"ಮುಫ್ತಿ ಬಂಧನ ವಿಸ್ತರಣೆ ಕಾನೂನಿನ ದುರುಪಯೋಗ, ಮಾನವ ಹಕ್ಕುಗಳ ಮೇಲಿನ ದೌರ್ಜನ್ಯ":ಚಿದಂಬರಂ

ನವದೆಹಲಿ: ಜಮ್ಮು ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ಕಲ್ಪಿಸುವ ಸಂವಿಧಾನದ ಆರ್ಟಿಕಲ್ 370ಯನ್ನು ರದ್ದುಗೊಳಿಸಿದ ಬಳಿಕ ಬಂಧನದಲ್ಲಿರುವ ಪಿಡಿಪಿ ನಾಯಕಿ ಹಾಗೂ ಜಮ್ಮು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಅವರ ಬಂಧನದ ಅವಧಿಯನ್ನು ಮತ್ತೆ ಮೂರು ತಿಂಗಳ ಕಾಲ ಕೇಂದ್ರ ಸರಕಾರ ವಿಸ್ತರಿಸಿದೆ. ಈ ವಿಚಾರಕ್ಕೆ ಸಂಬಂಧಪಟ್ಟಂತೆ ಮಾಜಿ ಹಣಕಾಸು ಸಚಿವ ಪಿ.ಚಿದಂಬರಂ ಕೇಂದ್ರ ಸರಕಾರದ ವಿರುದ್ಧ ಕಿಡಿಕಾರಿದ್ದಾರೆ. ಕೂಡಲೇ ಮುಫ್ತಿ ಅವರನ್ನ ಬಿಡುಗಡೆಗೊಳಿಸುವಂತೆ ಆಗ್ರಹಿಸಿದ್ದಾರೆ. ಈ ಬಗ್ಗೆ ಸರಣಿ ಟ್ವೀಟ್‌ ಮಾಡಿರುವ ಪಿ.ಚಿದಂಬರಂ, "ಸಾರ್ವಜನಿಕ ಸುರಕ್ಷತಾ ಕಾಯ್ದೆಯಡಿ ಮೆಹಬೂಬಾ ಮುಫ್ತಿ ಅವರ ಬಂಧನವನ್ನು ವಿಸ್ತರಣೆ ಮಾಡಲಾಗಿದೆ. ಇದು ಕಾನೂನಿನ ದುರುಪಯೋಗ ಹಾಗೂ ಪ್ರತಿಯೊಬ್ಬ ಮಾನವನಿಗೆ ಖಾತರಿಪಡಿಸಿದ ಸಾಂವಿಧಾನಿಕ ಹಕ್ಕುಗಳ ಮೇಲಿನ ದೌರ್ಜನ್ಯವಾಗಿದೆ" ಎಂದು ಕಿಡಿಕಾರಿದ್ದಾರೆ. ಅಲ್ಲದೇ "ಯಾಕಾಗಿ ಮುಫ್ತಿ ಅವರು ರದ್ದುಗೊಳಿಸಿದ ವಿರುದ್ಧ ಮಾತನಾಡುವುದಿಲ್ಲ ಎಂದು ವಾಗ್ದಾನ ನೀಡಬೇಕು?. ಮಾತನಾಡುವುದು ವಾಕ್‌ ಸ್ವಾತಂತ್ರ್ಯದ ಭಾಗವಲ್ಲವೇ" ಎಂದು ಚಿದಂಬರಂ ಪ್ರಶ್ನಿಸಿದ್ದಾರೆ. ಅಲ್ಲದೇ "ಆರ್ಟಿಕಲ್‌ 370 ರದ್ದುಪಡಿಸಿರುವ ಬಗ್ಗೆ ಸುಪ್ರೀಂಕೋರ್ಟ್‌ನಲ್ಲಿ ಸಲ್ಲಿಸಲಾಗಿರುವ ಅರ್ಜಿ ಸಂಬಂಧ ನಾನೇ ವಕೀಲನಾಗಿ ಹಾಜರಾಗುತ್ತಿದ್ದೇನೆ. ನಾನು ಆರ್ಟಿಕಲ್‌ 370 ವಿರುದ್ಧ ಮಾತನಾಡಿದರೆ ಅದು ಸಾರ್ವಜನಿಕ ಸರುಕ್ಷತೆಗೆ ಅಪಾಯವೇ" ಎಂದು ಚಿದಂಬರಂ ಪ್ರಶ್ನಿಸಿದ್ದಾರೆ. ಅಲ್ಲದೆ ತಕ್ಷಣವೇ ಮೆಹಬೂಬಾ ಮುಫ್ತಿ ಅವರನ್ನ ಬಿಡುಗಡೆಗೊಳಿಸುವಂತೆ ನಾವೆಲ್ಲರೂ ಒಕ್ಕೊರಲಾಗಿ ಆಗ್ರಹಿಸುವಂತೆ ಚಿದಂಬಂರಂ ಕರೆ ನೀಡಿದ್ದಾರೆ. ಆರ್ಟಿಕಲ್‌ 370 ರದ್ದಿನ ಬಳಿಕ ಮಾಜಿ ಮುಖ್ಯಮಂತ್ರಿ, ಜಮ್ಮು-ಕಾಶ್ಮೀರದ ಪಿಡಿಪಿ ಪಕ್ಷದ ಪ್ರಬಲ ನಾಯಕಿ ಮೆಹಬೂಬಾ ಮುಫ್ತಿ ಅವರನ್ನ ಸಾರ್ವಜನಿಕ ಸುರಕ್ಷತಾ ಕಾಯ್ದೆಯಡಿ ಬಂಧಿಸಲಾಗಿತ್ತು. ಶುಕ್ರವಾರ ಮತ್ತೆ ಅವರ ಬಂಧನಅದ ಅವಧಿಯನ್ನ ಕೇಂದ್ರ ಸರಕಾರ ವಿಸ್ತರಿಸಿದೆ.

from India & World News in Kannada | VK Polls https://ift.tt/2XgTc5C

ನಳೀನ್‌ ಕಮಾರ್ ಕಟೀಲ್‌ ಅಧ್ಯಕ್ಷರಾಗಿ 1 ವರ್ಷದ ನಂತರ ಪದಾಧಿಕಾರಿಗಳ ನೇಮಕ; ಬಿಎಸ್‌ವೈ ಪುತ್ರ ವಿಜಯೇಂದ್ರಗೆ ಉಪಾಧ್ಯಕ್ಷ ಸ್ಥಾನ

ಬೆಂಗಳೂರು: ಹಲವಾರು ಲೆಕ್ಕಾಚಾರಗಳು, ಅಡೆತಡೆಗಳ ನಂತರ ಕಡೆಗೂ ರಾಜ್ಯ ಬಿಜೆಪಿ ಪದಾಧಿಕಾರಿಗಳ ಪಟ್ಟಿ ಬಿಡುಗಡೆಯಾಗಿದೆ. ಸಂಸದೆ ಶೋಭಾ ಕರಂದ್ಲಾಜೆ, ತೇಜಸ್ವಿನಿ ಅನಂತಕುಮಾರ್‌, ಮಾಜಿ ಸಚಿವ ಅರವಿಂದ ಲಿಂಬಾವಳಿ, ಸಿಎಂ ಪುತ್ರ ಬಿ.ವೈ.ವಿಜಯೇಂದ್ರ, ಮೈಸೂರು, ಕೊಡಗು ಸಂಸದ , ಮೇಲ್ಮನೆ ಸದಸ್ಯ ಎನ್‌.ರವಿಕುಮಾರ್‌ ಈ ಪಟ್ಟಿಯಲ್ಲಿಸ್ಥಾನ ಪಡೆದಿದ್ದಾರೆ. ರಾಜ್ಯದಲ್ಲಿ ಬಿಜೆಪಿ ಸರಕಾರ ರಚನೆಯಾಗುತ್ತಿದ್ದಂತೆ ಪಕ್ಷದ ರಾಜ್ಯಾಧ್ಯಕ್ಷರಾಗಿ ನಳಿನ್‌ ಕುಮಾರ್‌ ಕಟೀಲ್‌ ಹೆಸರು ಪ್ರಕಟಿಸಲಾಗಿತ್ತು. ಆಗಸ್ಟ್‌ನಲ್ಲಿ ಕಟೀಲ್‌ ಅಧಿಕಾರ ವಹಿಸಿಕೊಂಡಿದ್ದರು. ಆಗಲೇ ಪದಾಧಿಕಾರಿಗಳ ಪಟ್ಟಿ ಪುನಾರಚನೆಯೂ ಆಗಬೇಕಿತ್ತು. ಅದು ವರ್ಷದವರೆಗೂ ಎಳೆದುಕೊಂಡು ಬಂದು ಅಂತಿಮವಾಗಿ ಹೊಸ ಪಟ್ಟಿ ಬಿಡುಗಡೆಯಾಗಿದೆ. 10 ಉಪಾಧ್ಯಕ್ಷರನ್ನು ನೇಮಿಸಲಾಗಿದೆ. ಅವರಲ್ಲಿಅರವಿಂದ ಲಿಂಬಾವಳಿ ಹಾಗೂ ಶೋಭಾ ಕರಂದ್ಲಾಜೆ ಈ ಮೊದಲು ಪ್ರಧಾನ ಕಾರ್ಯದರ್ಶಿಗಳಾಗಿದ್ದರು. ತೇಜಸ್ವಿನಿ ಅನಂತಕುಮಾರ್‌ ಉಪಾಧ್ಯಕ್ಷರಾಗಿ ಮುಂದುವರಿದಿದ್ದಾರೆ. ಯುವ ಮೋರ್ಚಾ ಪ್ರಧಾನ ಕಾರ್ಯದರ್ಶಿಯಾಗಿದ್ದ ಸಿಎಂ ಪುತ್ರ ವಿಜಯೇಂದ್ರ ಇದೀಗ ಉಪಾಧ್ಯಕ್ಷರಾಗಿ ಬಡ್ತಿ ಹೊಂದಿದ್ದಾರೆ. ಯುವ ಮೋರ್ಚಾ ಅಧ್ಯಕ್ಷರಾಗಿದ್ದ ಸಂಸದ ಪ್ರತಾಪ ಸಿಂಹ್‌ ಅವರಿಗೂ ಉಪಾಧ್ಯಕ್ಷ ಸ್ಥಾನ ನೀಡಲಾಗಿದೆ. ಮಾಲೀಕಯ್ಯ ಗುತ್ತೇದಾರ್‌ ಅವರನ್ನೂ ಉಪಾಧ್ಯಕ್ಷರಾಗಿ ನಿಯೋಜಿಸಲಾಗಿದೆ. ಪ್ರಧಾನ ಕಾರ್ಯದರ್ಶಿಯಾಗಿ ಎನ್‌.ರವಿಕುಮಾರ್‌ 2ನೇ ಅವಧಿಗೆ ಮುಂದುವರಿದಿದ್ದಾರೆ. ಮಾಜಿ ಎಂಎಲ್ಸಿಗಳಾದ ಅಶ್ವತ್ಥನಾರಾಯಣ, ಸಿದ್ದರಾಜು ಹೊಸದಾಗಿ ಪ್ರಧಾನ ಕಾರ್ಯದರ್ಶಿಗಳಾಗಿದ್ದಾರೆ. ಸಿ.ಟಿ.ರವಿ ಸಂಪುಟ ಸೇರ್ಪಡೆ ಬಳಿಕ ಪ್ರಧಾನ ಕಾರ್ಯದರ್ಶಿಯಾಗಿದ್ದ ಮಹೇಶ ಟೆಂಗಿನಕಾಯಿ ಅವರಿಗೆ ಮತ್ತೊಂದು ಅವಕಾಶ ನೀಡಲಾಗಿದೆ. ಯುವ ಮೋರ್ಚಾದಿಂದ ಬಂದಿರುವ ತುಳಸಿ ಮುನಿರಾಜುಗೌಡ, ಎಬಿಪಿವಿಯ ವಿನಯ್‌ ಬಿದರೆ, ಮಹಿಳಾ ಮೋರ್ಚಾದ ಮಾಜಿ ಅಧ್ಯಕ್ಷೆ ಭಾರತಿ ಮುಗ್ದಂ ಅವರನ್ನು ಕಾರ್ಯದರ್ಶಿಗಳಾಗಿ ನೇಮಿಸಲಾಗಿದೆ. ಹೊಸ ಮುಖಗಳು: ಯುವ ಮೋರ್ಚಾ ಅಧ್ಯಕ್ಷರಾಗಿ ನೇಮಕಗೊಂಡಿರುವ ಡಾ.ಸಂದೀಪ್‌ ಹೊಸ ಮುಖ. ಪಕ್ಷದ ಸಂಘಟನೆಯಲ್ಲಿಈಗಾಗಲೇ ಸಕ್ರಿಯರಾಗಿರುವ ಇವರು ಪರಿಶಿಷ್ಟ ಸಮುದಾಯಕ್ಕೆ ಸೇರಿದವರಾಗಿದ್ದಾರೆ. ಈ ದೃಷ್ಟಿಯಿಂದ ಈ ನೇಮಕ ಹೆಚ್ಚು ಮಹತ್ವ ಪಡೆದುಕೊಂಡಿದೆ. ಮಹಿಳಾ ಮೋರ್ಚಾ ಅಧ್ಯಕ್ಷರಾಗಿ ನೇಮಕಗೊಂಡಿರುವ ಮಾಜಿ ಕಾರ್ಪೊರೇಟರ್‌ ಗೀತಾ ವಿವೇಕಾನಂದ ಅವರಿಗೂ ಪ್ರಮುಖ ಜವಾಬ್ದಾರಿ ನೀಡಿದಂತಾಗಿದೆ. ಕಾಂಗ್ರೆಸ್‌ನಿಂದ ಬಂದಿರುವ ಚಲವಾದಿ ನಾರಾಯಣಸ್ವಾಮಿ ಸಂಘಟನೆಯಲ್ಲಿಸಕ್ರಿಯವಾಗಿ ತೊಡಗಿಸಿಕೊಂಡಿದ್ದರಿಂದ ಅವರಿಗೆ ಎಸ್‌ಸಿ ಮೋರ್ಚಾ ಅಧ್ಯಕ್ಷ ಸ್ಥಾನ ನೀಡಲಾಗಿದೆ. ರಾಜ್ಯಸಭೆ ಚುನಾವಣೆ ಸಂದರ್ಭದಲ್ಲಿ ಸುದ್ದಿಯ ಕೇಂದ್ರವಾಗಿ ಸಂಸತ್‌ ಪ್ರವೇಶಿಸಿರುವ ಈರಣ್ಣ ಕಡಾಡಿ ರೈತ ಮೋರ್ಚಾ ಹಾಗೂ ಅಶೋಕ ಗಸ್ತಿ ಹಿಂದುಳಿದ ವರ್ಗಗಳ ಮೋರ್ಚಾ ಅಧ್ಯಕ್ಷರಾಗಿ ಹೊರಹೊಮ್ಮಿದ್ದಾರೆ. ಜತೆಗೆ ವಿಎಚ್‌ಪಿ ಮೂಲದ ಎಂ.ಶಂಕರಪ್ಪ ಹಾಗೂ ತುಮಕೂರಿನ ಎಂ.ಬಿ.ನಂದೀಶ್‌, ಮೈಸೂರಿನ ಎಂ. ರಾಜೇಂದ್ರ ಹೊಸ ಮುಖಗಳಾಗಿದ್ದಾರೆ.

from India & World News in Kannada | VK Polls https://ift.tt/3hVmoqB

ಅಮೆರಿಕದಲ್ಲೂ ಟಿಕ್‌ಟಾಕ್ ಬ್ಯಾನ್‌: ಡೊನಾಲ್ಡ್‌ ಟ್ರಂಪ್‌ ಘೋಷಣೆ

ವಾಷಿಂಗ್ಟನ್‌: ಚೀನಾ ವಿರುದ್ಧದ ಅಮೆರಿಕ ಸಮುರ ಮತ್ತೊಂದು ಹಂತಕ್ಕ ಹೋಗಿದೆ. ಈಗ ಭಾರತದಂತೆ ಅಮೆರಿಕದಲ್ಲೂ ಚೀನಾ ಆ್ಯಪ್‌ಗಳನ್ನು ನಿಷೇಧಿಸುವ ಆಂದೋಲನ ಶುರುವಾಗಿದೆ. ಚೀನಾದ ಅತ್ಯಂತ ಜನಪ್ರಿಯ ಆ್ಯಪ್‌ಗಳಲ್ಲಿ ಒಂದಾಗಿದ್ದ ಅನ್ನು ನಿಷೇಧಿಸಲು ಅಮೆರಿಕ ಮುಂದಾಗಿದೆ. ಈ ವಿಷಯವನ್ನು ಡೊನಾಲ್ಡ್‌ ಟ್ರಂಪ್ ಘೋಷಣೆ ಮಾಡಿದ್ದಾರೆ. ಏರ್‌ಫೋರ್ಸ್‌ ಒನ್‌ ವಿಮಾನದಲ್ಲಿ ಮಾತನಾಡಿದ ಅಮೆರಿಕ ಅಧ್ಯಕ್ಷ , ಅತಿ ಶೀಘ್ರದಲ್ಲೇ ಎಂದರೆ ಶನಿವಾರದೊಳಗೆ ಈ ಕುರಿತು ಸ್ಪಷ್ಟ ನಿರ್ಧಾರ ಕೈಗೊಳ್ಳುವುದಾಗಿ ಘೋಷಣೆ ಮಾಡಿದರು. ತುರ್ತು ಆರ್ಥಿಕ ಕಾನೂನು ಅಥವಾ ವಿಶೇಷ ಅಧಿಕಾರವನ್ನು ಬಳಸಿ ಆ್ಯಪ್‌ ನಿಷೇಧಿಸುವ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಡೊನಾಲ್ಡ್‌ ಟ್ರಂಪ್‌ ಸ್ಪಷ್ಟಪಡಿಸಿದ್ದಾರೆ. ಚೀನಾದ ಕೆಲವು ಆ್ಯಪ್‌ಗಳು ಅಪಾಯಕಾರಿಯಾಗಿವೆ. ಚೀನಾದ ಗುಪ್ತಚರ ಇಲಾಖೆಗಳು ಇವುಗಳನ್ನು ತಮ್ಮ ಅಸ್ತ್ರವನ್ನಾಗಿ ಬಳಸಿಕೊಂಡು ವಿದೇಶಗಳ ಮಾಹಿತಿ ಪಡೆಯುತ್ತಿರುವ ಸಾಧ್ಯತೆ ಇದೆ, ಹೀಗಾಗಿ ಇಂಥ ಆ್ಯಪ್‌ಗಳನ್ನ ನಿಷೇಧಿಸುವುದು ಸೂಕ್ತ ಎಂದು ಅಮೆರಿಕದ ರಕ್ಷಣಾ ಹಾಗೂ ಗುಪ್ತಚರ ಇಲಾಖೆ ಹಾಗೂ ಹಲವಾರು ಜನಪ್ರತಿನಿಧಿಗಳ ಒಕ್ಕೂಟ ಆಗ್ರಹಿಸಿದ್ದವು. ಜಗತ್ತಿನಾದ್ಯಂತ ಚೀನಾ ವಿರುದ್ಧ ಸಮರ ಘೋಷಣೆ ಆಗಿದೆ. ಭಾರತದಲ್ಲಿ ಈಗಾಗಲೇ ಚೀನಾದ ನೂರಕ್ಕೂ ಹೆಚ್ಚು ಆ್ಯಪ್‌ಗಳನ್ನು ನಿಷೇಧಿಸಲಾಗಿದೆ. ಈ ಕ್ರಮಕ್ಕೆ ವಿಶ್ವದಾದ್ಯಂತ ತೀವ್ರ ಶ್ಘಾಘನೆ ಕೂಡ ವ್ಯಕ್ತವಾಗಿತ್ತು. ಭಾರತದಲ್ಲಿ ಚೀನಾ ಆ್ಯಪ್‌ಗಳನ್ನು ನಿಷೇಧ ಮಾಡುತ್ತಿದ್ದಂತೆ ಅಮೆರಿಕದ ಜನಪ್ರತಿನಿಧಿಗಳು ಮೆಚ್ಚುಗೆ ವ್ಯಕ್ತಪಡಿಸಿ, ನಮ್ಮ ದೇಶದಲ್ಲೂ ಹೀಗೆ ಮಾಡಬೇಕೆಂದು ಒತ್ತಾಯಿಸಿದ್ದರು. ಈ ನಡುವೆಯೇ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಅಮೆರಿಕದಲ್ಲಿ ಟಿಕ್‌ಟಾಕ್ ನಿಷೇಧಿಸಲಾಗುವುದು ಎಂದು ಹೇಳಿದ್ದಾರೆ. ಚೀನಾ ಮೂಲದ ಆ್ಯಪ್ ಟಿಕ್‌ಟಾಕ್ ನಿಷೇಧಿಸುವ ಹಾಗೂ ಅದರ ಜತೆಗೇ ನಮಗೆ ಇನ್ನೂ ಕೆಲವು ಆಯ್ಕೆಗಳಿವೆ ಎಂದಿದ್ದಾರೆ. ಚೀನಾ ದೇಶದ ವಿರುದ್ಧ ಈಗಾಗಲೇ ವಾಣಿಜ್ಯ ಸಮರ ಸಾರಿರುವ ಅಮೆರಿಕ ಇನ್ನಷ್ಟು ಬಿಗಿ ಕ್ರಮಗಳನ್ನು ಕೈಗೊಳ್ಳುವ ಮೂಲಕ ಡ್ರ್ಯಾಗನ್‌ ರಾಷ್ಟ್ರಕ್ಕೆ ಪಂಚ್‌ ನೀಡಲು ಮುಂದಾಗಿದೆ ಎಂದು ಹೇಳಲಾಗಿದೆ. ಚೀನಾ ಮೂಲದ ಹುವೈ ಕಂಪನಿಯನ್ನು ಅಮೆರಿಕ ಹಂತಹಂತವಾಗಿ ನಿಷೇಧಿಸುತ್ತಾ ಬಂದಿದೆ. 5G ನೆಟ್‌ವರ್ಕ್‌ ಅಳವಡಿಕೆಯಲ್ಲಿ ಹುವೈ ಕಂಪನಿಯನ್ನು ದೂರವಿರಿಸುವುದು ಉತ್ತಮ ಎಂದು ಡೊನಾಲ್ಡ್ ಟ್ರಂಪ್ ಯುರೋಪ್‌ನ ಎಲ್ಲ ರಾಷ್ಟ್ರಗಳನ್ನು ಒತ್ತಾಯಿಸಿದ್ದಾರೆ.

from India & World News in Kannada | VK Polls https://ift.tt/30fQ4c1

ಗಡಿಯಲ್ಲಿ ದುಷ್ಟ ಪಾಕಿಸ್ತಾನದಿಂದ ಕದನ ವಿರಾಮ ಉಲ್ಲಂಘನೆ, ಓರ್ವ ಯೋಧ ಹುತಾತ್ಮ!

ಜಮ್ಮ-ಕಾಶ್ಮೀರ: ದುಷ್ಟ ಪಾಕಿಸ್ತಾನದ ಉಪಟಳ ಗಡಿಯಲ್ಲಿ ಮುಂದುವರಿದಿದೆ. ಉಗ್ರರನ್ನ ಭಾರತದೊಳಗೆ ಒಳ ನುಸುಳಿಸಲು ಸಾಧ್ಯವಾಗದ ಹತಾಶೆಯಲ್ಲಿರುವ ಪಾಕಿಸ್ತಾನದ ಸೇನೆ, ಇದೀಗ ಕದನ ವಿರಾಮ ಉಲ್ಲಂಘಿಸುವ ಮೂಲಕ ತನ್ನ ನಿಜವಾದ ಬಣ್ಣ ಬಯಲು ಮಾಡುತ್ತಿದೆ. ಬಳಿ ಇರುವ ಬಾಲಕೋಟ್‌ ಸೆಕ್ಟರ್‌ನಲ್ಲಿ ಪಾಕಿಸ್ತಾನದ ಸೈನಿಕರು ಕದನ ವಿರಾಮ ಉಲ್ಲಂಘಿಸಿದ್ದು ಘಟನೆಯಲ್ಲಿ ಭಾರತೀಯ ಸೇನೆಯ ಓರ್ವ ಯೋಧ ಹುತಾತ್ಮರಾಗಿದ್ದಾರೆ. ಕಳೆದ ಕೆಲವು ದಿನಗಳಿಂದ ಈ ಗಡಿ ಭಾಗದಲ್ಲಿ ಪಾಕಿಸ್ತಾನದ ಸೇನೆ ಅಪ್ರಚೋದಿತ ದಾಳಿ ನಡೆಸುತ್ತಿದೆ. ನಿನ್ನೆ ರಾತ್ರಿಯಿಂದಲೂ ಪಾಕಿಸ್ತಾನದ ಸೇನೆ ಕದನ ವಿರಾಮ ಉಲ್ಲಂಘಿಸಿ ಅಪ್ರಚೋದಿತ ಗುಂಡಿನ ದಾಳಿ ನಡೆಸುತ್ತಿದೆ. ಇದಕ್ಕೆ ಪ್ರತ್ಯುತ್ತರ ನೀಡುವ ವೇಳೆ ಯೋಧ ರೋಶನ್‌ ಕುಮಾರ್‌ ಎಂಬುವವರು ಹುತಾತ್ಮರಾಗಿದ್ದಾರೆ ಎಂದು ತಿಳಿದುಬಂದಿದೆ. ಕಳೆದ ಕೆಲವು ದಿನಗಳಿಂದ ಜಮ್ಮು ಕಾಶ್ಮೀರದಲ್ಲಿ ಭಾರತೀಯ ಸೇನೆ ಹಾಗೂ ಪೊಲೀಸರು ಹಲವು ಉಗ್ರರನ್ನ ಹೊಡೆದರುಳಿಸಿದ್ದಾರೆ. ಉಗ್ರರನ್ನ ನಿರ್ನಾಮ ಮಾಡುವ ಪಣ ತೊಟ್ಟಿದ್ದಾರೆ. ಅಲ್ಲದೇ ಇತ್ತೀಚೆಗೆ ಗಡಿ ಪ್ರವೇಶಿಸಲು ಯತ್ನಿಸಿದ ಅನುಮಾನಸ್ಪದ ವ್ಯಕ್ತಿಗಳನ್ನ ಗಡಿ ಭದ್ರತಾ ಪಡೆ ಹಿಡಿದಿತ್ತು. ಈ ಎಲ್ಲಾ ಬೆಳವಣಿಗೆಯಿಂದಾಗಿ ಪಾಕಿಸ್ತಾನದ ಸೇನೆ ಹಾಗೂ ಗುಪ್ತಚರ ಇಲಾಖೆ ಹತಾಶಗೊಂಡಿದೆ.

from India & World News in Kannada | VK Polls https://ift.tt/2Pf4qmE

ಜುಲೈನಲ್ಲಿ ಎಲ್ಲೆ ಮೀರಿ ಚಲಿಸಿದ ಕೊರೊನಾ, ದೇಶದಲ್ಲಿ ಒಂದೇ ತಿಂಗಳು 11 ಲಕ್ಷ ಮಂದಿಗೆ ಸೋಂಕು!

ನವದೆಹಲಿ: ಕೊರೊನಾ ವೈರಸ್‌ ಜುಲೈ ತಿಂಗಳಲ್ಲಿ ಲಂಗು ಲಗಾಮು ಇಲ್ಲದೆ ಚಲಿಸಿರುವುದು ಕೇಂದ್ರ ಆರೋಗ್ಯ ಇಲಾಖೆಯ ವರದಿಗಳಿಂದ ಸ್ಪಷ್ಟವಾಗಿದೆ. ಹೌದು ಜುಲೈ ತಿಂಗಳ ಕೊನೆ ದಿನವಾದ ಶುಕ್ರವಾರ ಮತ್ತೆ 57,000 ಹೊಸ ಕೇಸ್‌ಗಳು‌ ದಾಖಲಾಗಿದೆ. ಈ ಮೂಲಕ ನಾಲ್ಕನೇ ಬಾರಿಗೆ ಜುಲೈ ತಿಂಗಳಲ್ಲಿ ಕೊರೊನಾ ಐವತ್ತು ಸಾವಿರದ ಗಡಿ ದಾಟಿದಂತಾಗಿದೆ. ಆದರೆ ಇಲ್ಲಿನ ಪ್ರಮುಖ ವಿಚಾರ, ದೇಶದಲ್ಲಿ ಅತೀ ಹೆಚ್ಚು ಕೊರೊನಾ ಸೋಂಕು ಜುಲೈನಲ್ಲಿ ದೃಢಪಟ್ಟಿದೆ ಎನ್ನುವುದು. ಹೌದು, ಜುಲೈನಲ್ಲಿ ಬರೋಬ್ಬರಿ 11.1 ಲಕ್ಷ ಕೊರೊನಾ ಪ್ರಕರಣಗಳು ದಾಖಲಾಗಿದೆ. ಅಲ್ಲದೇ ಈ ತಿಂಗಳಲ್ಲಿ 19,122 ಸಾವುಗಳು ಸಂಭವಿಸಿದೆ ಎಂದು ತಿಳಿದುಬಂದಿದೆ. ಇನ್ನು ಇವುಗಳ ಇನ್ನಷ್ಟು ಅಧ್ಯಯನ ನಡೆಸಿದಾಗ ನಿಜಕ್ಕೂ ಬೆಚ್ಚಿಬೀಳಿಸುವಂತಹ ವಿಚಾರ ಬಹಿರಂಗವಾಗಿದೆ.

ಜೂನ್‌ ತಿಂಗಳಿಗೆ ಹೋಲಿಸಿದರೆ ಜುಲೈನಲ್ಲಿ 2.8 ಪಟ್ಟು ಹೆಚ್ಚಾಗಿ ಕೊರೊನಾ ಸೋಂಕು ಪತ್ತೆಯಾಗಿದೆ. ಅಲ್ಲದೇ ಜುಲೈನಲ್ಲಿ ಸಂಭವಿಸಿದ ಸಾವುಗಳು ಜೂನ್‌ನಲ್ಲಿ ದಾಖಲಾದ ಸಾವುಗಳಿಗಿಂತ ಬರೋಬ್ಬರಿ 1.6 ಪಟ್ಟು ಹೆಚ್ಚಾಗಿದೆ ಎಂದು ಆರೋಗ್ಯ ಇಲಾಖೆಯ ದತ್ತಾಂಶಗಳು ಹೇಳುತ್ತಿವೆ. ಇನ್ನು ಆತಂಕದ ಸಂಗತಿ ಎಂದರೆ ಜುಲೈನ ದ್ವಿತೀಯಾರ್ಧದಲ್ಲಿ ಸುಮಾರು 7.3 ಲಕ್ಷ ಹೊಸ ಸೋಂಕುಗಳು ಪತ್ತೆಯಾಗಿದೆ ಅಂದರೆ ಮೊದಲಾರ್ಧದಲ್ಲಿ ವರದಿಯಾದ ಎರಡು ಪಟ್ಟು ಕೊರೊನಾ ಸೋಂಕು ಇಲ್ಲಿ ಹೆಚ್ಚಾಗಿದೆ. ಅಲ್ಲದೇ ದ್ವಿತೀಯಾರ್ಧದಲ್ಲಿ ಬರೋಬ್ಬರಿ 11,600 ಮಂದಿ ಸಾವನಪ್ಪಿದ್ದಾರೆ. ಇದು ಮುಂದಿನ ದಿನಗಳಲ್ಲಿ ಇನ್ನಷ್ಟು ಪಟ್ಟು ಹೆಚ್ಚಾಗುವುದನ್ನ ಸೂಚಿಸುತ್ತಿದೆ ಎನ್ನುತ್ತಿದ್ದಾರೆ ವೈದ್ಯಕೀಯ ಪರಿಣಿತರು.

ಬಕ್ರೀದ್ ಹಬ್ಬ ಸಹೋದರತ್ವ, ಸಹಾನುಭೂತಿ ಮನೋಭಾವವನ್ನು ಹೆಚ್ಚಿಸಲಿ : ಪ್ರಧಾನಿ ಮೋದಿ ಶುಭಾಶಯ

ಇನ್ನು ದೇಶದಲ್ಲಿ ಒಟ್ಟು ನಾಲ್ಕು ಬಾರಿ ಕೊರೊನಾ ಸೋಂಕಿತರ ಸಂಖ್ಯೆ ಐವತ್ತು ಸಾವಿರದ ಗಡಿ ದಾಟಿರುವುದು ಕೇಂದ್ರ ಆರೋಗ್ಯ ಇಲಾಖೆಯ ಅಂಕಿ ಅಂಶಗಳಲ್ಲಿ ತಿಳಿದುಬಂದಿದೆ. ಶುಕ್ರವಾರ ಮತ್ತೆ 57,151 ಹೊಸ ಕೇಸ್‌ಗಳು ದೃಢಪಟ್ಟಿದ್ದು ಈ ಮೂಲಕ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಒಟ್ಟು 16,94,918 ಆಗಿದೆ. ಶುಕ್ರವಾರ 766 ಜನರು ಬಲಿಯಾಗಿದ್ದಾರೆ. ಕಳೆದ ನಾಲ್ಕು ದಿನ ಕೊರೊನಾಗೆ ಬಲಿಯಾಗುತ್ತಿರುವವರ ಸಂಖ್ಯೆ ಸತತ 750ರ ಗಡಿ ದಾಟುತ್ತಿದೆ.

ಸತಾಯಿಸುವ ಖಾಸಗಿ ಆಸ್ಪತ್ರೆಗಳಿಗೆ ಸರಕಾರದ ಪ್ರಹಾರ: ಪರವಾನಗಿ ರದ್ದು, ಹಣ ಮರಳಿಸಲು ಕ್ರಮ

ಇನ್ನು ಈ ರೀತಿ ಕೇಸ್‌ಗಳು ಜಾಸ್ತಿಯಾಗುತ್ತಿರುವ ಬಗ್ಗೆ ಕಳವಳ ವ್ಯಕ್ತಪಡಿಸುವ ಅಗತ್ಯವಿಲ್ಲ. ಯಾಕೆಂದರೆ ದೇಶದಲ್ಲಿ ಉತ್ತಮ ಸಂಖ್ಯೆಯ ಕೊರೊನಾ ಪರೀಕ್ಷೆ ನಡೆಯುತ್ತಿರುವುದರಿಂದ ಕೊರೊನಾ ಸೋಂಕಿತರ ಸಂಖ್ಯೆ ಏರಿಕೆಯಾಗುತ್ತಿದೆ ಎಂದು ವೈದ್ಯಕೀಯ ಪರಿಣಿತರು ಅಭಿಪ್ರಾಯಪಟ್ಟಿದ್ದಾರೆ. ದಿನಕ್ಕೆ ನಾಲ್ಕು ಲಕ್ಷದಿಂದ ಐದು ಲಕ್ಷ ಸ್ಯಾಂಪಲ್ಸ್‌ಗಳನ್ನ ಕಲೆಕ್ಟ್‌ ಮಾಡಿ ಪರೀಕ್ಷೆ ನಡೆಸಲಾಗುತ್ತಿದೆ. ಆದರೆ ಕೊರೊನಾ ಸೋಂಕು ಹರಡದಂತೆ ನಿಯಂತ್ರಣ ಮಾಡುವುದು ಮುಖ್ಯ ಇಲ್ಲದಿದ್ದರೆ ಹೆಚ್ಚು ಜನ ಸಂಖ್ಯೆ ಇರುವ ಭಾರತದಲ್ಲಿ ಮುಂದಿನ ದಿನಗಳಲ್ಲಿ ಸಮಸ್ಯೆಯಾಗಬುಹುದು ಎಂದು ಕೂಡ ವೈದ್ಯಕೀಯ ಪರಿಣಿತರು ಅಭಿಪ್ರಾಯ ಪಟ್ಟಿದ್ದಾರೆ. ಇನ್ನೊಂದೆಡೆ ಗುಣಮುಖರ ಸಂಖ್ಯೆ ಭಾರತದಲ್ಲಿ ಹತ್ತು ಲಕ್ಷ ದಾಟಿದೆ.

ಆಗಸ್ಟ್‌-ಸೆಪ್ಟೆಂಬರ್‌ನಲ್ಲಿ ಸರಾಸರಿ ಮಳೆ ಸಾಧ್ಯತೆ: ಹವಾಮಾನ ಇಲಾಖೆ

from India & World News in Kannada | VK Polls https://ift.tt/3hR1ngE

ಬಕ್ರೀದ್ ಹಬ್ಬ ಸಹೋದರತ್ವ, ಸಹಾನುಭೂತಿ ಮನೋಭಾವವನ್ನು ಹೆಚ್ಚಿಸಲಿ : ಪ್ರಧಾನಿ ಮೋದಿಯಿಂದ ಶುಭಾಶಯ

ಹೊಸದಿಲ್ಲಿ: ಇಂದು ದೇಶದೆಲ್ಲೆಡೆ ತ್ಯಾಗ ಮತ್ತು ಬಲಿದಾನದ ಸಂಕೇತವಾಗಿ ಆಚರಿಸಲ್ಪಡುವ ಮುಸಲ್ಮಾನರ ಪವಿತ್ರ ಹಬ್ಬಗಳಲ್ಲಿ ಒಂದಾದ ಬಕ್ರಿದ್ ಹಬ್ಬದ ಸಂಭ್ರಮ. ಕರ್ನಾಟಕದ ಕರಾವಳಿ ಭಾಗದಲ್ಲಿ ಶುಕ್ರವಾರ ಬಕ್ರಿದ್ ಹಬ್ಬವನ್ನು ಆಚರಿಸಿದರೆ ದೇಶದ ಬಹುತೇಕ ಕಡೆಗಳಲ್ಲಿ ಇಂದು ಆಚರಿಸಲಾಗ್ತಿದೆ. ಬಕ್ರಿದ್ ಹಬ್ಬದ ಹಿನ್ನೆಲೆ ಪ್ರಧಾನಿ ದೇಶದ ಜನತೆಗೆ ಶುಭಾಷಯ ತಿಳಿಸಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಮೋದಿ, ಎಲ್ಲರಿಗೂ ಈದ್-ಉಲ್-ಅದಾ ಹಬ್ಬದ ಶುಭಾಷಯಗಳು. ನ್ಯಾಯಯುತ, ಸಾಮರಸ್ಯ ಮತ್ತು ಸಮಾಜವನ್ನು ಒಟ್ಟುಗೂಡಿಸಲು ಈ ದಿನ ನಮಗೆ ಪ್ರೇರಣಾದಾಯಕವಾಗಲಿ. ಎಲ್ಲರಲ್ಲೂ ಸಹೋದರತ್ವ ಮತ್ತು ಸಹಾನುಭೂತಿಯ ಮನೋಭಾವವನ್ನು ಹೆಚ್ಚಿಸಲಿ ಎಂದು ಶುಭಾಶಯ ತಿಳಿಸಿದ್ದಾರೆ. ವಿಶ್ವದಾದ್ಯಂತ ಮುಸಲ್ಮಾನ ಬಾಂಧವರು ಶ್ರದ್ದೆಯಿಂದ ಆಚರಿಸುವ ಹಬ್ಬಗಳಲ್ಲಿ ಬಕ್ರೀದ್ ಕೂಡ ಪ್ರಾಮುಖ್ಯತೆಯನ್ನು ಪಡೆದಿದೆ. ಬಕ್ರೀದ್ ದಿನ ಬೆಳಗ್ಗೆ ಮಸೀದಿ ಮತ್ತು ಈದ್ಗಾಗಳಲ್ಲಿ ವಿಶೇಷ ನಮಾಜ್ ಇರುತ್ತದೆ. ಈ ವೇಳೆ ಮಕ್ಕಳು ಹಿರಿಯರೆನ್ನದೆ ಹೊಸ ಬಟ್ಟೆ ಧರಿಸಿ ಪಾಲ್ಗೊಳ್ಳುತ್ತಾರೆ. ಹಬ್ಬದ ವಿಶೇಷವಾಗಿ ಸ್ನೇಹಿತರು ಮತ್ತು ಸಂಬಂಧಿಕರ ಮನೆಗೆ ತೆರಳಿ ತಿಳಿಸಿ ಪರಸ್ಪರ ಕುಶಲೋಪರಿ ವಿಚಾರಿಸುವ ಪರಿಪಾಠವೂ ಹಿಂದಿನಿಂದ ಬಂದಿದೆ. ದೇಶದೆಲ್ಲೆಡೆ ಕೊರೊನಾ ಸಾಂಕ್ರಾಮಿಕ ರೋಗ ವಕ್ಕರಿಸಿರುವ ಹಿನ್ನೆಲೆ ಈ ವರ್ಷ ಬಕ್ರಿದ್ ಸೇರಿದಂತೆ ದೇಶದಲ್ಲಿ ಆಚರಿಸಲ್ಪಡುವ ಎಲ್ಲಾ ಹಬ್ಬಗಳು ಮೆರಗು ಕಳೆದುಕೊಂಡಿದ್ದು, ಬಕ್ರಿದ್ ಹಬ್ಬವನ್ನು ಕೂಡ ಬಹುತೇಕ ಕಡೆ ಸರಳವಾಗಿ ಆಚರಿಸಲಾಗ್ತಿದೆ.

from India & World News in Kannada | VK Polls https://ift.tt/2Ds6HbK

ಆಗಸ್ಟ್‌-ಸೆಪ್ಟೆಂಬರ್‌ನಲ್ಲಿ ಸರಾಸರಿ ಮಳೆ ಸಾಧ್ಯತೆ: ಹವಾಮಾನ ಇಲಾಖೆ

'ಇವರು ಕೂಡ ಅದ್ಭುತ ನಾಯಕರಾಗಬಹುದಿತ್ತು' : ಸಹ ಆಟಗಾರನನ್ನು ಶ್ಲಾಘಿಸಿದ ಪಠಾಣ್‌!

