ದುಬೈ: ವಿರುದ್ಧ 37 ರನ್‌ಗಳಿಂದ ಸೋಲು ಅನುಭವಿಸಿದ ಬಳಿಕ ಪ್ರತಿಕ್ರಿಯಿಸಿದ ರಾಜಸ್ಥಾನ್‌ ರಾಯಲ್ಸ್ ತಂಡದ ನಾಯಕ ಸ್ಟೀವನ್‌ ಸ್ಮಿತ್, ಪಂದ್ಯದಲ್ಲಿ ತಮಗೂ ಹಾಗೂ ವೇಗಿ ನಡುವೆ ಉಂಟಾಗಿದ್ದ ಹೋರಾಟವನ್ನು ಬಹಿರಂಗಪಡಿಸಿದರು. ಮೊದಲು ಬ್ಯಾಟಿಂಗ್ ಮಾಡಿದ ಕೋಲ್ಕತಾ ನೈಟ್‌ ರೈಡರ್ಸ್ ತಂಡ ನಿಗದಿತ 20 ಓವರ್‌ಗಳಿಗೆ ಆರು ವಿಕೆಟ್‌ಗಳನ್ನು ಕಳೆದುಕೊಂಡು 174 ರನ್‌ಗಳನ್ನು ಗಳಿಸಿತು. 47 ರನ್‌ಗಳನ್ನು ಗಳಿಸಿದ ಶುಭಮನ್‌ ಗಿಲ್‌, ಕೆಕೆಆರ್‌ನ ಪರ ಗರಿಷ್ಠ ಸ್ಕೋರರ್‌ ಎನಿಸಿಕೊಂಡರು. ಇನಿಂಗ್ಸ್‌ ಕೊನೆಯ ಹಂತದಲ್ಲಿ ಅದ್ಭುತವಾಗಿ ಬ್ಯಾಟಿಂಗ್ ಮಾಡಿದ ಇಯಾನ್‌ ಮಾರ್ಗನ್‌ 23 ಎಸೆತಗಳಲ್ಲಿ 34 ರನ್‌ಗಳನ್ನು ಗಳಿಸಿದರು. ರಾಜಸ್ಥಾನ್‌ ರಾಯಲ್ಸ್ ಪರ ಅತ್ಯುತ್ತಮವಾಗಿ ಬೌಲಿಂಗ್‌ ಮಾಡಿದ ಜೋಫ್ರಾ ಆರ್ಚರ್‌ 18 ರನ್‌ಗಳನ್ನು ನೀಡಿ ಎರಡು ವಿಕೆಟ್‌ಗಳನ್ನು ಕಬಳಿಸಿದರು. ಬಳಿಕ ಗುರಿ ಹಿಂಬಾಲಿಸಿದ ರಾಜಸ್ಥಾನ್‌ ರಾಯಲ್ಸ್ ತಂಡ ನಿಗದಿತ 20 ಓವರ್‌ಗಳಲ್ಲಿ 9 ವಿಕೆಟ್‌ಗಳನ್ನು ಕಳೆದುಕೊಂಡು 137 ರನ್‌ಗಳಿಗೆ ಸೀಮಿತವಾಯಿತು. ಅಂತಿಮವಾಗಿ ಕೆಕೆಆರ್‌ 37 ರನ್‌ಗಳಿಂದ ಸೋಲು ಅನುಭವಿಸಿತ್ತು. ರಾಜಸ್ಥಾನ್‌ ರಾಯಲ್ಸ್ ಪರ ಟಾಮ್‌ ಕರನ್‌ 34 ಎಸೆತಗಳಲ್ಲಿ 56 ರನ್‌ಗಳನ್ನು ಗಳಿಸಿದರು. ಕೆಕೆಆರ್‌ ಪರ ಅದ್ಭುತ ಬೌಲಿಂಗ್‌ ಪ್ರದರ್ಶನ ತೋರಿದ ಕಮಲೇಶ್‌ ನಾಗರಕೋಟಿ, ಶಿವಮ್‌ ಮಾವಿ ಹಾಗೂ ವರುಣ್ ಚಕ್ರವರ್ತಿ ತಲಾ ಎರಡೆರಡು ವಿಕೆಟ್‌ಗಳನ್ನು