ಹೊಸದಿಲ್ಲಿ: ಹರಡುವಿಕೆಗೆ ಅಂಕುಶ ಹಾಕಲು ಕೇಂದ್ರ ಸರಕಾರ ಇನ್ನೂ 14 ದಿನ ಲಾಕ್‌ಡೌನ್‌ ವಿಸ್ತರಿಸಿದೆ. ಇದರೊಂದಿಗೆ ಮೇ 17ರವರೆಗೂ ದೇಶಾದ್ಯಂತ ಲಾಕ್‌ಡೌನ್‌ ಜಾರಿಯಲ್ಲಿರಲಿದೆ. ಆದರೆ, ಈ ಬಾರಿ ಆರ್ಥಿಕತೆಗೆ ಉತ್ತೇಜನ ನೀಡುವ ಉದ್ದೇಶದಿಂದ ಆರೆಂಜ್‌ ಮತ್ತು ಗ್ರೀನ್‌ ಝೋನ್‌ಗಳಲ್ಲಿ ಸಡಿಲಿಕೆ ಘೋಷಿಸಲಾಗಿದೆ. ಹೊಸ ನಿಯಮಗಳು ಮೇ 4ರಿಂದ ಜಾರಿಯಾಗಲಿವೆ. ಪ್ರಧಾನಿ ನರೇಂದ್ರ ಮೋದಿ ಅವರು ಗೃಹ ಸಚಿವ ಅಮಿತ್‌ ಶಾ ಸೇರಿದಂತೆ ವಿವಿಧ ಸಚಿವರೊಂದಿಗೆ ಶುಕ್ರವಾರ ಸಮಾಲೋಚನೆ ನಡೆಸಿದರು. ಇದರ ಬೆನ್ನಲ್ಲೇ ಕೇಂದ್ರ ಗೃಹ ಸಚಿವಾಲಯ ಲಾಕ್‌ಡೌನ್‌ 3.0 ಆದೇಶ ಪ್ರಕಟಿಸಿದೆ. ಈ ಬಾರಿಯೂ ಇ-ಕಾಮರ್ಸ್‌ ಮೂಲಕ ಅಗತ್ಯ ವಸ್ತುಗಳ ಹೊರತಾದ ಉತ್ಪನ್ನ ಮಾರಾಟಕ್ಕೆ ನಿರ್ಬಂಧ ಮುಂದುವರಿಸಲಾಗಿದೆ. ಎಲ್ಲಾ ವಲಯಗಳಲ್ಲಿ ಬ್ಯಾನ್‌ ಮುಂದುವರಿಕೆ ಮೆಟ್ರೋ, ರೈಲು, ವಿಮಾನ ಸೇರಿದಂತೆ ಬಹುತೇಕ ಸಾರಿಗೆ; ಶಾಲಾ ಕಾಲೇಜುಗಳು, ಮಾಲ್‌, ಸಿನಿಮಾ, ಪಬ್‌, ಜಿಮ್‌, ಧಾರ್ಮಿಕ, ರಾಜಕೀಯ ಮನರಂಜನಾ ಕಾರ್ಯಕ್ರಮಗಳು, ಸೇರಿದಂತೆ ಈಗಿನಂತೆಯೇ ಎಲ್ಲಾವಲಯಗಳಲ್ಲಿನಿರ್ಬಂಧ ಮುಂದುವರಿದಿದೆ. ಗ್ರೀನ್‌ ಝೋನ್ ನಿಯಮಗಳಿವು ಎಲ್ಲಾ ವಲಯಗಳಿಗೆ ಅನ್ವಯವಾಗುವ ನಿರ್ಬಂಧ ಹೊರತುಪಡಿಸಿ ಉಳಿದೆಲ್ಲಾ ಚಟುವಟಿಕೆಗೆ ಅವಕಾಶವಿದೆ 50% ಪ್ರಯಾಣಿಕರೊಂದಿಗೆ ಬಸ್‌ಗಳ ಓಡಾಟಕ್ಕೆ ಅನುಮತಿ ನೀಡಲಾಗಿದೆ ಅಂತಾರಾಜ್ಯ, ಅಂತರ-ಜಿಲ್ಲೆಗೂಡ್ಸ್‌ ವಾಹನಗಳ ಮುಕ್ತ ಸಂಚಾರಕ್ಕೆ ಅವಕಾಶವಿದೆ ಕೃಷಿ ಚಟುವಟಿಕೆಗಳು ಮತ್ತು ಎಲ್ಲಾ ಬಗೆಯ ಕೈಗಾರಿಕೆಗಳನ್ನು ನಡೆಸಬಹುದು ಈ ಮುನ್ನ ಪಡೆದ ಅನುಮತಿಗಳನ್ನು ನವೀಕರಿಸುವ ಅಗತ್ಯವಿಲ್ಲ ರೆಡ್‌ ಝೋನ್ ನಿಯಮಗಳಿವು‌ಎಲ್ಲಾ ವಲಯಗಳಿಗೆ ಅನ್ವಯವಾಗುವ ನಿರ್ಬಂಧದ ಜತೆಗೆ ಆಟೊ, ಟ್ಯಾಕ್ಸಿ, ರಿಕ್ಷಾ; ಅಂತರ-ಜಿಲ್ಲಾ ಮತ್ತು ಅಂತಾರಾಜ್ಯ ಬಸ್‌ ಸಂಚಾರ, ಬಾರ್ಬರ್‌ ಶಾಪ್‌, ಸಲೂನ್‌ ಮತ್ತು ಸ್ಪಾಗಳಿಗೆ ಹೆಚ್ಚುವರಿ ನಿರ್ಬಂಧ ಅನ್ವಯ. ಅನುಮತಿತ ಚಟುವಟಿಕೆಗಳಿಗಾಗಿ ಕಾರುಗಳಲ್ಲಿ ಡ್ರೈವರ್‌ ಸೇರಿ ಇಬ್ಬರಿಗೆ, ಬೈಕ್‌ನಲ್ಲಿ ಒಬ್ಬರಿಗೆ ಮಾತ್ರ ಓಡಾಡಬಹುದು ಖಾಸಗಿ ಕಂಪನಿಗಳು ಶೇ. 33ರಷ್ಟು ಸಿಬ್ಬಂದಿಯೊಂದಿಗೆ ಕೆಲಸ ಆರಂಭಿಸಬಹುದು ಎಲ್ಲಾ ಹಿರಿಯ ಅಧಿಕಾರಿಗಳು ಮತ್ತು 33% ಸಿಬ್ಬಂದಿಯೊಂದಿಗೆ ಸರಕಾರಿ ಕಚೇರಿಗಳ ಕಾರ್ಯನಿರ್ವಹಣೆ ಮಾಡಬಹುದು ನಗರಗಳಲ್ಲಿ ಸ್ಥಳದಲ್ಲೇ ಇರುವ ಕಾರ್ಮಿಕರನ್ನು ಬಳಸಿ ನಿರ್ಮಾಣ ಕಾರ್ಯ ನಡೆಸಬಹುದು ವಿಶೇಷ ಆರ್ಥಿಕ ವಲಯ, ಎಕ್ಸ್‌ಪೋರ್ಟ್‌ ಝೋನ್, ಕೈಗಾರಿಕಾ ಟೌನ್‌ಶೀಪ್‌ಗಳ ಕಾರ್ಯನಿರ್ವಹಣೆಗೆ ಅವಕಾಶವಿದೆ ಆರೆಂಜನ್‌ ಝೋನ್ ನಿಯಮಗಳಿವು ಎಲ್ಲಾ ವಲಯಗಳಿಗೆ ಅನ್ವಯವಾಗುವ ನಿರ್ಬಂಧಗಳೇ ಬಹುತೇಕ ಅನ್ವಯ; ಹೆಚ್ಚುವರಿಯಾಗಿ ಅಂತರ-ಜಿಲ್ಲೆ, ಅಂತರ ರಾಜ್ಯ ಬಸ್‌ ಪ್ರಯಾಣ ನಿರ್ಬಂಧವಿದೆ ಡ್ರೈವರ್‌ ಜತೆ ಇಬ್ಬರು ಪ್ರಯಾಣಿಕರೊಂದಿಗೆ ಟ್ಯಾಕ್ಸಿ, ಕ್ಯಾಬ್‌ಗಳಿಗೆ ಅವಕಾಶವಿದೆ ಖಾಸಗಿ ಕಾರ್‌ಗಳಲ್ಲಿ ಡ್ರೈವರ್‌ ಜತೆ ಇಬ್ಬರು ಪ್ರಯಾಣಿಕರಿಗೆ ಅವಕಾಶವಿದೆ ಕಂಟೇನ್‌ಮೆಂಟ್‌ ಝೋನ್ ನಿಯಮಗಳಿವು ಕಂಟೇನ್‌ಮೆಂಟ್‌ ಪ್ರದೇಶಗಳಿಗೆ ಹೋಗಲು/ಹೊರಬರಲು ಸಂಪೂರ್ಣ ನಿರ್ಬಂಧವಿದೆ ವೈದ್ಯಕೀಯ ತುರ್ತು/ಅಗತ್ಯ ಸರುಕು-ಸೇವೆಗಳ ಉದ್ದೇಶಕ್ಕೆ ಮಾತ್ರ ವಿನಾಯಿತಿಯಿದೆ
from India & World News in Kannada | VK Polls https://ift.tt/2ylxYKt