ಹೊಸದಿಲ್ಲಿ: ಭಾರತ ತಂಡದ ಮಾಜಿ ಆರಂಭಿಕ ಅವರು ತಮ್ಮ ವೃತ್ತಿ ಜೀವನದುದ್ದಕ್ಕೂ ಚತುರ ಕ್ರಿಕೆಟಿಗರಾಗಿ ಗುರುತಿಸಿಕೊಂಡಿದ್ದಾರೆ ಹಾಗೂ ಅದ್ಭುತ ಓಪನಿಂಗ್‌ ಬ್ಯಾಟ್ಸ್‌ಮನ್‌ ಕೂಡ. 2011ರ ವಿಶ್ವಕಪ್‌ ಫೈನಲ್‌ ಹಣಾಹಣಿಯಲ್ಲಿ 97 ರನ್‌ ಗಳಿಸಿ ಭಾರತ ತಂಡ, ಪ್ರಶಸ್ತಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸುವ ಮೂಲಕ ತಾನೊಬ್ಬ ಮ್ಯಾಚ್‌ ವಿನ್ನರ್‌ ಎಂಬುದನ್ನು ಎಡಗೈ ಬ್ಯಾಟ್ಸ್‌ಮನ್‌ ಸಾಬೀತುಪಡಿಸಿದ್ದರು. 2011ರ ವಿಶ್ವಕಪ್‌ ಬಳಿಕ ಗೌತಮ್‌ ಗಂಬೀರ್‌ ಕೋಲ್ಕತ್ತಾ ನೈಟ್‌ ರೈಡರ್ಸ್ ತಂಡದ ನಾಯಕತ್ವವನ್ನು ವಹಿಸಿಕೊಂಡರು. ಅದೇ ವರ್ಷ ಅವರ ನಾಯಕತ್ವದಲ್ಲಿ ಕೆಕೆಆರ್‌ ಮೊಟ್ಟ ಮೊದಲ ಬಾರಿ ಪ್ಲೇ ಅಪ್‌ ಹಂತಕ್ಕೆ ತಲುಪಿತು. ನಂತರ ಒಂದು ವರ್ಷದ ಬಳಿಕ ಗಂಭೀರ್‌ ನಾಯಕತ್ವದಲ್ಲಿ ಕೋಲ್ಕತ್ತಾ ನೈಡ್‌ ರೈಡರ್ಸ್, ಚೊಚ್ಚಲ ಐಪಿಎಲ್‌ ಟ್ರೋಫಿ ಮುಡಿಗೇರಿಸಿಕೊಂಡಿತು. 2014ರಲ್ಲಿ ಎರಡನೇ ಬಾರಿ ಕೆಕೆಆರ್‌ ಚಾಂಪಿಯನ್‌ ಆಯಿತು. ಆ ಮೂಲಕ ಎಡಗೈ ಬ್ಯಾಟ್ಸ್‌ಮನ್‌ನಲ್ಲಿರುವ ನಾಯಕತ್ವದ ಕೌಶಲಗಳು ಬೆಳಕಿಗೆ ಬಂದವು. 2010 ಹಾಗೂ 2011ರ ನಡುವೆ ಗೌತಮ್‌ ಗಂಭೀರ್‌ ಭಾರತ ತಂಡವನ್ನು ಮುನ್ನಡೆಸಿದ್ದರು. ಈ ವೇಳೆ ಅವರು ಶೇ.100 ರಷ್ಟು ನಾಯಕತ್ವದಲ್ಲಿ ಯಶಸ್ವಿ ಸಾಧಿಸಿದ್ದರು. ಗೌತಮ್‌ ಗಂಭೀರ್‌ ದೀರ್ಘಾವಧಿಯಲ್ಲಿ ಭಾರತ ತಂಡವನ್ನು ಮುನ್ನಡೆಸಬೇಕಾಗಿತ್ತು ಎಂದು ಮಾಜಿ ಆಲ್‌ರೌಂಡರ್‌ ಇರ್ಫಾನ್‌ ಪಠಾಣ್‌ ಅಭಿಪ್ರಾಯಪಟ್ಟಿದ್ದಾರೆ. "ಜನರು ರಾಹುಲ್‌ ದ್ರಾವಿಡ್‌ ಬಗ್ಗೆ ಹೆಚ್ಚು ಮಾತನಾಡುವುದಿಲ್ಲ. ರಾಹುಲ್‌ ದ್ರಾವಿಡ್‌ ಬಗ್ಗೆ ಹೆಚ್ಚು ಮಾತನಾಡದ ಜನರು ಅವರನ್ನ ಇಷ್ಟಪಡುವುದೇ ಇಲ್ಲ? ಇಲ್ಲ. ಅವರ ನಾಯಕತ್ವದಲ್ಲಿ ಸತತ 16 ಓಡಿಐ ಪಂದ್ಯಗಳಲ್ಲಿ ಭಾರತ ಗುರಿ ಬೆನ್ನೆತ್ತಿ ಜಯ ಸಾಧಿಸಿದೆ. ಕೆಲವೊಮ್ಮೆ ಅದು ಸುತ್ತುವರೆಯುತ್ತದೆ," ಎಂದು ಕ್ರಿಕೆಟ್‌.ಕಾಮ್‌ ಸಂದರ್ಶನದಲ್ಲಿ ತಿಳಿಸಿದ ಪಠಾಣ್, ವಿಜೇತ ನಾಯಕನಾಗಿ, ಫಲಿತಾಂಶ-ಆಧಾರಿತ ನಾಯಕನಾಗಿ ಮತ್ತು ಫಲಿತಾಂಶವನ್ನು ಪಡೆದ ವ್ಯಕ್ತಿ, ಅತ್ಯುತ್ತಮ ತಂಡವನ್ನು ಹೊಂದಿದ್ದ ನಾಯಕನೆಂದರೆ ಅದು ಮಹೇಂದ್ರ ಸಿಂಗ್ ಧೋನಿ," ಎಂದು ಮಾಜಿ ಆಲ್‌ರೌಂಡರ್ ಬಣ್ಣಿಸಿದರು. "ಸೌರವ್‌ ಗಂಗೂಲಿ ಮೇಲೆ ದೊಡ್ಡ ಗೌರವವಿದೆ, ಅದೇ ರೀತಿ ರಾಹುಲ್‌ ದ್ರಾವಿಡ್‌, ಅನಿಲ್ ಕುಂಬ್ಳೆ ಅವರ ನಾಯಕತ್ವಕ್ಕೂ ಅತ್ಯುತ್ತಮ ಗೌರವವನ್ನು ನೀಡುತ್ತೇನೆ ಹಾಗೂ ಗೌತಮ್‌ ಗಂಭೀರ್‌ ಅವರು ಭಾರತ ತಂಡವನ್ನು ಹೆಚ್ಚಿನ ಪಂದ್ಯಗಳಲ್ಲಿ ಮುನ್ನಡೆಸಬೇಕಾಗಿತ್ತು. ಅವರು ಕೂಡ ಅತ್ಯದ್ಭುತ ನಾಯಕ," ಎಂದು ಪಠಾಣ್‌ ಶ್ಲಾಘಿಸಿದರು. "ವಿರಾಟ್‌ ಕೊಹ್ಲಿ ಹಾಗೂ ರೋಹಿತ್‌ ಶರ್ಮಾ ಅವರನ್ನು ನಿಜವಾಗಿಯೂ ಮೆಚ್ಚುತ್ತೇನೆ, ಇದರರ್ಥ ಮಹೇಂದ್ರ ಸಿಂಗ್‌ ಧೋನಿಯನ್ನು ಮೆಚ್ಚುವುದಿಲ್ಲ ಎಂದರ್ಥವಲ್ಲ," ಎಂದು ಹೇಳಿದರು. ಗೌತಮ್‌ ಗಂಭೀರ್‌ 2010ರಲ್ಲಿ ನ್ಯೂಜಿಲೆಂಡ್‌ ವಿರುದ್ಧ ಐದು ಪಂದ್ಯಗಳ ಏಕದಿನ ಸರಣಿಯಲ್ಲಿ ಭಾರತವನ್ನು ಮುನ್ನಡೆಸಿದ್ದರು. ತಮ್ಮ ಅದ್ಭತ ನಾಯಕತ್ವದಿಂದ 5-0 ಅಂತರದಲ್ಲಿ ಕಿವೀಸ್‌ ವಿರುದ್ಧ ಗೆಲುವು ಸಾಧಿಸಿದ್ದರು. 329 ರನ್‌ಗಳನ್ನು ಗಳಿಸಿದ್ದ ಅವರು ಸರಣಿ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾಗಿದ್ದರು. ನಂತರ, 2011ರಲ್ಲಿ ವೆಸ್ಟ್ ಇಂಡೀಸ್‌ ವಿರುದ್ಧ ಐದನೇ ಹಾಗೂ ಕೊನೆಯ ಪಂದ್ಯದಲ್ಲಿ ಭಾರತವನ್ನು ಮುನ್ನಡೆಸಿ ಗಜಯ ಸಾಧಿಸಿದ್ದರು. ನಾಯಕತ್ವವನ್ನು ವಹಿಸಿದ್ದ ಎಲ್ಲಾ ಪಂದ್ಯಗಳಲ್ಲಿ ಅವರು ಜಯ ಸಾಧಿಸಿದ್ದಾರೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3gs6h3m

'ಬಿಜೆಪಿಗರೇ, ನೋಡ್ತಿರಿ.. ನಿಮ್ಮನ್ನು ಜನರೇ ಹಳೆ ಪೊರಕೆಯಲ್ಲಿ ಕ್ಲೀನ್ ಮಾಡ್ತಾರೆ' : ಡಿ.ಕೆ.ಶಿವಕುಮಾರ್

ಮಂಗಳೂರು: ‘ಕೊರೊನಾದಲ್ಲಿ ಭ್ರಷ್ಟಾಚಾರ, ಬಿಜೆಪಿ ಸರ್ಕಾರದ ಸಂಸ್ಕಾರ’ ಬಿಜೆಪಿಗರೇ, ಜನರೇ ನಿಮ್ಮನ್ನು ಒಂದು ದಿನ ಹಳೇ ಪೊರಕೆಯಲ್ಲಿ ಕ್ಲೀನ್ ಮಾಡ್ತಾರೆ ನೋಡ್ತಿರಿ ಎಂದು ಕೆಪಿಸಿಸಿ ಅಧ್ಯಕ್ಷ ರಾಜ್ಯ ಸರ್ಕಾರದ ವಿರುದ್ಧ ಕಿಡಿಕಾರಿದ್ದಾರೆ. ಪ್ರವಾಸದಲ್ಲಿರುವ ಡಿ.ಕೆ.ಶಿವಕುಮಾರ್ ಶುಕ್ರವಾರ ಮಂಗಳೂರಿನ ಕಾಂಗ್ರೆಸ್‌ ಪಕ್ಷದ ಕಚೇರಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ ರಾಜ್ಯ ಬಿಜೆಪಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದರು. ವಿಚಾರದಲ್ಲಿ 40000 ಕೋಟಿ ರೂಪಾಯಿ ಖರ್ಚು ಮಾಡಿ 2000 ಕೋಟಿ ರೂಪಾಯಿ ಹಣವನ್ನು ಲೂಟಿ ಮಾಡಿದೆ ಎಂದು ಆರೋಪಿಸಿದ ಡಿಕೆಶಿ, ಈ ಬಗ್ಗೆ ಸರ್ಕಾರದ ದಾಖಲೆಯೇ ಹೇಳುತ್ತಿದೆ. ನಾನೇನಾದರೂ ಸುಳ್ಳು ಹೇಳುತ್ತಿದ್ದರೆ ನನ್ನ ಮೇಲೆ ಮಾನನಷ್ಟ ಮೊಕದ್ದಮೆ ಹಾಕಿ ಅಥವಾ ಕೇಸ್ ಹಾಕಿ ಜೈಲಿಗೆ ಹಾಕಿ. ಸರ್ಕಾರ ಕೊರೊನಾ ಹೆಸರಲ್ಲಿ ಭ್ರಷ್ಟಾಚಾರ ಮಾಡಿದ ಕಾರಣಕ್ಕೆ ಸಿದ್ದರಾಮಯ್ಯ ಲೆಕ್ಕ ಕೊಡಿ ಎಂದು ಕೇಳಿದರು ನಾನು ಉತ್ತರಕೊಡಿ ಎಂದು ಕೇಳಿದ್ದೇನೆ. ನಾವು ಸರ್ಕಾರದ ದಾಖಲೆಯನ್ನು ಇಟ್ಟುಕೊಂಡು ಮಾತಾಡುತ್ತಿದ್ದೇನೆ. ಇದಕ್ಕೆ ನೀವು ಉತ್ತರಕೊಡಬೇಕು. ಪಾರದರ್ಶಕ ಆಡಳಿತ ಹೇಳುವ ಬಿಜೆಪಿ, ಪಬ್ಲಿಕ್ ಅಕೌಂಟ್ಸ್ ಕಮೀಟಿ ಮೀಟಿಂಗ್‌ಗೆ ಅವಕಾಶ ಮಾಡಿಕೊಡಲಿ. ಸಾರ್ವಜನಿಕರ ದುಡ್ಡಿನ ಬಗ್ಗೆ ಪಾರದರ್ಶಕ ತನಿಖೆಯಾಗಲಿ ಎಂದು ಆಗ್ರಹಿಸಿದರು. ಲಾಕ್‌ಡೌನ್ ವೇಳೆ ರಾಜ್ಯ ಸರ್ಕಾರ ವಲಸೆ ಕಾರ್ಮಿಕರನ್ನು ಸರಿಯಾದ ರೀತಿ ನಡೆಸಿಕೊಂಡಿಲ್ಲ ಎಂದು ಆರೋಪಿಸಿದ ಡಿಕೆಶಿ, ನೀವು ವಲಸೆ ಕಾರ್ಮಿಕರಿಗೆ ಸರಿಯಾದ ವ್ಯವಸ್ಥೆ ಮಾಡಬೇಕಿತ್ತು. ಅವರಿಗೆ ಮೂರು ಹೊತ್ತು ಊಟ ಕೊಡ್ತಿದ್ರೆ, ಉಳಿಯೋಕೆ ಸಣ್ಣ ಸೂರು ಕೊಡ್ತಿದ್ರೆ ಅವರು ರಾಜ್ಯ ಬಿಟ್ಟು ಯಾಕೆ ಹೋಗ್ತಿದ್ದರು ಎಂದು ಪ್ರಶ್ನಿಸಿದರು. ಅಲ್ಲದೇ ನಾವು ಚೆಕ್‌ ಕೊಡೋಕೆ ಹೋದಾಗ ಅದನ್ನೇ ಬೋಗಸ್ ಅಂತಾ ಹೇಳಿದ್ರು ಎಂದು ಅಸಮಾಧಾನ ವ್ಯಕ್ತಪಡಿಸಿದರು. ಬಿಜೆಪಿ ಸರ್ಕಾರ ರಾಜ್ಯಕ್ಕೆ ದೊಡ್ಡ ಶಾಪ ಎಂದ ಡಿಕೆ ಶಿವಕುಮಾರ್, ರಾಜ್ಯ ಸರ್ಕಾರಕ್ಕೆ ನಿಮಗೆ ಗವರ್ನಮೆಂಟೂ ಗೊತ್ತಿಲ್ಲ, ಗವರ್ನನ್ಸ್‌ ಕೂಡ ಗೊತ್ತಿಲ್ಲ ಆಕ್ರೋಶ ವ್ಯಕ್ತಪಡಿಸಿದ ಶಿವಕುಮಾರ್, ಸರ್ಕಾರಕ್ಕೆ ಜನರ ಹೃದಯವನ್ನು ಅರ್ಥ ಮಾಡಿಕೊಳ್ಳೋಕೆ ಆಗಿಲ್ಲ, ಇದಕ್ಕೆ ನಾನು ಸರ್ಕಾರಕ್ಕೆ ಕಣ್ಣು, ಕಿವಿ, ಹೃದಯ ಇಲ್ಲ ಅಂದಿದ್ದು. ಅಲ್ಲದೇ, ಆಡಳಿತ ನಡೆಸೋಕೆ ಬರಲ್ಲ, ನೀವು ಕೊರೊನಾ ಹೆಣಗಳ ಮೇಲೆ ಹಣ ಮಾಡೋಕೆ ಹೊರಟಿದ್ದೀರಿ, ನಾಚಿಕೆ ಆಗಬೇಕು ರಾಜ್ಯ ಸರ್ಕಾರಕ್ಕೆ ಎಂದು ಹೇಳಿದ್ರು. ಇನ್ನು ಕೊರೊನಾ ರೋಗಿಗಳಿಗೆ ಮತ್ತು ವೈದ್ಯಕೀಯ ಸಿಬ್ಬಂದಿಗೆ ಧೈರ್ಯ ತುಂಬಲು ಒಬ್ಬ ಮಂತ್ರಿಯೂ ಆಸ್ಪತ್ರೆಗೆ ಹೋಗಲಿಲ್ಲ ಎಂದ ಡಿಕೆಶಿ, ತುಳುನಾಡಿನ ಜನರು ಬಾಂಬೆ, ವಿದೇಶಗಳಿಗೆ ಹೋಗಿ ಈ ಜಿಲ್ಲೆಯನ್ನು ಅಭಿವೃದ್ಧಿ ಮಾಡಿದ್ದಾರೆ. ನೀವು ನೋಡಿದರೆ ಅವರು ಬಾಂಬೆಯಿಂದ ಬಂದರೆ ಬೀಗ ಹಾಕುತ್ತಿದ್ದೀರಿ, ಇದೇನಾ ತುಳುನಾಡಿನ ಜನರನ್ನು ನೋಡುವ ರೀತಿ? ಇದೇನಾ ಬಿಜೆಪಿ ಸಂಸ್ಕೃತಿ? ಇದೇನಾ ಆರೆಸ್ಸೆಸ್ ಸಂಸ್ಕೃತಿ ಎಂದು ಪ್ರಶ್ನಿಸಿದರು. ಅಲ್ಲದೇ, ಬಿಜೆಪಿ ಸ್ನೇಹಿತರೇ, ಇಲ್ಲಿನ ಜನರು ನಿಮ್ಮನ್ನು ಒಂದಿನ ಹಳೇ ಪೊರಕೆಯಲ್ಲಿ ಕ್ಲೀನ್ ಮಾಡ್ತಾರೆ ನೋಡ್ತಿರಿ ಎಂದು ವ್ಯಂಗ್ಯವಾಡಿದರು.

from India & World News in Kannada | VK Polls https://ift.tt/3fbpiFT

ಕೊರೊನಾ ಕಾಲದಲ್ಲಿ ಬಡ ಪೋಷಕರ ಯಮಯಾತನೆ, ಸರ್ಕಾರ ಎಚ್ಚರ ವಹಿಸುವಂತೆ ಎಚ್‌ಡಿಕೆ ಮನವಿ

ಬೆಂಗಳೂರು: ಬಡ ಪೋಷಕರು ಕೊರೊನಾ ಕಾಲದಲ್ಲಿ ಯಮಯಾತನೆ ಅನುಭವಿಸುತ್ತಿದ್ದಾರೆ ಈ ನಿಟ್ಟಿನಲ್ಲಿ ಸರ್ಕಾರ ಎಚ್ಚರ ವಹಿಸುವಂತೆ ಮಾಜಿ ಸಿಎಂ ಮನವಿ ಮಾಡಿದ್ದಾರೆ. ಗದಗ ಜಿಲ್ಲೆಯ ನರಗುಂದ ತಾಲೂಕಿನ ತಾಯಿ ಒಬ್ಬರು ಮಕ್ಕಳ ಆನ್ಲೈನ್ ಶಿಕ್ಷಣಕ್ಕಾಗಿ ತಾಳಿ ಮಾರಿಕೊಂಡ ಘಟನೆಯನ್ನು ಉಲ್ಲೇಖಿಸಿ ಟ್ವೀಟ್‌ ಮಾಡಿರುವ ಅವರು ಈ ಘಟನೆ ಘಟನೆ ನನ್ನ ಹೃದಯ ಹಿಂಡುತ್ತಿದೆ ಎಂದಿದ್ದಾರೆ. ಕೊರೊನಾ ಸೋಂಕು ಜನರ ಜೀವ-ಜೀವನದ ಜೊತೆ ಮಾತ್ರ ಚೆಲ್ಲಾಟ ಮಾಡುತ್ತಿಲ್ಲ. ಇಡೀ ಮನುಕುಲದ ರೀತಿ-ರಿವಾಜುಗಳನ್ನು ಬುಡಮೇಲು ಮಾಡುತ್ತಿದೆ. ಗದಗ ಜಿಲ್ಲೆಯ ನರಗುಂದ ತಾಲೂಕಿನ ತಾಯಿ ಒಬ್ಬರು ಮಕ್ಕಳ ಆನ್ಲೈನ್ ಶಿಕ್ಷಣಕ್ಕಾಗಿ ತಾಳಿ ಮಾರಿಕೊಂಡ ಘಟನೆ ನನ್ನ ಹೃದಯ ಹಿಂಡುತ್ತಿದೆ ಎಂದು ಟ್ವೀಟ್‌ನಲ್ಲಿ ಉಲ್ಲೇಖಿಸಿದ್ದಾರೆ. ನಾಲ್ಕು ಮಕ್ಕಳ ಪೈಕಿ 7 ಮತ್ತು 8 ನೇ ತರಗತಿ ಓದುತ್ತಿರುವ ಇಬ್ಬರು ಮಕ್ಕಳ ಆನ್ಲೈನ್ ಶಿಕ್ಷಣಕ್ಕಾಗಿ ಮನೆಯಲ್ಲಿ ಟಿವಿ ಇಲ್ಲದ ಕಾರಣ ತಾಳಿಯನ್ನು ಅಡವಿಟ್ಟು ನರಗುಂದ ತಾಲೂಕಿನ ರಡ್ಡೇರ ನಾಗನೂರು ಗ್ರಾಮದ ಕಸ್ತೂರಿ ಎಂಬ ಮಹಾತಾಯಿ ದುಸ್ಥಿತಿ ಕಂಡು ಕಣ್ಣಾಲಿಗಳು ತುಂಬಿ ಬಂದಿವೆ. ಇಂತಹ ನೂರಾರು ನಿದರ್ಶನಗಳು ಸದ್ದಿಲ್ಲದೆ, ಸುದ್ದಿಯಾಗದೆ ಬಡ ಪೋಷಕರು ಕೊರೋನಾ ಕಾಲದಲ್ಲಿ ಯಮಯಾತನೆ ಅನುಭವಿಸುತ್ತಿದ್ದಾರೆ. ಇಂತಹ ಘಟನೆಗಳು ಮರುಕಳಿಸದಂತೆ ನಮ್ಮ ಸಮಾಜ ಮತ್ತು ಸರ್ಕಾರ ಎಚ್ಚರ ವಹಿಸಬೇಕಿದೆ. ಆನ್ಲೈನ್ ಶಿಕ್ಷಣದ ಅಪಾಯ ಮತ್ತು ಬಡ ಪೋಷಕರು ಎದುರಿಸುತ್ತಿರುವ ಸಮಸ್ಯೆ ಪರಿಹಾರಕ್ಕೆ ಸರ್ಕಾರ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ತಕ್ಷಣವೇ ಸಮಗ್ರ ಯೋಜನೆಯೊಂದನ್ನು ಕಾರ್ಯಗತಗೊಳಿಸಬೇಕು ಎಂದು ಅವರು ಆಗ್ರಹಿಸಿದ್ದಾರೆ.

from India & World News in Kannada | VK Polls https://ift.tt/2Xdfrt8

ಚೀನಾದ ಸೈನ್ಯ ವಿಸರ್ಜನೆ ಹಸಿ ಸುಳ್ಳು: ಭಾರತೀಯ ಸೇನೆ ಹೊರಹಾಕಿದ ಮಾಹಿತಿ ಏನು?

ಲಡಾಖ್ ಗಡಿಯ ಮುಂಚೂಣಿ ನೆಲೆಗಳಿಂದ ಸೈನ್ಯವನ್ನು ಹಿಂಪಡೆದಿರುವುದಾಗಿ ಹೇಳಿರುವ ಚೀನಾದ ಹೇಳಿಕೆಯನ್ನು ಭಾರತೀಯ ಸೇನೆ ತಿರಸ್ಕರಿಸಿದೆ. ಗಡಿಯಲ್ಲಿ ಇನ್ನೂ ಚೀನಿ ಸೈನಿಕರು ಭಾರೀ ಪ್ರಮಾಣದಲ್ಲಿ ಬೀಡು ಬಿಟ್ಟಿದ್ದಾರೆ ಎಂದು ಭಾರತ ಪ್ರತಿಪಾದಿಸಿದೆ. ಸೈನ್ಯ ಹಿಂಪಡೆಯುವಿಕೆ ವಿಚಾರದಲ್ಲಿ ಚೀನಾ ಪಾರದರ್ಶಕವಾಗಿ ನಡೆದುಕೊಳ್ಳುತ್ತಿಲ್ಲ ಎಂದು ಆರೋಪಿಸಿರುವ ಭಾರತ, ಗಡಿಯ ಮುಂಚೂಣಿ ನೆಲೆಗಳಲ್ಲಿ ಇನ್ನೂ ಚೀನಾ ಸೈನಿಕರು ಇರುವುದು ಸ್ಪಷ್ಟ ಎಂದು ಹೇಳಿದೆ. ಇದೇ ಕಾರಣಕ್ಕೆ ಲಡಾಖ್ ಗಡಿಗೆ ಮತ್ತೆ 35,000 ಸೈನಿಕರನ್ನು ರವಾನೆ ಮಾಡಿರುವುದಾಗಿ ಭಾರತೀಯ ಸೇನೆ ಸ್ಪಷ್ಟಪಡಿಸಿದೆ. ಗಡಿಯ ಫಿಂಗರ್ ಪಾಯಿಂಟ್‌ಗಳಿಂದ ಸಂಪೂರ್ಣವಾಗಿ ಸೈನ್ಯವನ್ನು ಹಿಂಪಡೆದಿರುವುದಾಗಿ ನಿನ್ನೆ(ಗುರುವಾರ) ಚೀನಾ ಪ್ರತಿಪಾದಿಸಿತ್ತು. ಆದರೆ ಈ ಹೇಳಿಕೆಯನ್ನು ಭಾರತೀಯ ಸೇನೆ ತಿರಸ್ಕರಿಸಿದೆ. ಹಾಗಾರೆ ಭಾರತೀಯ ವಿದೇಶಾಂಗ ಇಲಾಖೆಯ ವಕ್ತಾರರ ಹೇಳಿಕೆಯತ್ತ ಗಮನ ಹರಿಸುವುದಾದರೆ...

ಲಡಾಖ್ ಗಡಿಯ ಬಹುತೇಕ ನೆಲೆಗಳಿಂದ ಸೈನ್ಯವನ್ನು ಹಿಂಪಡೆದಿರುವುದಾಗಿ ಚೀನಾ ಘೋಷಿಸಿದೆ. ಭಾರತೀಯ ಸೇನೆ ಜೊತೆ ನಡೆದ ಮಾತುಕತೆಯಲ್ಲಿ ನಿರ್ಣಯಿಸಿದಂತೆ ಲಡಾಖ್ ಗಡಿಯಲ್ಲಿರುವ ಮುಂಚೂಣಿ ಸೇನಾ ನೆಲೆಗಳಿಂದ ಸೈನಿಕರನ್ನು ಹಿಂಪಡೆಯಲಾಗಿದೆ ಎಂದು ಬೀಜಿಂಗ್ ತನ್ನ ಪ್ರಕಟಣೆಯಲ್ಲಿ ಸ್ಪಷ್ಟಪಡಿಸಿದೆ.

ಲಡಾಖ್ ಗಡಿಯಿಂದ ಬಹುತೇಕ ಹಿಂದೆ ಸರಿದಿದ್ದೇವೆ: ಚೀನಾ ಮಾತು ನಂಬೋದಾ?

ಈ ಕುರಿತು ಮಾತನಾಡಿದ್ದಚೀನಾ ವಿದೇಶಾಂಗ ಸಚಿವಾಲಯದ ವಕ್ತಾರ ವಾಂಗ್ ವೆನ್‌ಬಿನ್, ಗಡಿಯಲ್ಲಿನ ಉದ್ವಿಗ್ನತೆ ಕಡಿಮೆ ಮಾಡಲು ಉಭಯ ಸೇನೆಗಳು ಪರಸ್ಪರ ಸಹಕರಿಸುತ್ತಿವೆ ಎಂದು ಹೇಳಿದ್ದರು.

ಪೂರ್ವ ಲಡಾಕ್‌ನ ಹೆಚ್ಚಿನ ಸ್ಥಳಗಳಲ್ಲಿ ಸೈನ್ಯವನ್ನು ಹಿಂಪಡೆಯಲಾಗಿದೆ ಎಂಬ ಚೀನಾದ ಹೇಳಿಕೆಯನ್ನು ಭಾರತ ತಿರಸ್ಕರಿಸಿದೆ. ಈ ಪ್ರಕ್ರಿಯೆಯು ಇನ್ನೂ ಪೂರ್ಣಗೊಂಡಿಲ್ಲ ಎಂದು ಭಾರತ ಸ್ಪಷ್ಟಪಡಿಸಿದೆ. ಈ ಕುರಿತು ಮಾತನಾಡಿರುವ ಭಾರತದ ವಿದೇಶಾಂಗ ಇಲಾಖೆ ವಕ್ತಾರ ಅನುರಾಗ್ ಶ್ರೀವಾತ್ಸವ್, ಉದ್ದೇಶ ಸಾಧನೆಯಲ್ಲಿ ಸ್ವಲ್ಪ ಪ್ರಗತಿಯನ್ನು ಮಾತ್ರ ಸಾಧಿಸಲಾಗಿದ್ದು, ಸಂಪೂರ್ಣ ಗುರಿ ಸಾಧನೆ ಇನ್ನೂ ದೂರ ಇದೆ ಎಂದು ಹೇಳಿದ್ದಾರೆ.

ಲಡಾಖ್ ಗಡಿಯಲ್ಲಿ ಇನ್ನೂ 40 ಸಾವಿರ ಚೀನಿ ಸೈನಿಕರು: ಸೈನ್ಯ ಹಿಂಪಡೆಯುವಿಕೆ ಕೇವಲ ನಾಟಕವೇ?

ಗಡಿ ಪ್ರದೇಶಗಳಲ್ಲಿ ಶಾಂತಿ ಮತ್ತು ನೆಮ್ಮದಿಯ ನಿರ್ವಹಣೆ ದ್ವಿಪಕ್ಷೀಯ ಸಂಬಂಧಕ್ಕೆ ಆಧಾರವಾಗಿದೆ ಎಂದು ಅನುರಾಗ್ ಶ್ರೀವಾತ್ಸವ್ ಮಾರ್ಮಿಕವಗಿ ಹೇಳಿದ್ದಾರೆ.

ಲಡಾಖ್ ಗಡಿಗೆ ಸಂಬಂಧಿಸಿದಂತೆ ಚೀನಾದ ಹೇಳಿಕೆಯನ್ನು ಒಪ್ಪಲು ಸಾಧ್ಯವಿಲ್ಲ ಎಂದು ಹೇಳಿರುವ ಭಾರತದ ವಿದೇಶಾಂಗ ಸಚಿವಾಲಯದ ವಕ್ತಾರ ಅನುರಾಗ್ ಶ್ರೀವಾತ್ಸವ್, ಸಂಪೂರ್ಣ ನಿಷ್ಕ್ರಿಯತೆಗೆ ಚೀನಾ ನಮ್ಮೊಂದಿಗೆ ಪ್ರಾಮಾಣಿಕವಾಗಿ ಕೆಲಸ ಮಾಡಲಿದೆ ಎಂಬ ಭರವಸೆ ಇರುವುದಾಗಿ ಹೇಳಿದ್ದಾರೆ.

ಚೀನಾಗೆ ತಿರುಗೇಟು ನೀಡಲು ಭಾರತ ಸಜ್ಜು..! ಗಡಿಯಲ್ಲಿ 35 ಸಾವಿರ ಹೆಚ್ಚುವರಿ ಸೈನಿಕರ ನಿಯೋಜನೆಗೆ ಸಿದ್ಧತೆ

ಗಡಿ ತಕರಾರು ಹಾಗೂ ಉದ್ವಿಗ್ನತೆ ಸಂಪೂರ್ಣವಗಿ ಕಡಿಮೆಯಾಗಬೇಕಾದರೆ ಚೀನಾ ಈ ನಿಟ್ಟಿನಲ್ಲಿ ಪಾರ್ದರ್ಶಕವಾಗಿ ವರ್ತಿಸಬೇಕು ಎಂದು ಅನುರಾಗ್ ಶ್ರೀವಾತ್ಸವ್ ಹೇಳಿರುವುದು ಗಮನ ಸೆಳೆದಿದೆ.

ಕಾಲು ಕೆದರಿಕೊಂಡು ಲಡಾಖ್ ಗಡಿಯಲ್ಲಿ ತಂಟೆಗೆ ಬಮದ ಚೀನಾಗೆ, ಭಾರತ ಸೂಕ್ತ ರಾಜತಾಂತ್ರಿಕ, ಸಾಮರಿಕ ಹಾಗೂ ವಾಣಿಜ್ಯ ಹೊಡೆತಗಳನ್ನು ನೀಡಿದೆ. ಇದಿರಂದ ತೀವ್ರ ಮುಖಭಂಗಕ್ಕೀಡಾಗಿರುವ ಚೀನಾ, ಗಡಿಯಿಂದ ಸೈನ್ಯ ಹಿಂಪಡೆಯುವ ನಾಟಕವಾಡುತ್ತಿದೆ.

ರಫೇಲ್ ಪಾಕ್ ಮತ್ತು ಚೀನಾಗಿಂತಲೂ ಭಾರತವನ್ನು ಹೇಗೆ ಪ್ರಬಲವಾಗಿಸುತ್ತದೆ?: ಇಲ್ಲಿದೆ ರೋಚಕ ಮಾಹಿತಿ!

ಆದರೆ ಸಂಪೂರ್ಣವಾಗಿ ಸೈನ್ಯವನ್ನು ಹಿಂಪಡೆದರೆ ಜಾಗತಿಕವಾಗಿ ಮುಜುಗರಕ್ಕೀಡಾಗಬೇಕು ಎಂಬ ಕಾರಣಕ್ಕೆ ಚೀನಾ ಕೇವಲ ಸೈನ್ಯ ಹಿಂಪಡೆಯುವ ನಾಟಕವಾಡುತ್ತಿದೆ. ಗಡಿಯಿಂದ ಕಾಲ್ಕಿತ್ತರೆ ಭಾರತದ ಜಯವನ್ನು ಇಡೀ ವಿಶ್ವ ಸಂಭ್ರಮಿಸುತ್ತದೆ ಎಂಬುದು ಚೀನಾದ ಕಣ್ಣೀರಿಗೆ ಕಾರಣ.

from India & World News in Kannada | VK Polls https://vijaykarnataka.com/news/india/indian-sources-rejects-chinese-disengagement-claims-at-ladakh-border/articleshow/77278074.cms

ಮದ್ಯ ಸಿಗದ ಕಾರಣ ಸ್ಯಾನಿಟೈಸರ್ ಸೇವಿಸಿ ಆಂಧ್ರದಲ್ಲಿ 9 ಮಂದಿ ಸಾವು..!