ಕಬಳಿಸಿದರು. ಕಳೆದ ಎರಡು ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ತೋರಿದ್ದ ರಾಜಸ್ಥಾನ್‌ ರಾಯಲ್ಸ್ ನಾಯಕ ಸ್ಟೀವನ್‌ ಸ್ಮಿತ್ ಎರಡನೇ ಓವರ್‌ನಲ್ಲಿ ಪ್ಯಾಟ್‌ ಕಮಿನ್ಸ್ ಎಸೆತದಲ್ಲಿ ವಿಕೆಟ್‌ ಕೀಪರ್‌ಗೆ ಕ್ಯಾಚ್‌ ನೀಡಿದರು. ಏಳು ಎಸೆತಗಳನ್ನು ಆಡಿದ ಸ್ಮಿತ್ ಕೇವಲ ಮೂರು ರನ್‌ಗಳನ್ನು ಮಾತ್ರ ಗಳಿಸಿದರು. ಪಂದ್ಯ ಮುಗಿದ ಬಳಿಕ ಸ್ಟಾರ್‌ ಸ್ಪೋರ್ಟ್ಸ್‌ ಜತೆ ಮಾತನಾಡಿದ ಸ್ಟೀವನ್‌ ಸ್ಮಿತ್, "ಪ್ಯಾಟ್‌ ಕಮಿನ್ಸ್ ವಿರುದ್ಧ ಕಠಿಣ ಹೋರಾಟ ನಡೆಸಿದೆ, ಆದರೆ, ಅಂತಿಮವಾಗಿ ಅವರೇ ಗೆಲುವು ಸಾಧಿಸಿದರು. ಅವರ ಬಳಿ ನಾನು ಮಾತನಾಡಿದಾಗ, ಅವರು ಹೇಳಿದ್ದು, ಇಂತಹ ಎಸೆತಗಳಿಗೆ ಸಹಜವಾಗಿ ಹೊಡೆಯಬೇಕು ಎಂದಿದ್ದರು. ಕೆಲವೊಮ್ಮೆ ಒಳ್ಳೆಯ ಎಸೆತಗಳಿದ್ದಾಗ ನೀವು ಹೊಡೆಯಲು ಯತ್ನಿಸಬಾರದು," ಎಂದು ಹೇಳಿದರು. ಸಂಜು ಸ್ಯಾಮ್ಸನ್ ಹಾಗೂ ಜೋಸ್‌ ಬಟ್ಲರ್‌ ಅವರ ವಿಕೆಟ್‌ಗಳನ್ನು ಶಿವಮ್‌ ಮಾವಿ ಕಬಳಿಸಿದರೆ, ರಾಬಿನ್‌ ಉತ್ತಪ್ಪ ಹಾಗೂ ರಿಯಾನ್‌ ಪರಾಗ್‌ ಅವರ ವಿಕೆಟ್‌ಗಳನ್ನು ನಾಗರಕೋಟಿ ಪಡೆದರು. ಇಯಾನ್‌ ಮಾರ್ಗನ್‌ ಅವರನ್ನು ಸಾಮಾನ್ಯವಾಗಿ 4 ಅಥವಾ 5 ನೇ ಕ್ರಮಾಂಕದಲ್ಲಿ ಕಳುಹಿಸಬೇಕಾಗಿತ್ತು. ಆದರೆ, ಈ ಪಂದ್ಯದಲ್ಲಿ ಅವರು 6ನೇ ಕ್ರಮಾಂಕದಲ್ಲಿ ಆಡಿದ್ದರು. ರಾಜಸ್ಥಾನ್‌ ರಾಯಲ್ಸ್ ಅಕ್ಟೋಬರ್ 3 ರಂದು ರಾಜಸ್ಥಾನ್‌ ರಾಯಲ್ಸ್ ವಿರುದ್ಧ ಸೆಣಸಲಿದೆ. ಕೋಲ್ಕತಾ ನೈಟ್‌ ರೈಡರ್ಸ್ ಇದೇ ದಿನ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕಾದಾಟ ನಡೆಸಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2SfigXW
ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷೀಯ ಸ್ಥಾನದ ಚುನಾವಣೆಗೆ ರಂಗೇರಿದೆ. ಎಲೆಕ್ಷನ್‌ಗೆ 35 ದಿನಗಳಷ್ಟೇ ಬಾಕಿ ಇದ್ದು ಭಾರೀ ರೀತಿಯಲ್ಲಿ ಉಭಯ ಪಕ್ಷಗಳ ನಾಯಕರು ಪ್ರಚಾರಗಳು ನಡೆಸುತ್ತಿದ್ದಾರೆ. ಇದೀಗ ಇದೇ ಮೊದಲ ಬಾರಿಗೆ ಡೊನಾಲ್ಡ್ ಟ್ರಂಪ್ ಮತ್ತು ಜೋ ಬಿಡನ್‌ ನಡುವೆ ಬಹಿರಂಗ ಚರ್ಚೆ ನಡೆದಿದ್ದು, ಮಾತಿನ ಮೂಲಕ ಉಭಯ ನಾಯಕರು ಕಿತ್ತಾಡಿಕೊಂಡಿದ್ದಾರೆ. ಟಿವಿಯಲ್ಲಿ ನೇರಪ್ರಸಾರವಾಗುವ ಈ ಚರ್ಚೆಯಲ್ಲಿ ಉಭಯ ನಾಯಕರು ಅಕ್ಷರಶಃ ಕಿಡಿಕಾರಿಕೊಂಡಿದ್ದಾರೆ. ಕೊರೊನಾ ವೈರಸ್‌, ಆರ್ಥಿಕತೆ, ಕಪ್ಪು ವರ್ಣೀಯರು ಸೇರಿ ಹಲವು ವಿಚಾರಗಳ ಬಗ್ಗೆ ಸವಾಲು ಉತ್ತರಗಳ ಸಮ್ಮಿಲನವು ವೇದಿಕೆಯಲ್ಲಿ ನಡೆಯಿತು.
ಬೆಂಗಳೂರು: ಮಾದಕ ವಸ್ತುಗಳಿಗೆ ಕಡಿವಾಣ ಹಾಕುತ್ತಿರುವ ಮಾದಕವಸ್ತು ನಿಯಂತ್ರಣ ದಳ(ಎನ್‌ಸಿಬಿ) ಅಧಿಕಾರಿಗಳು ಇದೀಗ ಭರ್ಜರಿ ಬೇಟೆಯೊಂದನ್ನು ಮಾಡಿದ್ದಾರೆ. ಡಾರ್ಕ್ನೆಟ್ ಮೂಲಕ ಆರ್ಡರ್‌ ಮಾಡಿ, ಕ್ರಿಪ್ಟೋ ಕರೆನ್ಸಿ ಮೂಲಕ ಹಣ ಪಾವತಿಸಿ, ನೆದರ್‌ಲ್ಯಾಂಡ್‌ನಿಂದ ಕೊರಿಯರ್‌ ಮೂಲಕ ತರಿಸಲಾಗಿದ್ದ 750 ಎಂಡಿಎಂಎ ಮಾತ್ರೆಗಳನ್ನು ಜಪ್ತಿ ಮಾಡಿರುವ ಮಾದಕವಸ್ತು ನಿಯಂತ್ರಣ ದಳ(ಎನ್‌ಸಿಬಿ) ಅಧಿಕಾರಿಗಳು ನಾಲ್ವರನ್ನು ಬಂಧಿಸಿದ್ದಾರೆ.
