Daily News in Kannda: ರಾಜ್ಯದಲ್ಲಿ ಮತ್ತೆರಡು ದಿನ ವರುಣನ ಆರ್ಭಟ; ಕರ್ನಾಟಕದ ಪ್ರಮುಖ ಜಲಾಶಯಗಳ ನೀರಿನ ಮಟ್ಟ ಹೀಗಿದೆ!

ರಾಜ್ಯದಲ್ಲಿ ಮತ್ತೆರಡು ದಿನ ವರುಣನ ಆರ್ಭಟ; ಕರ್ನಾಟಕದ ಪ್ರಮುಖ ಜಲಾಶಯಗಳ ನೀರಿನ ಮಟ್ಟ ಹೀಗಿದೆ!

ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರಿನ ಹಲವೆಡೆ ಶನಿವಾರ ಸುರಿದಿದೆ. ಇನ್ನೂ ಎರಡು ದಿನ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಅರಬ್ಬಿ ಸಮುದ್ರ ಮತ್ತು ಬಂಗಾಳಕೊಲ್ಲಿಯಲ್ಲಿ ವಾಯುಭಾರ ಕುಸಿತವಾಗಿದೆ. ಇದರಿಂದ ಮಳೆ ಹೆಚ್ಚಾಗಿದೆ. ರಾಜ್ಯದ ಕರಾವಳಿ ಜಿಲ್ಲೆಗಳಲ್ಲಿ ವ್ಯಾಪಕ ಮಳೆಯಾಗುತ್ತಿದ್ದು, ಸೆಪ್ಟೆಂಬರ್‌ 5 ಮತ್ತು 6 ರಂದು ಭಾರಿ ಮಳೆಯಾಗುವ ಸಾಧ್ಯತೆ ಇದೆ. ದೇಶದ ಬಹುತೇಕ ಭಾಗಗಳಲ್ಲಿ ಸೆಪ್ಟೆಂಬರ್‌ನಲ್ಲಿ ವಾಡಿಕೆಗಿಂತ ಹೆಚ್ಚಿನ ಮಳೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ. "ಜೂನ್‌ನಲ್ಲಿ ಮಳೆಯ ಪ್ರಮಾಣ ವಾಡಿಕೆಗಿಂತಲೂ ಶೇ. 7ರಷ್ಟು ಕಡಿಮೆಯಾಗಿತ್ತು. ಆಗಸ್ಟ್‌ನಲ್ಲಿ ಶೇ. 24ರಷ್ಟು ಕಡಿಮೆಯಾಗಿದೆ. ಹೀಗಾಗಿ ದೇಶದ ಒಟ್ಟಾರೆ ಮುಂಗಾರು ಮಳೆ ಪ್ರಮಾಣ ಶೇ. 9ರಷ್ಟು ಕುಂಠಿತವಾಗಿದೆ. ಆದರೆ ಸೆಪ್ಟೆಂಬರ್‌ನಲ್ಲಿ ಉತ್ತಮ ಮಳೆಯ ಕಾರಣದಿಂದಾಗಿ ಕೊರತೆ ಪ್ರಮಾಣ ನೀಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆಯ ಮಹಾ ನಿರ್ದೇಶಕರು ತಿಳಿಸಿದ್ದಾರೆ. ಕರ್ನಾಟಕದ ಪ್ರಮುಖ ಜಲಾಶಯಗಳಲ್ಲಿ ಇಂದಿನ ನೀರಿನ ಮಟ್ಟ ಎಷ್ಟಿದೆ ಎಂಬ ಮಾಹಿತಿ ಇಲ್ಲಿದೆ ನೋಡಿ.

ಜಲಾಶಯ	ಗರಿಷ್ಠ ಮಟ್ಟ	ಗರಿಷ್ಠ ಸಾಮರ್ಥ್ಯ	ಇಂದಿನ ನೀರು	ಇಂದಿನ ಒಳಹರಿವು	ಇಂದಿನ ಹೊರ ಹರಿವು
ಲಿಂಗನಮಕ್ಕಿ ಜಲಾಶಯ	1819ಅಡಿ	156.62 ಟಿಎಂಸಿ	131.75 ಟಿಎಂಸಿ	6544 ಕ್ಯೂಸೆಕ್ಸ್	6402 ಕ್ಯೂಸೆಕ್ಸ್
ಹಾರಂಗಿ ಜಲಾಶಯ	2859 ಅಡಿ	8.50 ಟಿಎಂಸಿ	8.08 ಟಿಎಂಸಿ	2133 ಕ್ಯೂಸೆಕ್ಸ್	3350 ಕ್ಯೂಸೆಕ್ಸ್
ವರಾಹಿ ಜಲಾಶಯ	594.36 ಮೀಟರ್	31.10 ಟಿಎಂಸಿ	17.45 ಟಿಎಂಸಿ	1978 ಕ್ಯೂಸೆಕ್ಸ್	0 ಕ್ಯೂಸೆಕ್ಸ್
ತುಂಗಾ ಜಲಾಶಯ	588.24 ಮೀಟರ್	3.24 ಟಿಎಂಸಿ	100.86 ಟಿಎಂಸಿ	14,502 ಕ್ಯೂಸೆಕ್ಸ್	10,941 ಕ್ಯೂಸೆಕ್ಸ್
ಕಬಿನಿ ಜಲಾಶಯ	2284 ಅಡಿ	19.52 ಟಿಎಂಸಿ	16.65 ಟಿಎಂಸಿ	3826 ಕ್ಯೂಸೆಕ್ಸ್	6750 ಕ್ಯೂಸೆಕ್ಸ್
ಕೆಆರ್ ಎಸ್ ಜಲಾಶಯ	124.80ಅಡಿ	49.45 ಟಿಎಂಸಿ	38.67 ಟಿಎಂಸಿ	8127 ಕ್ಯೂಸೆಕ್ಸ್	9577 ಕ್ಯೂಸೆಕ್ಸ್
ಭದ್ರಾ ಜಲಾಶಯ	186 ಅಡಿ	71.535 ಟಿಎಂಸಿ	70.78 ಟಿಎಂಸಿ	3450 ಕ್ಯೂಸೆಕ್ಸ್	3751 ಕ್ಯೂಸೆಕ್ಸ್
ಘಟಪ್ರಭಾ ಜಲಾಶಯ	662.94 ಮೀಟರ್	51 ಟಿಎಂಸಿ	51.00 ಟಿಎಂಸಿ	386 ಕ್ಯೂಸೆಕ್ಸ್	386 ಕ್ಯೂಸೆಕ್ಸ್
ಮಲಪ್ರಭಾ ಜಲಾಶಯ	633.83 ಅಡಿ	37.73 ಟಿಎಂಸಿ	36.62 ಟಿಎಂಸಿ	1348 ಕ್ಯೂಸೆಕ್ಸ್	1348 ಕ್ಯೂಸೆಕ್ಸ್
ಆಲಮಟ್ಟಿ ಜಲಾಶಯ	519.60 ಮೀಟರ್	123.081 ಟಿಎಂಸಿ	123.08 ಟಿಎಂಸಿ	3117 ಕ್ಯೂಸೆಕ್ಸ್	3117 ಕ್ಯೂಸೆಕ್ಸ್