ಅಮರಾವತಿ: ಹ್ಯಾಂಡ್ ಸ್ಯಾನಿಟೈಸರ್ ಸೇವಿಸಿದ ಪರಿಣಾಮ ಒಂಭತ್ತು ಮಂದಿ ಕುಡುಕರು ಸಾವನ್ನಪ್ಪಿರುವ ಘಟನೆ ಆಂಧ್ರ ಪ್ರದೇಶದ ಪ್ರಕಾಶಂ ಜಿಲ್ಲೆಯ ಕುರಿಚೇಡು ಎಂಬಲ್ಲಿ ನಡೆದಿದೆ. ಎರಡು ದಿನದ ಅವಧಿಯಲ್ಲಿ ಈ ಘಟನೆ ನಡೆದಿದ್ದು, ಕುಡಿಯಲು ಮದ್ಯ ಸಿಗದ ಕಾರಣ ಸ್ಯಾನಿಟೈಸರ್ ಸೇವಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದು, ಸಾವನ್ನಪ್ಪಿದವರ ಪೈಕಿ ಒಬ್ಬ ಬುಧವಾರ ರಾತ್ರಿ ಮೃತಪಟ್ಟರೆ, ಇಬ್ಬರು ಗುರುವಾರ ರಾತ್ರಿ ಸಾವನ್ನಪ್ಪಿದ್ದಾರೆ. ಇನ್ನುಳಿದ ಆರು ಮಂದಿ ಶುಕ್ರವಾರ ಬೆಳಗ್ಗೆ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ. ಆ ಪೈಕಿ ಮೂವರು ಬಿಕ್ಷುಕರು ಎಂದು ಹೇಳಲಾಗಿದೆ. ಬಿಕ್ಷುಕರು ಹತ್ತಿರದ ಸ್ಲಂನಲ್ಲಿ ವಾಸಿಸುತ್ತಿದ್ದರು ಎಂದು ಹೇಳಲಾಗಿದ್ದು, ಕಳೆದ ಎರಡು ದಿನದ ಅವಧಿಯಲ್ಲಿ ಒಟ್ಟು 20 ಮಂದಿ ಹ್ಯಾಂಡ್‌ ಸ್ಯಾನಿಟೈಸರ್ ಸೇವಿಸಿದ್ದು, ಆ ಪೈಕಿ ಒಂಭತ್ತು ಮಂದಿ ಸಾವನ್ನಪ್ಪಿದ್ದಾರೆ. ಕುಡಿಯಲು ಮದ್ಯ ಸಿಗದ ಕಾರಣ ಚಡಪಡಿಸಿದ ಇವರು ಕೊನೆಗೆ ಹ್ಯಾಂಡ್‌ ಸ್ಯಾನಿಟೈಸರ್‌ನಲ್ಲಿ ಆಲ್ಕೋಹಾಲ್ ಅಂಶವಿರುವ ಕಾರಣ ಅದನ್ನೇ ಸೇವಿಸಿದ್ದಾರೆ ಎನ್ನಲಾಗಿದೆ. ಮೃತರನ್ನು ಅನುಗೊಂಡ ಸ್ರೀನು(25). ಭೊಗೆಂ ತಿರುಪತಯ್ಯ(35), ಗುಂಟಕ ರಾಮಿ ರೆಡ್ಡಿ(60), ಕದಿಯಂ ರಾಮಯ್ಯ(28), ರಾಜಾ ರೆಡ್ಡಿ(65), ರಾಮಯ್ಯ(65), ಬಾಬು(40), ಚಾರ್ಲ್ಸ್‌(45), ಅಗಸ್ತಿನ್(45) ಎಂದು ಗುರುತಿಸಲಾಗಿದೆ. ಇವರೆಲ್ಲರೂ ಬಡತನದ ಹಿನ್ನೆಲೆಯವರಾಗಿದ್ದು, ಕುಡಿತದ ಚಟ ವಿಪರೀತ ಇದ್ದರಿಂದ ಸ್ಯಾನಿಟೈಸರ್ ಮೊರೆ ಹೋಗಿದ್ದಾರೆ. ಲಾಕ್‌ಡೌನ್ ಹಿನ್ನೆಲೆ ಆ ಭಾಗದಲ್ಲಿ ಮದ್ಯದಂಗಡಿಯನ್ನು ಕ್ಲೋಸ್ ಮಾಡಲಾಗಿದೆ. ಘಟನೆ ಸಂಬಂಧ ಸದ್ಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಮೃತಪಟ್ಟವರೆಲ್ಲರೂ ಸ್ಥಳೀಯ ಅಂಗಡಿಯಿಂದ ಸ್ಯಾನಿಟೈಸರ್ ಪಡೆದುಕೊಂಡಿದ್ದರು ಎನ್ನಲಾಗಿದೆ. ಅಲ್ಲದೇ ಮೃತರು ಸೇವಿಸಿದ್ದ ಸ್ಯಾನಿಟೈಸರ್‌ನ್ನು ಹಾಗೆಯೇ ಸೇವಿಸಿದ್ದಾರೋ ಅಥವಾ ದ್ರವದ ಜೊತೆಗೆ ತೆಗೆದುಕೊಂಡಿದ್ದಾರೋ ಅನ್ನೋದರ ಬಗ್ಗೆ ಪೊಲೀಸರು ಮಾಹಿತಿ ಕಲೆ ಹಾಕುತ್ತಿದ್ದು, ಅವರು ಸೇವಿಸಿದ್ದ ಸ್ಯಾನಿಟೈಸರ್‌ನ ಸ್ಯಾಂಪಲ್‌ನ್ನು ವೈದ್ಯಕೀಯ ಪರೀಕ್ಷೆಗೆ ಕಳಿಸಿಕೊಡಲಾಗಿದೆ.

from India & World News in Kannada | VK Polls https://ift.tt/3jXtAV6

ಡಿಕೆಶಿ ಕುರಿತಾಗಿ ಯೋಗೇಶ್ವರ್‌ ಹೇಳಿಕೆ, ಬೆಂಗಳೂರಿನಲ್ಲಿ ಕಾಂಗ್ರೆಸ್ ಪ್ರತಿಭಟನೆ

ಬೆಂಗಳೂರು: ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್‌ ಕುರಿತಾಗಿ ವಿಧಾನ ಪರಿಷತ್ ಸದಸ್ಯ ಸಿ.ಪಿ ಯೋಗೇಶ್ವರ್‌ ನೀಡಿರುವ ಹೇಳಿಕೆಯನ್ನು ಖಂಡಿಸಿ ಕಾಂಗ್ರೆಸ್ ಕಾರ್ಯಕರ್ತರು ಶುಕ್ರವಾರ ಬೆಂಗಳೂರಿನಲ್ಲಿ ಪ್ರತಿಭಟನೆ ನಡೆಸಿದರು. ಹಗಲು ವೇಳೆ ಮಾತ್ರ ಕೆಪಿಸಿಸಿ ಅಧ್ಯಕ್ಷರಾಗಿ ಕೆಲಸ ಮಾಡುತ್ತಾರೆ. ರಾತ್ರಿಯಾದರೆ ನಮ್ಮ ಮುಖ್ಯಮಂತ್ರಿ ಬಳಿ ಬಂದು ಕೆಲಸ ಮಾಡಿಸಿಕೊಳ್ಳುತ್ತಾರೆ ಎಂದು ಗುರುವಾರ ಸಿ.ಪಿ ಯೋಗೇಶ್ವರ್‌ ಹೇಳಿಕೆ ನೀಡಿದ್ದರು. ಯೋಗೇಶ್ವರ್‌ ಈ ಹೇಳಿಕೆ ರಾಜ್ಯ ರಾಜಕೀಯದಲ್ಲಿ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ. ಈ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಪ್ರಚಾರ ಸಮಿತಿಯ ವತಿಯಿಂದ ಬೆಂಗಳೂರಿನಲ್ಲಿ ಯೋಗೇಶ್ವರ್‌ ವಿರುದ್ಧ ಪ್ರತಿಭಟನೆ ನಡೆಯಿತು. ಸಿ.ಪಿ ಯೋಗೇಶ್ವರ್ ಅತ್ಯಂತ ಸಮಯ ಸಾಧಕ ಹಾಗೂ ಭ್ರಷ್ಟಾಚಾರದ ಹಣದಲ್ಲಿ ಆಪರೇಷನ್ ಕಮಲಕ್ಕೆ ಹಣ ಹೂಡಿ ವಿಧಾನಪರಿಷತ್ ಸದಸ್ಯತ್ವವನ್ನು ಪಡೆದಿರುವ ರಾಜಕಾರಣಿ ಎಂದು ಪ್ರತಿಭಟನಾಕಾರರು ಆಕ್ರೋಶ ವ್ಯಕ್ತಪಡಿಸಿದರು. ಪ್ರತಿಭಟನೆಯಲ್ಲಿ ಕಾಂಗ್ರೆಸ್‌ನ ಎಸ್ ಮನೋಹರ್, ಜಿ ಜನಾರ್ದನ್ ಶೇಖರ್ ಆನಂದ್ ಜಯಸಿಂಹ ಎಮ್ಮೆ ಸಲೀಂ ರವಿ ಶೇಖರ್ ಸುಧಾಕರ್ ಮಹೇಶ ಪುಟ್ಟರಾಜು ಉಮೇಶ್ ಶ್ರೀನಿವಾಸ್ ಭಾಗವಹಿಸಿದ್ದರು

from India & World News in Kannada | VK Polls https://ift.tt/318c1cc

ಬಿಜೆಪಿಯಿಂದ ಕುದುರೆ ವ್ಯಾಪಾರದ ಆರೋಪ: ಜೈಸಲ್ಮೇರ್‌ನತ್ತ ಹೊರಟ ಗೆಹ್ಲೋಟ್ ಬಣ!

ಜೈಪುರ್: ರಾಜಸ್ಥಾನದಲ್ಲಿ ಸಚಿನ್ ಪೈಲಟ್ ಮತ್ತವರ ಬೆಂಬಲಿಗ ಶಾಸಕರು ಬಂಡಾಯವದ್ದ ಬಳಿಕ, ಜೈಪುರದ ರೆಸಾರ್ಟ್‌ವೊಂದರಲ್ಲಿ ಬೀಡು ಬಿಟ್ಟಿರುವ ಗೆಹ್ಲೋಟ್ ಬಣದ ಕಾಂಗ್ರೆಸ್ ಶಾಸಕರು, ಇದೀಗ ಜೈಸಲ್ಮೇರ್‌ನತ್ತ ಮುಖ ಮಾಡಿದ್ದಾರೆ. ವಿರುದ್ಧ ಕುದುರೆ ವ್ಯಾಪಾರದ ಆರೋಪ ಹೊರಿಸಿರುವ ಗೆಹ್ಲೋಟ್ ಬಣ, ತಮ್ಮ ಶಾಸಕರ ಸುರಕ್ಷತೆಗಾಗಿ ಅವರನ್ನು ಜೈಸಲ್ಮೇರ್‌ನ ರೆಸಾರ್ಟ್‌ವೊಂದಕ್ಕೆ ಶಿಫ್ಟ್ ಮಾಡುತ್ತಿರುವುದಾಗಿ ಹೇಳಿದೆ. ಆಗಸ್ಟ್ 14ರ ವಿಶೇಷ ಅಧಿವೇಶನದವರೆಗೂ 100ಕ್ಕೂ ಅಧಿಕ ಶಾಸಕರನ್ನು ಜೈಸಲ್ಮರ್‌ನ ರೆಸಾರ್ಟ್‌ನಲ್ಲಿ ಇಡಲಾಗುವುದು ಎಂದು ಗೆಹ್ಲೋಟ್ ಬಣ ಸ್ಪಷ್ಟಪಡಿಸಿದೆ. ತಮ್ಮ ಶಾಸಕರಿಗೆ ಹಣದ ಆಮೀಷ, ಸಚಿವ ಸ್ಥಾನ ಹಾಗೂ ಇಡಿ ದಾಳಿಯ ಬೆದರಿಕೆಯೊಡ್ಡುತ್ತಿರುವ ಬಿಜೆಪಿ, ಹೇಗಾದರೂ ಮಾಡಿ ನಮ್ಮ ಒಗ್ಗಟ್ಟನ್ನು ಮುರಿಯಲು ಪ್ರಯತ್ನಿಸುತ್ತಿದೆ ಎಂದು ಗೆಹ್ಲೋಟ್ ಬಣ ಗಂಭೀರ ಆರೋಪ ಮಾಡಿದೆ. ಬಿಜೆಪಿಯೊಂದಿಗೆ ಸೇರಿರುವ ಸಚಿನ್ ಪೈಲಟ್ ಹಾಗೂ ಅವರ ಬೆಂಬಲಿಗ ಶಾಸಕರು, ನಮ್ಮ ಶಾಸಕರ ಮೇಲೆ ಒತ್ತಡ ಹೇರುತ್ತಿದ್ದಾರೆ ಎಂದಯ ಗೆಹ್ಲೋಟ್ ಬಣ ಕಿಡಿಕಾರಿದೆ. ಸದ್ಯ ಜೈಸಲ್ಮೇರ್‌ನತ್ತ ಪ್ರಯಾಣ ಬೆಳೆಸಿರುವ ಗೆಹ್ಲೋಟ್ ಬಣದ ಶಾಸಕರು, ನೇರವಾಗಿ ಆಗಸ್ಟ್ 14ರ ವಿಧಾನಸಭೆ ವಿಶೇಷ ಅಧಿವೇಶನಕ್ಕೆ ಬರಲಿದ್ದಾರೆ ಎಂದು ಹೇಳಲಾಗಿದೆ.

from India & World News in Kannada | VK Polls https://ift.tt/2XfNwbU

ರಾಜಭವನಕ್ಕೆ ಭೇಟಿ ನೀಡಿದ ಬಿಎಸ್‌ವೈ, ಕುತೂಹಲ ಕೆರಳಿಸಿದ ಸಿಎಂ ನಡೆ

ಬೆಂಗಳೂರು: ಮುಖ್ಯಮಂತ್ರಿ ಬಿ.ಎಸ್‌ ಯಡಿಯೂರಪ್ಪ ದಿಢೀರಾಗಿ ರಾಜಭವನಕ್ಕೆ ಭೇಟಿ ನೀಡಿರುವುದು ಹಲವಾರು ಅನುಮಾನಗಳಿಗೆ ಕಾರಣವಾಗಿದೆ. ಶುಕ್ರವಾರ ಬೆಳಗ್ಗೆ 11 ಗಂಟೆಗೆ ರಾಜಭವನಕ್ಕೆ ತೆರಳಿದ ಸಿಎಂ ರಾಜ್ಯಪಾಲ ವಜೂಭಾಯಿ ವಾಲಾ ಅವರ ಜೊತೆಗೆ ಚರ್ಚೆ ನಡೆಸುತ್ತಿದ್ದಾರೆ. ಕೆಲ ದಿನಗಳ ಹಿಂದೆಯಷ್ಟೇ ರಾಜಭವನಕ್ಕೆ ಭೇಟಿ ನೀಡಿದ ಸಿಎಂ ಬಿಎಸ್‌ವೈ ವಿಧಾನ ಪರಿಷತ್‌ ನಾಮನಿರ್ದೇಶನಕ್ಕೆ ಅನುಮತಿಯನ್ನು ಪಡೆದುಕೊಂಡು ಬಂದಿದ್ದರು. ಇದೀಗ ಸಂಪುಟ ವಿಸ್ತರಣೆ ಚರ್ಚೆಗಳು ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಬಿಎಸ್‌ವೈ ರಾಜಭವನದ ಭೇಟಿ ಕುತೂಹಲಕ್ಕೆ ಕಾರಣವಾಗಿದೆ. ಗೃಹ ಸಚಿವ ಬಸವರಾಜ್‌ ಬೊಮ್ಮಾಯಿ ಜೊತೆಗೆ ರಾಜಭವನಕ್ಕೆ ಬಿಎಸ್‌ವೈ ಭೇಟಿ ನೀಡಿರುವ ನಿಜವಾದ ಉದ್ದೇಶ ಏನು ಎಂಬುವುದು ಅಧಿಕೃತಗೊಂಡಿಲ್ಲ. ಆದರೆ ಬಿಜೆಪಿಯಲ್ಲಿ ಗೌಪ್ಯವಾಗಿ ಸಚಿವ ಸಂಪುಟ ವಿಸ್ತರಣೆ ಕುರಿತಾಗಿ ಮಾತುಕತೆಗಳು ನಡೆಯುತ್ತಿದ್ದು ಇದರ ಅಂಗವಾಗಿಯೇ ರಾಜಭವನಕ್ಕೆ ಭೇಟಿ ನೀಡಿದ್ದಾರಾ ಎಂಬುವುದು ದೃಢಪಟ್ಟಿಲ್ಲ. ರಾಜ್ಯ ಬಿಜೆಪಿಯಲ್ಲಿ ಸಂಪುಟ ವಿಸ್ತರಣೆ ಚರ್ಚೆ ಜೋರಾಗಿ ನಡೆಯುತ್ತಿದೆ. 34 ಸ್ಥಾನಗಳ ಪೈಕಿ ಬಾಕಿ ಉಳಿದಿರುವ 6 ಸ್ಥಾನಗಳನ್ನು ಭರ್ತಿ ಮಾಡುವ ನಿಟ್ಟಿನಲ್ಲಿ ಚರ್ಚೆಗಳು ನಡೆಯುತ್ತಿದೆ. ಸಂಪುಟ ವಿಸ್ತರಣೆ ಅಥವಾ ಪುನಾರಚನೆ ಪೈಕಿ ಸಿಎಂ ಬಿಎಸ್‌ವೈ ಯಾವ ನಿರ್ಧಾರ ಕೈಗೊಳ್ಳುತ್ತಾರೆ ಎಂಬುವುದು ಕೂಡಾ ಸ್ಪಷ್ಟಗೊಂಡಿಲ್ಲ. ಆದರೆ ಈ ಎಲ್ಲಾ ಬೆಳವಣಿಗೆಗಳು ನಡೆಯುತ್ತಿರುವ ಸಂದರ್ಭದಲ್ಲಿ ಸಿಎಂ ಅವರು ಗೃಹ ಸಚಿವ ಬಸವರಾಜ್‌ ಬೊಮ್ಮಾಯಿ ಜೊತೆಗೆ ರಾಜಭವನಕ್ಕೆ ತೆರಳಿ ರಾಜಪಾಲರ ಜೊತೆಗೆ ಮಾತುಕತೆ ನಡೆಸುತ್ತಿದ್ದಾರೆ

from India & World News in Kannada | VK Polls https://ift.tt/33iUhgS

ವಿವಾಹೇತರ ಸಂಬಂಧ ಹೊಂದಿದ್ದಕ್ಕೆ ಮಹಿಳೆಗೆ ಗಂಡನನ್ನು ಹೆಗಲ ಮೇಲೆ ಹೊತ್ತು ನಡೆಯುವ ಶಿಕ್ಷೆ..!

ಭೋಪಾಲ್: ವಿವಾಹೇತರ ಸಂಬಂಧ ಹೊಂದಿದ್ದಾರೆ ಎನ್ನುವ ಕಾರಣಕ್ಕೆ ಮೂರು ಮಕ್ಕಳ ತಾಯಿಯೊಬ್ಬರನ್ನು ಅಮಾನುಷವಾಗಿ ಶಿಕ್ಷಿಸಿದ ಆಘಾತಕಾರಿ ಘಟನೆ ಮಧ್ಯಪ್ರದೇಶದ ಝಬುವಾ ಜಿಲ್ಲೆಯಲ್ಲಿ ನಡೆದಿದೆ. ಘಟನೆಯ ಸುದ್ದಿ ತಿಳಿದ ಝಬುವಾ ಪೊಲೀಸರು ಮಹಿಳೆಯ ಪತಿ ಸೇರಿದಂತೆ ಒಟ್ಟು ಏಳು ಜನರ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಪೊಲೀಸರ ಹೇಳಿಕೆ ಪ್ರಕಾರ ಕಳೆದ ಬುಧವಾರ ಈ ಘಟನೆ ನಡೆದಿದ್ದು, ಕಾರ್ಮಿಕ ಕೆಲಸ ಮಾಡುತ್ತಿರುವ ಆಕೆ ತನ್ನ ಸಹೋದ್ಯೋಗಿಯೊಂದಿಗೆ ಸಂಬಂಧ ಹೊಂದಿದ್ದಳು ಎಂದು ಹೇಳಲಾಗಿದೆ. ಹೀಗಾಗಿ ಆಕೆಯ ಸಂಬಂಧಿಕರು ಮತ್ತು ಗ್ರಾಮಸ್ಥರು ಆಕೆಗೆ ಶಿಕ್ಷೆ ನೀಡಲು ಮುಂದಾಗಿದ್ದಾರೆ ಎನ್ನಲಾಗಿದೆ. ಇನ್ನು ಆ ಭಾಗದ ಬುಡಕಟ್ಟು ಸಮುದಾಯದಲ್ಲಿ ಈ ತರಹದ ಶಿಕ್ಷೆ ಇದೇ ಮೊದಲೇನಲ್ಲ ಎಂದೂ ಹೇಳಲಾಗಿದೆ.

from India & World News in Kannada | VK Polls https://ift.tt/2BKH0m9

ಒಂದೇ ದಿನ 55,079 ಮಂದಿಗೆ ದೇಶದಲ್ಲಿ ಕೊರೊನಾ, ದಕ್ಷಿಣ ಭಾರತದ ಕೊಡುಗೆ 25,000 ಕೇಸ್‌ !

ನವದೆಹಲಿ: ಸದ್ಯ ಭಾರತದಲ್ಲಿ ದಿನ ನಿತ್ಯ ಕೊರೊನಾ ಸೋಂಕಿತರ ಸಂಖ್ಯೆ ಐವತ್ತು ಸಾವಿರ ಗಡಿ ದಾಟುತ್ತಿದೆ. ಈ ಬಗ್ಗೆ ವೈದ್ಯಕೀಯ ಲೋಕ ಕಳವಳ ವ್ಯಕ್ತಪಡಿಸುತ್ತಿರುವ ಮಧ್ಯೆಯೇ ಗುರುವಾರ ಮತ್ತೆ ಪಾಸಿಟಿವ್‌ ಕೇಸ್‌ಗಳ ಪೈಕಿ ಹೊಸ ದಾಖಲೆ ನಿರ್ಮಿಸಿದೆ. ಒಂದೇ ದಿನ ದೇಶದಲ್ಲಿ 55,000ಕ್ಕು ಹೆಚ್ಚು ಕೊರೊನಾ ಸೋಂಕು ದೃಢಪಡುವ ಮೂಲಕ ಒಟ್ಟು ಸೋಂಕಿತರ ಸಂಖ್ಯೆ 16 ಲಕ್ಷದ ಗಡಿ ದಾಟಿದೆ. ಈ ಬಗ್ಗೆ ಮಾಹಿತಿ ನೀಡಿರುವ ಕೇಂದ್ರ ಆರೋಗ್ಯ ಇಲಾಖೆ, ದೇಶದಲ್ಲಿ ಗುರುವಾರ 55,079 ಕೇಸ್‌ಗಳು ದೃಢಪಟ್ಟಿದೆ. ಈ ಮೂಲಕ 16,38,871 ಸೋಂಕಿತರು ದೃಢಪಟ್ಟಂತೆ ಆಗಿದೆ ಎಂದು ತಿಳಿಸಿದ್ದಾರೆ. ಅಲ್ಲದೆ ಸದ್ಯ 5,45,318 ಸಕ್ರಿಯ ಪ್ರಕರಣ ದೇಶದಲ್ಲಿ ಇದೆ, 10,57,806 ಮಂದಿ ಕೊರೊನಾ ರೋಗಿಗಳು ಈಗಾಗಲೇ ಗುಣಮುಖರಾಗಿ ತೆರಳಿದ್ದಾರೆ ಎಂದು ತಿಳಿಸಿದೆ. ಇನ್ನು 779 ಕೊರೊನಾ ಸಾವು ಪ್ರಕರಣಗಳು ದೃಢಪಡುವ ಮೂಲಕ ಈವರೆಗೆ ದೇಶದಲ್ಲಿ 35,747 ಮಂದಿ ಕೊರೊನಾಗೆ ಬಲಿಯಾಗಿದ್ದಾರೆ. ದೇಶದಲ್ಲಿ ದಿನ ನಿತ್ಯ ಭಾರೀ ಸಂಖ್ಯೆಯಲ್ಲಿ ಕೊರೊನಾ ದೃಢಪಡುತ್ತಿರುವುದು ಸರಿಯಾದ ಸೂಚನೆ ಎಂದು ವೈದ್ಯಕೀಯ ಪರಿಣಿತರು ಅಭಿಪ್ರಾಯಪಟ್ಟಿದ್ದಾರೆ. ಕೊರೊನಾ ಪರೀಕ್ಷೆ ಹೆಚ್ಚು ನಡೆಸುವುದರಿಂದ ಕೊರೊನಾ ಸೋಂಕಿತರು ಪತ್ತೆಯಾಗುತ್ತಿದ್ದಾರೆ ಎಂದು ತಿಳಿಸಿದ್ದಾರೆ. ಆದರೆ ಹೆಚ್ಚು ಸೋಂಕು ಹರಡುವುದನ್ನ ತಡೆಗಟ್ಟಬೇಕು. ಮುನ್ನೆಚ್ಚರಿಕಾ ಕ್ರಮಗಳ ಮೂಲಕ ಮಾಡಬೇಕು ಎಂದು ತಿಳಿಸಿದ್ದಾರೆ. ಇನ್ನು ದೇಶದಲ್ಲಿ ದಾಖಲಾಗಿರುವ 55,000 ಕೊರೊನಾ ಸೋಂಕಿತರ ಪೈಕಿ ದಕ್ಷಿಣ ಭಾರತದ ಕೊಡುಗೆಯು ಜಾಸ್ತಿ ಇದೆ. ಗುರುವಾರ ಒಂದೇ ದಿನ ದಕ್ಷಿಣ ಭಾರತದಲ್ಲಿ ಒಟ್ಟು 25,000ಕ್ಕೂ ಹೆಚ್ಚು ಕೊರೊನಾ ಸೋಂಕು ದೃಢಪಟ್ಟಿದೆ. ಆಂಧ್ರಪ್ರದೇಶದಲ್ಲಿ 10,000 ಹೊಸ ಕೊರೊನಾ ಪ್ರಕರಣ ದೃಢಪಟ್ಟರೆ, ತಮಿಳುನಾಡು 5,864 ಹಾಗೂ ಕರ್ನಾಟಕ 6,128 ಕೊರೊನಾ ಪತ್ತೆಯಾಗಿದೆ. ಕೇರಳದಲ್ಲಿ 506 ಮಂದಿಗೆ ಕೊರೊನಾ ಸೋಂಕು ತಗುಲಿದೆ. ಹಾಗೇ ಆಂಧ್ರಪ್ರದೇಶ, ಪುದುಚೇರಿಯಲ್ಲೂ ಕೊರೊನಾ ಪ್ರಕರಣಗಳು ದೃಢಪಟ್ಟಿದೆ.

from India & World News in Kannada | VK Polls https://ift.tt/3jWk7xk

ಅಣ್ಣ ಮೋದಿಗೆ 501 ರಾಖಿ ಹಾಗೂ ಫೇಸ್ ಮಾಸ್ಕ್ ಕಳಿಸಿದ ಮಥುರಾದ ಮಹಿಳೆಯರು!

ಮಥುರಾ: ಇಲ್ಲಿನ ವೃಂದಾವನದ ವಿಧವೆಯರು ರಕ್ಷಾ ಬಂಧನದ ಹಿನ್ನೆಲೆಯಲ್ಲಿ ಅವರಿಗೆ ಸ್ವತಃ ತಯಾರಿಸಿದ 501 ರಾಖಿ ಹಾಗೂ ಫೇಸ್ ಮಾಸ್ಕ್‌ಗಳನ್ನು ಕಳುಹಿಸಿಕೊಟ್ಟಿದ್ದಾರೆ. ಕೊರೊನಾ ವೈರಸ್ ಹಾವಳಿಯ ಹಿನ್ನೆಲೆಯಲ್ಲಿ ಹಿರಿಯ ಸಹೋದರ ಮೋದಿ ಅವರನ್ನು ಭೇಟಿ ಮಾಡಲು ಸಾಧ್ಯವಾಗುತ್ತಿಲ್ಲ. ಈ ಕಾರಣಕ್ಕೆ ವಿಧವೆಯರು ತಯಾರಿಸಿದ 501 ರಾಖಿ ಹಾಗೂ ಫೇಸ್‌ ಮಾಸ್ಕ್‌ಗಳನ್ನು ಕಳುಹಿಸಿಕೊಡುತ್ತಿರುವುದಾಗಿ ಸುಲಭ್ ಹೋಪ್ ಫೌಂಡೇಶನ್ ಎಂಬ ಎನ್‌ಜಿಒ ಹೇಳಿದೆ. ರಕ್ಷಾ ಬಂಂಧನದ ದಿನದಂದು ಪ್ರತಿವರ್ಷವೂ ವಿಧವೆಯರು ಪ್ರಧಾನಿ ಮೋದಿ ಅವರನ್ನು ಭೇಟಿ ಮಾಡಿ ರಾಖಿ ಕಟ್ಟುತ್ತಿದ್ದರು. ಆದರೆ ಈ ಬಾರಿ ಕೊರೊನಾ ವೈರಸ್ ಹಾವಳಿಯ ಕಾರಣಕ್ಕೆ ಪ್ರಧಾನಿ ಮೋದಿ ಅವರನ್ನು ಭೇಟಿ ಮಾಡಲು ಸಾಧ್ಯವಾಗಿಲ್ಲ. ಈ ಹಿನ್ನೆಲೆಯಲ್ಲಿ ಒಟ್ಟು 501 ರಾಖಿಗಳನ್ನು ಪ್ರಧಾನಿ ಮೋದಿ ಅವರಿಗೆ ಕಳುಹಿಸಿಕೊಡಲಾಗಿದೆ. ಈ ರಾಖಿಗಳ ಮೇಲೆ ಪ್ರಧಾನಿ ಮೋದಿ ಭಾವಚಿತ್ರವಿದ್ದು, ಫೇಸ್ ಮಾಸ್ಕ್‌ಗಳ ಮೇಲೆ ವೃಂದಾವನದ ಮಂದಿರದ ಚಿತ್ರವಿದೆ. ಅಲ್ಲದೇ ಸ್ಟೇ ಸೇಫ್ ಹಾಗೂ ಆತ್ಮನಿರ್ಭರ ಎಂದು ಬರೆಯಲಾಗಿದೆ. ಈ ರಾಖಿಗಳು ಇಂದು(ಶುಕ್ರವಾರ) ಪ್ರಧಾನಿ ಕಚೇರಿ ತಲುಪಲಿವೆ. ಒಟ್ಟಿನಲ್ಲಿ ಪ್ರಧಾನಿ ಮೋದಿ ಅವರಿಗೆ ಈ ಬಾರಿ ವಿಧವಾ ಸಹೋದರಿಯರು ಪ್ರೀತಿಯಿಂದ ರಾಖಿ ಕಳುಹಿಸಿದ್ದು, ಜೊತೆಗೆ ಕೊರೊನಾ ವೈರಸ್ ಕುರಿತು ಜಾಗೃತಿಯನ್ನೂ ಮೂಡಿಸಿರುವುದು ಗಮನ ಸೆಳೆದಿದೆ.

from India & World News in Kannada | VK Polls https://ift.tt/3jUncOl

ಕಾಂಗ್ರೆಸ್‌ನ 15 ಶಾಸಕರು ಸಂಪರ್ಕದಲ್ಲಿ! ನಳಿನ್ ಕುಮಾರ್ ಕಟೀಲ್‌ ಹೇಳಿಕೆಗೆ ಡಿಕೆಶಿ ಪ್ರತಿಕ್ರಿಯೆ ಏನು?

ಮಂಗಳೂರು: ಕಾಂಗ್ರೆಸ್ ಪಕ್ಷದ 15 ಶಾಸಕರು ನಮ್ಮ ಸಂಪರ್ಕದಲ್ಲಿದ್ದಾರೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಹೇಳಿಕೆಗೆ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್‌ ವ್ಯಂಗ್ಯವಾಗಿ ತಿರುಗೇಟು ನೀಡಿದ್ದಾರೆ. ಮಂಗಳೂರಿನಲ್ಲಿ ಶುಕ್ರವಾರ ಮಾತನಾಡಿದ ಅವರು, ಬಿಜೆಪಿ ಪಕ್ಷ ಈಗಾಗಲೇ ದೇಶದಲ್ಲಿ ಅಧಿಕಾರದಲ್ಲಿದೆ. ಬಿಜೆಪಿ ಜೊತೆಗೆ 224 ಶಾಸಕರು ಸಂಪರ್ಕದಲ್ಲಿದ್ದಾರೆ ಎಂದು ನಾನು ಭಾವಿಸಿದ್ದೆ. ಆದರೆ ನಳಿನ್ ಕುಮಾರ್‌ ಕಟೀಲ್‌ ಕೇವಲ 15 ಶಾಸಕರು ಮಾತ್ರ ಎಂದು ಏಕೆ ಹೇಳಿದ್ದಾರೋ ಗೊತ್ತಿಲ್ಲ ಎಂದಿದ್ದಾರೆ. ಗುರುವಾರ ರಾಮನಗರದಲ್ಲಿ ಮಾತನಾಡಿದ್ದ ನಳಿನ್ ಕುಮಾರ್‌ ಕಟೀಲ್‌, ಸಿ.ಪಿ ಯೋಗೇಶ್ವರ್‌ ನನ್ನ ಸಂಪರ್ಕದಲ್ಲಿ ಇದ್ದರು ಎಂಬ ಡಿಕೆಶಿ ಹೇಳಿಕೆಗೆ ಪ್ರತಿಕ್ರಿಯೆ ನೀಡುತ್ತಾ ಕಾಂಗ್ರೆಸ್‌ ಪಕ್ಷದ ಅನೇಕರು ನನ್ನ ಸಂಪರ್ಕದಲ್ಲಿದ್ದಾರೆ ಎಂದಿದ್ದರು. ಮಂಗಳೂರು ಪ್ರವಾಸಲ್ಲಿರುವ ಡಿ.ಕೆ. ಶಿವಕುಮಾರ್ ಅವರು ಕೇಂದ್ರದ ಮಾಜಿ ಸಚಿವ ಆಸ್ಕರ್ ಫರ್ನಾಂಡೀಸ್ ಅವರ ಮಂಗಳೂರು ನಿವಾಸಕ್ಕೆ ಇದೇ ವೇಳೆ ಭೇಟಿ ನೀಡಿದರು. ಆಸ್ಕರ್ ಅವರ ಪತ್ನಿ ಬ್ಲಾಸಂ ಫರ್ನಾಂಡೀಸ್ ಹಾಗೂ ಕೆಪಿಸಿಸಿ ಕಾರ್ಯಾಧ್ಯಕ್ಷ ಸಲೀಂ ಅಹಮದ್ ಈ ಸಂದರ್ಭದಲ್ಲಿ ಇದ್ದರು.

from India & World News in Kannada | VK Polls https://ift.tt/33dlIJi

ಅಡ್ಜಸ್ಟ್ಮೆಂಟ್ ರಾಜಕಾರಣ: ಯೋಗೇಶ್ವರ್‌ ಹೇಳಿಕೆಯಿಂದ ಎಚ್‌ಡಿಕೆ ಜೊತೆಗೆ ಬಿಎಸ್‌ವೈಗೂ ಮುಜುಗರ!