ವಿ.ಜೆ.ರಾಜೇಶ್‌ ಆಲ್ದೂರು (ಚಿಕ್ಕಮಗಳೂರು)ಮಾರುಕಟ್ಟೆಯಲ್ಲಿ ಉತ್ತಮ ಧಾರಣೆ ಇರುವುದನ್ನು ಅರಿತ ಕೆಲವು ಉತ್ಸಾಹಿ ಯುವ ರೈತರು ಜೀರಿಗೆ ಮೆಣಸನ್ನು ವ್ಯವಸ್ಥಿತವಾಗಿ ಬೆಳೆಯಲು ಮುಂದಾಗಿದ್ದಾರೆ. ಮನೆ ಬಳಿ, ಕಾಫಿ, ಅಡಕೆ ತೋಟಗಳಲ್ಲಿನಾಲ್ಕೈದು ಗಿಡಗಳಿಗೆ ಸೀಮಿತವಾಗಿದ್ದ ಜೀರಿಗೆ ಮೆಣಸನ್ನು ಈಗ ಎಕರೆಗಟ್ಟಲೆ ಬೆಳೆಯಲಾಗುತ್ತಿದೆ. ಮಲೆನಾಡು ಭಾಗದಲ್ಲಿ ಹಿತ್ತಿಲಿಗಷ್ಟೇ ಸೀಮಿತವಾಗಿದ್ದ, ಮಾಂಸಾಹಾರಿ ಅಡುಗೆ, ಉಪ್ಪಿನಕಾಯಿ ಹಾಕುವುದಕ್ಕೆ ಮಾತ್ರ ಉಪಯೋಗಿಸುತ್ತಿದ್ದ ಜೀರಿಗೆ ಮೆಣಸ್ಸಿನ ಮಹತ್ವ ಬಹುತೇಕ ಜನರಿಗೆ ಗೊತ್ತಿರಲಿಲ್ಲ. ವಿಪರೀತ ಖಾರ ಎಂಬ ಕಾರಣಕ್ಕೆ ಬಳಕೆ ಬಹಳ ಕಡಿಮೆ ಇತ್ತು. ಆದರೆ, ಜೀರಿಗೆ ಮೆಣಸು ಆರೋಗ್ಯವರ್ಧಕ ಎಂಬುದು ಗೊತ್ತಾಗುತ್ತಿದ್ದಂತೆ ಸಾಮಾನ್ಯ ಮೆಣಸಿಗಿಂತ ಜೀರಿಗೆ ಮೆಣಸಿಗೆ ಬೇಡಿಕೆ ಹೆಚ್ಚಾಗಿದೆ. ತಾನಾಗಿಯೇ ಹುಟ್ಟಿ ಬೆಳೆಯುವ ಜೀರಿಗೆ ಮೆಣಸಿನಕಾಯಿಗೆ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆಯಿದೆ. ವಿಶೇಷ ಆರೈಕೆ, ಹೆಚ್ಚಿನ ನೀರಾವರಿ ಅಗತ್ಯವಿಲ್ಲದ ಬೆಳೆ. ಹಲವು ರೈತರು ಜೀರಿಗೆ ಮೆಣಸಿನ ಗಿಡಗಳನ್ನು ನೆಟ್ಟು ಬೆಳೆಸುವುದಿಲ್ಲ. ಹಕ್ಕಿಗಳು ತಿಂದು ಬೀಳಿಸಿದ ಬೀಜಗಳಿಂದ ಸಸಿಗಳು ತೋಟದಲ್ಲಿ ತಾವಾಗಿಯೇ ಹುಟ್ಟುತ್ತವೆ. ಅದರ ಪಾಡಿಗೆ ಬೆಳೆದು ಕಾಯಿ ಬಿಡುತ್ತವೆ.ಚೂರು ಮೆಣಸು, ಗಾಂಧಾರಿ ಮೆಣಸು, ನುಚ್ಚು ಮೆಣಸು, ಸಣ್ಣಮೆಣಸು, ಕಾಂತರಿ ಜೀರಿಗೆ ಮೆಣಸು, ಅಥವಾ ಬರ್ಡ್‌ ಐ ಚಿಲ್ಲಿ ಹೆಸರಿನಿಂದ ಕರೆಯುವ ಈ ಮೆಣಸಿನಕಾಯಿ ಮಲೆನಾಡಿನ ರೈತರ ಉಪ ಬೆಳೆಯಾಗಿ ಉತ್ತಮ ಆದಾಯ ಕೊಡುತ್ತಿದೆ.
