ನೋಯ್ಡಾ: ಈ ಜಗತ್ತಿನಲ್ಲಿ ತಾಯಿಗಿಂತ ಮಿಗಿಲಾದುದು ಯಾವುದಿದೆ ಹೇಳಿ? ತನ್ನ ಕರುಳ ಬಳ್ಳಿಯ ಆರೈಕೆ, ಪೋಷಣೆಯ ಜವಾಬ್ದಾರಿ ಹೊತ್ತ ತಾಯಿ, ಮಾನವನ ಉಗಮ ಕಾಲದಿಂದಲೂ ಈ ಜವಾಬ್ದಾರಿ ನಿಭಾಯಿಸುವಲ್ಲಿ ಯಶಸ್ವಿಯಾಗಿದ್ದಾಳೆ. ಇಡೀ ಮಾನವ ಕುಲದ ಅಭಿವೃದ್ಧಿ, ಬೆಲವಣಿಗೆಗೆ ಈ ತಾಯಿ ಎಂಬ ಎರಡಕ್ಷರವೇ ಕಾರಣ ಎಂದರೆ ಅತಿಶೋಕ್ತಿಯೇನಲ್ಲ. ತನ್ನ ಮಗುವಿನ ಪೋಷಣೆ ಮಾಡುತ್ತಲೇ ಆಕೆ ಇಡೀ ವಿಶ್ವ ಸಮುದಾಯದ ಬೆಳವಣಿಗೆಗೂ ಕಾರಣವಾಗಿದ್ದಾಳೆ. ಅದಕ್ಕೆ ಅಲ್ಲವೇ ತಾಯಿಗಿಂತ ಮಿಗಿಲಾದ ದೇವರಿಲ್ಲ ಎನ್ನುವುದು. ತಾಯಿ ಅದ್ಯಾವುದೇ ಕರ್ತವ್ಯದಲ್ಲಿರಲಿ, ಸಮಾಜದ ಇತರ ಯಾವುದೇ ಜವಾಬ್ದಾರಿ ಹೊತ್ತಿರಲಿ, ತನ್ನ ಮಗುವಿನ ಸುರಕ್ಷತೆಯ ದೃಷ್ಟಿ ಬಂದಾಗ ತನ್ನ ಕರ್ತವ್ಯದ ಜೊತೆಗೆ ತನ್ನ ಮಗುವನ್ನೂ ಪೋಷಿಸುವುದು ಅಷ್ಟೇ ಸತ್ಯ. ಅದರಂತೆ ಸಿಎಂ ಸಭೆಯ ಭದ್ರತೆಗೆ ನಿಯೋಜಿತರಾಗಿದ್ದ ಮಹಿಳಾ ಪೊಲೀಸ್ ಪೇದೆಯೋರ್ವರು, ತನ್ನ ಮಗುವನ್ನು ಮಡಿಲಲ್ಲಿ ಎತ್ತಿಕೊಂಡೇ ಕರ್ತವ್ಯ ನಿಭಾಯಿಸಿದ್ದಾರೆ. ನೋಯ್ಡಾದಲ್ಲಿ ನಡೆಯುತ್ತಿದ್ದ ಯೋಗಿ ಆದಿತ್ಯನಾಥ್ ಸಭೆಗೆ ಪ್ರೀತಿ ರಾಣಿ ಭದ್ರತೆಗೆ ನಿಯೋಜನೆಗೊಂಡಿದ್ದರು. ಈ ವೇಳೆ ತನ್ನ ಒಂದುವರೆ ವರ್ಷದ ಮಗುವನ್ನು ಮಡಿಲಲ್ಲಿ ಹೊತ್ತು ಕರ್ತವ್ಯ ನಿಭಾಯಿಸಿದ್ದಾರೆ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಪ್ರೀತಿ ರಾಣಿ, ತಮ್ಮ ಪತಿ ಇಂದು ಸ್ಪರ್ಧಾತ್ಮಕ ಪರೀಕ್ಷೆಗೆ ಹಾಜರಾಗಿದ್ದು, ಈ ಹಿನ್ನೆಲೆಯಲ್ಲಿ ತನ್ನ ಒಂದುವರೆ ವರ್ಷದ ಮಗುವನ್ನೂ ಕರೆತರಬಾಏಕಾಯಿತು ಎಂದು ಹೇಳಿದ್ದಾರೆ. ಇನ್ನು ತಮ್ಮ ಮಗುವನ್ನು ಎತ್ತಿಕೊಂಡೇ ಕರ್ತವ್ಯಕ್ಕೆ ಹಾಜರಾಗಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದ್ದು, ಕೆಲಸದ ಒತ್ತಡದ ನಡುವೆಯೂ ತಾಯಿಯ ಜವಾಬ್ದಾರಿ ನಿಭಾಯಿಸಿದ ಮಹಿಳಾ ಪೊಲೀಸ್ ಪೇದೆಗೆ ಪ್ರಶಂಸೆಯ ಸುರಿಮಳೆಯಾಗಿದೆ.
from India & World News in Kannada | VK Polls https://ift.tt/3cpnLvV