ಬೆಂಗಳೂರು: ಮಾಜಿ ಸಿಎಂ ಬಿಜೆಪಿ ಸರ್ಕಾರಕ್ಕೆ ಪರೋಕ್ಷ ಬೆಂಬಲ ನೀಡುತ್ತಿದ್ದಾರೆ. ಸರ್ಕಾರವೂ ಅವರಿಗೆ ಸಹಕಾರ ನೀಡುತ್ತಿದೆ. ರಾಮನಗರ ಜಿಲ್ಲೆಯಲ್ಲಿ ವರ್ಗಾವಣೆ ಸೇರಿದಂತೆ ಇನ್ನಿತರ ವಿಚಾರಗಳಲ್ಲಿ ಅವರ ಮಾತೇ ನಡೆಯುತ್ತಿದೆ ಎಂದು ವಿಧಾನ ಪರಿಷತ್ ಸದಸ್ಯ ಸಿ.ಪಿ ಯೋಗೇಶ್ವರ್‌ ನೀಡಿರುವ ಹೇಳಿಕೆ ರಾಜಕೀಯ ವಲಯದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗುತ್ತಿದೆ. ಸಚಿವಾಕಾಂಕ್ಷಿಯೂ ಆಗಿರುವ ಪರಿಷತ್ ಸದಸ್ಯ ನೀಡಿರುವ ಈ ಹೇಳಿಕೆ ಎಚ್‌ಡಿಕೆ ಅವರಿಗೆ ಮುಜುಗರ ಉಂಟು ಮಾಡಿರುವುದರ ಜೊತೆಗೆ ಸಿಎಂ ಬಿಎಸ್‌ವೈಗೂ ಮುಜುಗರವನ್ನು ತಂದೊಡ್ಡಿದೆ. ಕೋವಿಡ್‌ ಸಂಕಷ್ಟದ ಸಂದರ್ಭದಲ್ಲಿ ವಿರೋಧ ಪಕ್ಷಗಳ ಸಹಕಾರವನ್ನು ಬಹಿರಂಗವಾಗಿಯೇ ಬಿಎಸ್‌ ಯಡಿಯೂರಪ್ಪ ಕೇಳಿದ್ದರು. ಸದ್ಯದ ಪರಿಸ್ಥಿತಿಯಲ್ಲಿ ಜೊತೆಗೂಡಿ ಕೆಲಸ ಮಾಡಬೇಕು ಎಂದು ಮನವಿಯನ್ನು ಮಾಡಿದ್ದರು. ಆದರೆ ಕಾಂಗ್ರೆಸ್‌ ಪಕ್ಷ ರಾಜ್ಯ ಸರ್ಕಾರದ ವಿರುದ್ಧ ಹಲವು ವಿಚಾರದಲ್ಲಿ ಹೋರಾಟ ನಡೆಸುತ್ತಿದೆ. ಕೋವಿಡ್‌ ನಿರ್ವಹಣೆ ವೈಫಲ್ಯ, ತಿದ್ದುಪಡಿ ಕಾಯ್ದೆಗಳು ಹಾಗೂ ಭ್ರಷ್ಟಾಚಾರದ ಆರೋಪವನ್ನು ಮುಂದಿಟ್ಟುಕೊಂಡು ಹೋರಾಟ ರೂಪಿಸುತ್ತಿದೆ. ಆದರೆ ಮಾಜಿ ಸಿಎಂ ಎಚ್‌ಡಿ ಕುಮಾರಸ್ವಾಮಿ ಸರ್ಕಾರದ ವಿರುದ್ಧ ಬಹಿರಂಗವಾಗಿ ಯಾವುದೇ ಗಟ್ಟಿ ಆರೋಪಗಳನ್ನು ಮಾಡಿಲ್ಲ. ಅಲ್ಲದೆ ವಿರೋಧ ಪಕ್ಷವಾಗಿ ಮೌನಕ್ಕೆ ಶರಣಾಗಿದ್ದರು. ಬದಲಾಗಿ ಕಾಂಗ್ರೆಸ್ ಹೋರಾಟದ ಬಗ್ಗೆಯೇ ತಮ್ಮ ಭಿನ್ನ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದರು. ಸದ್ಯದ ಪರಿಸ್ಥಿತಿಯಲ್ಲಿ ಸರ್ಕಾರದ ವಿರುದ್ಧ ಹೋರಾಟ ನಡೆಸಿದರೆ ಅದರಿಂದ ಜನರಿಗೆ ಮತ್ತಷ್ಟು ಅನಾನುಕೂಲತೆ ಆಗಲಿದೆ ಎಂಬುವುದು ಇದಕ್ಕೆ ಎಚ್‌ಡಿಕೆ ಕೊಡುತ್ತಿರುವ ಸ್ಪಷ್ಟೀಕರಣವಾಗಿದೆ. ಆದರೆ ಇದೀಗ ಸ್ವತಃ ಆಡಳಿತ ಪಕ್ಷದ ಮುಖಂಡ ವಿರೋಧ ಪಕ್ಷಗಳ ಸಹಕಾರ ಹಾಗೂ ಬೆಂಬಲವನ್ನು ಬಹಿರಂಗಪಡಿಸುತ್ತಾ ಇದರ ಹಿಂದೆ ‘ಲಾಭ’ದ ಉದ್ದೇಶವಿದೆ ಎಂಬ ಅರ್ಥದಲ್ಲಿ ನೀಡಿರುವ ಹೇಳಿಕೆ ಸಾಕಷ್ಟು ಚರ್ಚೆಯನ್ನು ಹುಟ್ಟುಹಾಕಿದೆ. ಬಿಜೆಪಿ ಮುಖಂಡರ ಈ ಹೇಳಿಕೆ ಕುಮಾರಸ್ವಾಮಿಗೂ ಮುಜುಗರ ಉಂಟು ಮಾಡಿದೆ. ಕೇವಲ ಅಷ್ಟೇ ಅಲ್ಲ ವಿರೋಧ ಪಕ್ಷಗಳಿಂದ ಸಹಕಾರ ಬಯಸಿದ್ದ ಬಿಎಸ್‌ ಯಡಿಯೂರಪ್ಪ ಅವರಿಗೆ ಇದು ಮುಜುಗರ ಉಂಟಾಗುವಂತೆ ಮಾಡಿದೆ. ವಿರೋಧ ಪಕ್ಷಗಳನ್ನು ವಿಶ್ವಾಸಕ್ಕೆ ಪಡೆದುಕೊಂಡು ಸರ್ಕಾರ ನಡೆಸುವ ಅವರ ಪ್ರಯತ್ನಕ್ಕೆ ಈ ಹೇಳಿಕೆ ಹಿನ್ನಡೆಯಾಗಿ ಪರಿಣಮಿಸಿದೆ ಎಂಬ ಚರ್ಚೆಗಳು ನಡೆಯುತ್ತಿವೆ. ಯೋಗೇಶ್ವರ್‌ ನೀಡಿರುವ ಈ ಹೇಳಿಕೆಯ ಹಿಂದೆ ವೈಯಕ್ತಿಕ ರಾಜಕೀಯ ಉದ್ದೇಶ ಇದೆ. ಆದರೆ ಇದರಿಂದ ಬಿಎಸ್‌ವೈ ಆಕ್ರೋಶಗೊಂಡಿದ್ದಾರೆ ಎನ್ನುತ್ತಿವೆ ಮೂಲಗಳು.

from India & World News in Kannada | VK Polls https://ift.tt/3gjc1g6

'ನನಗೆ ಸಂವಿಧಾನವೇ ಸುಪ್ರೀಂ, ಯಾರ ಒತ್ತಡವೂ ಇಲ್ಲ' : ರಾಜಸ್ಥಾನ ರಾಜ್ಯಪಾಲ

ಹೊಸದಿಲ್ಲಿ: ರಾಜಸ್ಥಾನದಲ್ಲಿ ಉಂಟಾಗಿರೋ ರಾಜಕೀಯ ಬಿಕ್ಕಟ್ಟಿಗೆ ಸಂಬಂಧಿಸಿದಂತೆ ರಾಜ್ಯಪಾಲರು ಮತ್ತು ಸಿಎಂ ನಡುವಿನ ತಿಕ್ಕಾಟ ತಾರ್ಕಿಕ ಅಂತ್ಯಕ್ಕೆ ಬರುವ ಲಕ್ಷಣವಿರುವಾಗಲೇ ರಾಜಸ್ಥಾನ ಅವರು ತಮ್ಮ ಮೇಲಿರುವ ಆರೋಪವನ್ನು ಸ್ಪಷ್ಟವಾಗಿ ತಳ್ಳಿಹಾಕಿದ್ದಾರೆ. ವಿಶೇಷ ಅಧಿವೇಶನ ಕರೆಯುವುದಕ್ಕಾಗಿ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಅವರು ರಾಜ್ಯಪಾಲರಿಗೆ ಮನವಿ ಮಾಡಿದ್ದರೂ ಅದನ್ನು ಅವರು ತಿರಸ್ಕರಿಸಿದ್ದರು. ಹೀಗಾಗಿ ಅಧಿವೇಶನ ಕರೆಯದಂತೆ ರಾಜ್ಯಪಾಲರಿಗೆ ಕೇಂದ್ರ ಸರ್ಕಾರದ ಒತ್ತಡ ಇದೆ ಎಂದು ಕಾಂಗ್ರೆಸ್‌ ಆರೋಪಿಸಿತ್ತು. ಇದೀಗ ಆ ಆರೋಪಕ್ಕೆ ಸ್ಪಷ್ಟನೆ ನೀಡಿರುವ ಗವರ್ನರ್ ಕಲ್ರಾಜ್ ಮಿಶ್ರಾ, ನನಗೆ ಯಾವುದೇ ಒತ್ತಡವಿಲ್ಲ. ಸಂವಿಧಾನವೇ ನನಗೆ ಸುಪ್ರೀಂ ಎಂದು ಹೇಳಿದ್ದಾರೆ. ರಾಜ್ಯಪಾಲರಾದವರಿಗೆ ದೇಶದ ಸಂವಿಧಾನವೇ ಸುಪ್ರೀಂ ಆಗಿರುತ್ತದೆ. ನನ್ನ ಮೇಲೆ ಯಾರಿಂದಲೂ ಯಾವುದೇ ಒತ್ತಡವಿರಲಿಲ್ಲ ಎಂದಿರುವ ಗವರ್ನರ್ ಮಿಶ್ರಾ, ತಮ್ಮ ವಿರುದ್ಧ ರಾಜಸ್ಥಾನ ರಾಜಭವನದ ಮುಂದೆ ಕಾಂಗ್ರೆಸ್‌ ಶಾಸಕರು ಪ್ರತಿಭಟನೆ ನಡೆಸಿದ್ದಕ್ಕೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸಾಂವಿಧಾನಿಕ ಹುದ್ದೆ ಹೊಂದಿರುವ ಯಾರೊಬ್ಬರ ವಿರುದ್ಧವೂ ಪ್ರತಿಭಟನೆ ನಡೆಸೋದು ಸೂಕ್ತ ವರ್ತನೆಯಲ್ಲ ಎಂದು ಕಿಡಿಕಾರಿದ್ದಾರೆ. ಸಚಿನ್ ಪೈಲಟ್ ಸರ್ಕಾರವನ್ನು ಅಸ್ಥಿರಗೊಳಿಸಲು ಪ್ರಯತ್ನ ನಡೆಸುತ್ತಿದ್ದಾಗ ತಮ್ಮ ಕುರ್ಚಿ ಭದ್ರಪಡಿಸುವ ಹಿನ್ನೆಲೆ ಕೂಡಲೇ ವಿಶೇಷ ಅಧಿವೇಶನ ನಡೆಸಲು ಅಶೋಕ್ ಗೆಹ್ಲೋಟ್ ಸಲ್ಲಿಸಿದ್ದ ನಾಲ್ಕು ಪ್ರಸ್ತಾವನೆಗಳನ್ನು ತಿರಸ್ಕರಿಸಿದ್ದ ರಾಜ್ಯಪಾಲರು, ಐದನೇ ಪ್ರಸ್ತಾವನೆಗೆ ಒಪ್ಪಿಗೆ ನೀಡಿ ಆಗಸ್ಟ್ 14ರಿಂದ ಅಧಿವೇಶನ ಕರೆಯಲು ಅನುಮತಿ ನೀಡಿದ್ದರು. ಸಂವಿಧಾನದ ನಿಬಂಧನೆಗಳನ್ನು ಅನುಸರಿಸುವಂತೆ ನಾನು ರಾಜ್ಯ ಸರ್ಕಾರಕ್ಕೆ ಸೂಚಿಸಿದ್ದೇನೆ ಎಂದು ಗವರ್ನರ್ ತಿಳಿಸಿದ್ದಾರೆ.

from India & World News in Kannada | VK Polls https://ift.tt/316T09Z

ಬಿಜೆಪಿಯಲ್ಲಿ ನಾಯಕತ್ವ ಬದಲಾವಣೆ ಚರ್ಚೆ, ಬಿಎಸ್‌ವೈ ಕುರಿತಾಗಿ ‘ಅಸಂತೋಷ’ಗೊಂಡವರು ಯಾರು?

ರಾಜ್ಯ ಬಿಜೆಪಿಯಲ್ಲಿ ನಾಯಕಯತ್ವ ಬದಲಾವಣೆ ಚರ್ಚೆ ತೀವ್ರಗೊಳ್ಳುತ್ತಿದೆ. ಬಿಎಸ್‌ವೈ ಸರ್ಕಾರಕ್ಕೆ ಒಂದು ವರ್ಷ ಆಗುತ್ತಿದ್ದಂತೆ ಸಿಎಂ ಬದಲಾವಣೆಯ ಮಾತು ಮುನ್ನೆಲೆಗೆ ಬಂದಿದೆ. ಪಕ್ಷದಲ್ಲಿ ಆಂತರಿಕವಾಗಿ ಈ ವಿಚಾರ ಭಾರೀ ಸದ್ದು ಮಾಡುತ್ತಿದೆ. ಸಮ್ಮಿಶ್ರ ಸರ್ಕಾರ ಪತನಗೊಂಡು ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಆಡಳಿತಕ್ಕೆ ಬಂದು ಒಂದು ವರ್ಷಗಳ ಬಳಿಕ ನಾಯಕತ್ವ ಬದಲಾವಣೆ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿತ್ತು. ಬಿ.ಎಸ್‌ ಯಡಿಯೂರಪ್ಪ ಅಧಿಕಾರ ಹಸ್ತಾಂತರದ ಮಾತುಕತೆಯೂ ನಡೆದಿತ್ತು ಎನ್ನಲಾಗಿದೆ. ಇದರ ಪರಿಣಾಮವಾಗಿಯೇ ಈ ಚರ್ಚೆಗಳು ಶುರುವಾಗಿದೆ. ಆದರೆ ಬಿಎಸ್‌ವೈ ಬದಲಾವಣೆಗೆ ಪಕ್ಷದಲ್ಲಿ ಒಂದು ಬಣದ ವಿರೋಧವಿದೆ. ಹಾಗಾದರೆ ಬಿಎಸ್‌ವೈ ನಾಯಕತ್ವ ಬದಲಾವಣೆ ಆಗಬೇಕು ಎಂಬ ಚರ್ಚೆ ಮುನ್ನೆಲೆಗೆ ಬರಲು ಕಾರಣವೇನು ಹಾಗೂ ಇದರ ಹಿಂದೆ ಇರುವ ವ್ಯಕ್ತಿ ಶಕ್ತಿಗಳು ಯಾವುದು? ಈ ಕುರಿತಾದ ಒಂದು ವರದಿ ಇಲ್ಲಿದೆ.

ಸಿಎಂ ಬಿಎಸ್‌ ಯಡಿಯೂರಪ್ಪ ಬಿಜೆಪಿ ಪಕ್ಷವನ್ನು ರಾಜ್ಯದಲ್ಲಿ ಕಟ್ಟಿ ಬೆಳೆಸಿದವರು. ಕರ್ನಾಟಕದಲ್ಲಿ ಕಮಲ ಪಕ್ಷಕ್ಕೆ ಪ್ರಬಲ ನಾಯಕತ್ವ ನೀಡಿ ಅಧಿಕಾರಕ್ಕೆ ತಂದರೂ ಇದೀಗ ಅವರ ನಾಯಕತ್ವದ ಬಗ್ಗೆಯೇ ಅಪ ವ್ಯಾಖ್ಯಾನಗಳು ಕೇಳಿಬರುತ್ತಿವೆ. ಬಿಎಸ್‌ವೈ ವಯಸ್ಸು ಹಾಗೂ ಕೋವಿಡ್‌ ನಿರ್ವಹಣೆಯನ್ನು ಮುಂದಿಟ್ಟುಕೊಂಡು ನಾಯಕತ್ವ ಬದಲಾವಣೆ ಅಗತ್ಯ ಎಂಬ ವಾದಗಳು ಪಕ್ಷದ ಆಂತರಿಕ ವಲಯದಲ್ಲಿವೆ. ಸದ್ಯ ರಾಜ್ಯ ಸರ್ಕಾರದ ವೈಫಲ್ಯತೆ, ಆಪರೇಷನ್ ಕಮಲ, ಕೋವಿಡ್‌ ನಿರ್ವಹಣೆ ಜನರಲ್ಲಿ ಸರ್ಕಾರದ ಬಗ್ಗೆ ಅಭಿಪ್ರಾಯ ಬದಲಾವಣೆಗೆ ಕಾರಣವಾಗಿದೆ. ಇನ್ನುಳಿದ ಅವಧಿಯಲ್ಲೂ ಸರ್ಕಾರದ ತಪ್ಪುಗಳನ್ನು ಮುಂದಿಟ್ಟುಕೊಂಡು ಜನರಲ್ಲಿ ಅಭಿಪ್ರಾಯ ರೂಪಿಸಲು ವಿರೋಧ ಪಕ್ಷಗಳೂ ಸಜ್ಜಾಗಿವೆ. ಇದರ ಪರಿಣಾಮ ಮುಂದಿನ ಚುನಾವಣೆಯಲ್ಲಿ ಬಿಜೆಪಿಗೆ ದುಬಾರಿಯಾಗಿ ಪರಿಣಮಿಸುವ ಸಾಧ್ಯತೆ ಇದೆ. ಈ ಹಿನ್ನೆಲೆಯಲ್ಲಿ ನಾಯಕತ್ವ ಬದಲಾವಣೆ ಅಗತ್ಯ ಎಂಬ ಮಾತುಗಳು ಕೇಳಿಬರುತ್ತಿವೆ.

ವಯಸ್ಸು, ಕೋವಿಡ್‌ ನಿರ್ವಹಣೆ ಕಾರಣ ನೀಡಿ ಬಿಎಸ್‌ವೈಯನ್ನು ಪಟ್ಟದಿಂದ ಇಳಿಸುವುದು ಕೇವಲ ಬಹಿರಂಗವಾಗಿ ವ್ಯಕ್ತವಾಗುತ್ತಿರುವ ಕಾರಣವಷ್ಟೇ. ಆಂತರಿಕವಾಗಿ ಇದರ ಹಿಂದೆ ಬೇರೆ ಉದ್ದೇಶಗಳು ಇವೆ ಎಂಬ ಮಾತು ರಾಜಕೀಯ ಪಡಸಾಲೆಯಲ್ಲಿ ಕೇಳಿ ಬರುತ್ತಿದೆ. ರಾಜ್ಯದಲ್ಲಿ ಕೋವಿಡ್‌ ನಿರ್ವಹಣೆಯಲ್ಲಿ ಸರ್ಕಾರ ವಿಫಲವಾಗಿದೆ ನಿಜ. ಆದರೆ ದೆಹಲಿ, ಕೇರಳ ಹೊರತಾಗಿ ಬಹುತೇಕ ರಾಜ್ಯಗಳಲ್ಲಿ ಪರಿಸ್ಥಿತಿ ಹೀಗೆಯೇ ಇದೆ. ದೇಶದಲ್ಲೇ ಕೋವಿಡ್ ಸಂಖ್ಯೆಯಲ್ಲಿ ಭಾರೀ ಹೆಚ್ಚಳವಾಗುತ್ತಿದೆ. ಇದು ಕೇವಲ ನೆಪವಷ್ಟೇ ಎಂಬುವುದು ಬಿಎಸ್‌ವೈ ಆಪ್ತರ ವಾದ. ಬದಲಾಗಿ ಬಿಎಸ್‌ವೈ ವಿರುದ್ಧ ಅಸಂತೋಷಗೊಂಡಿರುವ ಬಣ ಈ ಚರ್ಚೆಯನ್ನು ಹುಟ್ಟುಹಾಕಿದೆ ಎಂಬ ಮಾತು ಬಿಎಸ್‌ವೈ ಬಣದಿಂದ ಕೇಳಿಬರುತ್ತಿದೆ. ದೆಹಲಿಯಲ್ಲಿ ಕೂತಿರುವ ಕರ್ನಾಟಕ ಬಿಜೆಪಿಯ ಮತ್ತೊಂದು ಶಕ್ತಿ ಕೇಂದ್ರ ಈ ಎಲ್ಲಾ ಬೆಳವಣಿಗೆಯ ಹಿಂದೆ ಇದೆ ಎಂದು ಹೇಳುತ್ತಿವೆ ಬಿಎಸ್‌ವೈ ಆಪ್ತ ಮೂಲಗಳು.

ಬಿಎಸ್‌ ಯಡಿಯೂರಪ್ಪ ಓರ್ವ ವರ್ಚಸ್ವಿ ನಾಯಕ. ರಾಜ್ಯದಲ್ಲಿ ಕಮಲ ಪಕ್ಷವನ್ನು ಕಟ್ಟು ಬೆಳೆಸುವುದರಲ್ಲಿ ಇವರ ಪಾತ್ರ ಮಹತ್ವದ್ದಾಗಿದೆ. ಇದೀಗ ಇತರ ಪಕ್ಷಗಳಿಂದ ವಲಸೆ ಬಂದವರು ಬಿಎಸ್‌ವೈ ಜೊತೆಗೆ ಇರುವುದರಿಂದ ಅವರ ಶಕ್ತಿ ಮತ್ತಷ್ಟು ಹೆಚ್ಚಾಗಿದೆ. ಅಲ್ಲದೆ ಅವರ ಹಿಂದೆ ಲಿಂಗಾಯತ ಸಮುದಾಯ ಇರುವುದರಿಂದ ಪಕ್ಷದ ವರಿಷ್ಠರು ಯಾವುದೇ ನಿರ್ಧಾರ ಕೈಗೊಳ್ಳುವಾಗ ಯೋಚನೆ ಮಾಡಲೇ ಬೇಕಾಗುತ್ತದೆ. ಸದ್ಯದ ಪರಿಸ್ಥಿತಿಯಲ್ಲಿ ಬಿಎಸ್‌ವೈ ನಾಯಕತ್ವ ಬದಲಾವಣೆ ಮಾಡಿದರೆ ಅದು ಬೇರೆಯದ್ದೇ ಸಂದೇಶವನ್ನು ನೀಡಲಿದೆ. ಇದು ಕಮಲದ ಪಾಲಿಗೆ ದುಬಾರಿಯಾಗಿ ಪರಿಣಮಿಸುವ ಸಾಧ್ಯತೆಯೂ ಇದೆ. ಈ ನಿಟ್ಟಿನಲ್ಲಿ ಬಿಎಸ್‌ವೈ ನಾಯಕತ್ವ ಬದಲಾವಣೆ ಸುಲಭದ ಮಾತಲ್ಲ ಎಂಬ ಅಭಿಪ್ರಾಯಗಳು ಬಲವಾಗಿವೆ.

ಒಂದು ವೇಳೆ ಬಿಎಸ್‌ ಯಡಿಯೂರಪ್ಪ ನಾಯಕತ್ವ ಬದಲಾದರೆ ಪರ್ಯಾಯ ಯಾರು ಎಂಬ ಪ್ರಶ್ನೆಯೂ ಉದ್ಭವಾಗುತ್ತದೆ. ಲಕ್ಷ್ಮಣ ಸವದಿ ಹೆಸರು ಕೇಳಿಬರುತ್ತಿದ್ದರೂ ಪಕ್ಷದ ಶಾಸಕರಲ್ಲಿ ಅವರಿಗೆ ಹೆಚ್ಚಿನ ಬೆಂಬಲವಿಲ್ಲ. ಅದರಲ್ಲೂ ವಲಸೆ ಬಂದವರಲ್ಲಿ ಕೆಲವರಿಗೆ ಸವದಿ ಬಗ್ಗೆ ಭಿನ್ನಾಭಿಪ್ರಾಯಗಳಿವೆ. ಆದರೆ ಸವದಿ ಹೈಕಮಾಂಡ್‌ ಜೊತೆಗೆ ಉತ್ತಮ ಭಾಂಧವ್ಯವನ್ನು ಹೊಂದಿದ್ದಾರೆ. ಅಲ್ಲದೆ ಬಿಜೆಪಿ ರಾಷ್ಟ್ರೀಯ ಸಂಘಟನಾ ಕಾರ್ಯದರ್ಶಿ ಬಿ.ಎಲ್‌ ಸಂತೋಷ್‌ ಜೊತೆಗೂ ಉತ್ತಮ ನಂಟಿದೆ. ಅವರ ಹೊರತಾಗಿ ಪ್ರಹ್ಲಾದ್ ಜೋಶಿ ಹೆಸರೂ ಕೇಳಿಬರುತ್ತಿದೆ. ಪ್ರಹ್ಲಾದ್‌ ಜೋಶಿ ಇತ್ತೀಚೆಗೆ ರಮೇಶ್ ಜಾರಕಿಹೊಳಿ ನಿವಾಸಕ್ಕೆ ತೆರಳಿ ಮಾತುಕತೆ ನಡೆಸಿರುವುದು ಹಾಗೂ ಕೆಲವೊಂದು ಶಾಸಕರನ್ನು ಭೇಟಿ ಮಾಡಿರುವುದು ಕುತೂಹಲಕ್ಕೆ ಎಡೆಮಾಡಿಕೊಟ್ಟಿದೆ. ಅದೇನೇ ಇದ್ದರೂ ಬಿಜೆಪಿಯಲ್ಲಿ ನಾಯಕತ್ವ ಬದಲಾವಣೆ ಚರ್ಚೆ ಯಾವ ಹಂತಕ್ಕೆ ಬಂದು ತಲುಪುತ್ತದೆ ಎಂಬುವುದು ಸದ್ಯದ ಕುತೂಹಲ.

from India & World News in Kannada | VK Polls https://ift.tt/3gfTD7J

ಕೊರೊನಾದಿಂದ ಗುಣಮುಖನಾಗಿ ಕಚೇರಿಯನ್ನೇ ಕೋವಿಡ್‌ ಆಸ್ಪತ್ರೆಯಾಗಿಸಿದ ಉದ್ಯಮಿ; ಬಡವರಿಗೆ ಫ್ರೀ ಚಿಕಿತ್ಸೆ!

ಸೂರತ್‌: ಸದ್ಯ ದೇಶದಲ್ಲಿ ವ್ಯಾಪಕವಾಗಿ ಹರಡುತ್ತಿದೆ. ಎಲ್ಲರನ್ನು ಬೆಂಬಿಡದೆ ಕಾಡುತ್ತಿದೆ. ಈ ಸಮಯದಲ್ಲಿ ಅನೇಕ ಗಣ್ಯರು ಕೊರೊನಾ ಹೋರಾಟಕ್ಕೆ ಸಹಾಯ ಹಸ್ತ ಚಾಚಿದ್ದಾರೆ. ಇದೀಗ ಕೋವಿಡ್‌ನಿಂದ ಗುಣಮುಖರಾಗಿರುವ ಗುಜರಾತ್ ಮೂಲದ ಉದ್ಯಮಿಯೊಬ್ಬರು ತಮ್ಮ ಕಚೇರಿಯನ್ನು ಕೊರೊನಾ ಆಸ್ಪತ್ರೆಯನ್ನಾಗಿ ಪರಿವರ್ತಿಸಿ ಬಡವರಿಗೆ ಉಚಿತ ಚಿಕಿತ್ಸೆ ನೀಡುತ್ತಿದ್ದಾರೆ. ಗುಜರಾತ್‌ನ ನಿವಾಸಿಯಾಗಿರುವ ಖಾದರ್‌ ಶೇಕ್‌ ಎಂಬುವವರು ಸೂರತ್‌ನ ಶ್ರೇಯಂ ಕಾಂಪ್ಲೆಕ್ಸ್‌ನಲ್ಲಿರುವ ತಮ್ಮ ಕಚೇರಿಯನ್ನು 85 ಹಾಸಿಗೆಗಳ ಕೊರೊನಾ ವಾರ್ಡ್‌ ಆಗಿ ಪರಿವರ್ತಿಸಿದ್ದಾರೆ. ಇಲ್ಲಿ ಆರ್ಥಿಕವಾಗಿ ಹಿಂದುಳಿದ ಕೊರೊನಾ ಸೋಂಕಿತರಿಗೆ ಉತ್ತಮ ಚಿಕಿತ್ಸೆ ನೀಡುತ್ತಿದ್ದಾರೆ. ಸರ್ಕಾರಿ ಅಧಿಕಾರಿಗಳಿಂದ ಪರವಾನಗಿ ಪಡೆದು ಕೊರೊನಾ ವಾರ್ಡ್‌ ಆರಂಭಿಸಿಸ್ಸು ಆಸ್ಪತ್ರೆಯ ರೀತಿಯಲ್ಲಿಯೇ ಚಿಕಿತ್ಸೆ ನೀಡಲು ವ್ಯವಸ್ಥೆ ಮಾಡಿದ್ದಾರೆ. ಕಳೆದ ತಿಂಗಳು ಖಾದರ್‌ ಶೇಕ್‌ ಅವರಿಗೆ ಕೊರೊನಾ ಸೋಂಕು ಕಾಣಿಸಿಕೊಂಡಿತ್ತು. ಆ ಹಿನ್ನೆಲೆ ಸೂರತ್‌ನ ಖಾಸಗಿ ಆಸ್ಪತ್ರೆಯೊಂದರಲ್ಲಿ ಅವರು ದಾಖಲಾಗಿದ್ದರು. ಗುಣಮುಖರಾದ ಬಳಿಕ ಆಸ್ಪತ್ರೆ ನೀಡಿದ ಬಿಲ್‌ ನೋಡಿ ಶೇಕ್‌ ಗಾಬರಿಗೊಂಡಿದ್ದರು. ಹೀಗಾಗಿ ತಮ್ಮ ಕಚೇರಿಯನ್ನೇ ಕೊರೊನಾ ವಾರ್ಡ್‌ ಆಗಿ ಪರಿವರ್ತಿಸಿ ಬಡವರಿಗೆ ಸಹಾಯ ಮಾಡಲು ಮುಂದಾಗಿದ್ದಾರೆ. 'ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆಯ ವೆಚ್ಚವು ದುಬಾರಿಯಾಗಿದೆ. ಅಷ್ಟು ದೊಡ್ಡ ಮೊತ್ತವನ್ನು ಬಡ ಜನರು ಭರಿಸುವುದು ಕಷ್ಟಸಾಧ್ಯ. ಹಾಗಾಗಿ, ಕೋವಿಡ್‌ ವಿರುದ್ಧದ ಹೋರಾಟಕ್ಕೆ ಕೈಜೋಡಿಸಲು ನಿರ್ಧರಿಸಿದೆ' ಎಂದು ಶೇಕ್‌ ಹೇಳಿದ್ದಾರೆ.

from India & World News in Kannada | VK Polls https://ift.tt/2PdwuXH

ಭಾರತ, ಭೂತಾನ್ ನೆಲ ಕಬಳಿಸಲು ಬಂದ ಚೀನಾ ಜಗತ್ತಿನ ತಾಳ್ಮೆ ಪರಿಶೀಲಿಸುತ್ತಿದೆ: ಅಮೆರಿಕ ಗುಡುಗು!

ವಾಷಿಂಗ್ಟನ್: ನೆಲ ದಾಹಿ ಇಡೀ ಜಗತ್ತಿನ ತಾಳ್ಮೆ ಪರಿಶೀಲಿಸುತ್ತಿದ್ದು, ಇಂತಹ ವರ್ತನೆ ಆ ದೇಶವನ್ನು ಜಾಗತಿಕವಾಗಿ ಇಕ್ಕಟ್ಟಿಗೆ ಸಿಲುಕಿಸಲಿದೆ ಎಂದು ತೀವ್ರ ವಾಗ್ದಾಳಿ ನಡೆಸಿದೆ. ಇಡೀ ವಿಶ್ವ ಮಾರಕ ಕೊರೊನಾ ವೈರಸ್ ಹಾವಳಿಯನ್ನು ಎದುರಿಸುತ್ತಿರುವಾಗ ಹಾಗೂ ಭೂತಾನ್ ನೆಲವನ್ನು ಕಬಳಿಸಲು ಬಂದ ಚೀನಾ, ಇಂತಹ ಅತಿರೇಕದ ವರ್ತೆನೆಗಳಿಂದಲೇ ಜಗತ್ತಿನ ತಾಳ್ಮೆಯನ್ನು ಪರಿಶೀಲಿಸುತ್ತಿದೆ ಎಂದು ಅಮೆರಿಕದ ರಾಜ್ಯ ಕಾರ್ಯದರ್ಶಿ ಹೇಳಿದ್ದಾರೆ. ಜಗತ್ತಿಗೆ ಚೀನಿ ಸಮಾಜವಾದ ಹರಡುವುದಾಗಿ ಹೇಳಿ ಚೀನಾ ತನ್ನ ರಿಯಲ್ ಎಸ್ಟೇಟ್ ವ್ಯಾಪಾರವನ್ನು ವೃದ್ಧಿಸಿಕೊಳ್ಳಲು ಹವಣಿಸುತ್ತಿದ್ದೆ ಎಂದು ಮೈಕ್ ಪಾಂಪಿಯೋ ಗಂಭೀರ ಆರೋಪ ಮಾಡಿದ್ದಾರೆ. ಕ್ಸಿ ಜಿನ್‌ಪಿಂಗ್ ಆಡಳಿತದಲ್ಲಿ ಚೀನಾ ನೆಲದಾಹಿಯಾಗಿದ್ದು, ನೆರೆಯ ರಾಷ್ಟ್ರಗಳ ನೆಲ ಕಬಳಿಸುವ ಹುನ್ನಾರದಲ್ಲಿ ನಿರತವಾಗಿದೆ ಎಂದು ಮೈಕ್ ಪಾಂಪಿಯೋ ಗುಡುಗಿದರು. ಜಗತ್ತು ಚೀನಾದ ಈ ಅತಿರೇಕದ ವರ್ತನೆಯನ್ನು ತಾಳ್ಮೆಯಿಂದ ನೋಡುತ್ತಿದ್ದು, ಯಾವಾಗ ಚೀನಾದ ವಿರುದ್ಧ ತಿರುಗಿ ಬೀಳಲಿದೆಯೋ ಗೊತ್ತಿಲ್ಲ ಎಂದು ಪಾಂಪಿಯೋ ಸೂಕ್ಷ್ಮ ಎಚ್ಚರಿಕೆಯನ್ನೂ ನೀಡಿದ್ದಾರೆ. ಇದೇ ವೇಳೆ ಚೀನಾದ ದುಸ್ಸಾಹಸಕ್ಕೆ ಸೂಕ್ತ ತಿರುಗೇಟು ನೀಡಿರುವ ಭಾರತ, ರಾಜತಾಂತ್ರಿಕ, ಸಾಮರಿಕ ಹಾಗೂ ವಾಣಿಜ್ಯ ಏಟುಗಳನ್ನು ನೀಢುವ ಮೂಲಕ ಗಡಿ ತಂಟೆಗೆ ಬಂದ ಚೀನಾವನ್ನು ಮಣಿಸಿದೆ ಎಂದು ಪಾಂಪಿಯೋ ಸಂತಸ ವ್ಯಕ್ತಪಡಿಸಿದ್ದಾರೆ. ಚೀನಾ 106 ಪ್‌ಗಳ ಬಳಕೆಯ ಮೇಲೆ ನಿಷೇಧ ಹೇರಿರುವ ಭಾರತ, ವಾಣಿಜ್ಯ ಕ್ಷೇತ್ರದಲ್ಲಿ ಚೀನಾದ ವಿರುದ್ಧ ಹಲವು ಕಠಿಣ ಕ್ರಮಗಳನ್ನು ಕೈಗೊಂಡಿದೆ. ಈ ಕ್ರಮಗಳನ್ನು ಅಮೆರಿಕ ಸ್ವಾಗತಿಸುತ್ತದೆ ಎಂದು ಪಾಂಪಿಯೋ ಭಾರತಕ್ಕೆ ಬೆಂಬಲ ವ್ಯಕ್ತಪಡಿಸಿದರು.

from India & World News in Kannada | VK Polls https://ift.tt/3ggvduO

ದೆಹಲಿಯಲ್ಲಿ ಡೀಸೆಲ್‌ ದರ ₹8 ಇಳಿಕೆ, ಬೆಂಗಳೂರು ಸೇರಿ ಮಹಾನಗರಗಳ ತೈಲ ಬೆಲೆ ಇಲ್ಲಿದೆ!

ಬೆಂಗಳೂರು: ಕಳೆದ ಕೆಲವು ದಿನಗಳಿಂದ ಏರಿಕೆಯಾಗುತ್ತಿದ್ದ ಪೆಟ್ರೋಲ್‌ ಹಾಗೂ ಡೀಸೆಲ್‌ ದರದಲ್ಲಿ ಗುರುವಾರ ಯಾವುದೇ ಬದಲಾವಣೆ ಕಂಡು ಬಂದಿಲ್ಲ. ಆದರೆ ದೆಹಲಿ ಸರಕಾರ ಡೀಸೆಲ್‌ನ ಪ್ರತಿ ಲೀಟರ್‌ಗೆ ಎಂಟು ರೂ. ಇಳಿಸಿ ಜನರಿಗೆ ಗುಡ್‌ನ್ಯೂಸ್‌ ನೀಡಿದೆ. ಹೊಸ ದಿಲ್ಲಿಯಲ್ಲಿ ಪೆಟ್ರೋಲ್‌ಗಿಂತ ಡೀಸೆಲ್‌ ದರವೇ ಜಾಸ್ತಿ ಇತ್ತು. ಹೀಗಾಗಿ ಡೀಸೆಲ್‌ ದರದ ವ್ಯಾಟನ್ನ ಸರಕಾರ ಇಳಿಸಿದೆ. ಹೀಗಾಗಿ ಹೊಸ ದಿಲ್ಲಿಯಲ್ಲಿ ಡೀಸೆಲ್‌ ದರದಲ್ಲಿ ಭಾರೀ ಕುಸಿತ ಕಂಡಿದೆ. ಜುಲೈ ಆರಂಭದಲ್ಲಿ 82 ಇದ್ದ ಡೀಸೆಲ್‌ ದರ ಈಗ 73ಕ್ಕೆ ಬಂದಿದೆ. ಇದು ಡೀಸೆಲ್‌ ಗ್ರಾಹಕರನ್ನ ಖಷಿಗೊಳಿಸಿದೆ. ಆದರೆ ದೇಶದ ಬೇರೆ ಮಹಾನಗರಗಳಲ್ಲಿ ಡೀಸೆಲ್‌ ಹಾಗೂ ಪೆಟ್ರೋಲ್‌ ದರದಲ್ಲಿ ಯಾವುದೇ ಬದಲಾವಣೆ ಕಂಡುಬಂದಿಲ್ಲ. ಹಾಗಾದರೆ ಬೆಲೆ ಪರಿಷ್ಕರಣೆಗೊಂಡ ಬಳಿಕ ದೇಶದ ಮಹಾನಗರಗಳಲ್ಲಿ ಜು.31 ರಂದು ತೈಲ ದರ ಎಷ್ಟಿದೆ? ಇಲ್ಲಿದೆ ಈ ಬಗ್ಗೆ ಮಾಹಿತಿ. ಬೆಲೆ ಪರಿಷ್ಕರಣೆಗೊಂಡ ಬಳಿಕ ದೇಶದ ಮಹಾನಗರಗಳಲ್ಲಿ ಇಂದಿನ ತೈಲ ದರಗಳತ್ತ ಗಮನಹರಿಸುವುದಾದರೆ. ಸಿಲಿಕಾನ್ ಸಿಟಿ ಪೆಟ್ರೋಲ್: 83.04 ರೂ. (ಯಾವುದೇ ಏರಿಕೆ ಇಲ್ಲ) ಡೀಸೆಲ್: 77.88 ರೂ. (ಯಾವುದೇ ಏರಿಕೆ ಇಲ್ಲ) ರಾಷ್ಟ್ರ ರಾಜಧಾನಿ ನವದೆಹಲಿಪೆಟ್ರೋಲ್: 80.43 ರೂ. ಡೀಸೆಲ್: 73.56 ರೂ. (8.38 ರೂ. ಇಳಿಕೆ) ಮಹಾರಾಷ್ಟ್ರ ರಾಜಧಾನಿ ಮುಂಬೈಪೆಟ್ರೋಲ್: 87.19 ರೂ. ಡೀಸೆಲ್: 80.11 ರೂ. ತಮಿಳುನಾಡು ರಾಜಧಾನಿ ಚೆನ್ನೈಪೆಟ್ರೋಲ್: 83.63 ರೂ. ಡೀಸೆಲ್: 78.86 ರೂ.

from India & World News in Kannada | VK Polls https://ift.tt/2PcQWru

"ರಾಮನ ಕೈನಲ್ಲಿ ಬಿಲ್ಲು-ಬಾಣ ಬೇಡ": ಕಾಂಗ್ರೆಸ್‌ ಹಿರಿಯ ಮುಖಂಡ ವೀರಪ್ಪ ಮೊಯ್ಲಿ

ಬೆಂಗಳೂರು: ಶ್ರೀರಾಮನ ಕೈಗಳಲ್ಲಿ ಆಯುಧಗಳಾದ ಬಿಲ್ಲು ಮತ್ತು ಬಾಣ ಇರುವ ಫೋಟೊಗಳನ್ನು ಮಂದಿರ ನಿರ್ಮಾಣದ ವೇಳೆ ಪ್ರಚಾರಕ್ಕಾಗಿ ಹಲವೆಡೆ ಬಳಸಲಾಗುತ್ತಿದೆ. ಆದರೆ ಇದು ರಾಮ ಆಕ್ರಮಣಶೀಲ ಮನೋಭಾವ ಹೊಂದಿದ್ದ ಎನ್ನುವವಂತಿದೆ. ಆದರೆ ಆತ ಹಾಗಿರಲಿಲ್ಲ ಎಂದು ಮಾಜಿ ಕಾನೂನು ಸಚಿವ ವೀರಪ್ಪ ಮೊಯ್ಲಿ ಹೇಳಿದ್ದಾರೆ. ಬಿಲ್ಲು-ಬಾಣ ಹಿಡಿದ ರಾಮನ ಫೋಟೊ ಬದಲು ಪಟ್ಟಾಭಿಷಿಕ್ತ ರಾಮನ ಫೋಟೊ ಬಳಸುವುದು ಸೂಕ್ತ. ಸೀತೆ, ಲಕ್ಷ್ಮಣ, ಹನುಮಂತನಿರುವ ಪಟ್ಟಾಭಿಷೇಕದ ಚಿತ್ರ ಏಕತೆಯ ಪ್ರತೀಕವಾಗಿದೆ ಎಂದು ಮೊಯ್ಲಿಆಗ್ರಹಿಸಿದ್ದಾರೆ. ಅಲ್ಲದೇ ರಾಮ ಸೇತುವೆಗಳ ನಿರ್ಮಾಣದ ಮೂಲಕ ಸಮಾಜಕ್ಕೆ ಹಾಗೂ ಎಲ್ಲಾ ಸಮುದಾಯಕ್ಕೆ ಬೇಕಾಗಿರುವ ದೇವರಾಗಿದ್ದರು ಅವರು ಆಕ್ರಮಣಶೀಲ ಮನೋಭಾವ ಹೊಂದಿರಲಿಲ್ಲ ಎಂದಿದ್ದಾರೆ. ಅಲ್ಲದೇ ಪ್ರಧಾನಿ ಮೋದಿ ಭೂಮಿ ಪೂಜೆಯನ್ನ ಎಲ್ಲಾ ಸಮುದಾಯಕ್ಕೆ ಒಗ್ಗಟ್ಟಾಗಿಸುವಂತೆ ಮಾಡಬೇಕು. ಯಾಕೆಂದರೆ ರಾಮ ಎಲ್ಲಾ ಸಮುದಾಯಕ್ಕೆ ಸೇರಿದವನು ಎಂದು ಕೂಡ ಕಾಂಗ್ರೆಸ್‌ನ ಹಿರಿಯ ಮುಖಂಡ ಹೇಳಿದ್ದಾರೆ. ರಾಮ ಎಲ್ಲಾ ಸಮುದಾಯಗಳಿರುವ ಸುಂದರ ಸಮಾಜದ ಕನಸು ಕಂಡವರು. ಕಾಂಗ್ರೆಸ್‌ ಕೂಡ ಯಾವತ್ತು ನಿರ್ಮಾಣಕ್ಕೆ ವಿರೋಧ ವ್ಯಕ್ತಪಡಿಸಿಲ್ಲ ಎಂದು ತಿಳಿಸಿದ್ದಾರೆ. ಆಗಸ್ಟ್‌ 5.ಕ್ಕೆ ಪ್ರಧಾನಿ ಮೋದಿ ನೇತೃತ್ವದಲ್ಲಿ ಶ್ರೀ ರಾಮ ದೇವರ ಭವ್ಯ ಮಂದಿರಕ್ಕೆ ಭೂಮಿ ಪೂಜೆ ನಡೆಯಲಿದೆ. ಕೊರೊನಾ ಕರಿ‍ಛಾಯೆ ಮಧ್ಯೆಯೂ ಭರಪೂರ ತಯಾರಿಗಳು ನಡೆಯುತ್ತಿದೆ. ಭಕ್ತರು ಹಣ, ಚಿನ್ನ, ಬೆಳ್ಳಿಗಳನ್ನ ದೇಣಿಗೆ ನೀಡುತ್ತಿದ್ದಾರೆ.

from India & World News in Kannada | VK Polls https://ift.tt/2EChCjx

ಮಂದಿರ ನಿರ್ಮಾಣಕ್ಕೆ ಬರುತ್ತಿದೆ ಚಿನ್ನ, ಬೆಳ್ಳಿಯ ಗಟ್ಟಿ! ಟ್ರಸ್ಟ್‌ಗೆ ಈಗ ಸಂರಕ್ಷಣೆಯೇ ತಲೆ ನೋವು?

