ಸಿಲ್ಹೆಟ್: 7000 ರನ್ ಮೈಲುಗಲ್ಲು ತಲುಪಿರುವ ಭರ್ಜರಿ ಶತಕ ನೆರವಿನಿಂದ ತಂಡವು ವಿರುದ್ಧ ನಡೆದ ದ್ವಿತೀಯ ಏಕದಿನ ಪಂದ್ಯದಲ್ಲಿ ನಾಲ್ಕು ರನ್ ಅಂತರದ ರೋಚಕ ಗೆಲುವು ಬಾರಿಸಿದೆ. ಇದರೊಂದಿಗೆ ಮೂರು ಪಂದ್ಯಗಳ ಏಕದಿನ ಸರಣಿಯನ್ನು ಇನ್ನೊಂದು ಪಂದ್ಯ ಬಾಕಿ ಉಳಿದಿರುವಂತೆಯೇ 2-0 ಅಂತರದಲ್ಲಿ ವಶಪಡಿಸಿಕೊಂಡಿದೆ. ಅಷ್ಟೇ ಯಾಕೆ ಬಾಂಗ್ಲಾದೇಶ ಪರ ಏಕದಿನದಲ್ಲಿ 7000 ರನ್ ಗಳಿಸಿದ ಮೊಟ್ಟ ಮೊದಲ ಹಾಗೂ ಏಕಮಾತ್ರ ಬ್ಯಾಟ್ಸ್ಮನ್ ಎಂಬ ಹಿರಿಮೆಗೂ 30ರ ಹರೆಯದ ತಮೀಮ್ ಭಾಜನವಾದರು. ಮೊದಲು ಬ್ಯಾಟಿಂಗ್ ನಡೆಸಿದ ಬಾಂಗ್ಲಾದೇಶ ತಮೀಮ್ ಇಕ್ಬಾಲ್ ಭರ್ಜರಿ ಶತಕದ ನೆರವಿನಿಂದ ಎಂಟು ವಿಕೆಟ್ ನಷ್ಟಕ್ಕೆ 322 ರನ್ಗಳ ಬೃಹತ್ ಮೊತ್ತ ಪೇರಿಸಿತ್ತು. 136 ಎಸೆತಗಳನ್ನು ಎದುರಿಸಿದ ತಮೀಮ್ 20 ಬೌಂಡರಿ ಹಾಗೂ ಮೂರು ಸಿಕ್ಸರ್ಗಳಿಂದ 158 ರನ್ ಗಳಿಸಿದರು. ಕೆಳ ಕ್ರಮಾಂಕದಲ್ಲಿ ವಿಕೆಟ್ ಕೀಪರ್ ಮುಶ್ಫಿಕರ್ ರಹೀಂ (55), ಮೊಹಮುದುಲ್ಲಾ (41) ಹಾಗೂ ಮೊಹಮ್ಮದ್ ಮಿಥುನ್ (32*) ಉಪಯುಕ್ತ ಬ್ಯಾಟಿಂಗ್ ಪ್ರದರ್ಶಿಸಿದರು. ಬಳಿಕ ಗುರಿ ಬೆನ್ನಟ್ಟಿದ ಜಿಂಬಾಬ್ವೆ ಬ್ಯಾಟ್ಸ್ಮನ್ಗಳು ಶಕ್ತಿ ಮೀರಿ ಪ್ರಯತ್ನಿಸದರೂ ಎಂಟು ವಿಕೆಟ್ ನಷ್ಟಕ್ಕೆ 318 ರನ್ ಗಳಿಸಲಷ್ಟೇ ಶಕ್ತವಾಯಿತು. ತಿನಾಶೆ ಕಮುನ್ಹುಕಾವೆ (51), ವೆಸ್ಲಿ ಮಧೆವೆರ್ (52), ಸಿಕಂದರ್ ರಾಜಾ (66), ಡೋನಾಲ್ಡ್ ತಿರಿಪಾನೊ (55*) ಅರ್ಧಶತಕ ಬಾರಿಸಿದರೂ ಗೆಲುವು ದಾಖಲಿಸಲಾಗಲಿಲ್ಲ. ಈ ಪೈಕಿ ಡೋನಾಲ್ಡ್ ಎಂಟನೇ ವಿಕೆಟ್ಗೆ ಟಿನೊಟೆಂಡ ಮುಟೊಮ್ಬಾಡ್ಜಿ (34) ಜೊತೆಗೆ 80 ರನ್ಗಳ ಬಿರುಸಿನ ಜೊತೆಯಾಟ ನೀಡಿದರೂ ಅಂತಿಮ ಓವರ್ನಲ್ಲಿ ಈ ಜೋಡಿ ಬೇರ್ಪಡುವ ಮೂಲಕ ಗೆಲುವಿನ ಕನಸು ಕಣ್ಮರೆಯಾಯಿತು. 28 ಎಸೆತಗಳನ್ನು ಎದುರಿಸಿದ ಡೋನಾಲ್ಡ್ ತಿರಿಪಾನೊ ಎರಡು ಬೌಂಡರಿ ಹಾಗೂ ಐದು ಸಿಕ್ಸರ್ಗಳ ನೆರವಿನಿಂದ ಅಜೇಯ 55 ರನ್ ಗಳಿಸಿದರು. ಬಾಂಗ್ಲಾ ಪರ ತೈಜುಲ್ ಇಸ್ಲಾಂ 52 ರನ್ ತೆತ್ತು ಮೂರು ವಿಕೆಟ್ ಕಬಳಿಸಿದರು. ತಮೀಮ್ ಸ್ಮರಣೀಯ ದಾಖಲೆ: 30ರ ಹರೆಯದ ತಮೀಮ್ ಇಕ್ಬಾಲ್ ಏಕದಿನದಲ್ಲಿ 12ನೇ ಶತಕ ಸಾಧನೆ ಮಾಡಿದರು. ಇದು ಏಕದಿನದಲ್ಲಿ ಬಾಂಗ್ಲಾ ಬ್ಯಾಟ್ಸ್ಮನ್ನಿಂದ ದಾಖಲಾದ ಅತ್ಯಧಿಕ ಶತಕಗಳ ಸಾಧನೆಯಾಗಿದೆ. ಅಲ್ಲದೆ ಇದುವರೆಗೆ ಆಡಿರುವ 206 ಪಂದ್ಯಗಳಲ್ಲಿ 36.09ರ ಸರಾಸರಿಯಲ್ಲಿ ಒಟ್ಟು 7074 ರನ್ ಪೇರಿಸಿದ್ದಾರೆ. ಇದರಲ್ಲಿ 47 ಅರ್ಧಶತಕಗಳು ಒಳಗೊಂಡಿದೆ. ಬಾಂಗ್ಲಾದೇಶ ಪರ ಏಕದಿನದಲ್ಲಿ ಅತಿ ಹೆಚ್ಚು ರನ್ ಗಳಿಸಿ ಬ್ಯಾಟ್ಸ್ಮನ್ಗಳು:
- ತಮೀಮ್ ಇಕ್ಬಾಲ್: 7074*
- ಶಕಿಬ್ ಅಲ್ ಹಸನ್: 6323*
- ಮುಶ್ಫಿಕರ್ ರಹೀಂ: 6174*
- ಮಹಮುದುಲ್ಲಾ: 4067*
- ಮೊಹಮ್ಮದ್ ಅಶ್ರಫುಲ್: 3468
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2TlQbzf
