ಹೊಸದಿಲ್ಲಿ: ಉದ್ಯೋಗಿಗಳಿಗೆ ಮತ್ತೊಂದು ಅನುಕೂಲ ಕಲ್ಪಿಸಿದೆ. ಇಪಿಎಫ್‌ಒ ಮಾಹಿತಿ ತಂತ್ರಜ್ಞಾನದ ನೆರವಿನಲ್ಲಿ ಕೇಂದ್ರೀಕೃತ ವ್ಯವಸ್ಥೆಯನ್ನು ಅಳವಡಿಸಿದ್ದು, ಉದ್ಯೋಗಿಗಳು ತಮ್ಮ ಉದ್ಯೋಗವನ್ನು ಬದಲಾಯಿಸಿದಾಗ, ಮತ್ತೊಂದು ಕಂಪನಿ ಅಥವಾ ಸಂಸ್ಥೆಗೆ ತೆರಳಿದಾಗ, ತಮ್ಮ ಇಪಿಎಫ್‌ಒ () ಖಾತೆಯನ್ನೂ ಮತ್ತು ಅದರಲ್ಲಿರುವ ಹಣವನ್ನು ವರ್ಗಾವಣೆ ಮಾಡುವ ಅಗತ್ಯ ಇರುವುದಿಲ್ಲ. ಇನ್ನು ಮುಂದೆ ಭವಿಷ್ಯ ನಿಧಿಯಲ್ಲಿನ () ಹಣವು ಕಂಪೆನಿ ಬದಲಿಸಿದಾಗ ಸ್ವಯಂಚಾಲಿತವಾಗಿಯೇ ವರ್ಗಾವಣೆ ಆಗಲಿದೆ. ಅಡ್ವಾನ್ಸಡ್‌ ಕಂಪ್ಯೂಟಿಂಗ್‌ ಅಥವಾ ಸಿ-ಡಿಎಸಿ ವ್ಯವಸ್ಥೆಯನ್ನು ಇಪಿಎಫ್‌ಒ ಅಳವಡಿಸಿದ್ದು, ಉದ್ಯೋಗಿ ತನ್ನ ಕಂಪನಿಯನ್ನು ಬದಲಿಸಿದರೂ ತನ್ನಿಂತಾನೆ ವರ್ಗಾವಣೆಯಾಗಲಿದೆ. ಉದ್ಯೋಗಿಗಳು ವರ್ಗಾಯಿಸಲು ಚಿಂತೆ ಮಾಡಬೇಕಿಲ್ಲ. ಶೀಘ್ರದಲ್ಲೇ ಈ ಹೊಸ ನಿಯಮ ಜಾರಿಯಾಗಲಿದೆ. ಇದುವರೆಗೆ ಉದ್ಯೋಗಿಯೊಬ್ಬ ಕೆಲಸ ಬದಲಿಸಿದಾಗ ಹೊಸ ಕಂಪನಿಯಲ್ಲಿ ಹೊಸತಾಗಿ ಇಪಿಎಫ್ ಖಾತೆ ತೆರೆದು, ಹಳೆ ಕಂಪನಿಯ ಇಪಿಎಫ್ ಖಾತೆಯಿಂದ ಹಣವನ್ನು ವರ್ಗಾವಣೆ ಮಾಡಬೇಕಾಗುತ್ತಿತ್ತು. ಸಾರ್ವತ್ರಿಕ ಖಾತೆ ಸಂಖ್ಯೆ (ಯುಎಎನ್‌) ಮತ್ತು ಆಧಾರ್‌ ಲಿಂಕ್‌ ಆಗಿದ್ದರೆ ಇದನ್ನು ಮೆಂಬರ್ ಸೇವಾ ಪೋರ್ಟಲ್‌ನಲ್ಲಿ ಆನ್‌ಲೈನ್‌ ಮೂಲಕ ಮಾಡಬಹುದು. ಇಲ್ಲದಿದ್ದರೆ ಹೊಸ ಉದ್ಯೋಗದಾತ ಕಂಪೆನಿಗೆ ಆಫ್‌ಲೈನ್‌ ಅರ್ಜಿ ಸಲ್ಲಿಸುವ ಮೂಲಕ ಮಾಡಬಹುದು. ಶೀಘ್ರದಲ್ಲಿಇದರ ಚಿಂತೆ ದೂರವಾಗಲಿದೆ. ಇಪಿಎಫ್‌ಒದ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಟ್ರಸ್ಟಿಗಳ ಮಂಡಳಿ ಸಿಬಿಟಿಯ ನ. 