ಚೆನ್ನೈ: ಉದ್ಯೋಗ ನಿರತ ಮಹಿಳೆ ಅವಳಿ ಮಕ್ಕಳಾದ ಮೇಲೆ ಮತ್ತೊಂದು ಮಗುವಿಗೆ ಜನ್ಮ ನೀಡಿದರೆ, ಆಕೆಗೆ ನಿಯಮ ಅನ್ವಯಿಸುವುದಿಲ್ಲ ಎಂದು ತೀರ್ಪು ನೀಡಿದೆ. ಸದ್ಯದ ನಿಯಮಾನುಸಾರ ಮಹಿಳೆ ಒಟ್ಟು ಎರಡು ಬಾರಿ ಮಾತೃತ್ವ ಲಾಭ ಪಡೆದುಕೊಳ್ಳಬಹುದಾಗಿದೆ. ಮೂರನೇ ಹೆರಿಗೆಗೆ ಈ ನಿಯಮ ಅನ್ವಯವಾಗುವುದಿಲ್ಲ. ಅದರಂತೆ ಮೊದಲ ಬಾರಿ ಅವಳಿ ಮಕ್ಕಳಿಗೆ ಜನ್ಮ ನೀಡಿ ಎರಡನೇ ಬಾರಿ ಮತ್ತೊಂದು ಮಗುವಿಗೆ ಜನ್ಮ ನೀಡಿದರೆ ಅದನ್ನು ಮೂರನೇ ಮಗುವೆಂದು ಪರಿಗಣಿಸಲಾಗುವುದು ಎಂದು ಮದ್ರಾಸ್ ಹೈಕೋರ್ಟ್ ಹೇಳಿದೆ. ಅವಳಿ ಮಕ್ಕಳಿಗೆ ಜನ್ಮ ನೀಡಿದಾಗ ಎರಡೂ ಮಕ್ಕಳ ನಡುವಿನ ಜನನ ಸಮಯವನ್ನು ಪರಿಗಣನೆಗೆ ತೆಗೆದುಕೊಂಡು ಎರಡನೇ ಹೆರಿಗೆ ಎಂದೇ ಪರಿಗಣಿಸಲಾಗುತ್ತದೆ ಎಂದು ಮದ್ರಾಸ್ ಹೈಕೋರ್ಟ್ ಅಭಿಪ್ರಾಯಪಟ್ಟಿದೆ. ಹೀಗಾಗಿ ಅವಳಿ ಮಕ್ಕಳ ಜನನದ ಬಳಿಕದ ಹೆರಿಗೆಯನ್ನು ಮೂರನೇ ಹೆರಿಗೆ ಎಂದು ಪರಿಗಗಣಿಸಲು ಕೋರ್ಟ್ ಸಮ್ಮತಿಸಿದೆ. ಈ ಹಿನ್ನೆಲೆಯಲ್ಲಿ ಮಹಿಳೆ ಮೂರನೇ ಬಾರಿಗೆ ದೀರ್ಘ ರಜೆ ಹಾಗೂ ಇನ್ನಿತರ ಸೌಲಭ್ಯಗಳನ್ನು ಪಡೆಯಲು ಅರ್ಹಳಲ್ಲ ಎಂದು ಕೋರ್ಟ್ ಹೇಳಿದೆ. ಈ ಕುರಿತು ತೀರ್ಪು ಪ್ರಕಟಿಸಿರುವ ಜಸ್ಟೀಸ್ ಎಪಿ ಸಾಹಿ ಹಾಗೂ ಜಸ್ಟೀಸ್ ಸುಬ್ರಮಣಿಯಮ್ ಪ್ರಸಾದ್ ನೇತೃತ್ವದ ದ್ವಿಸದಸ್ಯ ಪೀಠ, ಈ ಹಿಂದೆ ಸಿಐಎಸ್'ಎಫ್ ಮಹಿಳಾ ಅಧಿಕಾರಿಯೊಬ್ಬರು ಅವಳಿ ಮಕ್ಕಳ ಜನನದ ಬಳಿಕ ಮತ್ತೊಂದು ಮಗುವಿಗೆ ಜನ್ಮ ನೀಡಿ ಮಾತೃತ್ವ ಲಾಭ ನಿಯಮದಡಿ ಮತ್ತೆ ರಜೆ ಪಡೆದುಕೊಂಡಿದ್ದನ್ನು ನಿಯಮ ಬಾಹಿರ ಎಂದು ಹೇಳಿದೆ. ಸರ್ಕಾರ ಸಲ್ಲಿಸಿದ್ದ ಅರ್ಜಿಯನ್ನು ಪುರಸ್ಕರಿಸಿರುವ ನ್ಯಾಯಾಲಯ, ಅವಳಿ ಮಕ್ಕಳಾದ ಮೇಲೆ ಜನಿಸುವ ಮಗುವನ್ನು ಮೂರನೇ ಹೆರಿಗೆ ಎಂದೇ ಪರಿಗಣಿಸಲಾಗುವುದು ಎಂದು ಸ್ಪಷ್ಟಪಡಿಸಿದೆ.
from India & World News in Kannada | VK Polls https://ift.tt/3cjthjw