ಲಖನೌ: ಸುಪ್ರೀಂಕೋರ್ಟ್‌ನಿಂದ ನಿರ್ಮಾಣಕ್ಕೆ ಹಸಿರು ನಿಶಾನೆ ಸಿಕ್ಕಾಗಿನಿಂದಲೂ ದೇಶಾದ್ಯಂತ ರಾಮಭಕ್ತರು ಮತ್ತು ಇತರ ಧಾರ್ಮಿಕ ಮುಖಂಡರು ಹಲವು ತಿಂಗಳಿನಿಂದಲೂ ಅಯೋಧ್ಯೆಗೆ ರಾಮಲಲ್ಲಾನ ಹೆಸರಿಗೆ ಚಿನ್ನದ ಹಾಗೂ ಬೆಳ್ಳಿಯ ಗಟ್ಟಿಗಳು , ಮಣ್ಣಿನ ಇಟ್ಟಿಗೆಗಳನ್ನು ಕಳಿಸುತ್ತಲೇ ಇದ್ದಾರೆ. ಜತೆಗೆ ಅನೇಕ ಬೆಲೆ ಬಾಳುವ ಇತರ ವಸ್ತುಗಳನ್ನು ಮಂದಿರಕ್ಕೆ ಬಳಸಿಕೊಳ್ಳಲು ಕಳುಹಿಸಿಕೊಡಲಾಗಿದೆ. ಇವುಗಳನ್ನು ಭದ್ರವಾಗಿ ಕಾಯುವುದಕ್ಕಾಗಿ ಕೇಂದ್ರೀಯ ಪಡೆಗಳನ್ನು ನಿಯೋಜಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ವಿಡಿಯೊ ಸಂದೇಶದ ಮೂಲಕ ವಿಎಚ್‌ಪಿ ಹಿರಿಯ ಮುಖಂಡ ಮತ್ತು ಟ್ರಸ್ಟ್‌ನ ಪ್ರಧಾನ ಕಾರ್ಯದರ್ಶಿ ಚಂಪತ್‌ ರಾಯ್‌ ಅವರು ಮನವಿ ಮಾಡಿ, '' ಸದ್ಯ ಟ್ರಸ್ಟ್‌ನ ಬ್ಯಾಂಕ್‌ ಖಾತೆ ವಿವರಗಳನ್ನು ಹಂಚಿಕೊಳ್ಳಲಾಗಿದ್ದು ಅದಕ್ಕೆ ಮಾತ್ರ ಭಕ್ತಾದಿಗಳು ನೆರವನ್ನು ತಲುಪಿಸಬೇಕು'', ಎಂದಿದ್ದಾರೆ. ಚಿನ್ನ ಮತ್ತು ಬೆಳ್ಳಿಯನ್ನು ಕಳುಹಿಸುವುದನ್ನು ನಿಲ್ಲಿಸಲು ಕೂಡ ಭಕ್ತರಲ್ಲಿ ಕೋರಲಾಗಿದೆ. ರಾಮನ ಮಂದಿರ ನಿರ್ಮಾಣಕ್ಕೆ ಟ್ರಸ್ಟ್‌ ರಚಿಸಿದ ನಂತರ ಭಾರೀ ಸಂಖ್ಯೆಯಲ್ಲಿ ಚಿನ್ನ ಹಾಗೂ ಬೆಳ್ಳಿಯ ಗಟ್ಟಿಗಳು ಬರುತ್ತಿದೆ. ಕೊರೊನಾ ಕರಿಛಾಯೆ ನೀಡುವವರಿಗೆ ಮೂಡಿಲ್ಲ. ಕೊರೊನಾ ಸಮಯದಲ್ಲೂ ಭಾರೀ ಸಂಖ್ಯೆಯಲ್ಲಿ ದೇಣಿಗೆ ಬರುತ್ತಿದೆ. ಇದನ್ನ ಸುರಕ್ಷಿತವಾಗಿ ಇಡುವ ಕೆಲಸವನ್ನ ಟ್ರಸ್ಟ್‌ ಮಾಡುತ್ತಿದೆ.

from India & World News in Kannada | VK Polls https://ift.tt/2EvWCL7

ಬಿಜೆಪಿ ಮುಖಂಡರನ್ನೇ ಕೆರಳಿಸಿದ ಸಿಪಿ ಯೋಗೇಶ್ವರ್ ಹೇಳಿಕೆ ಅವರಿಗೇ ತಿರುಗುಬಾಣ ಆಗುತ್ತಾ?

ಎರಡು ರಾಜ್ಯಸಭೆ ಸೀಟುಗಳಿಗೆ ಆಗಸ್ಟ್‌ 24ಕ್ಕೆ ಉಪ ಚುನಾವಣೆ, 1 ಸೀಟು ಬಿಜೆಪಿ ತೆಕ್ಕೆಗೆ?

"50 ಕೊಲೆಗಳ ಬಳಿಕ ಎಣಿಕೆ ಮರೆತೆ" ಪೊಲೀಸರಿಗೆ ತಿಳಿಸಿದ ದಿಲ್ಲಿ ಸೀರಿಯಲ್‌ ಕಿಲ್ಲರ್‌ ವೈದ್ಯ!

ಕಾಂಗ್ರೆಸ್ ರಾಜ್ಯಸಭಾ ಸಂಸದರೊಂದಿಗೆ ಸೋನಿಯಾ ಗಾಂಧಿ ವಿಡಿಯೋ ಕಾನ್ಫರೆನ್ಸ್: ಕೋವಿಡ್ ಚರ್ಚೆ!

ನವದೆಹಲಿ: ಕಾಂಗ್ರೆಸ್‌ನ ರಾಜ್ಯಸಭಾ ಸಂಸದರೊಂದಿಗೆ ಎಐಸಿಸಿ ಮುಖ್ಯಸ್ಥೆ , ಮೂಲಕ ಸಭೆ ನಡೆಸಿದ್ದಾರೆ. ದೇಶದಲ್ಲಿ ಕೊರೊನಾ ವೈರಸ್ ಹಾವಳಿ ಹಾಗೂ ಪಸ್ತಕ್ತ ರಾಜಕೀಯ ಬೆಳವಣಿಗೆಗಳ ಕುರಿತು ಸೋನಿಯಾ ಗಾಂಧಿ, ರಾಜ್ಯಸಭಾ ಸಂಸದರೊಂದಿಗೆ ಚರ್ಚೆ ನಡೆಸಿದ್ದಾರೆ ಎನ್ನಲಾಗಿದೆ. ಕೊರೊನಾ ವೈರಸ್ ಹಾವಳಿಯನ್ನು ನಿಯಂತ್ರಿಸುವಲ್ಲಿ ಕೇಂದ್ರ ಸರ್ಕಾರ ವಿಫಲತೆ ಕುರಿತು ಸಂಸದರೊಂದಿಗೆ ಸೋನಿಯಾ ಗಾಂಧಿ ಚರ್ಚಿಸಿದ್ದು, ರಾಜಕೀಯ ವಿದ್ಯಮಾನಗಳ ಕುರಿತೂ ಚರ್ಚೆ ನಡೆದಿದೆ ಎನ್ನಲಾಗಿದೆ. ಕೋವಿಡ್ ನಿಯಂತ್ರಿಸುವಲ್ಲಿ ವಿಪಕ್ಷಗಳ ಸಲಹೆ ಸೂಚನೆಗಳನ್ನು ಮೋದಿ ಸರ್ಕಾರ ಸ್ವೀಕರಿಸುತ್ತಿಲ್ಲ ಎಂದು ಆರೋಪಿಸಿದ ಸೋನಿಯಾ ಗಾಂಧಿ, ಈ ಕುರಿತು ಜನಜಾಗೃತಿಗಾಗಿ ಪಕ್ಷವನ್ನು ಸಜ್ಜು ಮಾಡಬೇಕೆಂದು ಸಂಸದರಲ್ಲಿ ಮನವಿ ಮಾಡಿದರು. ವಿಡಿಯೋ ಕಾನ್ಫರೆನ್ಸ್ ಸಭೆಯಲ್ಲಿ ನೂತನವಾಗಿ ರಾಜ್ಯಸಭೆಗೆ ಆಯ್ಕೆಯಾದ ಮಲ್ಲಿಕಾರ್ಜುನ ಖರ್ಗೆ ಸೇರಿದಂತೆ ಎಲ್ಲ ಸಂಸದರೂ ಭಾಗಿಯಾಗಿದ್ದರು ಎಂದು ಪಕ್ಷದ ಮೂಲಗಳು ತಿಳಿಸಿವೆ.

from India & World News in Kannada | VK Polls https://ift.tt/2P51skE

ಖಾಸಗಿ ಆಸ್ಪತ್ರೆಗಳ ಕೋವಿಡ್ ಸುಲಿಗೆಗೆ ಖಾಕಿ ಬ್ರೇಕ್..! - IGP ಡಿ. ರೂಪಾ ಸಂದರ್ಶನ

ರಾಜ್ಯದಲ್ಲಿ ಕೊರೊನಾ ವೈರಸ್ ಮಾತ್ರವಲ್ಲ, ಕೆಲವು ಖಾಸಗಿ ಆಸ್ಪತ್ರೆಗಳ ಧನದಾಹ ಕೂಡಾ ಆರ್ಭಟಿಸುತ್ತಿದೆ. ಇದಕ್ಕೆ ಮಟ್ಟ ಹಾಕುವ ನಿಟ್ಟಿನಲ್ಲಿ ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ವಿಜಯ ಭಾಸ್ಕರ್‌ ಅವರ ಮಾರ್ಗದರ್ಶನದಲ್ಲಿ 7 ತಂಡಗಳನ್ನು ರಚಿಸಲಾಗಿದೆ. ಐಎಎಸ್ ಹಾಗೂ ಐಪಿಎಸ್ ಅಧಿಕಾರಿಗಳು ಇರುವ ಈ ತಂಡದಲ್ಲಿ, ಪ್ರತಿ ತಂಡಕ್ಕೂ ನಿಗದಿತ ಆಸ್ಪತ್ರೆಗಳ ಮೇಲುಸ್ತುವಾರಿ ನೋಡಿಕೊಳ್ಳುವ ಜವಾಬ್ದಾರಿ ನೀಡಲಾಗಿದೆ. ಈ ಪೈಕಿ ಐಎಎಸ್‌ ಅಧಿಕಾರಿ ಹರ್ಷಗುಪ್ತ ಹಾಗೂ ಡಿ. ರೂಪಾ ಅವರ ತಂಡ ಇತ್ತೀಚೆಗೆ ಭಾರೀ ಸುದ್ದಿಯಲ್ಲಿದೆ. ಖಾಸಗಿ ಆಸ್ಪತ್ರೆಗಳು ಕೊರೊನಾ ವೈರಸ್ ರೋಗಿಗಳಿಗೆ ಹಾಗೂ ಅವರ ಸಂಬಂಧಿಕರಿಗೆ ಮಾಡುತ್ತಿರುವ ಸುಲಿಗೆಯನ್ನು ತಪ್ಪಿಸಿರುವ ಈ ತಂಡ, ಜನಪರ ಕಾರ್ಯ ಮಾಡುವ ಮೂಲಕ ಜನಮನ್ನಣೆಗೆ ಪಾತ್ರವಾಗಿದೆ. ಈ ಕುರಿತು ಚರ್ಚಿಸಲು ಐಪಿಎಸ್ ಅಧಿಕಾರಿ ಡಿ. ರೂಪಾ ಮೌದ್ಗಿಲ್ ಅವರನ್ನು ನಿಮ್ಮ ವಿಜಯ ಕರ್ನಾಟಕ ವೆಬ್ ಸಂಪರ್ಕಿಸಿತು. ವಿಜಯ ಕರ್ನಾಟಕ ವೆಬ್ ನಡೆಸಿದ ಆನ್‌ಲೈನ್ ಸಂದರ್ಶನದಲ್ಲಿ ಭಾಗವಹಿಸಿದ್ದ ಡಿ. ರೂಪಾ ಅವರು, ಖಾಸಗಿ ಆಸ್ಪತ್ರೆಗಳ ಸುಲಿಗೆಯಿಂದ ಸಂತ್ರಸ್ತರಾಗಿರುವ ರೋಗಿಗಳು ಹಾಗೂ ಅವರ ಸಂಬಂಧಿಕರಿಗೆ ಸಲಹೆ ನೀಡಿದರು. ತಮ್ಮ ಕಾರ್ಯವ್ಯಾಪ್ತಿಯನ್ನೂ ವಿವರಿಸಿದರು. ತಮಗೆ ವಹಿಸಲಾಗಿರುವ ಖಾಸಗಿ ಆಸ್ಪತ್ರೆಗಳಿಗೆ ತೆರಳುವ ಡಿ. ರೂಪಾ ಅವರ ತಂಡ, ಅಲ್ಲಿ ದಾಖಲಾಗುವ ಕೊರೊನಾ ವೈರಸ್ ಸೋಂಕಿತರ ಚಿಕಿತ್ಸೆ ಹಾಗೂ ಅದಕ್ಕೆ ಪಡೆಯಲಾಗುತ್ತಿರುವ ಶುಲ್ಕದ ಮಾಹಿತಿ ಪಡೆಯುತ್ತಾರೆ. ಒಂದು ವೇಳೆ ಖಾಸಗಿ ಆಸ್ಪತ್ರೆಗಳು ಸರ್ಕಾರ ನಿಗದಿಪಡಿಸಿರುವ ದರಕ್ಕಿಂತಾ ಹೆಚ್ಚು ಶುಲ್ಕ ಪಡೆದರೆ, ಆ ಕುರಿತು ವಿಚಾರಣೆ ನಡೆಸಿ ರೋಗಿಗಳು ಹಾಗೂ ಅವರ ಸಂಬಂಧಿಕರಿಗೆ ಹಣ ವಾಪಸ್ ಕೊಡಿಸುವ ಕೆಲಸವನ್ನು ಮಾಡುತ್ತಿದ್ದಾರೆ. ಹರ್ಷಗುಪ್ತ ಹಾಗೂ ಡಿ. ರೂಪಾ ನೇತೃತ್ವದ ಈ ತಂಡ, ಬೆಂಗಳೂರಿನಲ್ಲಿ ತಮಗೆ ವಹಿಸಿರುವ ಆಸ್ಪತ್ರೆಗಳ ಮೇಲುಸ್ತುವಾರಿಯನ್ನಷ್ಟೇ ನೋಡಿಕೊಳ್ಳುತ್ತಿದ್ದಾರೆ. ಒಂದು ವೇಳೆ, ಬೇರೆ ಆಸ್ಪತ್ರೆಗಳಲ್ಲಿ ದಾಖಲಾಗಿರುವ ರೋಗಿಗಳು ಈ ರೀತಿ ಚಿಕಿತ್ಸಾ ಶುಲ್ಕದ ಸುಲಿಗೆಗೆ ಒಳಗಾದರೆ, ಅವರು ಸಂಬಂಧಪಟ್ಟ ವ್ಯಾಪ್ತಿಯ ಅಧಿಕಾರಿಗಳನ್ನು ಸಂಪರ್ಕಿಸುವಂತೆ ಡಿ. ರೂಪಾ ಅವರು ಸಲಹೆ ನೀಡಿದ್ದಾರೆ. ಪೊಲೀಸ್ ಅಧಿಕಾರಿಯಾಗಿ ಕಾನೂನು ಸುವ್ಯವಸ್ಥೆ ಪಾಲನೆ ಜೊತೆಯಲ್ಲೇ ಇದೀಗ ಕೋವಿಡ್ ನಿರ್ವಹಣೆಯಂಥಾ ಕಾರ್ಯಗಳನ್ನೂ ಅಚ್ಚುಕಟ್ಟಾಗಿ ನಿರ್ವಹಿಸಿ ಗಮನ ಸೆಳೆದಿರುವ ಡಿ. ರೂಪಾ ಅವರು, ತಾವು ಹಾಗೂ ತಮ್ಮ ಸಹೋದ್ಯೋಗಿಗಳು ಕೊರೊನಾ ವೈರಸ್ ಸೋಂಕಿನಿಂದ ಪಾರಾಗಲು ಯಾವ ರೀತಿಯ ಮುನ್ನೆಚ್ಚರಿಕಾ ಕ್ರಮಗಳನ್ನು ಪಾಲಿಸುತ್ತಿದ್ದಾರೆ ಅನ್ನೋದನ್ನು ಸಂದರ್ಶನದಲ್ಲಿ ವಿವರಿಸಿದ್ದಾರೆ. ಖಾಸಗಿ ಆಸ್ಪತ್ರೆಗಳ ಸುಲಿಗೆಗೆ ಕಡಿವಾಣ ಹಾಕಿ ಜನಪರ ಕಾಳಜಿ ಮೆರೆದಾಗ, ಜನರು ತಮ್ಮ ತಂಡಕ್ಕೆ ಕೃತಜ್ಞತೆ ಅರ್ಪಿಸುವ ಸಂದರ್ಭಗಳು ಧನ್ಯತಾ ಭಾವ ಮೂಡಿಸುತ್ತದೆ ಎನ್ನುತ್ತಾರೆ, ರೂಪಾ. ಕೊರೊನಾ ಬಾಧಿತರಾಗಿರುವ ರೋಗಿಗಳ ಆರೋಗ್ಯ ರಕ್ಷಣೆ ಜೊತೆಗೆ ಅವರು ಆರ್ಥಿಕ ಸಂಕಷ್ಟದಲ್ಲಿ ಸಿಲುಕುವುದರಿಂದ ಪಾರು ಮಾಡೋದೂ ತಮ್ಮ ಕರ್ತವ್ಯ ಎಂದು ಡಿ. ರೂಪಾ ಹೇಳಿದ್ದಾರೆ.

from India & World News in Kannada | VK Polls https://ift.tt/3gozNXK

ಸಿಇಟಿ ಪರೀಕ್ಷೆ ನಿರಾತಂಕ; ಪರೀಕ್ಷಾ ಕೇಂದ್ರಗಳನ್ನು ಪರಿಶೀಲಿಸಿದ ಸಿ.ಎನ್ ಅಶ್ವತ್ಥನಾರಾಯಣ

ಬೆಂಗಳೂರು: ಪರೀಕ್ಷೆ ರಾಜ್ಯದೆಲ್ಲೆಡೆ ಆರಂಭವಾಗಿದ್ದು, ಉನ್ನತ ಶಿಕ್ಷಣ ಸಚಿವರೂ ಆದ ಉಪ ಮುಖ್ಯಮಂತ್ರಿ ಡಾ. ಸಿ.ಎನ್ . ಅಶ್ವತ್ಥನಾರಾಯಣ, ಬೆಂಗಳೂರಿನ ಎರಡು ಪರೀಕ್ಷಾ ಕೇಂದ್ರಗಳಿಗೆ ಭೇಟಿ ನೀಡಿ ಕೋವಿಡ್-19 ಹಿನ್ನೆಲೆಯಲ್ಲಿ ಕೈಗೊಂಡಿರುವ ಎಲ್ಲ ಎಚ್ಚರಿಕೆ ಕ್ರಮಗಳನ್ನು ಕೂಲಂಕಷವಾಗಿ ಪರಿಶೀಲನೆ ನಡೆಸಿದರು. ಮಲ್ಲೇಶ್ವರದ ಎಂಇಎಸ್ ಕಾಲೇಜು ಹಾಗೂ ಶೇಷಾದ್ರಿಪುರಂ ಕಾಂಪೋಸಿಟ್ ಪಿಯು ಕಾಲೇಜಿಗೆ ಭೇಟಿ ನೀಡಿದ ಅವರು, ಸ್ಯಾನಿಟೈಸರ್ ಹಾಕುವುದು, ಥರ್ಮೊಮೀಟರ್ ಇಟ್ಟು ಪರಿಶೀಲಿಸುವ ವ್ಯವಸ್ಥೆ ನೋಡಿದರು. ಸಾರಿಗೆ, ಆರೋಗ್ಯ, ಪೊಲೀಸ್ ಮತ್ತು ಉನ್ನತ ಶಿಕ್ಷಣ ಇಲಾಖೆಗಳೆಲ್ಲ ಸೇರಿ ಕೈಗೊಂಡಿರುವ ಕ್ರಮಗಳ ಬಗ್ಗೆ ಡಿಸಿಎಂ ಮೆಚ್ವುಗೆ ವ್ಯಕ್ತಪಡಿಸಿದರು. ಜತೆಗೆ, ವಿದ್ಯಾರ್ಥಿಗಳ ಜತೆ ಸಂವಾದ ನಡೆಸಿದರಲ್ಲದೆ ಮನೆಯಿಂದ ಪರೀಕ್ಷಾ ಕೇಂದ್ರಕ್ಕೆ ಬರಲು ಏನಾದರೂ ಸಮಸ್ಯೆ ಆಯತೇ? ಬಸ್ ವ್ಯವಸ್ಥೆ ಇತ್ತೆ? ಪರೀಕ್ಷಾ ಕೇಂದ್ರದಲ್ಲಿ ಎಲ್ಲ ರೀತಿಯ ಮಾರ್ಗದರ್ಶನ ಸಿಕ್ಕಿತೆ? ಎಂಬಿತ್ಯಾದಿ ಸಂಗತಿಗಳ ಬಗ್ಗೆ ಮಾಹಿತಿ ಪಡೆದರು. ವಿದ್ಯಾರ್ಥಿಗಳ ಹಿತದೃಷ್ಟಿಯಿಂದ ಎಲ್ಲ ಕ್ರಮಗಳನ್ನು ಕೈಗೊಂಡಿದೆ. ಹೀಗಾಗಿ ಪೋಷಕರು ಮತ್ತು ವಿದ್ಯಾರ್ಥಿಗಳು ಆತಂಕಕ್ಕೆ ಗುರಿಯಾಗಬೇಕಾದ ಅಗತ್ಯವಿಲ್ಲ. ವಿದ್ಯಾರ್ಥಿಗಳು ನಿರಾಳವಾಗಿ ಪರೀಕ್ಷೆ ಬರೆಯಲಿ ಎಂದು ಶುಭ ಹಾರೈಸಿದರು. ಕಟ್ಟುನಿಟ್ಟಿನ ಎಚ್ಚರಿಕೆ ಕೋವಿಡ್-19 ಹಿನ್ನೆಲೆ ಹಾಗೂ ಹೈಕೋರ್ಟ್ ನೀಡಿರುವ ಸೂಚನೆಯ ಅನುಸಾರ ಪರೀಕ್ಷಾ ಕೇಂದ್ರಗಳಲ್ಲಿ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗಿದೆ. ಮಾಸ್ಕ್ ಕಡ್ಡಾಯ, ಸ್ಯಾನಿಟೈಸರ್ ಬಳಕೆ, ದೈಹಿಕ ಅಂತರ ಇತ್ಯಾದಿ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲಾಗಿದೆ. ಒಂದು ಕೊಠಡಿಯಲ್ಲಿ 24 ವಿದ್ಯಾರ್ಥಿಗಳನ್ನು ಕೂರಿಸಲಾಗಿದೆ. ಪಾಸಿಟೀವ್ ಬಂದಿರುವ ವಿದ್ಯಾರ್ಥಿಗಳಿಗೆ ಸಂಪೂರ್ಣ ಪ್ರತ್ಯೇಕ ಕೊಠಡಿಗಳಲ್ಲಿ ವ್ಯವಸ್ಥೆ ಮಾಡಲಾಗಿದೆ. ಸರಕಾರದಿಂದ ಮಾಡಲಾಗಿರುವ ವ್ಯವಸ್ಥೆಗಳಲ್ಲಿ ಎಲ್ಲೂ ಲೋಪವಾಗಿಲ್ಲ. ವಿದ್ಯಾರ್ಥಿಗಳು ಸಂತೋಷದಿಂದ ಪರೀಕ್ಷೆ ಬರೆಯುತ್ತಿದ್ದಾರೆಂದು ಡಿಸಿಎಂ ಮಾಹಿತಿ ನೀಡಿದರು. 1,94,356 ವಿದ್ಯಾರ್ಥಿಗಳು ರಾಜ್ಯಾದ್ಯಂತ 1,94,356 ವಿದ್ಯಾರ್ಥಿಗಳು ಪರೀಕ್ಷೆ ತೆಗೆದುಕೊಂಡಿದ್ದಾರೆ. ಒಟ್ಟು 497 ಕೇಂದ್ರಗಳಿವೆ. ಬೆಂಗಳೂರು ನಗರದಲ್ಲಿ 83 ಕೇಂದ್ರಗಳಲ್ಲಿ, 40,200 ವಿದ್ಯಾರ್ಥಿಗಳು ಪರೀಕ್ಷೆ ಬರೆಯುತ್ತಿದ್ದಾರೆ. ಒಟ್ಟಾರೆ ರಾಜ್ಯದಲ್ಲಿ ಕೋವಿಡ್ ಪಾಸಿಟೀವ್ ಬಂದಿರುವ 40 ವಿದ್ಯಾರ್ಥಿಗಳು ಇದ್ದಾರೆ. ಇದರಲ್ಲಿ ಬೆಂಗಳೂರಿನಲ್ಲಿ 12 ಮಂದಿ ಇದ್ದಾರೆ. ಜ್ಞಾನಭಾರತಿ ಕೇಂದ್ರದಲ್ಲಿ 7, ಜಿಕೆವಿಕೆ ಕೇಂದ್ರದಲ್ಲಿ 5 ವಿದ್ಯಾರ್ಥಿಗಳು ಹಾಜರಾಗಿದ್ದಾರೆ. ಇವರನ್ನು ಅವರಿದ್ದ ಸ್ಥಳದಿಂದಲೇ ಆಂಬುಲೆನ್ಸ್’ನಲ್ಲಿ ಕರೆತರಲಾಗಿದೆ. ಮತ್ತೆ ಅವರನ್ನು ನಮ್ಮ ಸಿಬ್ಬಂದಿಯೇ ವಾಪಸ್ ಬಿಡುವರು. ಕೋವಿಡ್‌ ಹಿನ್ನೆಲೆಯಲ್ಲಿ 30 ಸಾವಿರ ವಿದ್ಯಾರ್ಥಿಗಳು ಪರೀಕ್ಷಾ ಕೇಂದ್ರ ಬದಲಿಸಿಕೊಂಡಿದ್ದಾರೆ. ಹೀಗಾಗಿ ಯಾವುದೇ ಸಮಸ್ಯೆ ಆಗಿಲ್ಲ ಎಂದು ಉಪ ಮುಖ್ಯಮಂತ್ರಿ ಸುದ್ದಿಗಾರರಿಗೆ ಮಾಹಿತಿ ನೀಡಿದರು. ಆನ್ಲೈನ್ ಕೌನ್ಸೆಲಿಂಗ್ ಈ ವರ್ಷ ಫಲಿತಾಂಶ ಬಂದ ನಂತರ ಕೌನ್ಸೆಲಿಂಗ್ ಸೇರಿದಂತೆ ಎಲ್ಲ ಪ್ರಕ್ರಿಯೆಗಳನ್ನು ಸಂಪೂರ್ಣವಾಗಿ ಆನ್’ಲೈನ್’ನಲ್ಲಿಯೇ ನಡೆಸಲಾಗುವುದು. ವಿದ್ಯಾರ್ಥಿ ಮತ್ತು ಪೋಷಕರು ಸಿಇಟಿ ಘಟಕಕ್ಕೆ ಬರುವ ಅಗತ್ಯವಿಲ್ಲ. ವಿದ್ಯಾರ್ಥಿಗಳು ಕಾಲೇಜನ್ನು ಆಯ್ಕೆ ಮಾಡಿಕೊಂಡ ಮೇಲೆ ನೇರವಾಗಿ ಕಾಲೇಜಿಗೆ ಹೋಗಿ ಪ್ರವೇಶ ಪಡೆಯಬಹುದು ಎಂದು ಡಿಸಿಎಂ ಹೇಳಿದರು.

from India & World News in Kannada | VK Polls https://ift.tt/3jRQLA4

ಮಣಿಪುರದಲ್ಲಿ ಉಗ್ರರಿಂದ ಐಇಡಿ ಸ್ಫೋಟ: ಮೂವರು ಅಸ್ಸಾಂ ರೈಫಲ್ಸ್ ಯೋಧರು ಹುತಾತ್ಮ!

ಚಂಡೇಲ್: ಇಲ್ಲಿನ ಎಂಬ ಪ್ರಾದೇಶಿಕ ಉಗ್ರ ಸಂಘಟನೆ ನಡೆಸಿದ ಭೀಕರ ಭಯೋತ್ಪದಕ ದಾಳಿಯಲ್ಲಿ, ಮೂವರು ಯೋಧರು ಹುತಾತ್ಮರಾಗಿದ್ದಾರೆ. ಮಣಿಪುರದ ಚಂಡೇಲ್ ಜಿಲ್ಲೆಯ ಮಯನ್ಮಾರ್ ಗಡಿ ಬಳಿ ಪೀಪಲ್ಸ್ ಲಿಬರೇಷನ್ ಆರ್ಮಿ ಉಗ್ರ ಸಂಘಟನೆಯ ಭಯೋತ್ಪಾದಕರು, ಭದ್ರತಾ ಪಡೆಗಳ ಮೇಲೆ ಭೀಕರ ದಾಳಿ ಮಾಡಿದ್ದಾರೆ. ಮೊದಲು ಭದ್ರತಾ ಪಡೆಗಳತ್ತ ಐಇಡಿ ಬಾಂಬ್ ಸ್ಫೋಟಿಸಿದ ಉಗ್ರರು ನಂತರ ಮನಬಂದತೆ ಗುಂಡು ಹಾರಿಸಿದ್ದಾರೆ. ಪರಿಣಾಮವಾಗಿ ಮೂವರು ಅಸ್ಸಾಂ ರೈಫಲ್ಸ್ ಯೋಧರು ಸ್ಥಳದಲ್ಲೇ ಹುತಾತ್ಮರಾದರೆ, ಇತರ ನಾಲ್ವರು ಯೋಧರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಸದ್ಯ ದಾಳಿ ನಡೆಸಿ ಪರಾರಿಯಾಗಿರುವ ಉಗ್ರರಿಗೆ ಶೋಧ ಕಾರ್ಯ ಮುಂದುವರೆದಿದ್ದು, ಉಗ್ರರು ಮಯನ್ಮಾರ್ ಗಡಿಯಲ್ಲಿ ತಲೆ ಮರೆಸಿಕೊಂಡಿರಬಹುದು ಎಂದು ಶಂಕಿಸಲಾಗಿದೆ

from India & World News in Kannada | VK Polls https://ift.tt/2P6lfQy

13ನೇ ಆವೃತ್ತಿಯ ಐಪಿಎಲ್‌ ಫೈನಲ್‌ ಪಂದ್ಯ ಮುಂದೂಡಿದ ಬಿಸಿಸಿಐ?

ಹೊಸದಿಲ್ಲಿ: ಇದೇ ಸೆಪ್ಟೆಂಬರ್‌ 19 ರಿಂದ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿ ಆರಂಭವಾಗಲಿದ್ದು, ಟೂರ್ನಿಯ ಫೈನಲ್‌ ಪಂದ್ಯವನ್ನು ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ ಮುಂದೂಡಿದೆ. ಈ ತಿಂಗಳ ಆರಂಭದಲ್ಲಿ ಟೂರ್ನಿಯನ್ನು ಐಸಿಸಿ ಮುಂದೂಡಿದ್ದರಿಂದ 13ನೇ ಆವೃತ್ತಿಯ ಶ್ರೀಮಂತ ಫ್ರಾಂಚೈಸಿ ಲೀಗ್‌ ಆಯೋಜನೆಯ ಹಾದಿ ಸುಗಮವಾಯಿತು. ಆಸ್ಟ್ರೇಲಿಯಾ ಆತಿಥ್ಯದಲ್ಲಿ ಟಿ20 ವಿಶ್ವಕಪ್‌ ಟೂರ್ನಿಯನ್ನು ಅಕ್ಟೋಬರ್‌ ಹಾಗೂ ನವೆಂಬರ್‌ನಲ್ಲಿ ನಿಗದಿ ಮಾಡಲಾಗಿತ್ತು. ಆದರೆ, ಕೋವಿಡ್‌-19 ಸಾಂಕ್ರಾಮಿಕ ರೋಗ ಇನ್ನೂ ನಿಯಂತ್ರಣಕ್ಕೆ ಬಾರದ ಹಿನ್ನೆಲೆಯಲ್ಲಿ ಐಸಿಸಿಯು ಚುಟುಕು ವಿಶ್ವಕಪ್‌ ಟೂರ್ನಿಯನ್ನು ಮುಂದೂಡಿದೆ. ಆದ್ದರಿಂದ ಕಳೆದ ಮಾರ್ಚ್‌- ಮೇನಲ್ಲಿ ನಿಗದಿಯಾಗಿದ್ದ ಐಪಿಎಲ್‌ 13ನೇ ಆವೃತ್ತಿಯನ್ನು ಸೆಪ್ಟೆಂಬರ್‌ 19ಕ್ಕೆ ನಿಗದಿ ಮಾಡಿದೆ. ಈ ಬಾರಿ ನಡೆಯುವ ಐಪಿಎಲ್‌ ಟೂರ್ನಿಯ ಫೈನಲ್‌ ಹಣಾಹಣಿಯನ್ನು ಕೆಲ ದಿನಗಳಿಗೆ ಮುಂದೂಡುವ ಸಾಧ್ಯತೆ ಇದೆ ಎಂದು ಟೈಮ್ಸ್ ಆಫ್‌ ಇಂಡಿಯಾ ವರದಿ ತಿಳಿಸಿದೆ. ಇತ್ತೀಚಿನ ವರದಿಗಳ ಪ್ರಕಾರ 13ನೇ ಆವೃತ್ತಿಯ ಟೂರ್ನಿಯು ನವೆಂಬರ್‌ 8 ರಂದು ಫೈನಲ್‌ ಪಂದ್ಯದ ಮೂಲಕ ಅಂತ್ಯವಾಗುತ್ತಿತ್ತು. ಆದರೆ, ಇದೀಗ, ಮುಂದಕ್ಕೆ ಹಾಕಿರುವುದರಿಂದ ಫೈನಲ್‌ ಹಣಾಹಣಿಯು ನವೆಂಬರ್‌ 10 ರಂದು ನಡೆಯಲಿದೆ. ಭಾರತೀಯ ಕ್ರಿಕೆಟ್ ತಂಡವು ಯುಎಇಯಿಂದ ನೇರವಾಗಿ ಆಸ್ಟ್ರೇಲಿಯಾ ಪ್ರವಾಸಕ್ಕೆ ತೆರಳುವ ಬದಲು ಆಟಗಾರರನ್ನು ಸ್ವದೇಶಕ್ಕೆ ಮರಳಲು ಅನುಮತಿಸುವ ಸಲುವಾಗಿ ಈ ಬದಲಾವಣೆಯನ್ನು ಆಲೋಚಿಸಲಾಗುತ್ತಿದೆ. ಮತ್ತೊಂದು ಕಾರಣವೆಂದರೆ ಪಾಲುದಾರರಿಗೆ, ವಿಶೇಷವಾಗಿ ಸ್ಟಾರ್ ಸ್ಪೋರ್ಟ್ಸ್‌ಗೆ ದೀಪಾವಳಿ ವಾರವನ್ನು ಮತ್ತಷ್ಟು ಬಳಸಿಕೊಳ್ಳಲು ಅವಕಾಶ ನೀಡುವುದಾಗಿದೆ. ನಿಗದಿಯಂತೆ ಸೆಪ್ಟೆಂಬರ್‌ 19ರಿಂದ ಐಪಿಎಲ್‌ ಟೂರ್ನಿ ಆರಂಭವಾದರೆ, ಸಾಮಾನ್ಯವಾಗಿ ನವೆಂಬರ್‌ 8ಕ್ಕೆ ಮುಗಿಯಬೇಕಾಗಿತ್ತು. ಆದರೆ ಇದೀಗ ಫೈನಲ್‌ ಹಣಾಹಣಿಯನ್ನು ನ. 10ಕ್ಕೆ ಮುಂದೂಡಿರುವ ಕಾರಣದಿಂದ ಟೂರ್ನಿಯ ದಿನಗಳು 51 ರಿಂದ 53ಕ್ಕೆ ಏರಿಕೆಯಾಗಿದೆ. ಸದ್ಯ ಮಾತುಕತೆ ಪ್ರಾಥಮಿಕ ಹಂತದಲ್ಲಿದ್ದು, ಆಗಸ್ಟ್ 02 ರಂದು ನಡೆಯಲಿರುವ ಐಪಿಎಲ್ ಆಡಳಿತ ಮಂಡಳಿ ಸಭೆಯಲ್ಲಿ ದಿನಾಂಕಗಳ ಬದಲಾವಣೆಯ ಬಗ್ಗೆ ಅಂತಿಮ ತೀರ್ಮಾನ ತೆಗೆದುಕೊಳ್ಳಲಾಗುವುದು. ಐಪಿಎಲ್ ನ.10 ಮಂಗಳವಾರವಾದಂದು ಕೊನೆಗೊಂಡರೆ, ಲೀಗ್ ಫೈನಲ್‌ ಪಂದ್ಯ ಮೊದಲ ಬಾರಿಗೆ ಭಾನುವಾರ ಬಿಟ್ಟು ಇತರೆ ದಿನ ಮೊದಲ ಬಾರಿ ನಡೆಸಿದಂತಾಗುತ್ತದೆ. "ಇಡೀ ದೀಪಾವಳಿ ವಾರವು ವಾರಾಂತ್ಯದಂತೆಯೇ ಕಾಣುಲಿದೆ, ಆದ್ದರಿಂದ ಯಾವುದೇ ಸಮಸ್ಯೆಯಾಗುವುದಿಲ್ಲ," ಮೂಲಗಳು ತಿಳಿಸಿವೆ. "ಯಾವುದೇ ಐಪಿಎಲ್ ಪಂದ್ಯಗಳಿಲ್ಲದೆ ಆಟಗಾರರು ಯುಎಇಯಲ್ಲಿಯೇ ಇರುತ್ತಾರೆ ಮತ್ತು ಅಲ್ಲಿನ ಶಿಬಿರದಲ್ಲಿ ಭಾಗವಹಿಸುತ್ತಾರೆ" ಎಂದು ಸುದ್ದಿವಾಹಿನಿಗಳು ಮೂಲಗಳನ್ನು ಉಲ್ಲೇಖಿಸಿವೆ. "ಉಳಿದ ಆಟಗಾರರು ಲೀಗ್‌ನ ಅಂತಿಮ ನಾಕೌಟ್ ಪಂದ್ಯಗಳನ್ನು ಆಡುವಲ್ಲಿ ನಿರತರಾಗುತ್ತಾರೆ ಮತ್ತು ಉಳಿದವರು ಸೇರಿಕೊಳ್ಳುತ್ತಾರೆ. ಐಪಿಎಲ್ ಮುಗಿದ ತಕ್ಷಣ ಇಡೀ ತಂಡವು ಅಲ್ಲಿಂದ ಆಸ್ಟ್ರೇಲಿಯಾಗೆ ಒಟ್ಟಿಗೆ ಹಾರಲಿದೆ," ಎಂದು ಮೂಲಗಳು ತಿಳಿಸಿವೆ.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3hPSjZI

ಕಳ್ಳ ಸಾಗಾಣಿಕೆ ಮೂಲಕ ಇಂಗ್ಲೆಂಡ್ ತಲುಪಿದ್ದ ಶಿವನ ಮೂರ್ತಿ ಶೀಘ್ರದಲ್ಲೇ ಭಾರತಕ್ಕೆ!

