ಚಾಮರಾಜನಗರ: ತಾಲೂಕಿನ ಉಮ್ಮತ್ತೂರು ಗ್ರಾಮದಲ್ಲಿ ಸಂಕ್ರಾಂತಿ ಹಬ್ಬದ ಅಂಗವಾಗಿ ಗುರುವಾರ ನಡೆದ ಸುಗ್ಗಿ ಹುಗ್ಗಿ ಉತ್ಸವದ ವೇಳೆ ತಮಟೆ, ಡೊಳ್ಳು ಸದ್ದಿಗೆ ಶಾಸಕ ಎನ್. ಮಹೇಶ್ ಅವರು ಗ್ರಾಮೀಣ ಶೈಲಿ ನೃತ್ಯ ಮಾಡುವ ಮೂಲಕ ಗಮನ ಸೆಳೆದರು. ಕನ್ನಡ ಸಂಸ್ಕೃತಿ ಇಲಾಖೆ ಆಶ್ರಯದಲ್ಲಿ ಗುರುವಾರ ಉಮ್ಮತ್ತೂರು ಗ್ರಾಮದಲ್ಲಿ ಸುಗ್ಗಿ ಹುಗ್ಗಿ ಕಾರ್ಯಕ್ರಮದ ಅಂಗವಾಗಿ ಕಲಾಮೇಳಗಳ ಮೆರವಣಿಗೆ ನಡೆಯುತ್ತಿತ್ತು. ಈ ವೇಳೆಯಲ್ಲಿ ಮೆರವಣಿಗೆಯಲ್ಲಿ ಸಾಗುತ್ತಿದ್ದ ಶಾಸಕ ಎನ್. ಮಹೇಶ್ ಅವರು ತಮಟೆ ಹಾಗೂ ಡೊಳ್ಳಿನ ಮೇಳಕ್ಕೆ ಗ್ರಾಮೀಣ ಶೈಲಿಯ ಡ್ಯಾನ್ ಮಾಡಿದರು. ಶಾಸಕರ ಜೋಶ್ ನೋಡಿ ಗ್ರಾಮೀಣ ಯುವಕರು ಸಹ ಸಾಥ್ ನೀಡಿ ಕುಣಿದು ಸಂಭ್ರಮಿಸಿದರು. ಇನ್ನು ಡ್ಯಾನ್ಸ್ ಮಾತ್ರ ಮಾಡದೇ ತಮಟೆ ಹಾಗೂ ಡೊಳ್ಳು ಬಡಿಯುತ್ತಿದ್ದವರ ಕೈಯಿಂದ ಅವುಗಳನ್ನು ಪಡೆದು ತಾನೂ ಕೂಡ ಬಾರಿಸಿ ಖಷಿಗೊಂಡರು. ಶಾಸಕನಾಗಿ ಕುಣಿತದ ಜೊತೆಗೆ ತಮಟೆ ಬಾರಿಸಿದ ಶಾಸಕರ ಸ್ಪೂರ್ತಿಗೆ ನಿಂತಿದ್ದ ಜನರೆಲ್ಲ ಚಪ್ಪಾಳೆ ಮೂಲಕ ಪ್ರೋತ್ಸಾಹಿಸಿದರು. ಒಟ್ಟಾರೆ ಶಾಸಕ ಮಹೇಶ್ ಡ್ಯಾನ್ಸ್ ಮೂಲಕ ಸುಗ್ಗಿ ಹುಗ್ಗಿ ಉತ್ಸವ ಅದ್ದೂರಿಯಾಗಿ ಸಾಗಿದೆ ಅಂದರೂ ತಪ್ಪಾಗಲ್ಲ.
from India & World News in Kannada | VK Polls https://ift.tt/3qk12rc
