ಹೊಸದಿಲ್ಲಿ: ಮಹೇಂದ್ರ ಸಿಂಗ್‌ ಧೋನಿ ಅವರ ಅಂತಾರಾಷ್ಟ್ರೀಯ ಕ್ರಿಕೆಟ್ ಭವಿಷ್ಯ ಇನ್ನೂ ನಿಗೂಢವಾಗಿದೆ. ಆದರೆ, ಟೀಮ್‌ ಇಂಡಿಯಾದಲ್ಲಿ ಹಿರಿಯ ವಿಕೆಟ್‌ ಕೀಪರ್ ಹಾಗೂ ಬ್ಯಾಟ್ಸ್ಮನ್ ಸ್ಥಾನ ತುಂಬುವುದು ಸುಲಭದ ಮಾತಲ್ಲ. ಕಳೆದ ವರ್ಷ ಐಸಿಸಿ ಏಕದಿನ ವಿಶ್ವಕಪ್‌ ಟೂರ್ನಿಯ ಬಳಿಕ ಎಂ.ಎಸ್‌ ಧೋನಿ ತಂಡದಿಂದ ಹೊರಗುಳಿದಿದ್ದಾರೆ. ಇಂಡಿಯನ್ ಪ್ರೀಮಿಯರ್‌ ಲೀಗ್‌ನಲ್ಲಿ ಧೋನಿ ಕಣಕ್ಕೆ ಇಳಿಯಬೇಕಿತ್ತು. ಆದರೆ, ಕೊರೊನಾ ವೈರಸ್‌ ವ್ಯಾಪಕವಾಗಿ ಹರಡಿದ್ದರಿಂದ ಐಪಿಎಲ್‌ ಟೂರ್ನಿಯನ್ನು ತಾತ್ಕಾಲಿಕವಾಗಿ ಮುಂದೂಡಲಾಗಿದೆ. ಧೋನಿ ಸ್ಥಾನಕ್ಕೆ ಸೂಕ್ತ ಆಟಗಾರನ್ನು ತುಂಬುವಲ್ಲಿ ಟೀಮ್‌ ಮ್ಯಾನೇಜ್‌ಮೆಂಟ್‌ ಶ್ರಮಿಸುತ್ತಿದೆ. ಅದರಂತೆ ಯುವ ವಿಕೆಟ್‌ ಕೀಪರ್ ಅವರಿಗೆ ಮೂರು ಮಾದರಿಯಲ್ಲಿ ಮಣೆ ಹಾಕಲಾಗಿತ್ತು. ಯುವ ವಿಕೆಟ್‌ ಕೀಪರ್ ಮತ್ತು ಬ್ಯಾಟ್ಸ್ಮನ್ ರಿಷಭ್‌ ಪಂತ್ ನಿರೀಕ್ಷಿತ ಪ್ರದರ್ಶನ ತೋರುವಲ್ಲಿ ವಿಫಲರಾದರು. ಆ ಕಾರಣಕ್ಕಾಗಿ ಟೆಸ್ಟ್ ಕ್ರಿಕೆಟ್‌ಗೆ ಹಾಗೂ ಸೀಮಿತ ಓವರ್‌ಗಳ ಸ್ವರೂಪಕ್ಕೆ ಅವರಿಗೆ ಮಣೆ ಹಾಕಲಾಯಿತು. ತಂಡದಲ್ಲಿ ಯಾರು ಪೂರ್ಣ ಪ್ರಮಾಣದಲ್ಲಿ ವಿಕೆಟ್‌ ಕೀಪಿಂಗ್‌ ಮಾಡಬೇಕೆಂಬುದು ಟೀಮ್‌ ಮ್ಯಾನೇಜ್‌ಮೆಂಟ್‌ಗೆ ಇನ್ನೂ ಸ್ಪಷ್ಟವಾಗಿಲ್ಲ. ಈ ಕುರಿತು ಯೂಟ್ಯೂಬ್‌ ಚಾನೆಲ್‌ನಲ್ಲಿ ಮಾತನಾಡಿರುವ ಆಸ್ಟ್ರೇಲಿಯಾ ಮಾಜಿ ಸ್ಪಿನ್ನರ್‌ , ಟೆಸ್ಟ್ ಹಾಗೂ ಸೀಮಿತ ಓವರ್‌ಗಳ ಸ್ವರೂಪದಲ್ಲಿ ಯಾರನ್ನು ವಿಕೆಟ್‌ ಕೀಪರ್ ಆಗಿ ಆಯ್ಕೆ ಮಾಡಬೇಕು, ಏಕೆ ಮಾಡಬೇಕು ಎಂಬುದನ್ನು ಬಹಿರಂಗ ಪಡಿಸಿದ್ದಾರೆ. "ಯಾರು ಉತ್ತಮ ಕೀಪರ್ ಎಂದು ಮೊದಲು ಗಮನಿಸಬೇಕು. ಮೊದಲ ನಾವು ವೃದ್ದಿಮನ್‌ ಸಾಹ ಅವರನ್ನು ಆಯ್ಕೆ ಆಡಬೇಕು. ಏಕೆದರೆ, ಅವರು ಕೆಳಗಡೆ ಕುಳಿತು ವಿಕೆಟ್‌ ಕೀಪಿಂಗ್‌ ಮಾಡುತ್ತಾರೆ, ಚೆಂಡು ಬರುವ ಕೊನೆಯ ಕ್ಷಣದವರೆಗೂ ಅವರು ಕಾಯುತ್ತಾರೆ ಹಾಗೂ ಮೃದುವಾಗಿ ಚೆಂಡನ್ನು ಪಡೆದುಕೊಳ್ಳುತ್ತಾರೆ. ಲೆಗ್ ಸೈಡ್ ಬಹಳ ವೇಗವಾಗಿ ಸ್ಟಂಪ್‌ ಮಾಡುವ ಸಾಹ, ಅತ್ಯುತ್ತಮ ಕ್ಯಾಚ್‌ಗಳನ್ನು ಹಿಡಿದುಕೊಳ್ಳುತ್ತಾರೆ," ಎಂದು ಹಾಗ್‌ ಬಂಗಾಳದ ವಿಕೆಟ್‌ ಕೀಪರ್ ಅನ್ನು ಶ್ಲಾಘಿಸಿದರು. "ಸೀಮಿತ ಓವರ್‌ಗಳ ಕ್ರಿಕೆಟ್‌ನಲ್ಲಿ ವಿಕೆಟ್‌ ಕೀಪಿಂಗ್‌ ಮಾಡುವ ಅವಕಾಶವನ್ನು ಪಡೆದ ಕೆ.ಎಲ್‌ ರಾಹುಲ್ ಅತ್ಯುತ್ತಮವಾಗಿ ನಿರ್ವಹಿಸಿದ್ದರು. ಸಾಹ ರೀತಿಯೇ ಚುರುಕಾಗಿ ವಿಕೆಟ್‌ ಕೀಪಿಂಗ್‌ ಮಾಡಿದ್ದರು. ಆದರೆ, ಅವರು ಉದ್ದ ಇರುವುದರಿಂದ ಲೆಗ್ ಸೈಡ್ ಚಲನೆಯಲ್ಲಿ ಹಿಂದೆ ಉಳಿದಿದ್ದರು. ಇನ್ನು, ಪಂತ್ ಪಾದಗಳು ಚಪ್ಪಟೆಯಾಗಿರುವುದರಿಂದ ಚೆಂಡನ್ನು ಸಾಹ-ರಾಹುಲ್‌ಗಿಂತ ಉತ್ತಮವಾಗಿ ಪಡೆದುಕೊಳ್ಳುತ್ತಾರೆ," ಎಂದು ಹೇಳಿದರು. "ಮೂರು ಮಾದರಿಯಲ್ಲಿ ಯಾರು ಮಾದರಿ ವಿಕೆಟ್‌ ಕೀಪರ್? ಟೆಸ್ಟ್ ಕ್ರಿಕೆಟ್‌ನಲ್ಲಿ ಕೆ.ಎಲ್‌ ರಾಹುಲ್ ವಿಕೆಟ್‌ ಕೀಪಿಂಗ್‌ ಮಾಡುವುದು ಅಸಾಧ್ಯ. ಏಕೆಂದರೆ, ಪ್ರಥಮ ದರ್ಜೆ ಗುಣಮಟ್ಟದ ವಿಕೆಟ್‌ ಕೀಪಿಂಗ್‌ ಅವರು ಮಾಡುವುದಿಲ್ಲ. ಅಷ್ಟಕ್ಕೂ ಅವರ ಮೇಲೆ ಒತ್ತಡ ಹೇರಿದಂತಾಗುತ್ತದೆ ಹಾಗೂ ಅವರ ಬ್ಯಾಟಿಂಗ್‌ ಮೇಲೆ ಗಂಭೀರ ಪರಿಣಾಮ ಬೀರಬಹುದು. ಹಾಗಾಗಿ, ಸಾಹ ಮತ್ತು ಪಂತ್ ಅವರನ್ನು ಟೆಸ್ಟ್‌ಗೆ ಪರಿಗಣಿಸುವುದು ಉತ್ತಮ," ಎಂದು ಹಾಗ್‌ ಅಭಿಪ್ರಾಯ ವ್ಯಕ್ತಪಡಿಸಿದರು. ಆಕ್ರಮಣಕಾರಿ ಬ್ಯಾಟಿಂಗ್‌ ಶೈಲಿ ಇರುವುದರಿಂದ ರಿಷಭ್‌ ಪಂತ್ ಅವರನ್ನು ಟೆಸ್ಟ್ ಕ್ರಿಕೆಟ್‌ಗೆ ಪರಿಗಣಿಸುತ್ತೇನೆ ಎಂದು ಎಡಗೈ ಸ್ಪಿನ್ನರ್‌ ಉಲ್ಲೇಖಿಸಿದರು. "ಪಂತ್ ಬ್ಯಾಟಿಂಗ್‌ ಸಾಹಗಿಂತಲೂ ಸ್ಫೋಟಕವಾಗಿದೆ. ಭಾರತ ತಂಡದ ಅಗ್ರ ಐವರು ಬ್ಯಾಟ್ಸ್‌ಮನ್‌ಗಳು