ಹೊಸದಿಲ್ಲಿ: ಪ್ರತಿಷ್ಠಿತ ಆಕ್ಸ್ಫರ್ಡ್ ವಿಶ್ವವಿದ್ಯಾಲಯದ ಪದಕೋಶಕ್ಕೆ ಈ ವರ್ಷ ಮತ್ತಷ್ಟು ಭಾರತೀಯ ಪದಗಳು ಸೇರ್ಪಡೆಗೊಂಡಿವೆ. ಪದಕೋಶದ 10ನೇ ಆವೃತ್ತಿಗೆ 26 ಭಾರತೀಯ ಪದಗಳನ್ನು ಹೊಸದಾಗಿ ಸೇರಿಸಲಾಗಿದೆ. ಈ ಹೊಸ ಪದಗಳ ಪಟ್ಟಿಯಲ್ಲಿ ಆಧಾರ್, ಚಾವಲ್, ಡಬ್ಬಾ, ಹರ್ತಾಳ್, ಶಾದಿ, ಆಂಟಿ, ಬಸ್ ಸ್ಟ್ಯಾಂಡ್, ಟೆಂಪೋ, ಟ್ಯೂಬ್ಲೈಟ್, ನಾನ್- ವೆಜ್, ವೆಜ್ ಪದಗಳು ಸೇರಿವೆ. ಇವುಗಳಲ್ಲಿ ಹೆಚ್ಚಿನವು ಆಡು ಭಾಷೆಯಲ್ಲಿ ಸಾಮಾನ್ಯವಾಗಿ ಬಳಕೆಯಾಗುವ ಪದಗಳಾಗಿವೆ. 26 ಹೊಸ ಪದಗಳ ಸೇರ್ಪಡೆಯೊಂದಿಗೆ 10ನೇ ಆವೃತ್ತಿಯಲ್ಲಿ ಭಾರತೀಯ ಮೂಲದ 384 ಪದಗಳನ್ನು ಆಕ್ಸ್ಫರ್ಡ್ ವಿಶ್ವವಿದ್ಯಾಲಯದ ಪದಕೋಶಕ್ಕೆ ಸೇರಿದಂತಾಗಿದೆ. ಚಾಟ್ಬೋಟ್, ಫೇಕ್ನ್ಯೂಸ್, ಮೈಕ್ರೋಪ್ಲಾಸ್ಟಿಕ್, ಎಫ್ಐಆರ್, ವಿಡಿಯೋಗ್ರಾಫ್ ಸೇರಿದಂತೆ 1000ಕ್ಕೂ ಹೆಚ್ಚು ಹೊಸ ಪದಗಳನ್ನು ಇಂಗ್ಲಿಷ್ ಪದಕೋಶಕ್ಕೆ ಸೇರಿಸಲಾಗಿದೆ. ಆಕ್ಸ್ಫರ್ಡ್ ಲರ್ನರ್ಸ್ ವೆಬ್ಸೈಟ್ ಮತ್ತು ಆ್ಯಪ್ ಮೂಲಕವೂ ಹೊಸ ಆವೃತ್ತಿ ಲಭ್ಯವಿದೆ. ದೃಶ್ಯ-ಶ್ರಾವ್ಯ ಕಲಿಕಾ ಪರಿಕರವನ್ನೂ ಆನ್ಲೈನ್ನಲ್ಲಿಒದಗಿಸಲಾಗಿದೆ.
from India & World News in Kannada | VK Polls https://ift.tt/2GlkAGH
