ಲಂಡನ್: ವಿರುದ್ಧ ಪ್ರಸ್ತುತ ನಡೆಯುತ್ತಿರುವ ಓವಲ್ ಟೆಸ್ಟ್ನಲ್ಲಿ ಗೆಲವು ಸಾಧಿಸಿ, ಸರಣಿಯಲ್ಲಿ 2-1 ಮುನ್ನಡೆ ಪಡೆಯಬೇಕೆಂದರೆ ವಿರಾಟ್ ಕೊಹ್ಲಿ ನಾಯಕತ್ವದ ಪಂದ್ಯದ ಮೂರನೇ ದಿನಪೂರ್ತಿ ಬ್ಯಾಟಿಂಗ್ ಪ್ರದರ್ಶನ ತೋರುವ ಅಗತ್ಯವಿದೆ ಎಂದು ಮಾಜಿ ನಾಯಕ ಹೇಳಿದ್ದಾರೆ. ಶುಕ್ರವಾರ 99 ರನ್ಗಳ ಹಿನ್ನಡೆಯೊಂದಿಗೆ ದ್ವಿತೀಯ ಇನಿಂಗ್ಸ್ ಆರಂಭಿಸಿದ್ದ ಭಾರತ ತಂಡ ಎರಡನೇ ದಿನದಾಟದ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 43 ರನ್ ಗಳಿಸಿತ್ತು. ಆ ಮೂಲಕ 56 ರನ್ ಹಿನ್ನಡೆಯಲ್ಲಿತ್ತು. ಆರಂಭಿಕರಾದ ಕೆ.ಎಲ್ ರಾಹುಲ್ (22*) ಹಾಗೂ ರೋಹಿತ್ ಶರ್ಮಾ (20*) ಮೂರನೇ ದಿನದಾಟಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಕ್ರಿಕ್ಬಝ್ ಜೊತೆ ಸಂಭಾಷಣೆಯಲ್ಲಿ ಮೈಕಲ್ ವಾನ್, ಪಂದ್ಯದ ಮೂರನೇ ದಿನಪೂರ್ತಿ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದೇ ಆದಲ್ಲಿ ಟೀಮ್ ಇಂಡಿಯಾಗೆ 4ನೇ ಟೆಸ್ಟ್ ಗೆಲ್ಲಲು ಅತ್ಯುತ್ತಮ ಅವಕಾಶವಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. "ಮೂರನೇ ದಿನ 270 ರನ್ಗಳು ಸೇರ್ಪಡೆಯಾಗಬಹುದೆಂದು ನಾನು ಭಾವಿಸುತ್ತೇನೆ. ಭಾರತ ಮೂರನೇ ದಿನಪೂರ್ತಿ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದೇ ಆದಲ್ಲಿ ಓವಲ್ ಟೆಸ್ಟ್ ಗೆಲ್ಲುವ ನೆಚ್ಚಿನ ತಂಡವಾಗಲಿದೆ. ಆದರೆ, 3ನೇ ದಿನಪೂರ್ತಿ ಅವರು ಬ್ಯಾಟ್ ಮಾಡಲಿದ್ದಾರೆಯೇ ಎಂಬುದು ಪ್ರಶ್ನೆಯಾಗಿದೆ," ಎಂದರು. "ಅದರಲ್ಲೂ ದಿನದ ಮೊದಲ ಗಂಟೆ ನಿರ್ಣಾಯಕವಾಗಿರುತ್ತದೆ. ಏಕೆಂದರೆ ಪಂದ್ಯದ ಆರಂಭಿಕ ಎರಡು ದಿನಗಳ ಮೊದಲ ಅವಧಿಯನ್ನು ನಾವು ನೋಡಿದ್ದೇವೆ. ಹಾಗಾಗಿ ಮೊದಲ ಗಂಟೆಯಲ್ಲಿ ಇಂಗ್ಲೆಂಡ್ ತಂಡದ ಸವಾಲನ್ನು ಭಾರತ ಮೆಟ್ಟಿ ನಿಂತರೆ, ಖಂಡಿತಾ ಕೊಹ್ಲಿ ಪಡೆ ಗೆಲುವಿನ ನೆಚ್ಚಿನ ತಂಡವಾಗಲಿದೆ," ಎಂದು ಹೇಳಿದರು. ಅಗಲವಾದ ಎಸೆತಗಳನ್ನು ಚೇಸ್ ಮಾಡುವ ಬಗ್ಗೆ ಟೀಮ್ ಇಂಡಿಯಾ ಬ್ಯಾಟ್ಸ್ಮನ್ಗಳಿಗೆ ಇಂಗ್ಲೆಂಡ್ ಮಾಜಿ ನಾಯಕ ಇದೇ ವೇಳೆ ಎಚ್ಚರಿಕೆ ನೀಡಿದ್ದಾರೆ. "ಎಲ್ಲಾ ದಿನಗಳಲ್ಲಿ ಬ್ಯಾಟ್ ಮಾಡಲು ಭಾರತ ತಂಡಕ್ಕೆ ಸರಳ ವಿಧಾನವಿದೆ. ಅದೇನೆಂದರೆ, ಆರಂಭದಲ್ಲಿ ಒತ್ತಡ ಹಾಕಿಕೊಳ್ಳಬಾರದು, ವೈಡ್ ಬಾಲ್ಗಳನ್ನು ಚೇಸ್ ಮಾಡಬಾರದು, ದಿನದ ಮೊದಲ ಗಂಟೆಯಲ್ಲಿ ದೊಡ್ಡ ಡ್ರೈವ್ಗಳಿಗೆ ಕೈ ಹಾಕಬಾರದು ಹಾಗೂ ಆಫ್ ಸ್ಟಂಪ್ ಮೇಲಿರುವ ಎಸೆತಗಳನ್ನು ಆಡುವ ಮೂಲಕ ತಮ್ಮ ಹಾದಿಯನ್ನು ಉತ್ತಮಪಡಿಸಿಕೊಳ್ಳಬೇಕು," ಎಂದು ಸಲಹೆ ನೀಡಿದ್ದಾರೆ. ಶುಕ್ರವಾರ ಬೆಳಗ್ಗೆ 3 ವಿಕೆಟ್ ನಷ್ಟಕ್ಕೆ ಪ್ರಥಮ ಇನಿಂಗ್ಸ್ ಆರಂಭಿಸಿದ್ದ ಇಂಗ್ಲೆಂಡ್ ತಂಡ ಬಹುಬೇಗ ಎರಡು ವಿಕೆಟ್ ಕಳೆದುಕೊಂಡು (62ಕ/5) ತೀವ್ರ ಸಂಕಷ್ಟಕ್ಕೆ ಸಿಲುಕಿತ್ತು. ಈ ವೇಳೆ ಓಲ್ಲೀ ಪೋಪ್ (81) ಹಾಗೂ ಕ್ರಿಸ್ ವೋಕ್ಸ್ (50) ಅವರು ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶನ ತೋರಿ ಭಾರತಕ್ಕೆ ತಿರುಗೇಟು ನೀಡಿದ್ದರು. ಆ ಮೂಲಕ ಪ್ರಥಮ ಇನಿಂಗ್ಸ್ನಲ್ಲಿ 99 ರನ್ ಮುನ್ನಡೆ ಗಳಿಸಲು ಇಂಗ್ಲೆಂಡ್ಗೆ ನೆರವಾಗಿದ್ದರು. ದಿ ಓವಲ್ ಟೆಸ್ಟ್ ಪಂದ್ಯದ ಭಾರತ: ಮೊದಲ ಇನಿಂಗ್ಸ್ 61.3 ಓವರ್ಗಳಲ್ಲಿ 191ಕ್ಕೆ ಆಲ್ಔಟ್ (ಕೆಎಲ್ ರಾಹುಲ್ 17, 50, ಅಜಿಂಕ್ಯ ರಹಾನೆ 14, ಶಾರ್ದುಲ್ ಠಾಕೂರ್ 57; ಕ್ರಿಸ್ ವೋಕ್ಸ್ 55ಕ್ಕೆ 4, ಓಲ್ಲೀ ರಾಬಿನ್ಸನ್ 38ಕ್ಕೆ 3, ಜೇಮ್ಸ್ ಆಂಡರ್ಸನ್ 41ಕ್ಕೆ 1, ಕ್ರೇಗ್ ಓವರ್ಟರ್ನ್ 49ಕ್ಕೆ1). ಇಂಗ್ಲೆಂಡ್: ಮೊದಲ ಇನಿಂಗ್ಸ್ 84 ಓವರ್ಗಳಲ್ಲಿ 290ಕ್ಕೆ ಆಲ್ಔಟ್ (ಜೋ ರೂಟ್ 21, ಡಾವಿಡ್ ಮಲಾನ್ 31, ಓಲ್ಲೀ ಪೋಪ್ 81, ಜಾನಿ ಬೈರ್ಸ್ಟೋವ್ 37, ಮೊಯೀನ್ ಅಲಿ 35, ಕ್ರಿಸ್ ವೋಕ್ಸ್ 50; ಜಸ್ಪ್ರೀತ್ ಬುಮ್ರಾ 67ಕ್ಕೆ 2, ಉಮೇಶ್ ಯಾದವ್ 76ಕ್ಕೆ 3). ಭಾರತ: ಎರಡನೇ ಇನಿಂಗ್ಸ್ 16 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 43 ರನ್ (ಕೆಎಲ್ ರಾಹುಲ್ 22*, ರೋಹಿತ್ ಶರ್ಮಾ 20*) (* ಎರಡನೇ ದಿನದಾಟದ ಅಂತ್ಯಕ್ಕೆ ಅಂತ್ಯಕ್ಕೆ)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3kWOTaq