ಲಂಡನ್: ರಾಜಸ್ಥಾನದ ದೇವಾಲಯವೊಂದರಿಂದ ಕಳ್ಳತನ ಮಾಡಿ ಇಂಗ್ಲೆಂಡ್‌ಗೆ ಸಾಗಿಸಲಾಗಿದ್ದ ಪುರಾತನ ಶಿವನ ಮೂರ್ತಿಯೊಂದು ಮತ್ತೆ ಭಾರತಕ್ಕೆ ಮರಳಿ ಬರಲಿದೆ. 1998ರಲ್ಲಿ ರಾಜಸ್ಥಾನದ ಬರೋಲಿಯಲ್ಲಿರುವ ಗಟೇಶ್ವರ ದೇವಸ್ಥಾನದಿಂದ 9ನೇ ಶತಮಾನದಲ್ಲಿ ನಿರ್ಮಿಸಲಾಗಿದ್ದ ಪ್ರತಿಹಾರ ಶಿವನ ಮೂರ್ತಿಯೊಂದನ್ನು ಕಳ್ಳತನ ಮಾಡಲಾಗಿತ್ತು. ಕಳ್ಳ ಸಾಗಾಣಿಕೆ ಮೂಲಕ ಈ ಮೂರ್ತಿ ಇಂಗ್ಲೆಂಡ್ ತಲುಪಿತ್ತು. ಈ ಮೂರ್ತಿಯನ್ನು ಇಂಗ್ಲೆಂಡ್‌ನ ಆಗರ್ಭ ಶ್ರೀಮಂತನೊಬ್ಬ ಭಾರೀ ಹಣಕ್ಕೆ ಖರೀದಿಸಿದ್ದ. ಆದರೆ ಇದು ಭಾರತದೊಂದಿಗೆ ಆಧ್ಯಾತ್ಮಿಕ ನಂಟು ಹೊಂದಿದೆ ಎಂದು ಅರಿತ ಆತ ಅದನ್ನು ಭಾರತಕ್ಕೆ ಮರಳಿಸಲು ನಿರ್ಧರಿಸಿದ್ದ. ನಂತರ 2005ರಲ್ಲಿ ಹಾಗೂ ಭಾರತೀಯ ಅಧಿಕಾರಿಗಳ ಜಂಟಿ ಪ್ರಯತ್ನದ ಭಾಗವಾಗಿ 4 ಅಡಿ ಎತ್ತರದ ಈ ಲಂಡನ್‌ನಲ್ಲಿರುವ ಭಾರತದ ರಾಯಭಾರ ಕಚೇರಿ ತಲುಪಿತ್ತು. ಅಲ್ಲಿಂದ ಈ ಪುರಾತನ ಮೂರ್ತಿಯನ್ನು ಲಂಡನ್ ನಗರದ ಮಧ್ಯಭಾಗದಲ್ಲಿರುವ ಇಂಡಿಯಾ ಹೌಸ್‌ನಲ್ಲಿ ಸುರಕ್ಷಿತವಾಗಿ ಇಡಲಾಗಿದೆ. 2017ರಲ್ಲಿ ಭಾರತದ ಪುರಾತತ್ವ ಇಲಾಖೆ ಅಧಿಕಾರಿಗಳು ಇಂಡಿಯಾ ಹೌಸ್‌ಗೆ ಭೇಟಿ ನೀಡಿ ಇದು ಬರೋಲಿ ಗಟೇಶ್ವರ ದೇವಸ್ಥಾನದಿಂದ ಕದ್ದ ಶಿವನ ಮೂರ್ತಿ ಎಂದು ಖಚಿತಪಡಿಸಿದ ಬಳಿಕ ಇದನ್ನು ಭಾರತಕ್ಕೆ ಮರಳಿ ತರುವ ಕಾರ್ಯಕ್ಕೆ ಚಾಲನೆ ನೀಡಲಾಯಿತು. ಈ ಶಿವನ ಮೂರ್ತಿ ಸದ್ಯದಲ್ಲೇ ಭಾರತಕ್ಕೆ ಬರಲಿದ್ದು, ಮತ್ತೆ ರಾಜಸ್ಥಾನದ ಬರೋಲಿಯ ಗಟೇಶ್ವರ ದೇವಸ್ಥಾನದಲ್ಲಿ ಈ ಮೂರ್ತಿಯನ್ನು ಮರು ಪ್ರತಿಷ್ಠಾಪನೆ ಮಾಡಲಾಗುವುದು ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

from India & World News in Kannada | VK Polls https://ift.tt/3i1GFer

ನಮ್ಮ ಮೆಟ್ರೋ: ಎರಡನೇ ಹಂತದ ಸುರಂಗ ಮಾರ್ಗ ಕಾಮಗಾರಿಗೆ ಬಿಎಸ್‌ವೈ ಚಾಲನೆ

ಬೆಂಗಳೂರು: ನಮ್ಮ ಮೆಟ್ರೋದ ಎರಡನೇ ಹಂತದ ಸುರಂಗ ಮಾರ್ಗ ಕಾಮಗಾರಿಗೆ ಮುಖ್ಯಮಂತ್ರಿ ಬಿ.ಎಸ್ ಯಡಿಯೂರಪ್ಪ ಅವರು ಗುರುವಾರ ಚಾಲನೆ ನೀಡಿದ್ದಾರೆ. ಕಂಟೋನ್ಮೆಂಟ್‌ ಮತ್ತು ಶಿವಾಜಿನಗರ ಮೆಟ್ರೋ ನಿಲ್ದಾಣಗಳ ನಡುವೆ ಸುರಂಗ ಮಾರ್ಗದ ಕಾಮಗಾರಿ ಆರಂಭಗೊಳ್ಳುತ್ತಿದ್ದು ಬಿಎಸ್‌ವೈ ಈ ಯೋಜನೆಯ ಕಾಮಗಾರಿಗೆ ಚಾಲನೆ ನೀಡಿದರು. ಯೋಜನೆಯ ಎರಡನೇ ಹಂತದ ಸುರಂಗ ಮಾರ್ಗವು ಜಯನಗರ ಅಗ್ನಿಶಾಮಕ ಕೇಂದ್ರದ ಸಮೀಪವಿರುವ ದಕ್ಷಿಣ ರಾಂಪ್‌ನಿಂದ ನಾಗವಾರ ನಿಲ್ದಾಣದ ಬಳಿಯ ಉತ್ತರ ರಾಂಪ್‌ವರೆಗೆ 13.9 ಕಿ. ಮೀ ಸುರಂಗ ಮಾರ್ಗದ ಕಾರಿಡಾರ್‌ ಅನ್ನು ಒಳಗೊಂಡಿದೆ. ಇದರಲ್ಲಿ 12 ನೆಲಮಹಡಿ ನಿಲ್ದಾಣಗಳು ಹಾಗೂ 10.37 ಕಿಲೋ ಮೀಟರ್‌ ಅವಳಿ ಸುರಂಗ ಮಾರ್ಗಗಳನ್ನು ಹೊಂದಿರುತ್ತವೆ. ಸಂಪೂರ್ಣ ಸುರಂಗ ಮಾರ್ಗದ ನಿರ್ಮಾಣ ಕೆಲಸವನ್ನು ನಾಲ್ಕು ಪ್ಯಾಕೇಜ್‌ಗಳಾಗಿ ವಿಂಗಡಿಸಲಾಗಿದೆ. ಆರ್‌ಟಿ 03 ಪ್ಯಾಕೇಜ್‌ನಲ್ಲಿ ಕಂಟೋನ್ಮೆಂಟ್‌ ನಿಲ್ದಾಣದಿಂದ ಶಿವಾಜಿನಗರ ನಿಲ್ದಾಣಕ್ಕೆ ಮತ್ತು ಕಂಟೇನ್ಮೆಂಟ್‌ ನಿಲ್ದಾಣದಿಂದ ಟ್ಯಾನರಿ ರಸ್ತೆಯಲ್ಲಿರುವ ಶಾದಿ ಮಹಲ್‌ ವರೆಗೆ 2.88 ಕಿ.ಮೀ ಉದ್ದದ ಸುರಂಗ ಮಾರ್ಗ ಹಾಗೂ ಕಂಟೋನ್ಮೆಂಟ್‌ ಮತ್ತು ಪಾಟರಿ ಟೌನ್‌ ನೆಲದಡಿ ನಿಲ್ದಾಣಗಳ ಕಾಮಗಾರಿ ಒಳಗೊಂಡಿರುತ್ತದೆ ಎಂದು ರೈಲು ನಿಗಮದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

from India & World News in Kannada | VK Polls https://ift.tt/30brWaB

ಭಾರತ, ಚೀನಾ ಹಾಗೂ ರಷ್ಯಾ ದೇಶಗಳಿಗೆ ತಮ್ಮ ಹವಾಮಾನದ ಚಿಂತೆಯಿಲ್ಲ: ಟ್ರಂಪ್ ಕಿಡಿ!

ವಾಷಿಂಗ್ಟನ್: ಪ್ಯಾರಿಸ್ ಹವಾಮಾನ ಒಪ್ಪಂದದಿಂದ ಹಿಂದೆ ಸರಿಯುವ ತಮ್ಮ ನಿರ್ಧಾರವನ್ನು ಮತ್ತೊಮ್ಮೆ ಸಮರ್ಥಸಿಕೊಂಡಿರುವ ಅಧ್ಯಕ್ಷ , ಈ ಕುರಿತಾಗಿ , ಹಾಗೂ ರಷ್ಯಾದ ಮೇಲೆ ವಾಗ್ದಾಳಿ ನಡೆಸಿದ್ದಾರೆ. ಭಾರತ, ಚೀನಾ ಹಾಗೂ ರಷ್ಯಾ ದೇಶಗಳು ತಮ್ಮ ವಾತಾವರಣದ ಕುರಿತು ತಲೆಕೆಡಿಸಿಕೊಳ್ಳುವುದಿಲ್ಲ. ಶುದ್ಧ ಗಾಳಿಯ ಮಹತ್ವದ ಅರಿಯದ ಈ ರಾಷ್ಟ್ರಗಳಿಗೆ ಹೋಲಿಸಿದರೆ ಅಮೆರಿಕ ತನ್ನ ಹವಾಮಾನದ ಕುರಿತು ಅತ್ಯಂತ ಜಾಗರೂಕವಾಗಿರುತ್ತದೆ ಎಂದು ಟ್ರಂಪ್ ಅಭಿಪ್ರಾಯಪಟ್ಟಿದ್ದಾರೆ. ಟೆಕ್ಸಾಸ್‌ನ ಮಿಡ್‌ಲ್ಯಾಂಡ್‌ನಲ್ಲಿರುವ ಪೆರ್ಮಿಯನ್ ಜಲಾನಯನ ಪ್ರದೇಶದಲ್ಲಿ ಮಾತನಾಡಿದ ಟ್ರಂಪ್, ಪ್ಯಾರಿಸ್ ಹವಾಮಾನ ಒಪ್ಪಂದದಿಂದಾಗಿ ಅಮೆರಿಕದಲ್ಲಿ ಸ್ಥಾಪನೆಯಾಗಬೇಕಿದ್ದ ಅದೆಷ್ಟೋ ಕಾರ್ಖಾನೆಗಳು ಚೀನಾ ಮತ್ತು ರಷ್ಯಾದ ಪಾಲಾಗಿವೆ. ಇದರಿಂದ ಸ್ಥಳೀಯವಾಗಿ ಉದ್ಯೋಗ ಸೃಷ್ಟಿ ಮಾಡುವ ತಮ್ಮ ಪ್ರಯತ್ನಕ್ಕೆ ಭಾರೀ ಹೊಡೆತ ಬಿದ್ದಿದೆ ಎಂದು ಟ್ರಂಪ್ ಕಿಡಿಕಾರಿದ್ದಾರೆ. ಇದೇ ಕಾರಣಕ್ಕೆ ನ್ಯಾಯಸಮ್ಮತವಲ್ಲದ ಪ್ಯಾರಿಸ್ ಹವಾಮಾನ ಒಪ್ಪಂದದಿಂದ ಅಮೆರಿಕವನ್ನು ಹಿಂಪಡೆಯಲಾಯಿತು ಎಂದಿರುವ ಟ್ರಂಪ್, ವಾತಾವರಣದ ಕುರಿತು ಅಮರಿಕಕ್ಕೆ ಇರುವಷ್ಟು ಕಾಳಜಿ ಭಾರತ, ಚೀನಾ ಹಾಗೂ ರಷ್ಯಾ ದೇಶಗಳಿಗೆ ಇಲ್ಲ ಎಂದು ಹರಿಹಾಯ್ದಿದ್ದಾರೆ. ಸಂಕುಚಿತ ಮನೋಭಾವದ ಎಡಪಂಥೀಯರು ಹಾಗೂ ಡೆಮೊಕ್ರಾಟ್ಸ್‌ಗಳ ತಪ್ಪು ನಿರ್ಧಾರಗಳಿಂದಾಗಿ ಅಮೆರಿಕದ ಯುವ ಜನತೆ ಸಂಕಷ್ಟಕ್ಕೆ ಸಿಲುಕಿದೆ. ಆದರೆ ತಾವು ಅಧ್ಯಕ್ಷರಾಗಿ ಇರುವವರೆಗೂ ಈ ಅನ್ಯಾಯವನ್ನು ಸಹಿಸುವುದಿಲ್ಲ ಎಂದು ಟ್ರಂಪ್ ಘೋಷಿಸಿದ್ದಾರೆ.

from India & World News in Kannada | VK Polls https://ift.tt/30ZsteW

ಒಂದೇ ದಿನ ದೇಶದಲ್ಲಿ ದಾಖಲಾಯ್ತು 52,000 ಕೊರೊನಾ ಕೇಸ್‌, ಸಾವಿನ ಸಂಖ್ಯೆಯಲ್ಲೂ ಭಾರೀ ಏರಿಕೆ!

ನವದೆಹಲಿ: ದೇಶದಲ್ಲಿ ದಿನ ನಿತ್ಯ ಈಗ ಕೊರೊನಾ ಸೋಂಕಿತರ ಸಂಖ್ಯೆ ಐವತ್ತು ಸಾವಿರ ಗಡಿ ದಾಟುತ್ತಿದ್ದು, ಎಲ್ಲರನ್ನೂ ಈಗ ದಿಗ್ಭ್ರಮೆಗೊಳಿಸುತ್ತಿದೆ. ಹೀಗೆ ನಾಲ್ಕು ದಿನ ಮುಂದುವರಿದರೆ ಇದು ಒಂದು ಲಕ್ಷ ಕೊರೊನಾ ಪ್ರಕರಣ ಕೇವಲ ನಾಲ್ಕು ದಿನಗಳಲ್ಲಿ ದೃಢಪಡುವಂತಾಗಲಿದೆ ಎಂಬ ಇಂತಹ ಸತ್ಯಾಂಶಗಳ ಬಗ್ಗೆ ಚರ್ಚೆ ನಡೆಯುತ್ತಿರುವಾಗಲೇ ಬುಧವಾರ ಒಂದೇ ದಿನ ದೇಶದಲ್ಲಿ 52,123 ಕೊರೊನಾ ಪಾಸಿಟಿವ್‌ ದೃಢಪಟ್ಟಿದೆ. ಈ ಮೂಲಕ ದೇಶದಲ್ಲಿ ಈವರೆಗೆ 15,83,792 ಕೊರೊನಾ ಕೇಸ್‌ಗಳು ಪತ್ತೆಯಾದಂತಾಗಿದೆ. ಇನ್ನೊಂದೆಡೆ ದಿನ ನಿತ್ಯ ಕೇಸ್‌ಗಳು ಜಾಸ್ತಿಯಾಗುತ್ತಿರುವುದು ಭಾರೀ ಕಳವಳಕ್ಕೆ ಕಾರಣವಾಗಿದೆ. ಆದರೆ ವೈದ್ಯಕೀಯ ವಿಶ್ಲೇಷಕರು ಹೇಳುವುದೇ ಬೇರೆ. ಜಾಸ್ತಿ ಕೊರೊನಾ ಪರೀಕ್ಷೆ ನಡೆಸುವುದರಿಂದ ಜಾಸ್ತಿ ಕೇಸ್‌ಗಳು ಪತ್ತೆಯಾಗುತ್ತಿದೆ ಎಂದು ಹೇಳುತ್ತಿದ್ದಾರೆ. ಅದು ನಿಜ ಕೂಡ ಹೌದು, ಯಾಕೆಂದರೆ ಬುಧವಾರ ಒಂದೇ ದಿನ ಭಾರತದಲ್ಲಿ 4.5 ಲಕ್ಷ ಮಂದಿಯ ಪರೀಕ್ಷೆ ನಡೆಸಿದ್ದಾರೆ. ಈ ಮೂಲಕ ಒಟ್ಟಾರೆಯಾಗಿ ದೇಶದಲ್ಲಿ 1,81,90,382 ಮಂದಿಯನ್ನ ಪರೀಕ್ಷೆ ಮಾಡಿದಂತಾಗಿದೆ. ಅಲ್ಲದೆ ಖಷಿಯ ವಿಚಾರ ಏನು ಅಂದರೆ ಈ ವರೆಗೆ ದೇಶದಲ್ಲಿ ಹತ್ತು ಲಕ್ಷಕ್ಕೂ ಅಧಿಕ ಕೊರೊನಾ ರೋಗಿಗಳು ಗುಣಮುಖರಾಗಿ ಮನೆಗೆ ತೆರಳಿದ್ದಾರೆ. ಹೀಗಾಗಿ ದೇಶಕ್ಕೆ ಈಗ ಇರುವ ಸವಾಲು ಅಂದರೆ ದಿನ ನಿತ್ಯ ಕೊರೊನಾ ಸೋಂಕು ಹೆಚ್ಚಾಗುವುದನ್ನ ತಡೆಯುವುದು. ಇಲ್ಲವದರೆ ಮುಂದಿನ ದಿನಗಳಲ್ಲಿ ಬ್ರೆಜಿಲ್‌ ಹಾಗೂ ಅಮೆರಿಕವನ್ನ ಹಿಂದಿಕ್ಕಿ ಭಾರತ ಮೊದಲ ಸ್ಥಾನಕ್ಕೇರುವ ಸಾಧ್ಯತೆ ಹೆಚ್ಚಿದೆ. ಇಲ್ಲಿ ಜನ ಸಂಖ್ಯೆ ಹೆಚ್ಚಿರುವುದರಿಂದ ಸುಲಭವಾಗಿ ಹರಡುತ್ತದೆ.

from India & World News in Kannada | VK Polls https://ift.tt/334Er9P

ದೆಹಲಿ ವಿವಾದ: ಬಿಎಸ್‌ವೈ ಭೇಟಿಯಾಗಿ ಸವದಿ ನೀಡಿದ ಸ್ಪಷ್ಟನೆ ಏನು?

ಬೆಂಗಳೂರು: ಡಿಸಿಎಂ ದೆಹಲಿ ಭೇಟಿ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಬಿಜೆಪಿಯಲ್ಲಿ ನಾಯಕತ್ವ ಬದಲಾವಣೆಯ ಉದ್ದೇಶ ಸವದಿ ದೆಹಲಿ ಭೇಟಿಯ ಹಿಂದೆ ಇದೆ ಎಂದೇ ಚರ್ಚೆಗಳು ನಡೆಯುತ್ತಿವೆ. ಈ ಎಲ್ಲಾ ಬೆಳವಣಿಗೆಗಳ ಹಿನ್ನೆಲೆಯಲ್ಲಿ ದೆಹಲಿಯಿಂದ ವಾಪಸಾದ ಸವದಿ ಗುರುವಾರ ಬೆಳಗ್ಗೆ ಸಿಎಂ ಅವರನ್ನು ಭೇಟಿಯಾಗಿ ಚರ್ಚೆ ನಡೆಸಿದ್ದಾರೆ. ಗುರುವಾರ ಬೆಳಗ್ಗೆ ಸಿಎಂ ಬಿಎಸ್‌ವೈ ಕಾವೇರಿ ನಿವಾಸಕ್ಕೆ ಆಗಮಿಸಿದ್ದ ಸವದಿ ಕೆಲಹೊತ್ತು ಬಿಎಸ್‌ವೈ ಜೊತೆಗೆ ಚರ್ಚೆ ನಡೆಸಿದರು. ದೆಹಲಿ ಭೇಟಿಯ ಸುತ್ತ ಹುಟ್ಟಿಕೊಂಡಿರುವ ಸುದ್ದಿಗಳಿಗೆ ಸ್ಪಷ್ಟನೆ ನೀಡಿದ್ದಾರೆ ಎಂಬ ಮಾಹಿತಿ ಇದೆ. ಲಕ್ಷ್ಮಣ ಸವದಿ ದೆಹಲಿಗೆ ತೆರಳುತ್ತಿದ್ದಂತೆ ಅವರ ಕ್ಷೇತ್ರದ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಲಕ್ಷ್ಮಣ ಸವದಿ ಮುಂದಿನ ಸಿಎಂ ಎಂದು ಅಭಿಯಾನ ನಡೆಸಿದ್ದರು. ಸಾಕಷ್ಟು ಮಂದಿ ಪೋಸ್ಟ್‌ಗಳನ್ನು ಹಾಕುವ ಮೂಲಕ ಬೆಂಬಲ ಸೂಚಿಸಿದ್ದರು. ಮಾಧ್ಯಮಗಳಲ್ಲೂ ಇದು ಭಾರೀ ಸುದ್ದಿಯಾಗಿತ್ತು. ಅದರಲ್ಲೂ ಬಿಎಸ್‌ ಯಡಿಯೂರಪ್ಪ ಸರ್ಕಾರದ ಒಂದು ವರ್ಷದ ಸಾಧನಾ ಸಮಾವೇಶದಲ್ಲಿ ಸವದಿ ಭಾಗಿಯಾಗಿರಲಿಲ್ಲ. ಇಬ್ಬರು ಡಿಸಿಎಂಗಳು ಭಾಷಣ ಮಾಡಿದರೂ ಸವದಿ ಕಾರ್ಯಕ್ರಮದಲ್ಲಿಕಾಣಿಸಿಕೊಂಡಿರಲಿಲ್ಲ. ಆದರೆ ಇದೇ ಸಮಯಕ್ಕೆ ದೆಹಲಿಗೆ ತೆರಳಿದ್ದು ಕೇಂದ್ರ ನಾಯಕರನ್ನು ಭೇಟಿಯಾಗಿದ್ದರು. ಜೊತೆಗೆ ಬಿಜೆಪಿ ರಾಷ್ಟ್ರೀಯ ಸಂಘಟನಾ ಕಾರ್ಯದರ್ಶಿ ಬಿ.ಎಲ್‌ ಸಂತೋಷ್‌ ಅವರನ್ನು ಭೇಟಿಯಾಗಿ ಮಾತುಕತೆ ನಡೆಸಿದ್ದು ಸಾಕಷ್ಟು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿತ್ತು. ಈ ಎಲ್ಲಾ ಹಿನ್ನೆಲೆಯಲ್ಲಿ ಗುರುವಾರ ಬಿಎಸ್‌ ಯಡಿಯೂರಪ್ಪ ಅವರ ನಿವಾಸಕ್ಕೆ ತೆರಳಿದ ಸವದಿ ಅವರ ಜೊತೆಗೆ ಮಾತುಕತೆ ನಡೆಸಿದರು.

from India & World News in Kannada | VK Polls https://ift.tt/3fcXilx

ಪ.ಬಂಗಾಳ ಕಾಂಗ್ರೆಸ್ ಅಧ್ಯಕ್ಷ ಸೋಮೆನ್ ಮಿತ್ರಾ ವಿಧಿವಶ!

ಕೋಲ್ಕತ್ತಾ: ಪ.ಬಂಗಾಳದ ಕಾಂಗ್ರೆಸ್ ಘಟಕದ ಅಧ್ಯಕ್ಷ ವಯೋಸಹಜ ಕಾಯಿಲೆಗೆ ತುತ್ತಾಗಿ ವಿಧಿವಶರಾಗಿದ್ದಾರೆ. ಹೃದಯ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದ 78 ವರ್ಷದ ಸೋಮೆನ್ ಮಿತ್ರಾ, ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ ಎಂದು ವೈದ್ಯರು ಸ್ಪಷ್ಟಪಡಿಸಿದ್ದಾರೆ. ದೀರ್ಘಕಾಲದ ಶ್ವಾಸಕೋಶದ ಕಾಯಿಲೆಯಿಂದ ಬಳಲುತ್ತಿದ್ದ ಸೋಮೆನ್ ಮಿತ್ರಾ, ಚಿಕಿತ್ಸೆ ಫಲಕಾರಿಯಾಗದೇ ಕೊನೆಯುಸಿರೆಳೆದಿದ್ದಾರೆ. ಇದೇ ವೇಳೆ ಸೋಮೆನ್ ಮಿತ್ರಾ ಅವರ ಕೊರೊನಾ ಪರೀಕ್ಷೆಯಲ್ಲಿ ನೆಗೆಟಿವ್ ಫಲಿತಾಂಶ ಬಂದಿದೆ ಎಂದು ವೈದ್ಯರು ಖಚಿತಪಡಿಸಿದ್ದಾರೆ. ಕಳೆದ ಕೆಲವು ವರ್ಷಗಳ ಹಿಂದೆ ಹೃದಯ ಶಸ್ತ್ರಚಿಕಿತ್ಸೆಗೆ ಗುರಿಯಾಗಿದ್ದ ಸೋಮೆನ್ ಮಿತ್ರಾ, ಪ.ಬಂಗಾಳದ ಜನಮಾನಸದಲ್ಲಿ ಚೋರಡಾ(ಕಿರಿಯ ಸಹೋದರ)ಎಂದೇ ಜನಪ್ರಿಯರಾಗಿದ್ದರು. ಸೆಲ್ಡಾ ವಿಧಾನಸಭಾ ಕ್ಷೇತ್ರದಿಂದ 7 ಬಾರಿ ಶಾಸಕರಾಗಿ ಆಯ್ಕೆಯಾಗಿದ್ದ ಸೋಮೆನ್ ಮಿತ್ರಾ, ಒಟ್ಟು ಮೂರು ಬಾರಿ ರಾಜ್ಯ ಕಾಂಗ್ರೆಸ್ ಘಟಕದ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದರು. ಆದರೆ 2008ರಲ್ಲಿ ಕಾಂಗ್ರೆಸ್ ತೊರೆದ ಸೋಮೆನ್ ಮಿತ್ರಾ ಪ್ರಗತಿಶೀಲ ಇಂಡಿಯಾ ಕಾಂಗ್ರೆಸ್ ಎಂಬ ಪ್ರಾದೇಶಿಕ ಪಕ್ಷವನ್ನು ಸ್ಥಾಪಿಸಿದ್ದರು. ಮುಂದೆ ತಮ್ಮ ಪಕ್ಷವನ್ನು ತೃಣಮೂಲ ಕಾಂಗ್ರೆಸ್‌ನೊಂದಿಗೆ ವಿಲೀನಗೊಳಿಸಿ, 2009ರ ಲೋಕಸಭಾ ಚುನಾವಣೆಯಲ್ಲಿ ಟಿಎಂಸಿ ಪಕ್ಷದಿಂದ ಸ್ಪರ್ಧಿಸಿ ಲೋಕಸಭೆಗೆ ಆಯ್ಕೆಯಾದರು. ಆದರೆ 2014ರಲ್ಲಿ ಟಿಎಂಸಿ ತೊರೆದ ಸೋಮೆನ್ ಮಿತ್ರಾ ಮತ್ತೆ ಕಾಂಗ್ರೆಸ್ ಪಕ್ಷ ಸೇರಿ ಮೂರನೇ ಬಾರಿ ಕಾಂಗ್ರೆಸ್ ಘಟಕದ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದರು. ಸೋಮೆನ್ ಮಿತ್ರಾ ಅವರ ನಿಧನಕ್ಕೆ ರಾಜ್ಯ ಕಾಂಗ್ರೆಸ್ ಘಟಕ ಕಂಬನಿ ಮಿಡಿದಿದ್ದು, ಹಿರಿಯ ನಾಯಕನ ಅಗಲಿಕೆಯಿಂದ ಪಕ್ಷಕ್ಕೆ ತುಂಬಲಾರದ ನಷ್ಟ ಉಂಟಾಗಿದೆ ಎಂದು ಶೋಕ ವ್ಯಕ್ತಪಡಿಸಿದೆ.

from India & World News in Kannada | VK Polls https://ift.tt/2Xa2d08

ಭಾರತೀಯ ಜೋಡಿಗೆ 2ನೇ ಸ್ಥಾನ, ಟೆಸ್ಟ್ ಕ್ರಿಕೆಟ್‌ನ ನಂ.1 ಆರಂಭಿಕ ಜೋಡಿಯನ್ನು ಹೆಸರಿಸಿದ ಚೋಪ್ರಾ!

ಹೊಸದಿಲ್ಲಿ: ಹಾಗೂ ಪ್ರಸ್ತುತ ಟೆಸ್ಟ್ ಕ್ರಿಕೆಟ್‌ನಲ್ಲಿ ಎರಡನೇ ಅತ್ಯುತ್ತಮ ಜೋಡಿಯೆಂದು ಭಾರತ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್ ಅಭಿಪ್ರಾಯ ಪಟ್ಟಿದ್ದಾರೆ. ಕಳೆದ ಹಲವು ವರ್ಷಗಳಲ್ಲಿ ಆರಂಭಿಕ ಬ್ಯಾಟ್ಸ್‌ಮನ್‌ಗಳ ಪ್ರದರ್ಶನವನ್ನು ಗಮನದಲ್ಲಿಟ್ಟುಕೊಂಡು ಅವರು ಈ ವಿಶ್ಲೇಷಣೆ ಮಾಡಿದ್ದಾರೆ. ಆಕಾಶ್ ಚೋಪ್ರಾ ಅವರು ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಟೆಸ್ಟ್ ಕ್ರಿಕೆಟ್‌ನ ಪ್ರಸ್ತುತ ಆರಂಭಿಕ ಸನ್ನಿವೇಶದ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಮಂಡಿಸಿದ್ದಾರೆ. ಟೆಸ್ಟ್ ಓಪನರ್‌ಗಳ ಗುಣಮಟ್ಟವು ಮೊದಲಿಗಿಂತಲೂ ಈಗ ಕಡಿಮೆಯಾಗಿದೆ ಮತ್ತು ಹಿಂದಿನ ಯುಗದ ಕೆಲವು ಯಶಸ್ವಿ ಆರಂಭಿಕ ಪಾಲುದಾರಿಕೆಗಳನ್ನು ಪಟ್ಟಿ ಮಾಡಲಾಗಿದೆ ಎಂದು ಪ್ರತಿಷ್ಠಿತ ಪಂದ್ಯ ವಿವರಣಾಕಾರ ತಿಳಿಸಿದರು. " ಗೌತಮ್‌ ಗಂಭೀರ್‌-ವಿರೇಂದ್ರ ಸೆಹ್ವಾಗ್‌, ಮ್ಯಾಥ್ಯೂ ಹೇಡನ್‌-ಜಸ್ಟಿನ್‌ ಲ್ಯಾಂಗರ್‌, ಗಾರ್ಡನ್‌ ಗ್ರೀನಿಡ್ಜ್‌-ಡೆಸ್ಮಂಡ್‌ ಹೇನ್ಸ್, ಅಲ್‌ಸ್ಟೈರ್‌ ಕುಕ್‌-ಆಂಡ್ರೆ ಸ್ಟ್ರಾಸ್‌ ಹಾಗೂ ಗ್ರೇಮ್‌ ಸ್ಮಿತ್-ಹರ್ಷಲ್‌ ಗಿಬ್ಸ್‌ ಸೇರಿದಂತೆ ಹಲವು ಅತ್ಯುತ್ತಮ ಆರಂಭಿಕ ಜೋಡಿಗಳನ್ನು ಈ ಹಿಂದೆ ನಾವು ಕಂಡಿದ್ದೆವು," ಎಂದು ಹೇಳಿದ ಆಕಾಶ್‌ ಚೋಪ್ರ ಹೊಸ ಚೆಂಡಿನ ಚಲನೆಯಲ್ಲಿ ಆಡಲು ಹೆಣಗಾಡುತ್ತಿರುವ ಪ್ರಸ್ತುತ ವಿಶ್ವದ ಆರಂಭಿಕ ಜೋಡಿಗಳನ್ನು ವೀಕ್ಷಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. "ಇಂದಿನ ದಿನಗಳಲ್ಲಿ ಸ್ವಿಂಗ್‌ ಬಾಲ್‌ಗಳನ್ನು ಆಡುವಲ್ಲಿ ಆರಂಭಿಕ ಬ್ಯಾಟ್ಸ್‌ಮನ್‌ಗಳು ಎಡವುತ್ತಿದ್ದಾರೆ. ಹೊಸ ಚೆಂಡು ಪದೇ-ಪದೆ ದಾಳಿ ನಡೆಸುತ್ತಿದ್ದರೂ, ಈಗಿನ ಬ್ಯಾಟ್ಸ್‌ಮನ್‌ಗಳು ಇದಕ್ಕೆ ತಕ್ಕ ಉತ್ತರವೇ ನೀಡುತ್ತಿಲ್ಲ. ಈ ಕಾರಣದಿಂದಲೇ ವಿಶ್ವದ ಆರಂಭಿಕ ಬ್ಯಾಟ್ಸ್‌ಮನ್‌ಗಳನ್ನು ನೋಡುತ್ತಿರುವುದಾಗಿ," ಚೋಪ್ರಾ ತಿಳಿಸಿದರು. ಭಾರತದ ಆರಂಭಿಕರ ಬಗ್ಗೆ ಮಾತನಾಡಿದ ಆಕಾಶ್‌ ಚೋಪ್ರಾ, ರೋಹಿತ್‌ ಶರ್ಮಾ ಹಾಗೂ ಮಯಾಂಕ್‌ ಅಗರ್ವಾಲ್‌ ಆರಂಭಿಕ ಜತೆಯಾಟ ಕಳೆದ ಪಂದ್ಯಗಳಲ್ಲಿ ಅತ್ಯುತ್ತಮವಾಗಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. "ಇದು ಹೊಸ ಜತೆಯಾಟವಾಗಿದ್ದು, ದಿನದಿಂದ ದಿನಕ್ಕೆ ಉತ್ತಮವಾಗಿ ಬೆಳೆಯುತ್ತಿದೆ. ಸಿಕ್ಕ ಸೀಮಿತ ಅವಕಾಶಗಳಲ್ಲಿ ಈ ಜೋಡಿ ಉತ್ತಮ ಪ್ರದರ್ಶನವನ್ನು ತೋರಿದೆ. ಈ ಇಬ್ಬರೂ 70ರ ಸರಾಸರಿಯಲ್ಲಿ ಆರಂಭಿಕ ಜತೆಯಾಟವಾಡಿದ್ದಾರೆ. ರೋಹಿತ್‌ ಶರ್ಮಾ 73.6 ಸರಾಸರಿಯನ್ನು ಹೊಂದಿದ್ದರೆ, ಕನ್ನಡಿಗ ಮಯಾಂಕ್‌ ಅಗರ್ವಾಲ್‌ 57.3 ಸರಾಸರಿಯನ್ನು ಹೊಂದಿದ್ದಾರೆ," ಎಂದು ಚೋಪ್ರಾ ತಿಳಿಸಿದರು. ಭಾರತ ಈ ಆರಂಭಿಕ ಜೋಡಿಯು ತವರು ಪರಿಸ್ಥತಿಗಳಲ್ಲಿ ಅದ್ಭುತ ಪ್ರದರ್ಶ ತೋರಿದೆ. ಆದರೆ ವಿದೇಶಿ ಅಂಗಳಗಳಲ್ಲಿ ಆಡುವಾಗ ನಿಜವಾದ ಸವಾಲು ಎದುರಾಗಲಿದೆ ಎಂದು ಹೇಳಿದರು. ತವರಿನಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿರುವ ಮಯಾಂಕ್‌ ಅಗರ್ವಾಲ್‌ ಹಾಗೂ ರೋಹಿತ್‌ ಶರ್ಮಾ ಜೋಡಿಗೆ ವಿದೇಶಿ ಪಿಚ್‌ಗಳಲ್ಲಿ ಅಸಲಿ ಸವಾಲು ಶುರುವಾಗಲಿದೆ. ಕಳೆದ ನ್ಯೂಜಿಲೆಂಡ್‌ ಪ್ರವಾಸದಲ್ಲಿ ರೋಹಿತ್‌ ಶರ್ಮಾ ಅನುಪಸ್ಥಿತಿಯಲ್ಲಿ ಮಯಾಂಕ್‌ ಹಾಗೂ ಪೃಥ್ವಿ ಶಾ ಆರಂಭಿಕ ಜೋಡಿಯಾಗಿ ಯಶ ಸಾಧಿಸಿರಲಿಲ್ಲ. ಮಯಾಂಕ್‌ ಸ್ವಲ್ಪ ಉತ್ತಮ ಬ್ಯಾಟ್ಸ್‌ಮನ್‌ ರೀತಿ ಕಂಡಿ ಬಂದರೆ, ರೋಹಿತ್‌ಗೆ ಇನ್ನೂ ವಿದೇಶಿ ನೆಲದಲ್ಲಿ ಆಡಿಲ್ಲ," ಎಂದು ಹೇಳಿದರು. ಎಲ್ಲಾ ಆರಂಭಿಕ ಜೋಡಿಗಳಿಗೆ ಶ್ರೇಯಾಂಕ ನೀಡಿದ ಆಕಾಶ್‌ ಚೋಪ್ರಾ, ಟಾಮ್‌ ಲಥಾಮ್‌ ಹಾಗೂ ಟಾಮ್‌ ಬ್ಲಂಡೆಲ್‌ ಜೋಡಿ ಪ್ರಸ್ತುತ ಟೆಸ್ಟ್‌ ಕ್ರಿಕೆಟ್‌ನ ವಿಶ್ವದ ಅಗ್ರ ಕ್ರಮಾಂಕದ ಜೋಡಿ ಎಂದು ಬಣ್ಣಿಸಿದರು. "ಸದ್ಯದ ಸ್ಥಿತಿಯಲ್ಲಿ ಪ್ರದರ್ಶನವನ್ನು ಅವಲೋಕಿಸಿ ಟಾಮ್‌ ಲಥಾಮ್‌ ಹಾಗೂ ಟಾಮ್‌ ಬ್ಲಂಡೆಲ್‌ ನ್ಯೂಜಿಲೆಂಡ್ ಜೋಡಿಯು ವಿಶ್ವದ ನಂ.1 ಆರಂಭಿಕ ಜೋಡಿ ಎಂದು ಪರಿಗಣಿಸುತ್ತಿದ್ದೇನೆ. ರೋಹಿತ್‌ ಶರ್ಮಾ ಹಾಗೂ ಮಯಾಂಕ್‌ ಅಗರ್ವಾಲ್‌ ಜೋಡಿಯು ಈ ಪಟ್ಟಿಯಲ್ಲಿ ಎರಡನೇ ಸ್ಥಾನವನ್ನು ಅಲಂಕರಿಸಿದೆ," ಎಂದು ಚೋಪ್ರಾ ಹೇಳಿದರು. "ಆಸ್ಟ್ರೇಲಿಯಾ ಜೋಡಿ ನಿಜವಾಗಲೂ ಉತ್ತಮ ಪ್ರದರ್ಶನ ತೋರಿದೆ. ವಾರ್ನರ್‌ 55.1 ಹಾಗೂ ಬರ್ನ್ಸ್ 41.8 ರೊಂದಿಗೆ ಈ ಆರಂಭಿಕ ಜೋಡಿ 65.4 ಸರಾಸರಿಯನ್ನು ಹೊಂದಿದೆ. ಇದು ಅಷ್ಟೇನೂ ಕೆಟ್ಟದಾಗಿಲ್ಲ. ಆದರ, ಸದ್ಯದ ಸ್ಥಿತಿಯಲ್ಲಿ ಈ ಜೋಡಿ ಉತ್ತಮವಾಗಿದೆ. ಭಾರತಕ್ಕೆ ವಾರ್ನರ್‌ ಬಂದರೆ ಅವರ ಪ್ರದರ್ಶನ ಏನೂ ಇಲ್ಲ. ಆದರೆ, ಬರ್ನ್ಸ್ ಭಾರತಕ್ಕೆ ಬಂದ ಮೇಲೆ ಅವರ ಬಗ್ಗೆ ಹೇಳಬಹುದು. ಪ್ರಸ್ತುತ ಈ ಜೊಡಿ ವಿಶ್ವದ ಮೂರನೇ ಅತ್ಯುತ್ತಮ ಆರಂಭಿಕ ಜೋಡಿಯಾಗಿದೆ," ಎಂದು ಅವರು ತಿಳಿಸಿದರು.

from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3fgMkLv

ಸಿಎಂ ಪಟ್ಟ ಪಡೆಯಲೋ, ಡಿಸಿಎಂ ಸ್ಥಾನ ಉಳಿಸಿಕೊಳ್ಳಲೋ? ಸವದಿ ದೆಹಲಿ ಭೇಟಿ ನೈಜ ಉದ್ದೇಶವೇನು?

