ಬೆಂಗಳೂರು: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯು () ಶೇ. 12ರಷ್ಟು ಟಿಕೆಟ್ ದರ ಹೆಚ್ಚಿಸಿದ ಬೆನ್ನಲ್ಲೇ ಮಾಸಿಕ ಮತ್ತು ದೈನಂದಿನ ಪಾಸ್ಗಳ ದರವನ್ನೂ ಏರಿಕೆ ಮಾಡಿದೆ. ಪರಿಷ್ಕೃತ ದರವು ಮಾ. 1ರಿಂದಲೇ ಜಾರಿಗೆ ಬಂದಿದೆ. ನಿಗಮದ ಆರ್ಥಿಕ ದೃಷ್ಟಿಯಿಂದ ಮಾಸಿಕ ಮತ್ತು ದಿನದ ಪಾಸ್ಗಳ ದರವನ್ನು ಪರಿಷ್ಕರಿಸಲಾಗಿದೆ. ವೇಗದೂತ, ಸಾಮಾನ್ಯ ಸೇವೆಗಳ ಹಂತವಾರು ಮಾಸಿಕ ಪಾಸು, ಮೈಸೂರು ನಗರ, ಹಾಸನ, ತುಮಕೂರು, ಮಂಗಳೂರು ನಗರಗಳಲ್ಲಿ ವಿತರಿಸಲಾಗುತ್ತಿರುವ ಪಾಸುಗಳ ದರವನ್ನು ಜಾಸ್ತಿ ಮಾಡಲಾಗಿದೆ. ಜನಪ್ರಿಯವಲ್ಲದ ಕೆಲವೊಂದು ಮಾರ್ಗಗಳ ಪಾಸ್ಗಳ ವಿತರಣೆಯನ್ನು ಹಿಂಪಡೆಯಲಾಗಿದೆ ಎಂದು ವ್ಯವಸ್ಥಾಪಕ ನಿರ್ದೇಶಕ ಶಿವಯೋಗಿ ಸಿ.ಕಳಸದ ತಿಳಿಸಿದ್ದಾರೆ. ಮಾಸಿಕ ಪಾಸ್ಗಳ ದರವು 50 ರೂ. ನಿಂದ 150ರವರೆಗೆ ಹೆಚ್ಚಳ ಮಾಡಲಾಗಿದೆ. ದೈನಂದಿನ ಪಾಸ್ಗಳ ದರವನ್ನು 10 ರೂ. ನಿಂದ 25ರವರೆಗೆ ಏರಿಕೆ ಮಾಡಲಾಗಿದೆ. ಕೆಲವೊಂದು ಹಂತಗಳಲ್ಲಿಪಾಸ್ಗಳ ದರವನ್ನು ಜಾಸ್ತಿ ಮಾಡಿಲ್ಲ.
from India & World News in Kannada | VK Polls https://ift.tt/2VBboqB
