ಸಿಡ್ನಿ: ಪ್ರವಾಸಿ ನ್ಯೂಜಿಲೆಂಡ್ ವಿರುದ್ದ ನಡೆಯುತ್ತಿರುವ ಅಂತಿಮ ಟೆಸ್ಟ್ ಪಂದ್ಯದಲ್ಲೂ ಆಸ್ಟ್ರೇಲಿಯಾ ಮೇಲುಗೈ ಸಾಧಿಸಿದೆ. ಯುವ ಬ್ಯಾಟ್ಸ್ಮನ್ ಮಾರ್ನಸ್ ಲ್ಯಾಬುಶಾನೆ ಚೊಚ್ಚಲ ದ್ವಿಶತಕ (215) ಸಿಡಿಸಿದರೆ ಮಾಜಿ ನಾಯಕ ಆಕರ್ಷಕ ಅರ್ಧಶತಕ ಸಾಧನೆ ಮಾಡಿದ್ದರು. ಈ ಮೂಲಕ ಆಸೀಸ್ 454 ರನ್ಗಳ ಬೃಹತ್ ಮೊತ್ತ ಪೇರಿಸಲು ನೆರವಾಗಿದ್ದರು. ಈ ಮಧ್ಯೆ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಟೆಸ್ಟ್ ಪಂದ್ಯದ ಮೊದಲ ದಿನದಾಟದಲ್ಲಿ ಮೊದಲ ರನ್ನಿಗಾಗಿ ಸ್ಟೀವ್ ಸ್ಮಿತ್ 39 ಎಸೆತಗಳನ್ನು ಎದುರಿಸಿರುವ ಪ್ರಸಂಗ ಎದುರಾಗಿತ್ತು. ಈ ಮೂಲಕ ವಿಚಿತ್ರ ಸನ್ನಿವೇಶವನ್ನು ಎದುರಿಸಿದ್ದರು. ಸ್ಮಿತ್ ಒಂಟಿ ರನ್ ಗಳಿಸುತ್ತಿದ್ದಂತೆಯೇ ಗ್ಯಾಲರಿಯಲ್ಲಿದ್ದ ಪ್ರೇಕ್ಷಕರು ಎದ್ದು ನಿದ್ದು ಕೈಚಪ್ಪಾಳೆ ತಟ್ಟುತ್ತಾ ಪ್ರೋತ್ಸಾಹಿಸಿದರು. ಇಲ್ಲಿ ಗಮನಾರ್ಹ ಸಂಗತಿಯೆಂದರೆ ದಶಕದ ಹಿಂದೆ ಸಿಡ್ನಿ ಕ್ರಿಕೆಟ್ ಮೈದಾನದಲ್ಲೇ 'ದಿ ವಾಲ್' ಖ್ಯಾತಿಯ ಅವರಿಗೂ ಇಂತಹುದೇ ಪರಿಸ್ಥಿತಿ ಎದುರಾಗಿತ್ತು. ಆಸೀಸ್ ವಿರುದ್ದ ನಡೆದ ಪಂದ್ಯದಲ್ಲಿ 18 ರನ್ ಗಳಿಸಿ ಆಡುತ್ತಿದ್ದ ರಾಹುಲ್ ದ್ರಾವಿಡ್ 19ನೇ ರನ್ನಿಗಾಗಿ ಬರೋಬ್ಬರಿ 40 ಎಸೆತಗಳನ್ನು ಎದುರಿಸಿದ್ದರು. ಆಸೀಸ್ ವೇಗಿಗಳಿಂದ ದ್ರಾವಿಡ್ ಮನೋಬಲವನ್ನು ಕದಲಿಸಲು ಸಾಧ್ಯವಾಗಲಿಲ್ಲ. ಪ್ರೇಕ್ಷಕರು ಪ್ರತಿ ಎಸೆತದ ವೇಳೆಯೂ ಜೋರಾಗಿ ಕೂಗಾಡುತ್ತಿದ್ದರು. ಅಂತಿಮವಾಗಿ ಒಂಟಿ ರನ್ ಗಳಿಸಿದ ದ್ರಾವಿಡ್, ಶತಕ ಬಾರಿಸಿದ ಸಂಭ್ರಮದ ರೀತಿಯಲ್ಲಿ ಬ್ಯಾಟ್ ಎತ್ತುವ ಮೂಲಕ ಗಮನ ಸೆಳೆದರು. ಇದೀಗ ರಾಹುಲ್ ದ್ರಾವಿಡ್ಗೆ ಸಮಾನವಾದ ಪರಿಸ್ಥಿತಿ ಸ್ಮಿತ್ಗೆ ಎದುರಾಗಿದೆ. ಸ್ಮಿತ್ ಒಂಟಿ ರನ್ಗಾಗಿ 43 ನಿಮಿಷ ಕಾಯಬೇಕಾಯಿತು. ಅಂತಿಮವಾಗಿ 182 ಎಸೆತಗಳ ಇನ್ನಿಂಗ್ಸ್ನಲ್ಲಿ 63 ರನ್ಗಳು ಮಹತ್ವದ ಇನ್ನಿಂಗ್ಸ್ ಕಟ್ಟಿದ್ದರು. ಟೆಸ್ಟ್ ಕ್ರಿಕೆಟ್ನಲ್ಲಿ ಬ್ಯಾಟ್ಸ್ಮನ್ವೊಬ್ಬರ ಕೌಶಲ್ಯದ ನೈಜ ಪರೀಕ್ಷೆಯಾಗುತ್ತದೆ. ಮಾನಸಿಕ ಮನೋಬಲದ ಜೊತೆಗೆ ತಾಳ್ಮೆ ಕಾಪಾಡಿಕೊಳ್ಳುವುದು ಅತಿ ಮುಖ್ಯವೆನಿಸುತ್ತದೆ. ಮಹಾನ್ ಕ್ರಿಕೆಟಿಗರಿಂದ ಮಾತ್ರ ಇದು ಸಾಧ್ಯ. ಸದ್ಯ ರಾಹುಲ್ ದ್ರಾವಿಡ್ ಹಳೆಯ ವಿಡಿಯೋವನ್ನು ಕ್ರಿಕೆಟ್ ಆಸ್ಟ್ರೇಲಿಯಾ ಹಂಚಿಕೊಂಡಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/37ydfPG
