ಮಂಗಳೂರಿಗೆ ಬಂತು ಬೆಂಟ್ಲಿ ಕಾರು: ದುಬಾರಿ ಐಷಾರಾಮಿ ಕಾರು ಖರೀದಿಸಿದ ಉದ್ಯಮಿ

: ವಿಶ್ವದ ಅತ್ಯಂತ ದುಬಾರಿ, ವಿಲಾಸಿ ಕಾರುಗಳಲ್ಲಿ ಒಂದೆಂಬ ಖ್ಯಾತಿಯ ಬ್ರ್ಯಾಂಡ್‍ನ ಬೆಂಟ್ಲಿ ಬೆಂಟಾಯಗ್ ವಿ8 ಫಸ್ಟ್ ಎಡಿಷನ್ ಎಸ್‍ಯುವಿ ಕಾರು ಮಂಗಳೂರಿಗೆ ಬಂದಿದೆ. ನಗರದ ರೋಹನ್ ಕಾರ್ಪೊರೇಷನ್‍ನ ಮಾಲೀಕ, ಪ್ರಸಿದ್ಧ ರೋಹನ್ ಮೊಂತೇರೊ ಎಸ್‍ಯುವಿ (ಸ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲ್) ಕಾರು ಖರೀದಿಸಿದ್ದಾರೆ. ಬೆಂಟ್ಲಿ ಬೆಂಟಾಯಗ್ ವಿ8 ಫಸ್ಟ್‌ ಎಡಿಷನ್ ಈ ಮಾದರಿಯಲ್ಲಿ ಅತ್ಯಂತ ಹೊಸ, ಎಕ್ಸ್‌ಕ್ಲ್ಯೂಸಿವ್ ಮಾಡೆಲ್ ಆಗಿದ್ದು, ಕರ್ನಾಟಕದಲ್ಲಿ ಇದರ ಪ್ರಥಮ ಕಾರನ್ನು ರೋಹನ್ ಮೊಂತೇರೊ ಖರೀದಿಸಿದ್ದು, ಕಾರಿನ ಬೆಲೆ ಸುಮಾರು 6.5 ಕೋಟಿ ರೂ. ಆಗುತ್ತದೆ. ಇಂಗ್ಲೆಂಡ್‍ನ ಬೆಂಟ್ಲಿ ಮೋಟರ್ಸ್‌ನ ಕಾರುಗಳು ವಿಲಾಸಿ ಕಾರುಗಳಲ್ಲೇ ಅತ್ಯಂತ ದುಬಾರಿ ಹಾಗು ಅಷ್ಟೇ ಪ್ರತಿಷ್ಠಿತ ಎಂದು ಹೆಸರು ಮಾಡಿವೆ. ವಿಶ್ವಾದ್ಯಂತ ರಾಜ ಮನೆತನದವರು, ಬೃಹತ್ ಉದ್ಯಮಪತಿಗಳು, ಪ್ರಭಾವಿ ಹುದ್ದೆಗಳಲ್ಲಿರುವ ರಾಜಕಾರಣಿಗಳು ಮಾತ್ರ ಈ ಕಾರು ಬಳಸುತ್ತಾರೆ. ಈ ಹ್ಯಾಂಡ್ ಬಿಲ್ಟ್ (ಮಾನವ ನಿರ್ಮಿತ) ಅಲ್ಟ್ರಾ ಲಕ್ಸುರಿ ಕಾರುಗಳ ಪ್ರತಿಯೊಂದು ಭಾಗ, ಬಣ್ಣ ಇತ್ಯಾದಿಗಳನ್ನು ಅದನ್ನು ಖರೀದಿಸುವವರ ಅಭಿರುಚಿ ಹಾಗೂ ಬಯಕೆಗೆ ತಕ್ಕಂತೆ ವಿನ್ಯಾಸ ಮಾಡಿ ಕೊಡುವುದು ಇದರ ವಿಶೇಷತೆ. ಕಾರಿನೊಳಗೆ ಅತ್ಯಂತ ಆರಾಮದಾಯಕ, ಹಿತಕರ ಪ್ರಯಾಣದ ಅನುಭವ ನೀಡುವ ಈ ಕಾರುಗಳು ಅಷ್ಟೇ ಆಕರ್ಷಕ, ವಿಶಿಷ್ಟ ಒಳಾಂಗಣ ಹಾಗೂ ಹೊರಾಂಗಣ ವಿನ್ಯಾಸ, ಭರ್ಜರಿ ಸಾಮರ್ಥ್ಯದ ಎಂಜಿನ್, ಬೇರೆಲ್ಲೂ ಸಿಗದ ವಿಶೇಷ ಇತರ ಸೌಲಭ್ಯ ಹಾಗೂ ಫೀಚರ್‌ಗಳಿಗಾಗಿ ಖ್ಯಾತಿ ಪಡೆದಿವೆ. 'ಕಾರು ಬಂದು 4-5 ದಿನಗಳಾಗಿವೆ. ಬಹಳ ಚೆನ್ನಾಗಿದೆ. ಚಲಾಯಿಸಲು ಬಹಳ ಖುಷಿಯಾಗುತ್ತದೆ. ಬೆಂಟ್ಲಿ ಬೆಂಟಾಯಗ್ ವಿ8 ಎಸ್‍ಯುವಿ ಸೊನ್ನೆಯಿಂದ 100 ಕಿ.ಮೀ. ವೇಗ ತಲುಪಲು ಕೇವಲ 4.5 ಸೆಕೆಂಡು ಸಾಕು. ಗಂಟೆಗೆ ಗರಿಷ್ಠ 290 ಕಿ.ಮೀ. ವೇಗದಲ್ಲಿ ಚಲಿಸುತ್ತದೆ ಎನ್ನುತ್ತಾರೆ' ರೋಹನ್ ಮೊಂತೇರೊ.

from India & World News in Kannada | VK Polls https://ift.tt/2VZLnnl