ಬೆಂಗಳೂರು: ರಾಜ್ಯಾದ್ಯಂತ ಶುಕ್ರವಾರದಿಂದ ಎಲ್ಲಾ , , ಪಾಲಿಟೆಕ್ನಿಕ್‌ ಹಾಗೂ ಎಂಜಿನಿಯರಿಂಗ್‌ ಕಾಲೇಜುಗಳು ಪೂರ್ಣ ಪ್ರಮಾಣದಲ್ಲಿ ತೆರೆದುಕೊಳ್ಳಲಿವೆ. 2020ರ ನ.17ರಿಂದಲೇ ಅಂತಿಮ ವರ್ಷದ ಪದವಿ, ಸ್ನಾತಕೋತ್ತರ, ಎಂಜಿನಿಯರಿಂಗ್‌ ಮತ್ತು ಪಾಲಿಟೆಕ್ನಿಕ್‌ ತರಗತಿಗಳು ನಡೆಯುತ್ತಿವೆ. ಇದುವರೆಗೆ ಅಂತಿಮ ಪದವಿಗೆ ಸೀಮಿತವಾಗಿದ್ದ ಭೌತಿಕ ತರಗತಿಗಳು ಶುಕ್ರವಾರದಿಂದ ಉಳಿದ ತರಗತಿಗಳಿಗೂ ವಿಸ್ತರಣೆಯಾಗಲಿದ್ದು. ಆನ್‌ಲೈನ್‌ ತರಗತಿಗಳೂ ಮುಂದುವರಿಯಲಿವೆ. ಈಗ ಪ್ರಥಮ ಸೆಮಿಸ್ಟರ್‌ನಿಂದ ಆರಂಭಗೊಳ್ಳಲಿರುವ ತರಗತಿಗಳಿಗಾಗಿ ನಿಯಮಾವಳಿಯಂತೆ ಕಾಲೇಜಿನ ಕಟ್ಟಡ, ಮುಖ್ಯದ್ವಾರ, ಗ್ರಂಥಾಲಯ, ಶೌಚಾಲಯ, ಕೊಠಡಿ, ಪೀಠೋಪಕರಣ ಹಾಗೂ ಅಧ್ಯಯನ ಪುಸ್ತಕಗಳನ್ನು ಸ್ಯಾನಿಟೈಸ್‌ ಮಾಡಿಸಿ, ವಿದ್ಯಾರ್ಥಿಗಳ ಸ್ವಾಗತಕ್ಕೆ ಶಿಕ್ಷಣ ಸಂಸ್ಥೆಗಳು ಸಜ್ಜಾಗಿವೆ. ಕಡ್ಡಾಯ ನಿಯಮಾವಳಿ
- ಮಾಸ್ಕ್‌, ಸಾಮಾಜಿಕ ಅಂತರ, ಥರ್ಮಲ್‌ ಸ್ಕ್ಯಾ‌ನಿಂಗ್‌ ಕಡ್ಡಾಯ
- ಕೊಠಡಿಯ ಪೂರ್ಣ ಸಾಮರ್ಥ್ಯದ ಅರ್ಧದಷ್ಟಕ್ಕೆ ಅನುಮತಿ
- ಆನ್‌ಲೈನ್‌-ಆಫ್‌ಲೈನ್‌ ಎರಡೂ ಇದೆ. ಒಂದಕ್ಕೆ ಹಾಜರಿ ಕಡ್ಡಾಯ
- ಯಾರಿಗೂ ಕೋವಿಡ್‌ ಟೆಸ್ಟ್‌ ಕಡ್ಡಾಯವಲ್ಲ. ಲಕ್ಷಣ ಇರುವವರು ಮಾತ್ರ ಕಡ್ಡಾಯ ಪರೀಕ್ಷೆ ಮಾಡಿಸಿಕೊಳ್ಳಬೇಕು.
- ಪರೀಕ್ಷೆ ಸಂಬಂಧ ಸಮೀಪದ ಪ್ರಾಥಮಿಕ ಆರೋಗ್ಯ ಕೇಂದ್ರಗಳೊಂದಿಗೆ ಕಾಲೇಜುಗಳು ಮ್ಯಾಪಿಂಗ್‌ ಮಾಡಿಕೊಳ್ಳಬೇಕು.
- ಬೆಳಗ್ಗೆ 9ರಿಂದ ಸಂಜೆ 3 ಇಲ್ಲವೇ 10ರಿಂದ 4ರವರೆಗೆ ತರಗತಿ ನಡೆಯಲಿದೆ.
- ವಿದ್ಯಾರ್ಥಿಗಳು ಕಡ್ಡಾಯವಾಗಿ ಮನೆಯಿಂದಲೇ ಊಟ ಮತ್ತು ಕುಡಿಯುವ ನೀರು ತರಬೇಕು.
from India & World News in Kannada | VK Polls https://ift.tt/35JDhkB