ಬೆಂಗಳೂರು: ಡಿಸಿಎಂ ದೆಹಲಿ ಭೇಟಿ ಹಾಗೂ ವರಿಷ್ಠರ ಜೊತೆಗಿನ ಚರ್ಚೆ ವಿವಿಧ ಆಯಾಮಗಳಲ್ಲಿ ಚರ್ಚೆಯನ್ನು ಹುಟ್ಟುಹಾಕಿದೆ. ರಾಜ್ಯ ಬಿಜೆಪಿಯಲ್ಲಿ ನಾಯಕತ್ವ ಬದಲಾವಣೆ ಉದ್ದೇಶ ಈ ಭೇಟಿಯ ಹಿಂದೆ ಇದೆ ಎಂದೇ ಚರ್ಚೆ ನಡೆಯುತ್ತಿದೆ. ಆದರೆ ಸವದಿ ಇವೆಲ್ಲಾ ಊಹಾಪೋಹ, ನನ್ನ ದೆಹಲಿ ಭೇಟಿಗೆ ಯಾವುದೇ ಅನ್ಯ ಉದ್ದೇಶವಿಲ್ಲ ಅಂತಿದ್ದಾರೆ. ಲಕ್ಷ್ಮಣ ಸವದಿ ದೆಹಲಿ ಭೇಟಿಯ ಹಿಂದೆ ನಾಯಕತ್ವ ಬದಲಾವಣೆ ಉದ್ದೇಶವಿದೆ ಎಂಬುವುದು ಪ್ರಮುಖವಾಗಿ ಕೇಳಿಬರುತ್ತಿರುವ ವಿಚಾರ. ಬಿಎಸ್‌ವೈ ಸರ್ಕಾರಕ್ಕೆ ಒಂದು ವರ್ಷ ಆದ ಹಿನ್ನೆಲೆಯಲ್ಲಿ ಅವರ ವಯಸ್ಸು ಹಾಗೂ ಸದ್ಯದ ಪರಿಸ್ಥಿತಿಯ ಕಾರಣದಿಂದ ನಾಯಕತ್ವ ಬದಲಾವಣೆ ಅಗತ್ಯ ಎಂಬ ಚರ್ಚೆ ನಡೆಯುತ್ತಿದೆ. ಆದರೆ ಬಿಎಸ್‌ವೈ ಬದಲು ಮುಂದಿನ ನಾಯಕ ಯಾರು ಎಂಬ ಚರ್ಚೆಯೂ ನಡೆಯುತ್ತಿದೆ. ಇಂತಹ ಸಂದರ್ಭದಲ್ಲಿ ಲಕ್ಷ್ಮಣ ಸವದಿ ದಿಢೀರ್‌ ದೆಹಲಿ ಭೇಟಿ ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ. ಚುನಾವಣೆಯಲ್ಲೂ ಸೋತರೂ ಡಿಸಿಎಂ ಸ್ಥಾನ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿರುವ ಲಕ್ಷ್ಮಣ ಸವದಿ ಸಿಎಂ ಪಟ್ಟಕ್ಕಾಗಿ ಲಾಬಿ ನಡೆಸುತ್ತಿದ್ದಾರೆ ಎಂಬುವುದು ಒಂದು ಆಯಾಮದ ಚರ್ಚೆ. ಸವದಿಗೆ ಹೈಕಮಾಂಡ್‌ ಬೆಂಬಲವಿದೆ. ಅದರಲ್ಲೂ ರಾಷ್ಟ್ರೀಯ ಸಂಘಟನಾ ಕಾರ್ಯದರ್ಶಿ ಬಿ.ಎಲ್‌ ಸಂತೋಷ್ ಕೃಪಾಕಟಾಕ್ಷವಿದೆ ಎಂಬುವುದು ಈ ಚರ್ಚೆಗೆ ಮತ್ತಷ್ಟು ಮಹತ್ವ ನೀಡಿದೆ. ಆದರೆ ಇದು ಅಸಾಧ್ಯ ಎಂಬ ಮಾತೂ ರಾಜಕೀಯ ಪಡಸಾಲೆಯಲ್ಲಿ ಕೇಳಿಬರುತ್ತಿದೆ. ಲಕ್ಷ್ಮಣ ಸವದಿ ಡಿಸಿಎಂ ಆಗಿರುವುದಕ್ಕೆ ಪಕ್ಷದಲ್ಲಿ ಒಂದು ಬಣದ ಅಸಮಾಧಾನವಿದೆ. ಈ ನಿಟ್ಟಿನಲ್ಲಿ ಡಿಸಿಎಂ ಸ್ಥಾನಕ್ಕಾಗಿ ಪಕ್ಷದಲ್ಲಿ ಪೈಪೋಟಿ ನಡೆಯಿತ್ತಿದೆ. ಸಚಿವ ಶ್ರೀರಾಮುಲು, ರಮೇಶ್ ಜಾರಕಿಹೊಳಿ ಡಿಸಿಎಂ ಪಟ್ಟಕ್ಕಾಗಿ ಲಾಬಿ ನಡೆಸುತ್ತಿದ್ದಾರೆ. ಇದೀಗ ಸಂಪುಟ ಪುನಾರಚನೆಯ ಮಾತು ಕೂಡಾ ಕೇಳಿ ಬರುತ್ತಿದೆ. ಇಂತಹ ಸಂದರ್ಭದಲ್ಲಿ ಲಕ್ಷ್ಮಣ ಸವದಿ ದೆಹಲಿಗೆ ತೆರಳಿದ್ದು ತಮ್ಮ ಡಿಸಿಎಂ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲು ಎಂದು ಹೇಳುತ್ತಿವೆ ಮೂಲಗಳು. ಒಟ್ಟಿನಲ್ಲಿ ಸವದಿ ಸಿಎಂ ಆಗುತ್ತಾರಾ ಅಥವಾ ಡಿಸಿಎಂ ಆಗಿಯೇ ಮುಂದುವರಿಯುತ್ತಾರಾ ಎಂಬುವುದಕ್ಕೆ ಕಾಲವೇ ಉತ್ತರಿಸಲಿದೆ. ಅದೇ ಇದ್ದರೂ ಸವದಿಯ ದಿಢೀರ್ ದೆಹಲಿ ಭೇಟಿ ಹಲವು ಅನುಮಾನ ಹಾಗೂ ಕುತೂಹಲಕ್ಕೆ ಎಡೆಮಾಡಿಕೊಟ್ಟಿರುವುದಂತೂ ಸತ್ಯ.

from India & World News in Kannada | VK Polls https://ift.tt/2Pa3n7r

ಆರೋಗ್ಯ ಯೋಜನೆ ಉದ್ಘಾಟನೆಗೆ ಮೇಡ್ ಇನ್ ಇಂಡಿಯಾ ಸೈಕಲ್‌ನಲ್ಲಿ ಬಂದ ಬ್ರಿಟನ್ ಪ್ರಧಾನಿ!

ಲಂಡನ್: ಕೊರೊನಾ ವೈರಸ್‌ನ್ನು ಎದುರಿಸಲು ಹಾಗೂ ಆರೋಗ್ಯಪೂರ್ಣ ಸಮಾಜ ನಿರ್ಮಾಣಕ್ಕೆ ಕರೆ ಕೊಟ್ಟಿರುವ ಬ್ರಿಟನ್ ಪ್ರಧಾನಿ , ಸೈಕ್ಷಿಂಗ್ ಮತ್ತು ವಾಕಿಂಗ್ ಡ್ರೈವ್ ಎಂಬ ವಿನೂತನ ಆರೋಗ್ಯ ಯೋಜನೆಯನ್ನು ಇಂಗ್ಲೆಂಡ್‌ನಲ್ಲಿ ಜಾರಿಗೊಳಿಸಿದ್ದಾರೆ. ಜನ ಹೆಚ್ಚೆಚ್ಚು ಸೈಕ್ಲಿಂಗ್ ಮತ್ತು ವಾಕಿಂಗ್ ಮೂಲಕ ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು ಎಂದು ಕರೆ ಕೊಟ್ಟಿರುವ ಬೋರಿಸ್ ಜಾನ್ಸನ್, ಸದೃಢ ಸಮಾಜ ನಿರ್ಮಾಣಕ್ಕೆ ಆರೋಗ್ಯವಂತ ಸಮುದಾಯದ ಅವಶ್ಯವಿದೆ ಎಂದು ಹೇಳಿದ್ದಾರೆ. ವಿಶೇಷವೆಂದರೆ ಈ ವಿನೂತನ ಆರೋಗ್ಯ ಯೋಜನೆಯ ಜಾರಿಗೆ ಬೋರಿಸ್ ಜಾನ್ಸನ್ ಇಂಗ್ಲೆಂಡ್‌ನಲ್ಲಿ ತಯಾರಿಸಿರುವ ಭಾರತೀಯ ಮೂಲದ ಹೀರೋ ವೈಕಿಂಗ್ ಪ್ರೋ ಸೈಕಲ್‌ನ್ನು ಏರಿ ಬಂದಿದ್ದು. ಮಧ್ಯ ಇಂಗ್ಲೆಂಡ್‌ನ ಕೆನಾಲ್ಸೈಡ್ ಹೆರಿಟೇಜ್ ಸೆಂಟರ್‌ವರೆಗೆ ಹೀರೋ ವೈಕಿಂಗ್ ಪ್ರೋ ಸೈಕಲ್ ತುಳಿದ ಬೋರಿಸ್ ಜಾನ್ಸನ್, ಜನರು ಹೆಚ್ಚೆಚ್ಚು ಸೈಕಲ್‌ ಬಳಸಬೇಕು ಎಂದು ಮನವಿ ಮಾಡಿದರು. ಬೋರಿಸ್ ಜಾನ್ಸನ್ ಬಳಸಿದ ವೈಕಿಂಗ್ ಪ್ರೋ ಸೈಕಲ್ ‌ಭಾರತದ ಹೀರೋ ಮೋಟಾರ್ಸ್ ಕಂಪನಿಯ ಒಡೆತನದ ಇನ್ಸಿಂಕ್ ಬ್ರಾಂಡ್‌ನ ಒಂದು ಭಾಗ .ಇದನ್ನು ಮ್ಯಾಂಚೆಸ್ಟರ್‌ನಲ್ಲಿ ವಿನ್ಯಾಸಗೊಳಿಸಲಾಗಿದೆ.

from India & World News in Kannada | VK Polls https://ift.tt/2CRtnCh

ಅಳಿವಿನ ಹಾದಿಯಲ್ಲಿ ಜೆಎನ್‌ಯು ಕನ್ನಡ ಪೀಠ, ಪೀಠಗಳಿಗೆ ಬೇಕಿದೆ ಹೊಸ ಕನಸು

ಎಸ್‌. ಜಿ. ಕುರ್ಯ, ಉಡುಪಿ ಹೊಸದಿಲ್ಲಿಯ ಕ್ಯಾಂಪಸ್‌ನಲ್ಲಿ ಐದು ವರ್ಷಗಳ ಹಿಂದೆ ಆರಂಭವಾದ ಕನ್ನಡ ಭಾಷಾ ಪೀಠವೀಗ ಅಳಿವು ಉಳಿವಿನ ಹಾದಿಯಲ್ಲಿದೆ. ಜವಾಹರಲಾಲ್‌ ನೆಹರೂ ವಿವಿಯ ಕನ್ನಡ ಭಾಷಾ ಪೀಠದ ಪ್ರಾಧ್ಯಾಪಕ ಮತ್ತು ಮುಖ್ಯಸ್ಥ ಪ್ರೊ.ಪುರುಷೋತ್ತಮ ಬಿಳಿಮಲೆ(65) ಆ. 20ಕ್ಕೆ ನಿವೃತ್ತರಾಗಲಿದ್ದಾರೆ. ಇವರನ್ನು ಮುಂದುವರಿಸುವ ಯಾವುದೇ ಭರವಸೆ ಇಲ್ಲ. ಕರ್ನಾಟಕ ರಾಜ್ಯ ಸರಕಾರ ಹಣಕಾಸು ನೆರವು ನೀಡಿದರೂ ಪೀಠಕ್ಕೆ ಪ್ರಾಧ್ಯಾಪಕ ಮತ್ತು ಮುಖ್ಯಸ್ಥರ ನೇಮಕವನ್ನು ಜೆಎನ್‌ಯು ಮಾಡಬೇಕು. 3 ತಜ್ಞರ ಸಮಿತಿ ರಚಿಸಿದ್ದರೂ ಕೊರೊನಾ ಹಿನ್ನೆಲೆಯಲ್ಲಿ ದಿಲ್ಲಿಗೆ ಹೋಗಲು ವಿದ್ವಾಂಸರು ಹಿಂದೇಟು ಹಾಕುತ್ತಿದ್ದಾರೆ. ಜೆಎನ್‌ಯು ಶೈಕ್ಷಣಿಕ ಆಡಳಿತ ಮಂಡಳಿ ಸಭೆ ಆಗಸ್ಟ್‌ ಮೂರನೇ ವಾರದಲ್ಲಿ ನಡೆಯಲಿದೆ. ನಿಯೋಜನೆಯಲ್ಲಿರುವ ಆಫೀಸ್‌ ಅಸಿಸ್ಟೆಂಟ್‌, ರಿಸರ್ಚ್ ಅಸಿಸ್ಟೆಂಟ್‌ ಮೂಲ ಇಲಾಖೆಗೆ ತೆರಳಿ ಕಚೇರಿ ಖಾಲಿಯಾಗುತ್ತದೆ. ಅಷ್ಟರೊಳಗೆ ಪ್ರಾಧ್ಯಾಪಕ, ಮುಖ್ಯಸ್ಥರ ನೇಮಕವಾಗದಿದ್ದರೆ ಬೀಗ ಬೀಳಲಿದೆ. ಉದ್ದೇಶವೇನು?: ಆಸಕ್ತ ಕನ್ನಡೇತರರಿಗೆ ಕನ್ನಡ ಕಲಿಕೆ, ಸಂಶೋಧನೆಗೆ ಉತ್ತೇಜನ, ಸಾಹಿತ್ಯ ಮತ್ತು ಸಂಸ್ಕೃತಿ ಅಧ್ಯಯನವೇ ಮುಖ್ಯ ಗುರಿ.ಕರ್ನಾಟಕ ಸರಕಾರ ಪೀಠಕ್ಕೆ ವಾರ್ಷಿಕ 43ಲಕ್ಷ ರೂ. ಅನುದಾನ ಐದು ವರ್ಷ ನೀಡಬೇಕಿದ್ದರೂ 3ವರ್ಷವಷ್ಟೇ ನೀಡಿದ್ದು ಒಪ್ಪಂದ ಕೊನೆಗೊಂಡಿದೆ. ಮರು ಒಪ್ಪಂದ ಮಾಡಿಕೊಳ್ಳದಿದ್ದರೆ ಪೀಠ ಅಸ್ತಿತ್ವ ಕಳೆದುಕೊಳ್ಳಲಿದೆ. ಡಿಜಿಟಲ್‌ ಗ್ರಂಥಾಲಯಕ್ಕಾಗಿ ನೀಡಿದ 5ಕೋಟಿ ರೂ. ಇಡುಗಂಟು ಜತೆಗಿಟ್ಟು ಪೀಠಕ್ಕೆ ಆರ್ಥಿಕ ಸಮಸ್ಯೆಯಾಗದಂತೆ ವ್ಯವಸ್ಥೆ ಮಾಡಲಾಗಿದೆ. ಪ್ರಕಟಣೆ, ವಿಚಾರ ಸಂಕಿರಣ ಡಿಜಿಟಲ್ ಗ್ರಂಥಾಲಯ ಯೋಜನೆಯ ಮೂಲಕ ಕವಿರಾಜ ಮಾರ್ಗ, ವಡ್ಡಾರಾಧನೆ, ರನ್ನನ ಗದಾಯುದ್ಧ ಸೇರಿದಂತೆ ಹಲವು ಪ್ರಕಟಣೆಗಳನ್ನು ಮಾಡಲಾಗಿದೆ, ವಿಚಾರ ಸಂಕಿರಣ, ಗಳನ್ನು ಆಯೋಜಿಸಲಾಗಿದೆ. ಈ ಕೆಲಸಗಳಲ್ಲೇನೂ ಅನನ್ಯತೆ ಇಲ್ಲ. ಒಟ್ಟಾರೆ ಕನ್ನಡ ಭಾಷಾ ಪೀಠ ಸೇರಿದಂತೆ ರಾಜ್ಯದಲ್ಲಿರುವ ಹತ್ತಾರು ಪೀಠಗಳಿಗೆ ಹೊಸ ಕಾರ್ಯ ಮಾದರಿಯ ಅಗತ್ಯವಿದ್ದೇ ಇದೆ.ಕೇವಲ ಅಲಂಕಾರಿಕ ಮತ್ತು ಕಲ್ಪಿತ ಹಿರಿಮೆಗಳಿಂದ ಯಾವುದೇ ಪ್ರಯೋಜನವಾಗುವುದಿಲ್ಲ. ಜೆಎನ್‌ಯುನಲ್ಲಿ ಕನ್ನಡ ಭಾಷಾ ಪೀಠ ಕನ್ನಡಿಗರಿಗೆ ಹೆಮ್ಮೆಯ ಜತೆಗೆ ಮಹತ್ವದ್ದಾಗಿದೆ. ಜೆಎನ್‌ಯು ಸೂಕ್ತ ನೇಮಕಾತಿ ಮಾಡುವ ನಿಟ್ಟಿನಲ್ಲಿಒತ್ತಡ ಹೇರಲಾಗುವುದು, ಪೀಠ ಮುಚ್ಚೆಲು ಬಿಡೆವು. -ಮನು ಬಳಿಗಾರ್‌, ಅಧ್ಯಕ್ಷರು, ಕನ್ನಡ ಸಾಹಿತ್ಯ ಪರಿಷತ್ತು, ಬೆಂಗಳೂರು. ಅವ್ಯವಹಾರಕ್ಕೆ ಆಸ್ಪದವಿಲ್ಲದೆ ಕನ್ನಡದ ಕೆಲಸ ಮಾಡುವವರನ್ನು ಪೀಠದಲ್ಲಿ ಆ. 20ರೊಳಗೆ ಕೂರಿಸಿ ಎನ್ನುವುದು ನನ್ನ ಬೇಡಿಕೆ, ಆದರೆ ಯಾರೂ ಸ್ಪಂದಿಸುತ್ತಿಲ್ಲ. ಬನಾರಸ್‌, ದಿಲ್ಲಿ ವಿವಿಯಲ್ಲಿದ್ದ ಕನ್ನಡ ಪೀಠಕ್ಕೆ ಬಂದೊಗಿದ ಗತಿ ಮತ್ತೆ ಬರಬಾರದು. -ಪುರುಷೋತ್ತಮ ಬಿಳಿಮಲೆ, ಮುಖ್ಯಸ್ಥರು, ಕನ್ನಡ ಭಾಷಾ ಪೀಠ, ಜವಾಹರಲಾಲ್‌ ನೆಹರೂ ವಿವಿ, ಹೊಸದಿಲ್ಲಿ.ಹೊಸದಿಲ್ಲಿಯ ಜೆಎನ್‌ಯುಗಷ್ಟೇ ಸೀಮಿತವಾದ ಕನ್ನಡ ಭಾಷಾ ಪೀಠ ಉಳಿಯಬೇಕು. -ಡಾ.ಬಿ.ಎ.ವಿವೇಕ್‌ ರೈ, ಕನ್ನಡ ಭಾಷಾ ವಿದ್ವಾಂಸರು, ಹಂಪಿ ವಿವಿಯ ವಿಶ್ರಾಂತ ಕುಲಪತಿ, ಮಂಗಳೂರು ಜೆಎನ್‌ಯು ವಿಸಿಗೆ ಪತ್ರ ಕನ್ನಡ ಮತ್ತು ಸಂಸ್ಕೃತಿ ಸಚಿವ ಸಿ. ಟಿ ರವಿ ಜೂ. 25ರಂದು ಜೆಎನ್‌ಯು ಕುಲಪತಿ ಪ್ರೊ. ಜಗದೀಶ್‌ ಕುಮಾರ್‌ ಅವರಿಗೆ ಪತ್ರ ಬರೆದಿದ್ದು, ಕನ್ನಡ ಭಾಷಾ ಪೀಠವನ್ನು ಉಳಿಸಿ, ಸಂಶೋಧನೆ, ಅಧ್ಯಯನ ಸಹಿತ ಕನ್ನಡ ಪರ ಚಟುವಟಿಕೆ ಮುಂದುವರಿಸಲು ಪ್ರಾಧ್ಯಾಪಕರ ನೇಮಕಕ್ಕೆ ಮನವಿ ಮಾಡಿದ್ದಾರೆ.

from India & World News in Kannada | VK Polls https://ift.tt/309kBYZ

ರಫೇಲ್ ಪಾಕ್ ಮತ್ತು ಚೀನಾಗಿಂತಲೂ ಭಾರತವನ್ನು ಹೇಗೆ ಪ್ರಬಲವಾಗಿಸುತ್ತದೆ?: ಇಲ್ಲಿದೆ ರೋಚಕ ಮಾಹಿತಿ!

ರಫೇಲ್ ಯುದ್ಧ ವಿಮಾನಗಳ ಮೊದಲ ಕಂತು ಭಾರತಕ್ಕೆ ಬಂದಾಗಿದೆ. ಫ್ರಾನ್ಸ್‌ನಿಂದ ಹೊರಟ ಐದು ರಫೇಲ್ ಯುದ್ಧ ವಿಮಾನಗಳು ಯಶಸ್ವಿಯಾಗಿ ಅಂಬಾಲಾ ವಾಯುನೆಲೆಯನ್ನು ತಲುಪಿವೆ. ಭಾರತೀಯ ವಾಯುಸೇನೆಯನ್ನು ಮತ್ತಷ್ಟು ಪ್ರಬಲವನ್ನಾಗಿ ನೋಡಬೇಕು ಎಂಬ ದಶಕಗಳ ಭಾರತೀಯರ ಕನಸು ನನಸಾಗಿದೆ. ರಫೇಲ್ ಯುದ್ಧ ವಿಮಾನಗಳಿಂದ ಭಾರತದ ವಾಯುಸೇನೆ ಬಲ ಇಮ್ಮಡಿಗೊಂಡಿದೆ. ರಫೇಲ್ ಆಗಮನದಿಂದ ಹುಮ್ಮಸ್ಸಿನಲ್ಲಿರುವ ವಾಯುಪಡೆ, ಶತ್ರು ಸಂಹಾರಕ್ಕೆ ಕಾದು ಕುಳಿತಿದೆ. ರಫೇಲ್ ಯುದ್ಧ ವಿಮಾನಗಳ ತಾಕತ್ತು ಮತ್ತು ಅವುಗಳ ವಿಶೇಷತೆಗಳೇ ನೆರೆಯ ಶತ್ರು ರಾಷ್ಟ್ರಗಳ ಎದೆ ನಡುಗಿಸಿದೆ. ಭಾರತಕ್ಕೆ ಬಲಭೀಮ ರಫೇಲ್ ಬಂದಿಳಿಯುತ್ತಿದ್ದಂತೇ ಪಾಕಿಸ್ತಾಣ ಹಾಗೂ ಚೀನಾ ಎದೆಯಲ್ಲಿ ನಡುಕ ಶುರುವಾಗಿದೆ. ಅತ್ಯಂತ ಸಮರ್ಥವಾಗಿ ಎಲ್ಲಾ ಅಡೆತಡೆಗಳನ್ನು ನಿವಾರಿಸಿ ಪ್ರಧಾನಿ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಹಾಗೂ ವಾಯುಸೇನೆ ರಫೇಲ್ ಯುದ್ಧ ವಿಮಾನಗಳನ್ನು ವಾಯುಪಡೆಗೆ ಸೇರ್ಪಡೆಗೊಳಿಸುವಲ್ಲಿ ಯಶಸ್ವಿಯಾಗಿವೆ. ರಫೇಲ್ ಆಗಮನ ಸಹಜವಾಗಿ ಭಾರತದ ಗಡಿ ಸುರಕ್ಷತೆ ಬಗ್ಗೆ ಪ್ರಧಾನಿ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಹೊಂದಿರುವ ಕಾಳಜಿಯನ್ನು ತೋರಿಸಿದೆ. ಸದ್ಯ ಮೊದಲ ಹಂತದ ಭಾಗವಾಗಿ ಐದು ರಫೇಲ್ ಯುದ್ಧ ವಿಮಾನಗಳು ಭಾರತಜಕ್ಕೆ ಆಗಮಿಸಿದ್ದು, ಇನ್ನೂ 31 ಯುದ್ಧ ವಿಮಾನಗಳು ಆಗಮನಿಸಬೇಕಿವೆ. ರಫೇಲ್ ಆಗಮನದಿಂದ ಭಾರತದ ವಾಯುಸೇನೆ ಬಲ ನೆರೆಯ ಪಾಕಿಸ್ತಾನ ಹಾಗೂ ಚೀನಾಗಿಂತಲೂ ಅಧಿಕವಾಗಿದೆ. ಹಾಗಾದರೆ ಭಾರತದ ಈ ಸಾಮರಿಕ ಸಂಭ್ರಮಾಚರಣೆಯ ಬೆಳವಣಿಗೆಗಳತ್ತ ಗಮನಹರಿಸುವುದಾರೆ....

150 ಕಿ.ಮೀ ದೂರದಿಂದ ಶತ್ರು ಗುರಿಗಳನ್ನು ಹೊಡೆಯುವ ಸಾಮರ್ಥ್ಯ ಮತ್ತು ಶತ್ರು ಭೂಪ್ರದೇಶದೊಳಗೆ 300 ಕಿ.ಮೀ ದೂರದಲ್ಲಿರುವ ಭೂ ಗುರಿಗಳನ್ನು ಸುಲಭವಾಗಿ ಹೊಡೆಯುವ ಸಾಮರ್ಥ್ಯ ರಫೇಲ್ ಯುದ್ಧ ವಿಮಾನಗಳಿಗಿದೆ.

ರಫೇಲ್ ಸದ್ಯ ವಿಶ್ವದಲ್ಲಿ ಹಾರಾಟ ನಡೆಸುತ್ತಿರುವ ಕೆಲವೇ ಕೆಲವು ಮಾರಕ ಯುದ್ಧ ವಿಮಾನಗಳ ಪೈಕಿ ಮೊದಲ ಸ್ಥಾನದಲ್ಲಿದ್ದು, ಭಾರತೀಯ ವಾಯುಸೇನೆಗೆ ಸೇರ್ಪಡೆಗೊಂಡಿದ್ದು ಸಹಜವಾಗಿ ವಾಯುಪಡೆ ಶಕ್ತಿಯನ್ನು ಇಮ್ಮಡಿಗೊಳಿಸಿದೆ.

ಭಾರತದ ನೆಲ ಮುತ್ತಿಕ್ಕಿದ ರ ರಫೇಲ್ ಎಂಬ ಆಗಸದ ಬೇಟೆಗಾರನಿಗೆ ಅದ್ದೂರಿ ಸ್ವಾಗತ!

ರಷ್ಯಾದಿಂದ ಸುಖೋಯ್ ಜೆಟ್‌ಗಳನ್ನು ಆಮದು ಮಾಡಿಕೊಂಡ 23 ವರ್ಷಗಳ ಬಳಿಕ, ವಾಯು-ಶ್ರೇಷ್ಠತೆ ಮತ್ತು ನಿಖರ ದಾಳಿಗೆ ಹೆಸರುವಾಸಿಯಾದ ಫ್ರೆಂಚ್ ನಿರ್ಮಿತ ರಫೇಲಲ್ ಯುದ್ಧ ವಿಮಾನಗಳನ್ನು ಭಾರತ ಆಮದು ಮಾಡಿಕೊಂಡಿರುವುದು ವಿಶೇಷ.

ರಫೇಲ್ ಪ್ರಬಲವಾದ ಶಸ್ತ್ರಾಸ್ತ್ರಗಳನ್ನು ಸಾಗಿಸುವ ಸಾಮರ್ಥ್ಯ ಹೊಂದಿದೆ. ಯುರೋಪಿಯನ್ ಕ್ಷಿಪಣಿ ತಯಾರಕ ಎಂಬಿಡಿಎಯ ಉಲ್ಕೆ ದೃಷ್ಟಿಗೋಚರ ವ್ಯಾಪ್ತಿಯ ಗಾಳಿಯಿಂದ ಗಾಳಿಗೆ ಕ್ಷಿಪಣಿ, ಎಸ್‌ಸಿಎಎಲ್‌ಪಿ ಕ್ರೂಸ್ ಕ್ಷಿಪಣಿಗಳು ಮತ್ತು ಮೈಕಾ ಶಸ್ತ್ರಾಸ್ತ್ರಗಳ ವ್ಯವಸ್ಥೆಯು ರಾಫೆಲ್ ಜೆಟ್‌ಗಳ ಶಸ್ತ್ರಾಸ್ತ್ರಗಳ ಪ್ಯಾಕೇಜ್‌ನ ಮುಖ್ಯ ಆಧಾರವಾಗಿದೆ.

ಬಂದಾಯ್ತು ರಫೇಲ್: ಆಗಸ ಸೀಳಿದ ಭಾರತದ ಸಾಮರಿಕ ಸಂಭ್ರಮಾಚರಣೆ!

ಬಿವಿಆರ್‌ಎಎಮ್ ವಾಯು-ಗಾಳಿಯ ಯುದ್ಧದಲ್ಲಿ ಕ್ರಾಂತಿಯನ್ನುಂಟುಮಾಡಲು ವಿನ್ಯಾಸಗೊಳಿಸಲಾಗಿದೆ. ಯುಕೆ, ಜರ್ಮನಿ, ಇಟಲಿ, ಫ್ರಾನ್ಸ್, ಸ್ಪೇನ್ ಮತ್ತು ಸ್ವೀಡನ್ ರಾಷ್ಟ್ರಗಳು ಎಂಬಿಡಿಎ ತಯಾರಿತ ಈ ಕ್ಷಿಪಣಿಗಳನ್ನು ಬಳಸುತ್ತವೆ. ವಿಶಿಷ್ಟ ರಾಕೆಟ್-ರಾಮ್‌ಜೆಟ್ ಮೋಟರ್‌ನಿಂದ ನಿಯಂತ್ರಿಸಲ್ಪಡುವ ಈ ಕ್ಷಿಪಣಿಗಳು, ಇತರ ಕ್ಷಿಪಣಿಗಳಿಗಿಂತ ಹೆಚ್ಚಿನ ಸಮಯದವರೆಗೆ ಹೆಚ್ಚು ಎಂಜಿನ್ ಶಕ್ತಿಯನ್ನು ನೀಡುತ್ತದೆ ಎಂದು ತಜ್ಞರು ಹೇಳುತ್ತಾರೆ.

150 ಕಿ.ಮೀ ದೂರದಿಂದ ಶತ್ರು ವಿಮಾನಗಳನ್ನು ಗುರಿಯಾಗಿಸಬಲ್ಲದು. ಶತ್ರು ವಿಮಾನಗಳು ಭಾರತೀಯ ವಿಮಾನಕ್ಕೆ ಹತ್ತಿರವಾಗುವ ಮೊದಲು ಅವುಗಳು ನಾಶವಾಗಬಹುದು. 300 ಕಿ.ಮೀ ದೂರದಲ್ಲಿರುವ ಗುರಿಗಳನ್ನು ತಲುಪಬಲ್ಲ ಎಸ್‌ಸಿಎಎಲ್‌ಪಿ ಕ್ರೂಸ್ ಕ್ಷಿಪಣಿಗಳನ್ನು ಸಾಗಿಸಲು ರಫೇಲ್‌ಗಳನ್ನು ಸಜ್ಜುಗೊಳಿಸಲಾಗಿದೆ.

"ಭಾರತದ ಮಿಲಿಟರಿ ಇತಿಹಾಸದಲ್ಲಿ ಹೊಸ ಯುಗದ ಆರಂಭ": ರಾಜನಾಥ್‌ ಸಿಂಗ್

ಅಂದರೆ ಅಂಬಾಲಾದಿಂದ ಹೊರಡುವ ಭಾರತೀಯ ವಾಯುಪಡೆಯ ರಫೇಲ್, ಈ ಶಸ್ತ್ರಾಸ್ತ್ರಗಳಲ್ಲಿ ಒಂದನ್ನು ಭಾರತದ ವಾಯುಪ್ರದೇಶದೊಳಗಿಂದ ಉಡಾಯಿಸಲು ಸಾಧ್ಯವಾಗುತ್ತದೆ.

ಮೂರನೇ ಹಾಗೂ ಪ್ರಮುಖ ಶಸ್ತ್ರಾಸ್ತ್ರ ವ್ಯವಸ್ಥೆ ಮೈಕಾ ಕ್ಷಿಪಣಿ ವ್ಯವಸ್ಥೆ. ಮೈಕಾ ಬಹಳ ಬಹುಮುಖ ಗಾಳಿಯಿಂದ ಗಾಳಿಗೆ ಕ್ಷಿಪಣಿ. ಇದು ರಾಡಾರ್ ಅನ್ವೇಷಕ ಯಂತ್ರದೊಂದಿಗೆ ಬರುತ್ತದೆ. ಇದು ಈಗಾಗಲೇ ಭಾರತೀಯ ವಾಯುಪಡೆಯ ಮಿರಾಜ್ ಯುದ್ಧ ವಿಮಾನಗಳಲ್ಲಿ ಇದೆ.

ರಫೆಲ್ ಜೊತೆಗೆ ಫ್ರಾನ್ಸ್‌ನಿಂದ ಬರಲಿದೆ 'ಹ್ಯಾಮರ್' ಕ್ಷಿಪಣಿ: ತುರ್ತು ಆರ್ಡರ್ ಉದ್ದೇಶವೇನು?

ಇಷ್ಟೇ ಅಲ್ಲದೇ ಫ್ರೆಂಚ್ ರಕ್ಷಣಾ ಪ್ರಮುಖ ಸಫ್ರಾನ್ ಅಭಿವೃದ್ಧಿಪಡಿಸಿದ ನಿಖರ-ನಿರ್ದೇಶಿತ ಹ್ಯಾಮರ್ ಕ್ಷಿಪಣಿ ಕೂಡಭಾರತೂಯ ವಾಯುಸನೇಯ ರಫೇಲ್ ಯುದ್ಧ ವಿಮಾನಗಳಲ್ಲಿ ಅಳವಡಿಸಲಾಗುವುದು. ಈಗಾಗಲೇ ಹ್ಯಾಮರ್ ಕ್ಷಿಪಣಿಗಳಿಗೆ ಭಾರತ-ಫ್ರಾನ್ಸ್ ನಡುವೆ ಒಪ್ಪಂದ ಏರ್ಪಟ್ಟಿದೆ ಎಂಬುದನ್ನು ಇಲ್ಲಿ ಗಮನಿಸಬೇಕು.

