ಬ್ಲೂಮ್ಫಾಂಟೇನ್ (ದ. ಆಫ್ರಿಕಾ): ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡರಲ್ಲೂ ಸಮರ್ಥ ಪ್ರದರ್ಶನ ನೀಡುವ ಮೂಲಕ ಭಾರತದ ಯುವ ಪಡೆ ಇಲ್ಲಿ ಶುಕ್ರವಾರ ನಡೆದ 19ರ ವಯೋಮಿತಿ ಐಸಿಸಿ ವಿಶ್ವ ಕಪ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವನ್ನು ಡಕ್ವರ್ತ್ ಲೂಯಿಸ್ ನಿಯಮದನ್ವಯ 44 ರನ್ ಗಳಿಂದ ಸೋಲಿಸಿತು. ಇದರೊಂದಿಗೆ ಪ್ರಿಯಂ ಗರ್ಗ್ ಬಳಗ ‘ಎ’ ಗುಂಪಿನ ಮೂರೂ ಪಂದ್ಯ ಗೆದ್ದು 6 ಅಂಕಗಳೊಂದಿಗೆ ಕ್ವಾರ್ಟರ್ಫೈನಲ್ಸ್ ಪ್ರವೇಶಿಸಿತು. 8ರ ಘಟ್ಟದಲ್ಲಿ ಭಾರತಕ್ಕೆ ಆಸ್ಪ್ರೇಲಿಯಾ ಎದುರಾಳಿ. ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಭಾರತ, ಯಶಸ್ವಿ ಜೈಸ್ವಾಲ್ (57*) ಹಾಗೂ ದಿವ್ಯಾಂಶು ಸಕ್ಸೇನಾ (52*) ಜೋಡಿ ಹಾಕಿಕೊಟ್ಟ ಭದ್ರ ಬುನಾದಿಯ ಬಲದಿಂದ 23 ಓವರ್ ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 115 ರನ್ ಪೇರಿಸಿತು. ಅದೇ ವೇಳೆ ಮಳೆ ಸುರಿಯತೊಡಗಿದ ಕಾರಣ ಕೆಲವು ಗಂಟೆಗಳ ಕಾಲ ಪಂದ್ಯಕ್ಕೆ ಅಡಚಣೆಯಾಯಿತು. ಹೀಗಾಗಿ ಡಕ್ವರ್ತ್ ಲೂಯಿಸ್ ನಿಯಮ ಚಾಲ್ತಿಗೆ ಬಂತು. ಅದರನ್ವಯ ನ್ಯೂಜಿಲೆಂಡ್ ತಂಡಕ್ಕೆ 23 ಓವರ್ಗಳಲ್ಲಿ 193 ರನ್ಗಳ ಗುರಿ ಎದುರಾಯಿತು. ಆದರೆ, 21 ಓವರ್ಗಳಲ್ಲಿ 147 ರನ್ ಪೇರಿಸುವಷ್ಟರಲ್ಲಿ ನ್ಯೂಜಿಲೆಂಡ್ ತಂಡ ಸರ್ವಪತನಗೊಂಡಿತು. ಸಂಕ್ಷಿಪ್ತ ಸ್ಕೋರ್: ಭಾರತ: 23 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 115 (ಯಶಸ್ವಿ ಜೈಸ್ವಾಲ್ 57, ದಿವ್ಯಾಂಶು ಸಕ್ಸೇನಾ 52) ನ್ಯೂಜಿಲೆಂಡ್: 21 ಓವರ್ಗಳಲ್ಲಿ 147 (ರೈಸ್ ಮಾರಿ 42, ಫಗ್ರ್ಯುಸ್ ಲೆಲ್ಮನ್ 31, ರವಿ ಬಿಷ್ಣೋಯಿ 30ಕ್ಕೆ 4, ಅಂಕೊಲೇಕರ್ 28ಕ್ಕೆ3). ಕಿವೀಸ್ ವಿರುದ್ಧ ಭಾರತ 'ಎ' ತಂಡಕ್ಕೆ ಸೋಲು ನ್ಯೂಜಿಲೆಂಡ್ ಎ ತಂಡದ ವಿರುದ್ಧ ಎರಡನೇ ಅನೌಪಚಾರಿಕ ಏಕದಿನ ಪಂದ್ಯದಲ್ಲಿ ಭಾರತ ‘ಎ’ ತಂಡ 29 ರನ್ ಗಳ ಸೋಲಿಗೊಳಗಾಗಿದೆ. ಮೊದಲ ಪಂದ್ಯದಲ್ಲಿ ಭಾರತ ಜಯಿಸಿತ್ತು. ಇದರೊಂದಿಗೆ ಮೂರು ಪಂದ್ಯಗಳ ಸರಣಿ 1-1ರ ಸಮಬಲದಲ್ಲಿ ನಿಂತಿದೆ. ಕ್ರೈಸ್ಟ್ಚರ್ಚ್ನ ಹ್ಯಾಗ್ಲೇ ಓವಲ್ ಮೈದಾನದಲ್ಲಿ ಶುಕ್ರವಾರ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಆತಿಥೇಯ ನ್ಯೂಜಿಲೆಂಡ್ ತಂಡ 50 ಓವರ್ಗಳಲ್ಲಿ 7 ವಿಕೆಟ್ಗೆ 296 ರನ್ ಪೇರಿಸಿತು. ಇದಕ್ಕುತ್ತರವಾಗಿ ಬ್ಯಾಟ್ ಬೀಸಿದ ಭಾರತ ಎ, ನಿಗದಿತ ಓವರ್ಗಳ ಮುಕ್ತಾಯದ ವೇಳೆ 9 ವಿಕೆಟ್ ಕಳೆದುಕೊಂಡು ಕೇವಲ 266 ರನ್ ಪೇರಿಸಿ ಸೋಲೊಪ್ಪಿಕೊಂಡಿತು. ಆಲ್ ರೌಂಡರ್ ಕೃಣಾಲ್ ಪಾಂಡ್ಯ(51) ಕೊನೆಯ ಹಂತದಲ್ಲಿ ಅಬ್ಬರದ ಆಟ ಪ್ರದರ್ಶಿಸಿದರೂ ತಂಡಕ್ಕೆ ಗೆಲುವು ಕೊಡಿಸಲು ಅವರಿಗೆ ಸಾಧ್ಯವಾಗಲಿಲ್ಲ. ಸಂಕ್ಷಿಪ್ತ ಸ್ಕೋರ್: ನ್ಯೂಜಿಲೆಂಡ್ ಎ: 50 ಓವರ್ಗಳಲ್ಲಿ 7 ವಿಕೆಟ್ಗೆ 296 (ಜಾರ್ಜ್ ವರ್ಕರ್ 135, ಕೋಲ್ ಮೆಕ್ಕೊಂಚಿ 56; ಇಶಾನ್ ಪೊರೆಲ್ 50/3). ಭಾರತ ಎ: 50 ಓವರ್ಗಳಲ್ಲಿ 9 ವಿಕೆಟ್ಗೆ 266 (ಹಾರ್ದಿಕ್ ಪಾಂಡ್ಯ 51, ಇಶಾನ್ ಕಿಶನ್ 44; ಜೇಮ್ಸ್ ನೀಶಮ್ 24/2).
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2RQQEaC
