: ನಾಡಿನ ಐತಿಹಾಸಿಕ ಶ್ರೀ ಮಾರಿಕಾಂಬೆ ದೇವಿಯ ಕಲ್ಯಾಣೋತ್ಸವಕ್ಕೆ ಇಡಿ ಊರಿಗೆ ಊರೇ ಮದುವೆ ಮನೆಯ ಸಂಭ್ರಮದಲ್ಲಿದೆ. ಸಹಸ್ರಾರು ಭಕ್ತಾಧಿಗಳು ಮಾರಿಕಾಂಬೆಯ ಕಲ್ಯಾಣೋತ್ಸವ ಕಣ್ತುಂಬಿಕೊಳ್ಳಲು ಆಗಮಿಸತೊಡಗಿದ್ದಾರೆ. ಎರಡು ವರ್ಷಕ್ಕೊಮ್ಮೆ ಅದ್ಧೂರಿಯಾಗಿ ನಡೆಯುವ ಮದುವೆಗೆ ಸಕಲ ಸಿದ್ಧತೆಗಳಾಗಿದೆ. ಮಾ.3ರ ರಾತ್ರಿ 11.11ರಿಂದ 11.18ರೊಳಗೆ ಶ್ರೀ ದೇವಸ್ಥಾನದ ಸಭಾ ಮಂಟಪದಲ್ಲಿ ಶ್ರೀ ದೇವಿಯ ಜಾತ್ರಾ ಕಲ್ಯಾಣ ಪ್ರತಿಷ್ಠೆ ನೆರವೇರಲಿದೆ. ಈ ಮೂಲಕ ದೇವಿ ಜಾತ್ರೆಗೆ ವಿಧ್ಯುಕ್ತ ನಾಂದಿಯಾಗಲಿದೆ. ಜಗಜ್ಜನನಿ ಆದಿ ಶಕ್ತಿ ತಾಯಿ ಮಾರಿಕಾಂಬೆಯ ಸನ್ನಿಧಿಯಲ್ಲಿ ಮತ್ತೆ ಜಾತ್ರೆಯ ಸಡಗರ ಮೈ ತಳೆದು ನಿಲ್ಲುತ್ತದೆ. ಮಾರಿಕಾಂಬಾ ದೇವಿ ಹಾಗೂ ಮರ್ಕಿ ದುರ್ಗಿಯರಿಗೆ ಹೊಸ ಸೀರೆ ಉಡಿಸಿ, ಬಂಗಾರದ ಆಭರಣಗಳನ್ನು ತೊಡಿಸಲಾಗುತ್ತದೆ. ಸಾತ್ವಿಕ ಬಲಿಯನ್ನರ್ಪಿಸಲಾಗುತ್ತದೆ. ನಂತರ ಮಂಗಲಸೂತ್ರ ತೊಡಿಸಲಾಗುತ್ತದೆ. ವಿವಾಹ ವಿಧಿ ವಿಧಾನಗಳ ಮೂಲಕ ಕಲ್ಯಾಣೋತ್ಸವ ನೆರವೇರುತ್ತದೆ. ನಾಡಿಗ ಕುಟುಂಬದಿಂದ ಮಾಂಗಲ್ಯಧಾರಣೆದೇವಿ ತವರು ಮನೆಯವರು ಎಂದೇ ಕರೆಯಲಾಗುವ ನಾಡಿಗ ಕುಟುಂಬದವರು ಮಾಂಗಲ್ಯ ಧಾರಣೆ ಮಾಡುತ್ತಾರೆ. ಅನೇಕ ಸೇವೆಗಳು ಸರ್ವಾಲಂಕಾರ ಭೂಷಿತ ದೇವಿಗೆ ನಡೆಯುತ್ತವೆ. ಬಣ್ಣಗಳಿಂದ ಪುನಃ ಹೊಳಪು ಪಡೆದ ವಿಶಾಲ ಸಭಾಂಗಣದಲ್ಲಿ ವಿದ್ಯುತ್ ದೀಪಗಳ ಝಗಮಗದಲ್ಲಿವಿವಾಹ ಮಹೋತ್ಸವಕ್ಕೆ ಸಿದ್ಧತೆಗಳಾಗಿದೆ. ನಾಡಿನ ವಿವಿಧೆಡೆ ಭಕ್ತರು ಶ್ರೀ ಮಾರಿಕಾಂಬೆಯ ಕಲ್ಯಾಣ ಮಹೋತ್ಸವ ನೋಡಲು ಕಾತರರಾಗಿದ್ದಾರೆ. ಶ್ರೀ ಮಾರಿಕಾಂಬಾ ಜಾತ್ರಾ ಮಹೋತ್ಸವದ ಹಿನ್ನೆಲೆಯಲ್ಲಿ ಮಾ.4ರಂದು ಶೋಭಾಯಾತ್ರೆ ಮೂಲಕ ಶ್ರೀ ಮಾರಿಕಾಂಬಾ ದೇವಿ ಜಾತ್ರಾ ಗದ್ದುಗೆಗೆ ಆಗಮಿಸಲಿದ್ದಾಳೆ. ಮಾ.5ರಂದು ಜಾತ್ರಾ ಗದ್ದುಗೆಯಲ್ಲಿಸರ್ವಾಲಂಕಾರ ಭೂಷಿತ ಶ್ರೀ ದೇವಿಯ ದರ್ಶನ, ಹಣ್ಣುಕಾಯಿ, ಹರಕೆ ಸಮರ್ಪಣೆ ಆರಂಭವಾಗಲಿದೆ. ಮಾ.4ರಂದು ಜಾತ್ರಾ ಗದ್ದುಗೆಗೆ ದೇವಿಶ್ರೀ ಮಾರಿಕಾಂಬಾ ಜಾತ್ರಾ ಗದ್ದುಗೆಗೆ ಮಾ.4ರಂದು ತೆರಳಲಿರುವ ಶ್ರೀ ಮಾರಿಕಾಂಬಾ ದೇವಿ ರಥದ ಸಿದ್ಧತೆ ಭರದಿಂದ ನಡೆಯುತ್ತಿದ್ದು ಮಾ.3ರ ಮಧ್ಯಾಹ್ನ 12.43ಕ್ಕೆ ಕಲಶ ಪ್ರತಿಷ್ಠೆ ನೆರವೇರಲಿದೆ. ಬೆಳಗ್ಗೆ ಶ್ರೀ ಗಣಪತಿ ದೇವಸ್ಥಾನದಲ್ಲಿ ಗಣಹೋಮ, ಪೂರ್ಣಾಹುತಿಯ ನಂತರ ಈ ಕಾರ್ಯಕ್ರಮ ನಡೆಯಲಿದೆ.
from India & World News in Kannada | VK Polls https://ift.tt/3csNFi8
