ನಡೆಸಿ, ವ್ಯೂಹಾತ್ಮಕ ಹಾಗೂ ರಚನಾತ್ಮಕ ಪಾಲುದಾರಿಕೆಯಲ್ಲಿ ಪರಸ್ಪರ ಸಹಕಾರದ ಅಗತ್ಯತೆ ಪ್ರತಿಪಾದಿಸಲಿದ್ದಾರೆ ಎಂದು ಮೂಲಗಳು ಹೇಳಿವೆ. ವರ್ಚುಯಲ್ ಸಭೆಯ ಬಗ್ಗೆ ಶುಕ್ರವಾರ ಸಿಡ್ನಿಯಲ್ಲಿ ಮಾಹಿತಿ ನೀಡಿದ ಆಸ್ಪ್ರೇಲಿಯಾ ಪ್ರಧಾನಿ ಸ್ಕಾಟ್ ಮಾರಿಸನ್, ''ಈಗಾಗಲೇ ಕ್ವಾಡ್ ಕೂಟದ ವಿಚಾರವಾಗಿ ನರೇಂದ್ರ ಮೋದಿ, ಯೊಶಿಹಿಡೆ ಸುಗಾ ಅವರ ಜತೆ ಆಸ್ಪ್ರೇಲಿಯಾ ಮುಖ್ಯಸ್ಥನಾಗಿ ನಾನು ಚರ್ಚಿಸಿದ್ದೇನೆ. ಈಗ ಅಮೆರಿಕ ವಹಿಸಬೇಕಿರುವ ಪಾತ್ರವನ್ನು ಬೈಡೆನ್ ಅವರಿಗೆ ತಿಳಿಪಡಿಸುತ್ತೇವೆ,'' ಎಂದು ಹೇಳಿದರು. ಬೈಡೆನ್ ಅವರು ಈ ಹಿಂದೆಯೇ ಲಡಾಕ್ ಗಡಿ ಸಂಘರ್ಷದಲ್ಲಿಭಾರ-ತಕ್ಕೆ ಬೆಂಬಲ ಸೂಚಿಸಿ, ಚೀನಾಕ್ಕೆ ಎಚ್ಚರಿಕೆ ಸಂದೇಶ ರವಾನಿಸಿದ್ದರು. ಪ್ರಧಾನಿ ಮೋದಿ ಅವರು ಬೈಡೆನ್ ಅವರ ಜತೆ ಮುಖಾಮುಖಿ ಚರ್ಚಿಸಲಿರುವ ಮೊದಲ ವರ್ಚುಯಲ್ ಸಭೆ ಇದಾಗಲಿದೆ. ಫೆಬ್ರವರಿ 8ರಂದು ಮೋದಿ-ಬೈಡೆನ್ ದೂರವಾಣಿಯಲ್ಲಿಮೊದಲ ಬಾರಿಗೆ ಹವಾಮಾನ ವೈಪರಿತ್ಯ, ಉಗ್ರವಾದ ನಿರ್ಮೂಲನೆ, ಸಮುದ್ರ ಮಾರ್ಗದ ಕುರಿತು ಚರ್ಚಿಸಿದ್ದರು.
from India & World News in Kannada | VK Polls https://ift.tt/3uSwhN4
