- ಆರ್. ತುಳಸಿಕುಮಾರ್, ಬೆಂಗಳೂರು ಭಾರತೀಯ ಸೇನೆಯಲ್ಲಿ ಮಹಿಳೆಯರಿಗೆ ಮುಂಚೂಣಿ ಹುದ್ದೆಗಳನ್ನು ನೀಡಿರುವ ಬೆನ್ನಲ್ಲೇ ಅವರ ಸುರಕ್ಷತೆಗೆ ಹೊಸ ರಕ್ಷಾ ಕವಚಗಳನ್ನು ಸೃಷ್ಟಿಸಲಾಗಿದೆ. ರಕ್ಷಣಾ ಸಂಶೋಧನೆ ಹಾಗೂ ಅಭಿವೃದ್ಧಿ ಸಂಸ್ಥೆ (ಡಿಆರ್ಡಿಒ) ಈ ರಕ್ಷಾ ಕವಚಗಳನ್ನು ಸೇನೆಯ ಮಹಿಳಾ ಸಿಬ್ಬಂದಿಗೆ ರೂಪಿಸಿದೆ. ಸ್ತ್ರೀಯರಿಗೆ ದೇಹ ರಕ್ಷಾ ಕವಚ ಏಕೆ?: ಸೇನೆಯಲ್ಲಿರುವ ಪುರುಷ ಯೋಧರಿಗೆ ಅವರಿಗೆ ಹೊಂದುವ ಹಲವು ರಕ್ಷಾ ಕವಚಗಳು ಬಳೆಕಯಲ್ಲಿವೆ. ಆದರೆ, ಮಹಿಳಾ ಸೇನಾನಿಗಳಿಗೆ ಪ್ರತ್ಯೇಕ ರಕ್ಷಾ ಕವಚಗಳಿಲ್ಲ. ಜತೆಗೆ ಮಹಿಳೆಯ ಅಂಗ ರಚನೆಗೆ ಹೊಂದುವ ರಕ್ಷಾ ಕವಚಗಳು ಬಳಕೆಯಲ್ಲಿ ಇಲ್ಲ. ಹೀಗಾಗಿ ಮಹಿಳಾ ಸೈನಿಕರನ್ನು ಗುರಿಯಾಗಿರಿಸಿಕೊಂಡು ವಿಶೇಷ ವಿನ್ಯಾಸದ ರಕ್ಷಾ ಕವಚಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಮಧ್ಯಮ ಹಾಗೂ ದೊಡ್ಡ ಗಾತ್ರದ ಮಾದರಿಯಲ್ಲಿದ್ದು, ಎದೆ ಭಾಗ, ಕೈ, ಕಾಲುಗಳಿಗೆ ಪ್ರತ್ಯೇಕವಾಗಿವೆ. ಹೊಸದಾಗಿ ಅಭಿವೃದ್ಧಿಪಡಿಸಿರುವ ದೇಹ ರಕ್ಷಾ ಕವಚಗಳು ಬೆಂಕಿ, ಆ್ಯಸಿಡ್ ನಿರೋಧಕವಾಗಿವೆ. ದಾಳಿ ವೇಳೆ ಹೆಚ್ಚಿನ ಸುರಕ್ಷತೆಯನ್ನು ಒದಗಿಸುತ್ತವೆ. ಸುಲಭವಾಗಿ ಧರಿಸುವ ಹಾಗೂ ಕಡಿಮೆ ತೂಕವಿರುವ ಕಾರಣ ಮಹಿಳಾ ಸ್ನೇಹಿಯಾಗಿವೆ. ಈ ಉತ್ಪನ್ನವನ್ನು ಮಹಿಳಾ ಪೊಲೀಸ್ ಪೇದೆ/ಅಧಿಕಾರಿಗಳು ಕೂಡ ಬಳಸಬಹುದು. ಇದನ್ನು ಮನಗಂಡೇ ಕೇರಳ, ಉತ್ತರಪ್ರದೇಶ ಹಾಗೂ ಜಮ್ಮು-ಕಾಶ್ಮೀರ ಸರಕಾರಗಳು ತಮ್ಮ ರಾಜ್ಯದ ಪೊಲೀಸ್ ಇಲಾಖೆಗೆ ಖರೀದಿಸುವ ಕುರಿತು ಡಿಆರ್ಡಿಒ ಜತೆ ಚರ್ಚೆ ನಡೆಸಿವೆ. ಎರಡು ವರ್ಷದ ಸಂಶೋಧನೆಯ ಫಲವಾಗಿ ಮಹಿಳಾ ರಕ್ಷಾ ಕವಚವನ್ನು ದೇಶೀಯವಾಗಿ ಅಭಿವೃದ್ಧಿಪಡಿಸಲಾಗಿದೆ. ಪೇಟೆಂಟ್ ದೊರೆತ ಮೇಲೆ ದರ ನಿಗದಿಗೊಳಿಸಿ ತಂತ್ರಜ್ಞಾನ ವರ್ಗಾವಣೆ ಮೂಲಕ ಸೇನೆ, ಪೊಲೀಸ್ ಇಲಾಖೆಗೆ ನೀಡಲಾಗುವುದು. - ಇಂದ್ರಜಿತ್ ಸಿಂಗ್, ಡಿಆರ್ಡಿಒ 'ದೀಪಾಸ್' ವಿಜ್ಞಾನಿ ಪುಲ್ವಾಮ ಬಳಿಕ ಬುಲೆಟ್ ಪ್ರೂಫ್ ಜಾಕೆಟ್ಗೆ ಬೇಡಿಕೆಸೇನೆಯ ಪುರುಷ ಸೈನಿಕರ ಸುರಕ್ಷತೆಗಾಗಿ 1.2 ಲಕ್ಷ ಸಂಖ್ಯೆಯಷ್ಟು ಬುಲೆಟ್ ಪ್ರೂಫ್ ಜಾಕೆಟ್ಗಳನ್ನು ಪೂರೈಸುವಂತೆ ರಕ್ಷಣಾ ಇಲಾಖೆಯು ಡಿಆರ್ಡಿಒಗೆ ಕಾರ್ಯಾದೇಶ ನೀಡಿದೆ. ಪುಲ್ವಾಮಾ ಉಗ್ರ ದಾಳಿ ಬಳಿಕ ಸೈನಿಕರ ಪ್ರಾಣ ರಕ್ಷಣೆಗಾಗಿ ವಿಶೇಷ ಆದ್ಯತೆ ದೊರೆತಿದೆ. ಪ್ರತಿಯೊಂದು ಜಾಕೆಟ್ 8.3 ಕೆ.ಜಿ. ತೂಕವಿದ್ದು, 50-60 ಸಾವಿರ ರೂ. ದರದಲ್ಲಿ ಸೇನೆ ಹಾಗೂ ಪೊಲೀಸ್ ಇಲಾಖೆಗೆ ಮಾತ್ರ ಪೂರೈಕೆಯಾಗಲಿದೆ.
from India & World News in Kannada | VK Polls https://ift.tt/2ujjXuD
