ಬ್ರಿಸ್ಬೇನ್: ಸಂಪೂರ್ಣ ಫಿಟ್ನೆಸ್‌ ಸಾಬೀತು ಪಡಿಸುವಲ್ಲಿ ವಿಫಲರಾದ ಯುವ ಓಪನರ್ , ಬ್ರಿಸ್ಬೇನ್‌ನ ಗಬ್ಬಾ ಕ್ರೀಡಾಂಗಣದಲ್ಲಿ ವಿರುದ್ಧ ನಡೆಯಲಿರುವ ಬಾರ್ಡರ್-ಗವಾಸ್ಕರ್ ಟ್ರೋಫಿ ಟೆಸ್ಟ್ ಕ್ರಿಕೆಟ್ ಸರಣಿಯ ಅಂತಿಮ ಪಂದ್ಯದಿಂದ ಹೊರಬಿದಿದ್ದಾರೆ. 22 ವರ್ಷದ ಯುವ ಬಲಗೈ ಬ್ಯಾಟ್ಸ್ಮನ್ ಸಿಡ್ನಿ ಕ್ರಿಕೆಟ್ ಗ್ರೌಂಡ್‌ನಲ್ಲಿ ನಡೆದ ಸರಣಿಯ ಮೂರನೇ ಪಂದ್ಯದಲ್ಲಿ ತಂಡಕ್ಕೆ ಪದಾರ್ಪಣೆ ಮಾಡಿದ್ದರು. ಮೊದಲ ಇನಿಂಗ್ಸ್‌ನಲ್ಲಿ ಆಕರ್ಷಕ 62 ರನ್‌ ಗಳಿಸಿದ್ದ ಪುಕೋವ್‌ಸ್ಕಿ, ಎರಡನೇ ಇನಿಂಗ್ಸ್‌ನಲ್ಲಿ ಕ್ಷೇತ್ರರಕ್ಷಣೆ ವೇಳೆ ಭುಜಕ್ಕೆ ಪೆಟ್ಟು ಮಾಡಿಕೊಂಡರು. "ವಿಲ್ ಪುಕೋವ್‌ಸ್ಕಿ ಅಂತಿಮ ಟೆಸ್ಟ್ ಆಡುವುದಿಲ್ಲ. ಗುರುವಾರ ಬೆಳಗ್ಗೆ ಅವರು ಅಭ್ಯಾಸ ಮಾಡಲು ಪ್ರಯತ್ನಿಸಿದರು. ಆದರೆ ಸಾಧ್ಯವಾಗಲಿಲ್ಲ. ಅವರಿಗೆ ವೈದ್ಯಕೀಯ ನೆರವಿನ ಅಗತ್ಯವಿದೆ. ಬಳಿಕ ಅವರ ಫಿಟ್ನೆಸ್‌ ಬಗ್ಗೆ ಹೆಚ್ಚಿನ ಗಮನ ನೀಡಲಾಗುವುದು," ಎಂದು ಆಸೀಸ್‌ ನಾಯಕ ಟಿಮ್ ಪೇಯ್ನ್ ಆಸ್ಟ್ರೇಲಿಯಾದ ಕ್ರಿಕೆಟ್ ಡಾಟ್‌ಕಾಮ್ ವೆಬ್‌ಸೈಟ್‌ಗೆ ಮಾಹಿತಿ ನೀಡಿದ್ದಾರೆ. ಪುಕೋವ್‌ಸ್ಕಿ ಸ್ಥಾನಕ್ಕೆ ಮಾರ್ಕಸ್‌ ಹ್ಯಾರಿಸ್ಗಾಯಾಳು ವಿಲ್ ಪುಕೋವ್‌ಸ್ಕಿ ಸ್ಥಾನದಲ್ಲಿ ಮತ್ತೊಬ್ಬ ಯುವ ಆಟಗಾರ ಮಾರ್ಕಸ್‌ ಹ್ಯಾರಿಸ್ ಗಬ್ಬಾ ಟೆಸ್ಟ್‌ನಲ್ಲಿ ಡೇವಿಡ್‌ ವಾರ್ನರ್‌ ಜೊತೆಗೆ ಇನಿಂಗ್ಸ್‌ ಆರಂಭಿಸಲಿದ್ದಾರೆ. 2019ರ ಆಷಸ್‌ ಟೆಸ್ಟ್ ಸರಣಿ ಬಳಿಕ ಮಾರ್ಕಸ್‌ ಆಡುತ್ತಿರುವ ಮೊದಲ ಟೆಸ್ಟ್ ಪಂದ್ಯ ಇದಾಗಿದೆ. ಅಂದು ಇಂಗ್ಲೆಂಡ್‌ ಎದುರು ಕ್ಯಾಮರೂನ್ ಬ್ಯಾಂಕ್ರಾಫ್ಟ್‌ ಸ್ಥಾನದಲ್ಲಿ ಆಡಿದ್ದ ಮಾರ್ಕಸ್‌ 6 ಇನಿಂಗ್ಸ್‌ಗಳಿಂದ ಕೇವಲ 58 ರನ್‌ ಮಾತ್ರವೇ ಗಳಿಸಿದ್ದರು. ಬ್ರಿಸ್ಬೇನ್ ಟೆಸ್ಟ್‌ಗೆ ಆಸ್ಟ್ರೇಲಿಯಾ ಇಲೆವೆನ್ ಹೀಗಿದೆ1. ಡೇವಿಡ್‌ ವಾರ್ನರ್‌ (ಓಪನರ್) 2. ಮಾರ್ಕಸ್‌ ಹ್ಯಾರಿಸ್ (ಓಪನರ್) 3. ಮಾರ್ನಸ್‌ ಲಾಬುಶೇನ್ (ಮೂರನೇ ಕ್ರಮಾಂಕದ ಬ್ಯಾಟ್ಸ್ಮನ್) 4. ಸ್ಟೀವ್ ಸ್ಮಿತ್ (ನಾಲ್ಕನೇ ಕ್ರಮಾಂಕದ ಬ್ಯಾಟ್ಸ್ಮನ್) 5. ಮ್ಯಾಥ್ಯೂ ವೇಡ್‌ (ಐದನೇ ಕ್ರಮಾಂಕದ ಬ್ಯಾಟ್ಸ್ಮನ್) 6. ಕ್ಯಾಮರೂನ್ ಗ್ರೀನ್ (ಆಲ್‌ರೌಂಡರ್‌) 7. ಟಿಮ್ ಪೇಯ್ನ್ (ವಿಕೆಟ್‌ಕೀಪರ್‌/ಬ್ಯಾಟ್ಸ್ಮನ್) 8. ಪ್ಯಾಟ್‌ ಕಮಿನ್ಸ್‌ (ಬಲಗೈ ವೇಗಿ) 9. ಮಿಚೆಲ್‌ ಸ್ಟಾರ್ಕ್‌ (ಎಡಗೈ ಬ್ಯಾಟ್ಸ್ಮನ್) 10. ನೇಥನ್ ಲಯಾನ್ (ಆಫ್ ಸ್ಪಿನ್ನರ್‌) 11. ಜಾಶ್‌ ಹೇಝಲ್‌ವುಡ್‌ (ಬಲಗೈ ವೇಗಿ) ಗಬ್ಬಾ ಟೆಸ್ಟ್ ಪಂದ್ಯಕ್ಕೆ ಟೀಮ್ ಇಂಡಿಯಾದ ಸಂಭಾವ್ಯ ಇಲೆವೆನ್ 1. ರೋಹಿತ್ ಶರ್ಮಾ (ಓಪನರ್) 2. ಶುಭಮನ್ ಗಿಲ್ (ಓಪನರ್) 3. ಚೇತೇಶ್ವರ್ ಪೂಜಾರ (ಮೂರನೇ ಕ್ರಮಾಂಕದ ಬ್ಯಾಟ್ಸ್ಮನ್) 4. ಅಜಿಂಕ್ಯ ರಹಾನೆ (ನಾಲ್ಕನೇ ಕ್ರಮಾಂಕದ ಬ್ಯಾಟ್ಸ್ಮನ್) 5. ರಿಷಭ್ ಪಂತ್‌ (ಐದನೇ ಕ್ರಮಾಂಕದ ಬ್ಯಾಟ್ಸ್ಮನ್) 6. ವೃದ್ಧಿಮಾನ್ ಸಹಾ (ವಿಕೆಟ್‌ಕೀಪರ್‌/ಬ್ಯಾಟ್ಸ್ಮನ್) 7. ಆರ್‌ ಅಶ್ವಿನ್ (ಆಫ್ ಸ್ಪಿನ್ನರ್‌) 8. ವಾಷಿಂಗ್ಟನ್ ಸುಂದರ್‌/ ಕುಲ್ದೀಪ್ ಯಾದವ್ (ಆಲ್‌ರೌಂಡರ್‌/ಚೈನಾಮನ್ ಸ್ಪಿನ್ನರ್‌) 9. ನವದೀಪ್ ಸೈನಿ (ಬಲಗೈ ವೇಗಿ) 10. ಮೊಹಮ್ಮದ್‌ ಸಿರಾಜ್ (ಬಲಗೈ ವೇಗಿ) 11. ಟಿ ನಟರಾಜನ್/ ಶಾರ್ದುಲ್ ಠಾಕೂರ್ (ಎಡಗೈ ವೇಗಿ/ಬಲಗೈ ವೇಗಿ) ಅಡಿಲೇಡ್‌ನಲ್ಲಿ ನಡೆದ ಸರಣಿಯ ಮೊದಲ ಪಂದ್ಯದಲ್ಲಿ ಇನಿಂಗ್ಸ್‌ ಹಿನ್ನಡೆ ಹೊರತಾಗಿಯೂ ಆಸ್ಟ್ರೇಲಿಯಾ ತಂಡ 8 ವಿಕೆಟ್‌ಗಳ ಜಯ ದಾಖಲಿಸಿತ್ತು. ಬಳಿಕ ಎಂಸಿಜಿ ಕ್ರೀಡಾಂಗಣದಲ್ಲಿ ನಡೆದ ಬಾಕ್ಸಿಂಗ್‌ ಡೇ ಟೆಸ್ಟ್‌ನಲ್ಲಿ ಅಜಿಂಕ್ಯ ರಹಾನೆ ಸಾರಥ್ಯದಲ್ಲಿ ಭಾರತ ತಂಡ ಅಷ್ಟೇ ವಿಕೆಟ್‌ಗಳಿಂದ ಗೆದ್ದು ತಿರುಗೇಟು ನೀಡಿತು. ಸಿಡ್ನಿ ಟೆಸ್ಟ್ ಡ್ರಾ ಫಲಿತಾಂಶ ಕಂಡ ಹಿನ್ನೆಲೆಯಲ್ಲಿ ಗಬ್ಬಾ ಟೆಸ್ಟ್ ಸರಣಿ ನಿರ್ಣಾಯಕ ಮಹತ್ವ ಪಡೆದುಕೊಂಡಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3oI7vMf