ಉತ್ತಮವಾಗಿದ್ದಾರೆ. ಇನ್ನು ಉಳಿದಿರುವ ಏಳನೇ ಕ್ರಮಾಂಕ. ಈ ಕ್ರಮಾಂಕದಲ್ಲಿ ಆಡುವ ಬ್ಯಾಟ್ಸ್ಮನ್ ಅತಿ ವೇಗವಾಗಿ ರನ್‌ ಗಳಿಸಬೇಕು ಹಾಗೂ ಸನ್ನಿವೇಶಕ್ಕೆ ತಕ್ಕಂತೆ ತಂಡಕ್ಕೆ ಆಸರೆಯಾಗಬೇಕು. ವಿಶೇಷವಾಗಿ ಟೆಸ್ಟ್ ಪಂದ್ಯದಲ್ಲಿ ವಿಕೆಟ್‌ ಕೀಪಿಂಗ್‌ನಲ್ಲಿ ಬೌಲರ್‌ಗಳಿಗೆ 20 ವಿಕೆಟ್‌ಗಳನ್ನು ಪಡೆಯುವಂತೆ ಪ್ರೇರೇಪಿಸಬೇಕು. ಸ್ಟಂಪಿಂಗ್‌ ವಿಚಾರದಲ್ಲಿ ಪಂತ್‌ಗಿಂತಲೂ ಸಾಹ ಅತ್ಯುತ್ತಮವಾಗಿದ್ದಾರೆ. ಆದರೆ, ರಿಷಭ್‌ ಪಂತ್ ತಮ್ಮ ಬ್ಯಾಟಿಂಗ್‌ನಲ್ಲಿ ಹೆಚ್ಚು ಸ್ಫೋಟಕವಾಗಿದ್ದು, ತಂಡದ ಗೆಲುವಿನಲ್ಲಿ ವಿಶೇಷ ಪಾತ್ರವಹಿಸುತ್ತಾರೆ," ಎಂದು ಹಾಗ್‌ ಹೇಳಿದರು. "ಸೀಮಿತ ಓವರ್‌ಗಳ ಮಾದರಿಯಲ್ಲಿ ಪಂತ್ ಆಕ್ರಮಣಕಾರಿ ಬ್ಯಾಟಿಂಗ್‌ ಶೈಲಿಯನ್ನು ಹೊಂದಿದ್ದಾರೆ. ಹಾಗಾಗಿ, ಅವರನ್ನು ಓಡಿಐ ಮತ್ತು ಟಿ20 ಕ್ರಿಕೆಟ್‌ಗೆ ಪರಿಗಣಿಸುತ್ತೇನೆ. ಸೀಮಿತ ಓವರ್‌ಗಳ ಮಾದರಿಗೆ ಸಾಹ ಸೂಕ್ತವಾಗುವುದಿಲ್ಲ. ಏಕೆಂದರೆ, ಅವರ ಸ್ಟ್ರೈಕ್‌ ರೇಟ್‌ ಓಡಿಐ ಮತ್ತು ಚುಟುಕು ಕ್ರಿಕೆಟ್‌ಗೆ ಸೂಕ್ತವಾಗುವುದಿಲ್ಲ. ಇದಕ್ಕಿಂತ ಮುಖ್ಯವಾಗಿ ಪಂತ್ ಹಾಗೂ ರಾಹುಲ್‌ಗಿಂತ ಸುಲಭವಾಗಿ ಬೌಂಡರಿ ಗಳಿಸಲು ಅವರಿಂದ ಸಾಧ್ಯವಿಲ್ಲ," ಎಂದು ಹೇಳಿದರು. "ಓಡಿಐನ ಮೂರು ಹಂತದಲ್ಲಿ ರಾಹುಲ್ ಮತ್ತು ಪಂತ್ ಅವರ ಅಂಕಿಅಂಶಗಳನ್ನು ಹೋಲಿಕೆ ಮಾಡಿದರೆ, ಎಡಗೈ ಬ್ಯಾಟ್ಸ್ಮನ್ ಅತಿಯಾದ ಆಕ್ರಮಣಕಾರಿ ಬ್ಯಾಟಿಂಗ್‌ಗೆ ಮೊರೆ ಹೋಗುತ್ತಾರೆ. ಅಲ್ಲದೆ, ಸನ್ನಿವೇಶಕ್ಕೆ ತಕ್ಕಂತೆ ಬ್ಯಾಟಿಂಗ್‌ ಮಾಡುವಲ್ಲಿಯೂ ಎಡವುತ್ತಾರೆ. ಇದೆಲ್ಲವನ್ನು ಗಮನಿಸಿದರೆ, ಪಂತ್‌ಗಿಂತ ರಾಹುಲ್ ಪರಿಪಕ್ವ ಆಟಗಾರ," ಎಂದು ಬ್ರಾಡ್‌ ಹಾಗ್‌ ಅಭಿಪ್ರಾಯ ಪಟ್ಟರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2NPTWcQ