20ರ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿದೆ. ಕಾರ್ಮಿಕ ಸಚಿವ ಭೂಪೇಂದರ್‌ ಯಾದವ್‌ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ, ಇದರ ಪ್ರಯೋಜನಗಳ ಬಗ್ಗೆ ಚರ್ಚಿಸಲಾಯಿತು. ಕೇಂದ್ರೀಕೃತ ವ್ಯವಸ್ಥೆಯು ಯಾವುದೇ ಸದಸ್ಯರ ಪಿಎಫ್‌ ಖಾತೆಯನ್ನು ನಿರ್ವಹಿಸಬಲ್ಲದು. ಹೀಗಾಗಿ ಯಾವುದೇ ವ್ಯಕ್ತಿ ತನ್ನ ಕೆಲಸ ಬದಲಿಸಿದಾಗ ಖಾತೆಯ ವರ್ಗಾವಣೆ ಮಾಡುವ ಅಗತ್ಯ ಇರುವುದಿಲ್ಲ. ಇಪಿಎಫ್‌ಒ ಹೂಡಿಕೆ ಸಂಬಂಧಿಸಿ ನಿರ್ಧರಿಸಲು ತನ್ನ ಸಲಹಾ ಮಂಡಳಿಗೆ (ಎಫ್‌ಐಎಸಿ) ಹೆಚ್ಚಿನ ಅಧಿಕಾರ ನೀಡಲೂ ನಿರ್ಧರಿಸಿದೆ. '' ಇಪಿಎಫ್‌ಒ ಸದಸ್ಯರಿಗೆ ಅವರ ಪಿಎಫ್‌ ಖಾತೆಯ ಠೇವಣಿಗೆ ಹೆಚ್ಚಿನ ಬಡ್ಡಿಯನ್ನು ಒದಗಿಸಬೇಕಿದ್ದರೆ ಹಣಕಾಸು ಸಚಿವಾಲಯದ ನಿರ್ದೇಶನಗಳನ್ನು ಪಾಲಿಸಬೇಕಾಗುತ್ತದೆ. ಈ ಹಿಂದೆ ಕೆಲವು ಹಣಕಾಸು ಸಾಧನಗಳಲ್ಲಿ ಹೂಡಿಕೆಗೆ ಅನುಮತಿ ಇರಲಿಲ್ಲ. ಈಗ ಅವುಗಳು ಮುಕ್ತವಾಗಿವೆ. ಇಪಿಎಫ್‌ಒ ಸಾರ್ವಜನಿಕ ವಲಯದ ಬಾಂಡ್‌ಗಳಲ್ಲಿ ಹೂಡಿಕೆ ಮಾಡಲಿದೆ'' ಎಂದು ಕಾರ್ಮಿಕ ಖಾತೆ ಕಾರ್ಯದರ್ಶಿ ಸುನಿಲ್‌ ಭರತ್‌ವಾಲ್‌ ತಿಳಿಸಿದ್ದಾರೆ. ಹಿಂದಿನ ಕಂಪೆನಿಯಿಂದ ಹೊಸ ಕಂಪೆನಿಗೆ ಉದ್ಯೋಗ ಬದಲಾಯಿಸಿದಾಗ ನೌಕರರ ಪಿಂಚಣಿ ಯೋಜನೆ (ಇಪಿಎಸ್) ಪಿಂಚಣಿ ಲೆಕ್ಕಾಚಾರಗಳನ್ನು ನಿಖರವಾಗಿ ಸಂಗ್ರಹಿಸಲು ಮತ್ತು ಆದಾಯ ತೆರಿಗೆ ಉದ್ದೇಶಗಳಿಗಾಗಿ ಸೇವೆಯ ನಿರಂತರತೆಯನ್ನು ನೋಡಿಕೊಳ್ಳಲು ಇಪಿಎಫ್ ಖಾತೆಯನ್ನು ವರ್ಗಾವಣೆ ಮಾಡುವುದು ಬಹಳ ಮುಖ್ಯವಾಗಿದೆ.
from India & World News in Kannada | VK Polls https://ift.tt/3cHwLOp