ಹೀಗೆ ಹಲವು ವಿಭಾಗಗಳಲ್ಲಿ ಭಾರತದ ರಫೇಲ್ ಜೆಟ್ ವಿಮಾನಗಳು ನೆರೆಯ ಪಾಕಿಸ್ತಾಣ ಹಾಗೂ ಚೀನಾಗಿಂತ ಅಧಿಕ ಶಕ್ತಿಶಾಲಿಯಾಗಿದ್ದು, ಭಾರತದ ರಫೇಲ್ ಕಂಡು ಸಹಜವಾಗಿ ಪಾಕಿಸ್ತಾನ ಹಾಗೂ ಚೀನಾ ಆತಂಕಗೊಂಡಿವೆ ಎಂದು ಹೇಳಬಹುದು.

from India & World News in Kannada | VK Polls https://vijaykarnataka.com/news/india/know-about-how-rafale-makes-india-so-potent-against-china-and-pakistan/articleshow/77253834.cms

ಬಿಜೆಪಿಯಲ್ಲಿ ನಾಯಕತ್ವ ಬದಲಾವಣೆ ಚರ್ಚೆ: ಬಿಎಸ್‌ವೈ ಬೆಂಬಲಕ್ಕೆ ನಿಂತ ಆರ್‌. ಅಶೋಕ್‌

ಬೆಂಗಳೂರು: ರಾಜ್ಯ ಬಿಜೆಪಿಯಲ್ಲಿ ನಾಯಕತ್ವ ಬದಲಾವಣೆ ಚರ್ಚೆಯ ಜೋರಾಗುತ್ತಿದೆ. ಡಿಸಿಎಂ ಲಕ್ಷ್ಮಣ ಸವದಿ ದೆಹಲಿ ಭೇಟಿ ಹಲವಾರು ಅನುಮಾನಗಳಿಗೆ ಕಾರಣವಾಗಿದೆ. ಈ ನಡುವೆ ಸಚಿವ ಆರ್‌. ಅಶೋಕ್‌ ಬಿಎಸ್‌ ಯಡಿಯೂರಪ್ಪ ಪರವಾಗಿ ಬ್ಯಾಟಿಂಗ್ ಮಾಡಿದ್ದಾರೆ. ಸಿಎಂ ಬಿಎಸ್‌ವೈ ಪರವಾಗಿ ಟ್ವೀಟ್ ಮಾಡುವ ಮೂಲಕ ತಮ್ಮ ಬೆಂಬಲವನ್ನು ಸೂಚಿಸಿದ್ದಾರೆ. ಕಳೆದ ವರ್ಷದ ಪ್ರವಾಹ ಸಮಯದಲ್ಲಿ ಹಾಗೂ ಈಗಿನ ಕೋವಿಡ್-19 ಸೋಂಕು ಸನ್ನಿವೇಶದಲ್ಲಿ ಮುಖ್ಯಮಂತ್ರಿ ಬಿಎಸ್‌ವೈಯವರು ಶಕ್ತಿಮೀರಿ ಹಗಲಿರುಳು ದುಡಿದು ಸಮರ್ಥವಾಗಿ ನಿಭಾಯಿಸುತ್ತಿದ್ದಾರೆ. ಹೀಗಿರುವಾಗ ನಾಯಕತ್ವ ಬದಲಾವಣೆಯ ಪ್ರಶ್ನೆ ಉದ್ಭವಿಸುವುದಿಲ್ಲ ಎಂದಿದ್ದಾರೆ. ಅಲ್ಲದೆ ರಾಜ್ಯದಲ್ಲಿ ಸಿಎಂ ಖುರ್ಚಿ ಖಾಲಿಯಿಲ್ಲ. ಮುಂದಿನ ಮೂರು ವರ್ಷಗಳ ಕಾಲ ಬಿ.ಎಸ್.ವೈ ರವರೇ ನಮ್ಮ ಸಿಎಂ ಆಗಿ ಮುಂದುವರಿಯಲಿದ್ದಾರೆ ಎಂದು ಹೇಳುವ ಮೂಲಕ ತಮ್ಮ ಬೆಂಬಲವನ್ನು ಸೂಚಿಸಿದ್ದಾರೆ. ಬಿಎಸ್‌ವೈ ನಾಯಕತ್ವ ಬದಲಾವಣೆ ಆಗಲಿದೆ ಎಂಬ ಚರ್ಚೆ ನಡೆಯುತ್ತಿದ್ದರೂ ಬಹುತೇಕ ಸಚಿವರು ಬಿಎಸ್‌ವೈ ಜೊತೆಗೆ ಬಹಿರಂಗವಾಗಿ ನಿಂತಿರಲಿಲ್ಲ. ಮಾಧ್ಯಮಗಳಲ್ಲಿ ಈ ಕುರಿತಾಗಿ ಚರ್ಚೆ ನಡೆಯುತ್ತಿದ್ದರೂ ಗಟ್ಟಿ ಧ್ವನಿಯಲ್ಲಿ ಬಿಎಸ್‌ವೈ ಸಿಎಂ ಆಗಿ ಮೂರು ವರ್ಷಗಳ ಕಾಲ ಮುಂದುವರಿಯುತ್ತಾರೆ ಎಂದು ಯಾರೂ ಹೇಳುತ್ತಿಲ್ಲ. ಒಂದು ಹಂತದಲ್ಲಿ ಬಿಎಸ್‌ವೈ ಏಕಾಂಗಿಯಾಗುತ್ತಿದ್ದಾರೆ ಎಂದೇ ವ್ಯಾಖ್ಯಾನ ಮಾಡಲಾಗುತ್ತಿದೆ.

from India & World News in Kannada | VK Polls https://ift.tt/39Gvt3N

ಭಾರತದಲ್ಲಿ 10 ಲಕ್ಷ ಗಡಿ ದಾಟಿದ ಕೊರೊನಾ ಗುಣಮುಖರ ಸಂಖ್ಯೆ, ದಾಖಲೆಯ ಕೊರೊನಾ ಟೆಸ್ಟ್‌!

ನವದೆಹಲಿ: ಭಾರತದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ವ್ಯಾಪಕವಾಗಿ ಏರುತ್ತಿರುವ ಜೊತೆ ಜೊತೆಗೆ ಕೊರೊನಾದಿಂದ ಗುಣಮುಖರಾಗುತ್ತಿರುವವರ ಸಂಖ್ಯೆಯು ಭಾರಿ ಪ್ರಮಾಣದಲ್ಲಿ ಏರುತ್ತಿದೆ. ಸದ್ಯ ದೇಶದಲ್ಲಿ ಗುಣಮುಖರಾದವರ ಸಂಖ್ಯೆ ಹತ್ತು ಲಕ್ಷದ ಗಡಿ ದಾಟಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ತಿಳಿಸಿದೆ. ಈ ಮೂಲಕ ಭಾರತ ಕೊರೊನಾ ವಿರುದ್ಧ ಹೋರಾಟದಲ್ಲಿ ಮಹತ್ವದ ಹೆಜ್ಜೆ ಇಟ್ಟಿದೆ. ಅಲ್ಲದೇ ಇದು ದೇಶದಲ್ಲಿ ಕೊರೊನಾ ಮನುಷ್ಯರಿಗೆ ಅಷ್ಟು ದೊಡ್ಡ ಪ್ರಮಾಣದಲ್ಲಿ ಘಾಸಿಗೊಳಿಸುತ್ತಿಲ್ಲ ಎನ್ನುವ ಆತ್ಮವಿಶ್ವಾಸನ್ನು ಮೂಡಿಸಿದೆ. ಜೊತೆಗೆ ಅತ್ಯಂತ ಕಡಿಮೆ ಪ್ರಮಾಣದಲ್ಲಿ ವ್ಯಕ್ತಿಗೆ ವೈರಸ್‌ ದಾಳಿ ನಡೆಸುತ್ತಿದೆ ಎನ್ನುವುದನ್ನ ತೋರಿಸುತ್ತಿದೆ. ಅದರೂ ಮುನ್ನೆಚ್ಚರಿಕಾ ಕ್ರಮ ಅಗತ್ಯವಾಗಿದೆ. ಇನ್ನೊಂದು ಕಡೆ ದೇಶದಲ್ಲಿ ಕೊರೊನಾ ಪತ್ತೆ ಹಚ್ಚುವ ಪರೀಕ್ಷೆ ಕೂಡ ಭಾರಿ ತೀವ್ರತೆ ಪಡೆಯುತ್ತಿದೆ. ಬುಧವಾರ ಒಂದೇ ದಿನ ಒಟ್ಟು 4,46,642 ಮಂದಿಯ ಸ್ಯಾಂಪಲ್ಸ್‌ ಕಲೆಕ್ಟ್‌ ಮಾಡಿ ಪರಿಶೀಲನೆ ನಡೆಸಲಾಗಿದೆ. ಈ ಮೂಲಕ ದೇಶದಲ್ಲಿ ಈವರೆಗೆ 1,81,90,382 ಮಂದಿಗೆ ಕೊರೊನಾ ಪರೀಕ್ಷೆ ನಡೆಸಲಾಗಿದೆ. ಇನ್ನು ಪ್ರಮುಖವಾಗಿ ದಿನ ನಿತ್ಯ ಐವತ್ತು ಸಾವಿರಕ್ಕೂ ಹೆಚ್ಚು ಕೊರೊನಾ ಸೋಂಕಿತರು ಪತ್ತೆಯಾಗುತ್ತಿದ್ದು ಇದನ್ನ ತಡೆಗಟ್ಟುವಲ್ಲಿ ಭಾರತ ಯಶಸ್ವಿಯಾದರೆ ಕೊರೊನಾ ಹೋರಾಟದಲ್ಲಿ ಭಾರತ ಗೆದ್ದ ಹಾಗೆ ಎಂದು ವೈದ್ಯಕೀಯ ಪರಿಣಿತರು ಹೇಳುತ್ತಾರೆ. ಕೊರೊನಾ ನಿಯಂತ್ರಣಕ್ಕೆ ರಾಜ್ಯಗಳು ಶತಾಯಗತಾಯ ಪ್ರಯತ್ನಿಸುತ್ತಿದೆ. ಕೆಲವು ರಾಜ್ಯಗಳು ಲಾಕ್‌ಡೌನ್‌ ಜಾರಿಗೊಳಿಸಿದೆ.

from India & World News in Kannada | VK Polls https://ift.tt/3gc03od

ಪೆಟ್ರೋಲ್‌-ಡೀಸೆಲ್: ಬೆಂಗಳೂರು ಸೇರಿ ದೇಶದ ಮಹಾನಗರಗಳ ಇಂಧನ ದರ ಪಟ್ಟಿ ಇಲ್ಲಿದೆ?

ಬೆಂಗಳೂರು: ಕಳೆದ ಕೆಲವು ದಿನಗಳಿಂದ ಏರಿಕೆಯಾಗುತ್ತಿದ್ದ ಪೆಟ್ರೋಲ್‌ ಹಾಗೂ ಡೀಸೆಲ್‌ ದರದಲ್ಲಿ ಗುರುವಾರ ಯಾವುದೇ ಬದಲಾವಣೆ ಕಂಡು ಬಂದಿಲ್ಲ. ಇದು ಜನರನ್ನ ಕೊಂಚ ಉಸಿರುಬಿಡುವಂತೆ ಮಾಡಿದೆ. ಆದರೆ ವಾರದ ಹಿಂದೆ ಏರಿದ್ದ ದರ ಇಳಿದರೆ ಸಾಕು ಎನ್ನುತ್ತಿದ್ದಾರೆ ಜನ. ಯಾಕೆಂದರೆ ಕೊರೊನಾ ಸಮಯದಲ್ಲಿ ಇಂಧನ ದರ ಏರಿಕೆ ಆದರೆ ಅದು ನೇರವಾಗಿ ಆಹಾರ ಸಾಮಗ್ರಿಗಳ ಮೇಲೆ ಹೊರೆ ಬೀಳುತ್ತದೆ. ಆಹಾರ ವಸ್ತುಗಳು ತುಟ್ಟಿಯಾದರೆ ಜನ ಸಾಮಾನ್ಯರಿಗೆ ಇದರಿಂದ ಭಾರೀ ತೊಂದರೆಯಾಗಲಿದೆ ಎನ್ನುವುದು ಸಾಮಾನ್ಯ ಆರ್ಥಿಕತೆ. ಹಾಗಾದರೆ ಬೆಲೆ ಪರಿಷ್ಕರಣೆಗೊಂಡ ಬಳಿಕ ದೇಶದ ಮಹಾನಗರಗಳಲ್ಲಿ ಜು.30 ರಂದು ತೈಲ ದರ ಎಷ್ಟಿದೆ? ಇಲ್ಲಿದೆ ಈ ಬಗ್ಗೆ ಮಾಹಿತಿ. ಬೆಲೆ ಪರಿಷ್ಕರಣೆಗೊಂಡ ಬಳಿಕ ದೇಶದ ಮಹಾನಗರಗಳಲ್ಲಿ ಇಂದಿನ ತೈಲ ದರಗಳತ್ತ ಗಮನಹರಿಸುವುದಾದರೆ. ಸಿಲಿಕಾನ್ ಸಿಟಿ ಪೆಟ್ರೋಲ್: 83.04 ರೂ. (ಯಾವುದೇ ಏರಿಕೆ ಇಲ್ಲ) ಡೀಸೆಲ್: 77.88 ರೂ. (ಯಾವುದೇ ಏರಿಕೆ ಇಲ್ಲ) ರಾಷ್ಟ್ರ ರಾಜಧಾನಿ ನವದೆಹಲಿಪೆಟ್ರೋಲ್: 80.43 ರೂ. ಡೀಸೆಲ್: 81.94 ರೂ. ಮಹಾರಾಷ್ಟ್ರ ರಾಜಧಾನಿ ಮುಂಬೈಪೆಟ್ರೋಲ್: 87.19 ರೂ. ಡೀಸೆಲ್: 80.11 ರೂ. ತಮಿಳುನಾಡು ರಾಜಧಾನಿ ಚೆನ್ನೈಪೆಟ್ರೋಲ್: 83.63 ರೂ. ಡೀಸೆಲ್: 78.86 ರೂ.

from India & World News in Kannada | VK Polls https://ift.tt/3jPpZZ8

ಜಾರಕಿಹೊಳಿ ಹೊಸ ಬಂಗಲೆಯಲ್ಲಿ ರಾಜಕೀಯ ಚಟುವಟಿಕೆ!

ರಫೇಲ್‌ ಇರುವಾಗಲೇ ಯುಎಇನ ಅಲ್‌-ಧಫ್ರಾ ನೆಲೆಯಲ್ಲಿ ಇರಾನ್‌ ಕ್ಷಿಪಣಿ ಪರೀಕ್ಷೆ, ಆತಂಕ!

ತ್ರಿವಳಿ ತಲಾಕ್‌ ನಿ‍ಷೇಧವಾಗಿ ಒಂದು ವರ್ಷ, ಶೇ.82 ರಷ್ಟು ಇಳಿದ ಪ್ರಕರಣ!

ಕೇರಳದಲ್ಲಿ ಅಬ್ಬರಿಸಿ ಬೊಬ್ಬಿರಿದ ವರುಣ, ರಸ್ತೆ ತುಂಬೆಲ್ಲ ನೀರು ಹಲವೆಡೆ ತೀವ್ರ ಭೂಕುಸಿತ!

ರಜಾಕಾರರಿಂದ ನಮಗೆ ಸಂವಿಧಾನ ಪಾಠದ ಅಗತ್ಯವಿಲ್ಲ! ಓವೈಸಿಗೆ ತೇಜಸ್ವಿ ಸೂರ್ಯ ತಿರುಗೇಟು

ಹೊಸ ದಿಲ್ಲಿ: ರಜಾಕಾಕರಿಂದ ನಮಗೆ ಸಂವಿಧಾನದ ಪಾಠದ ಅಗತ್ಯವಿಲ್ಲ ಎಂದು ಸಂಸದ ಅಖಿಲ ಭಾರತ ಮಜ್ಲಿಸ್-ಇ-ಇಥೆಹಾದುಲ್ ಮುಸ್ಮಿಮಿನ್ (ಎಐಎಂಐಎಂ) ಪಕ್ಷದ ಮುಖ್ಯಸ್ಥ, ಹೈದರಾಬಾದ್‌ ಸಂಸದ ಅಸಾದುದ್ದೀನ್ ಓವೈಸಿಗೆ ತಿರುಗೇಟು ನೀಡಿದ್ದಾರೆ. ಅಯೋಧ್ಯೆಯಲ್ಲಿ ರಾಮ ಮಂದಿರ ಭೂಮಿ ಪೂಜೆ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹಾಜರಾಗುವುದು ಸಾಂವಿಧಾನಿಕ ಪ್ರಮಾಣವನ್ನು ಉಲ್ಲಂಘಿಸಿದಂತೆ ಎಂದು ಓವೈಸಿ ಟ್ವೀಟ್ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ತೇಜಸ್ವಿ ಸೂರ್ಯ, ಭಾರತದ ರಾಷ್ಟ್ರಪತಿಗಳು ಮತ್ತು ಮುಖ್ಯಮಂತ್ರಿಗಳ ಅಧಿಕೃತ ನಿವಾಸಗಳಲ್ಲಿ ಇಫ್ತಾರ್ ಪಾರ್ಟಿಗಳನ್ನು ಸಂಘಟಿಸುತ್ತಿದ್ದಾಗ ನಿಮ್ಮ 'ಜಾತ್ಯತೀತತೆ' ಎಲ್ಲಿತ್ತು? ಎಂದು ಪ್ರಶ್ನಿಸಿದ್ದಾರೆ. ಅಲ್ಲದೆ ಅಯೋಧ್ಯೆಯಲ್ಲಿ ದೇವಸ್ಥಾನವನ್ನು ನೆಲಸಮ ಮಾಡಿ ಮಸೀದಿ ಕಟ್ಟಲಾಗಿತ್ತು. ಇದೀಗ ಆ ತಪ್ಪನ್ನು ಸರಿಪಡಿಸಲಾಗುತ್ತಿದೆ ಎಂದು ಸಮರ್ಥಿಸಿಕೊಂಡ ಅವರು ಓವೈಸಿಯನ್ನು ಹೈದರಾಬಾದ್ ನಿಜಾಮ ಆಡಳಿತದ ಕಾಲದ ರಜಾಕಾರರಿಗೆ ಹೋಲಿಕೆ ಮಾಡುವ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ. ಆಗಸ್ಟ್‌ 5 ರಂದು ಉತ್ತರ ಪ್ರದೇಶದ ಅಯೋಧ್ಯೆಯಲ್ಲಿ ನಡೆಯಲಿರುವ ರಾಮಮಂದಿರ ನಿರ್ಮಾಣದ ಭೂಮಿ ಪೂಜೆ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಭಾಗವಹಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಇದನ್ನು ಪ್ರಧಾನಿ ಕಚೇರಿ ಅಧಿಕೃತಗೊಳಿಸಿಲ್ಲ.

from India & World News in Kannada | VK Polls https://ift.tt/3hI69gD

ಆಫಘಾನಿಸ್ತಾನದಲ್ಲಿ‌ ಸಿಖ್ಖರೇ ಉಗ್ರರ ಟಾರ್ಗೆಟ್, ಗುರುದ್ವಾರಗಳ ಮೇಲೆಯೇ ಹೆಚ್ಚು ದಾಳಿ!

ಕಾಬೂಲ್‌: ಅಫಘಾನಿಸ್ತಾನದಲ್ಲಿ ಇಸ್ಲಾಮಿಕ್ ‌ ಉಗ್ರರು ಈ ವರ್ಷ ಸಿಖ್‌ ಸಮುದಾಯ ಮತ್ತು ಶಿಯಾ ಮುಸ್ಲಿಮರನ್ನೇ ಗುರಿಯಾಗಿಸಿಕೊಂಡು ಹೆಚ್ಚಿನ ದಾಳಿ ನಡೆಸಿದ್ದಾರೆ ಎಂದು ಅಫಘಾನಿಸ್ತಾನದಲ್ಲಿನ ವಿಶ್ವಸಂಸ್ಥೆಯ ಪ್ರತಿನಿಧಿ ಕಾರ್ಯಾಲಯದ ವರದಿ ತಿಳಿಸಿದೆ. ಉಗ್ರರು 3,458 ನಾಗರಿಕರ ಮೇಲೆ ಕ್ರೌರ್ಯ ಎಸಗಿದ್ದಾರೆ. ಆ ಪೈಕಿ 2,176 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದು, 1,282 ಜನ ಮೃತಪಟ್ಟಿದ್ದಾರೆ ಎಂದು ವರದಿ ತಿಳಿಸಿದೆ. 2020ರ ಮೊದಲಾರ್ಧದಲ್ಲಿ ಸಂಭವಿಸಿರುವ ಸರಕಾರ ವಿರೋಧಿ ಗುಂಪುಗಳು ಹಾಗೂ ಬಂಡುಕೋರರಿಂದ ಹತ್ಯೆಯಲ್ಲಿ 58% ನಾಗರಿಕರು ಬಲಿಯಾಗಿದ್ದಾರೆ. ಕಳೆದ ಮಾರ್ಚ್‌ನಲ್ಲಿ ಭಾರಿ ಶಸ್ತ್ರಾಸತ್ರಗಳನ್ನು ಹೊಂದಿದ್ದ ಆತ್ಮಾಹುತಿ ದಾಳಿಕೋರರ ಗುಂಪೊಂದು ರಾಜಧಾನಿ ಕಾಬೂಲ್‌ನ ಶೋರ್‌ ಬಜಾರ್‌ನಲ್ಲಿನ ಸಿಖ್‌ ಗುರುದ್ವಾರದ ಮೇಲೆ ಭಾರಿ ದಾಳಿ ನಡೆಸಿತ್ತು. ಪ್ರಾರ್ಥನೆ ನಿರತರಾಗಿದ್ದ 25 ಮಂದಿ ದಾಳಿಗೆ ಬಲಿಯಾಗಿದ್ದರು. ಜತೆಗೆ ಮಹಿಳೆಯರು ಮತ್ತು ಮಕ್ಕಳು ಸೇರಿ 80 ಮಂದಿ ಗಾಯಗೊಂಡಿದ್ದರು. ಈ ದಾಳಿಯ ಮಾಸ್ಟರ್‌ಮೈಂಡ್‌ ಪಾಕಿಸ್ತಾನ ಪ್ರಜೆ ಹಾಗೂ ಇಸ್ಲಾಮಿಕ್‌ ಸ್ಟೇಟ್‌ ಇರಾಕ್‌ ಆ್ಯಂಡ್‌ ಲೆವಾಂತ್‌- ಖೋರಾಸನ್‌ ಪ್ರಾಂತ್ಯ(ಐಎಸ್‌ಐಎಲ್‌-ಕೆ) ಉಗ್ರ ಸಂಘಟನೆ ಮುಖ್ಯಸ್ಥ ಅಸ್ಲಾಂ ಫಾರೂಕಿ ಎಂದು ತಿಳಿದುಬಂದಿತ್ತು. ಇಂತಹ ಹತ್ತು ಹಲವು ದಾಳಿಗಳು ಅಫ್ಘಾನಿಸ್ತಾನದಲ್ಲಿ ನಡೆಯುತ್ತಲೆ ಇರುತ್ತದೆ. ಅಲ್ಲಿನ ಜನ ದಿನ ನಿತ್ಯ ಬಾಂಬ್‌ ಶಬ್ಧಗಳಿಂದಲೇ ಏಳುವಂತೆ ಆಗಿದೆ.

from India & World News in Kannada | VK Polls https://ift.tt/3faM54C

ರಾಜಸ್ಥಾನ ಸ್ಪೀಕರ್ ಸಿಪಿ ಜೋಷಿ ಅವರಿ‌ಗೆ ಹುಟ್ಟು ಹಬ್ಬದ ಶುಭಾಶಯ ತಿಳಿಸಿದ ಸಚಿನ್ ಪೈಲಟ್!

ಜೈಪುರ್: ರಾಜಕಾರಣ ಬೇರೆ, ವೈಯಕ್ತಿಕ ಸಂಬಂಧಗಳು ಬೇರೆ ಎಂಬ ಮಾತಿದೆ. ಅದಕ್ಕೆ ರಾಜಸ್ಥಾನ ರಾಜಕೀಯ ಬಿಕ್ಕಟ್ಟಿನ ಸೂತ್ರದಾರ ಸಾಕ್ಷಿ ಒದಗಿಸಿದ್ದಾರೆ. ಬಂಡಾಯಕ್ಕೆ ವಿರೋಧವಾಗಿ ತಮಗೆ ಅನರ್ಹತೆ ನೋಟಿಸ್ ಜಾರಿ ಮಾಡಿದ್ದ ಮತ್ತು ನ್ಯಾಯಾಲಯಗಳಲ್ಲಿ ತಮ್ಮ ವಿರುದ್ಧ ಕಾನೂನು ಸಮರ ಸಾರಿದ್ದ ರಾಜಸ್ಥಾನ ವಿಧಾನಸಭೆ ಸ್ಪೀಕರ್ ಅವರಿಗೆ ಸಚಿನ್ ಪೈಲಟ್ ಹುಟ್ಟು ಹಬ್ಬದ ಶುಭಾಶಯ ಕೋರಿದ್ದಾರೆ. ಸಈ ಕುರಿತು ಟ್ವೀಟ್ ಮಾಡಿರುವ ಸಚಿನ್ ಪೈಲಟ್, ಸಿಪಿ ಜೋಷಿ ಅವರಿಗೆ ದೀರ್ಘಾಯುಷ್ಯ ಮತ್ತು ಆರೋಗ್ಯವನ್ನು ಬಯಸುವುದಾಗಿ ಹೇಳಿದ್ದಾರೆ. ಇದಕ್ಕೆ ಸಿಪಿ ಜೋಷಿ ಕೂಡ ಧನ್ಯವಾದ ಅರ್ಪಿಸಿದ್ದಾರೆ. ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ವಿರುದ್ಧ ಬಂಡಾಯ ಎದ್ದಿರುವ ಸಚಿನ್ ಪೈಲಟ್ ಹಾಗೂ ಅವರ 18 ಬೆಂಬಲಿಗ ಶಾಸಕರಿಗೆ ಸಿಪಿ ಜೋಷಿ ಸನರ್ಹತೆ ನೋಟಿಸ್ ಜಾರಿ ಮಾಡಿದ್ದರು. ಇದನ್ನು ಪ್ರಶ್ನಿಸಿ ಸಚಿನ್ ಪೈಲಟ್ ಹೈಕೋರ್ಟ್ ಮೆಟ್ಟಿಲೇರಿದ್ದರು. ಆದರೆ ರಾಜಸ್ಥಾನ ಹೈಕೋರ್ಟ್ ಈ ಕುರಿತು ತೀರ್ಪು ಪ್ರಕಟಿಸದಂತೆ ಕೋರಿ ಸಿಪಿ ಜೋಷಿ ಸುಪ್ರೀಂಕೋರ್ಟ್ ಮೆಟ್ಟಿಲೇರಿದ್ದರು. ಆದರೆ ಸಿಪಿ ಜೋಷಿ ಅರ್ಜಿ ತಿರಸ್ಕರಿಸಿದ್ದ ಸುಪ್ರೀಂಕೋರ್ಟ್, ಹೈಕೋರ್ಟ್‌ಗೆ ತೀರ್ಪು ಪ್ರಕಟಿಸಲು ಸೂಚನೆ ನೀಡಿತು. ಅದರಂತೆ ಸಚಿನ್ ಪೈಲಟ್ ಬಣದ ವಿರುದ್ಧ ಸದ್ಯಕ್ಕೆ ಯಾವುದೇ ಕ್ರಮ ಬೇಡ ಎಂದು ರಾಜಸ್ಥಾನ ಹೈಕೋರ್ಟ್ ತೀರ್ಪು ನೀಡಿತ್ತು. ಈ ಎಲ್ಲ ಬೆಳವಣಿಗೆಗಳಿಂದಾಗಿ ಸಿಪಿ ಜೋಷಿ ಹಾಗೂ ಸಚಿನ್ ಪೈಲಟ್ ನಡುವಿನ ಸಂಬಂಧ ಹಳಿಸಿದೆ ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ ಜೋಷಿ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರುವ ಮೂಲಕ ಸಚಿನ್ ಪೈಲಟ್ ರಾಜಕಾರಣ ಮತ್ತು ವೈಯಕ್ತಿಕ ಸಂಬಂಧಗಳನ್ನು ಬೆರೆಸದಿರುವ ನಿರ್ಧಾರ ಕೈಗೊಂಡಿದ್ದಾರೆ.

from India & World News in Kannada | VK Polls https://ift.tt/2EuFIg5

'ಅಧಿಕಾರಿಗಳಿಗೆ ಬೆದರಿಕೆ ಹಾಕಲು ಇದು ಯು.ಟಿ.ಖಾದರ್ ಕಾಲವಲ್ಲ' : ಕೋಟ ಶ್ರೀನಿವಾಸ ಪೂಜಾರಿ

ಮಂಗಳೂರು: ಕಾಲ ಕಾಲಕ್ಕೆ ರಾಜ್ಯ ಸರ್ಕಾರ ಮಾಡುವ ಸ್ವಾಭಾವಿಕ ವರ್ಗಾವಣೆಯ ವ್ಯವಸ್ಥೆಯಡಿಯಲ್ಲಿ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿಯ ವರ್ಗಾವಣೆ ಆಗಿದೆ. ಅದಕ್ಕೆ ರಾಜಕಾರಣದ ಲೇಪವನ್ನು ನೀಡುವ ಅಗತ್ಯವಿಲ್ಲ ಎಂದು ಶಾಸಕ ಉ.ಟಿ ಖಾದರ್‌ಗೆ ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ಟಾಂಗ್ ನೀಡಿದ್ದಾರೆ. ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿಯಾಗಿದ್ದ ಸಿಂಧೂ ಬಿ ರೂಪೇಶ್ ಅವರ ವರ್ಗಾವಣೆಯ ಹಿಂದೆ ಬಿಜೆಪಿ ಮುಖಂಡರ ಕೈವಾಡವಿದೆ. ಜಿಲ್ಲಾಧಿಕಾರಿಗೆ ಕೊಲೆ ಬೆದರಿಕೆವೊಡ್ಡಿದ ಕಿಡಿಗೇಡಿಗಳ ವಿರುದ್ಧ ಕ್ರಮ ಕೈಗೊಳ್ಳುವ ಬದಲು ಜಿಲ್ಲಾಧಿಕಾರಿಯನ್ನೇ ವರ್ಗಾವಣೆ ಮಾಡಿದ್ದಾರೆ ಎಂದು ಮಾಜಿ ಸಚಿವ ಉ.ಟಿ.ಖಾದರ್ ಕಿಡಿಕಾರಿದ್ದರು. ಖಾದರ್ ಆರೋಪಕ್ಕೆ ಪ್ರತಿಕ್ರಿಯೆ ನೀಡಿರುವ ಸಚಿವ ಶ್ರೀನಿವಾಸ ಪೂಜಾರಿ, ಯು.ಟಿ.ಖಾದರ್ ತಮ್ಮ ಮಾತನ್ನು ವಾಪಾಸ್ ಪಡೆಯಬೇಕೆಂದು ಆಗ್ರಹಿಸಿದ್ದಾರೆ. ಅಲ್ಲದೇ, ಜಿಲ್ಲಾಧಿಕಾರಿಗೆ ಬೆದರಿಕೆ ಹಾಕಿರುವ ಆರೋಪಿಗಳ ವಿರುದ್ಧ ಗೃಹ ಇಲಾಖೆ ಸ್ವಯಂ ಪ್ರೇರಿತವಾಗಿ ದೂರು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದೆ. ಯು.ಟಿ.ಖಾದರ್ ಕಾಲದಲ್ಲಿ ಪೊಲೀಸರು, ಅಧಿಕಾರಿಗಳ ಮೇಲೆ ಹಲ್ಲೆ ನಡೆಸುವ ಪ್ರಕರಣಗಳು ಯಥೇಚ್ಛವಾಗಿ ನಡೆಯುತ್ತಿದ್ದವು. ಆದರೆ ಇದು ಯು.ಟಿ.ಖಾದರ್ ಕಾಲವಲ್ಲ ಅನ್ನುವುದನ್ನು ಖಾದರ್ ಅವರು ನೆನಪಿಸಿಕೊಳ್ಳಬೇಕಾದ ಅಗತ್ಯವಿದೆ ಎಂದು ಸಚಿವ ಶ್ರೀನಿವಾಸ್ ಪೂಜಾರಿ ಹೇಳಿದ್ದಾರೆ. ಜಿಲ್ಲಾಧಿಕಾರಿಯಾಗಿದ್ದ ಸಿಂಧೂ ಬಿ ರೂಪೇಶ್ ಅವರು ಎರಡು ದಿನದ ಹಿಂದೆ, ಗೋಸಾಗಾಟಗಾರರ ಮೇಲೆ ಕಾನೂನು ಕೈಗೆತ್ತಿಕೊಳ್ಳುವ ಕಿಡಿಗೇಡಿಗಳ ವಿರುದ್ಧ ಪೊಲೀಸರು ಕ್ರಮ ಕೈಗೊಳ್ಳಬೇಕೆಂದು ಸೂಚಿಸಿದ್ದರು. ಜಿಲ್ಲಾಧಿಕಾರಿ ಆದೇಶಕ್ಕೆ ವಿರೋಧ ವ್ಯಕ್ತಪಡಿಸಿ ರಾಮ ಸೇನೆ ಎನ್ನುವ ವಾಟ್ಸಾಪ್‌ ಗುಂಪಿನಲ್ಲಿ ಜಿಲ್ಲಾಧಿಕಾರಿಗೆ ಕೊಲೆ ಬೆದರಿಕೆ ಒಡ್ಡಲಾಗಿತ್ತು. ಇದಾದ ಒಂದೇ ದಿನದಲ್ಲಿ ಜಿಲ್ಲಾಧಿಕಾರಿಯನ್ನೇ ವರ್ಗಾವಣೆ ಮಾಡಲಾಗಿತ್ತು.

from India & World News in Kannada | VK Polls https://ift.tt/2X0MvVd

ಜೀಸಸ್‌, ಪೈಗಂಬರ್, ಟಿಪ್ಪು, ರಾಯಣ್ಣ ಪಠ್ಯಕ್ಕೆ ಕೊಕ್‌, ಸರ್ಕಾರದ ವಿರುದ್ಧ ಸಿದ್ದರಾಮಯ್ಯ ವಾಗ್ದಾಳಿ

ಬೆಂಗಳೂರು: ಏಸು ಕ್ರಿಸ್ತ, ಪ್ರವಾದಿ ಮುಹಮ್ಮದ್ ಪೈಗಂಬರ್‌, ಟಿಪ್ಪು ಸುಲ್ತಾನ್‌, ಸಂಗೊಳ್ಳಿ ರಾಯಣ್ಣ, ರಾಣಿ ಅಬ್ಬಕ್ಕದೇವಿ ಪಠ್ಯವನ್ನು 10 ನೇ ತರಗತಿಯ ಪಠ್ಯದಲ್ಲಿ ಕೈ ಬಿಟ್ಟ ಸರ್ಕಾರದ ನಡೆ ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗುತ್ತಿದೆ. ಸರ್ಕಾರ ಈ ನಡೆಗೆ ವಿರೋಧ ಪಕ್ಷದ ನಾಯಕ ವಾಗ್ದಾಳಿ ನಡೆಸಿದ್ದಾರೆ. ಟ್ವಿಟ್ಟರ್‌ನಲ್ಲಿ ಈ ಕುರಿತಾಗಿ ರಾಜ್ಯ ಸರ್ಕಾರ ಹಾಗೂ ಶಿಕ್ಷಣ ಸಚಿವ ಸುರೇಶ್ ಕುಮಾರ್‌ ಅವರನ್ನು ತರಾಟೆಗೆ ತೆಗೆದುಕೊಂಡು ಸಿದ್ದರಾಮಯ್ಯ “10ನೇ ತರಗತಿ‌‌ ಪಠ್ಯದಿಂದ ಕೆಲವು ಮಹಾಪುರುಷರಿಗೆ ಸಂಬಂಧಿಸಿದ ಪಾಠವನ್ನು ಕೈಬಿಟ್ಟದ್ದರಲ್ಲಿ ಸರ್ಕಾರದ ಪಾತ್ರವಿಲ್ಲ ಎಂದು ಸಚಿವ ಸುರೇಶ್ ಕುಮಾರ್‌ ಹೇಳಿದ್ದಾರೆ. ಕರ್ನಾಟಕ ಪಠ್ಯಪುಸ್ತಕ ಸಮಿತಿ ಸರ್ಕಾರಕ್ಕಿಂತಲೂ ಉನ್ನತ ಸಂಸ್ಥೆಯೇ? ಅದನ್ನು ತಕ್ಷಣ ವಾಪಸು ಪಡೆಯಿರಿ, ಇಲ್ಲದೆ ಇದ್ದರೆ ನಿಮ್ಮ ಪಾತ್ರ ಒಪ್ಪಿಕೊಳ್ಳಿ” ಎಂದು ಕಿಡಿಕಾರಿದ್ದಾರೆ. ಏಸು ಕ್ರಿಸ್ತ, ಪ್ರವಾದಿ ಪೈಗಂಬರ್, ಟಿಪ್ಪುಸುಲ್ತಾನ್, ಸಂಗೊಳ್ಳಿ ರಾಯಣ್ಣ, ರಾಣಿ ಅಬ್ಬಕ್ಕದೇವಿ ಮೊದಲಾದವರಿಗೆ ಸಂಬಂಧಿಸಿದ ಪಠ್ಯವನ್ನು ಹತ್ತನೇ ತರಗತಿಯ ಪಠ್ಯಕ್ರಮದಿಂದ ಕೈಬಿಟ್ಟಿರುವ ರಾಜ್ಯ ಸರ್ಕಾರದ ನಿರ್ಧಾರ ಖಂಡನೀಯ. ಅಧಿಕೃತ ಸರ್ಕಾರ‌ ದುರ್ಬಲಗೊಳ್ಳುತ್ತಿದೆ,‌ ಅನಧಿಕೃತ ಸಂಘಿ ಸರ್ಕಾರ ಬಲಗೊಳ್ಳುತ್ತಿದೆ ಎಂದು ಸಿದ್ದರಾಮಯ್ಯ ವಾಗ್ದಾಳಿ ನಡೆಸಿದ್ದಾರೆ. ಸರ್ಕಾರದ ಈ ನಡೆಗೆ ಮಂಗಳವಾರ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ ಶಿವಕುಮಾರ್‌ ಕೂಡಾ ವಿರೋಧ ವ್ಯಕ್ತಪಡಿಸಿದ್ದರು. ಇತಿಹಾಸ ಯಾವತ್ತಿಗೂ ಇತಿಹಾಸವೇ ಇದನ್ನು ಬದಲಾಯಿಸಲು ಸಾಧ್ಯವಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದರು.

from India & World News in Kannada | VK Polls https://ift.tt/30XsvDZ