ಹೊಸದಿಲ್ಲಿ: ತನ್ನ ಕೋವ್ಯಾಕ್ಸಿನ್ ಒಟ್ಟಾರೆ ಶೇ 77.8ರಷ್ಟು ಪರಿಣಾಮಕಾರಿಯಾಗಿದೆ ಎಂದು ತಿಳಿಸಿದೆ. ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗದ ದತ್ತಾಂಶಗಳನ್ನು ಉಲ್ಲೇಖಿಸಿ ಅದು ಹೇಳಿಕೆ ನೀಡಿದೆ. ಆದರೆ ಈ ದತ್ತಾಂಶಗಳನ್ನು ಇನ್ನೂ ಔಷಧ ನಿಯಂತ್ರಕರು ಪರಾಮರ್ಶಿಸಿಲ್ಲ. ಎರಡನೆಯ ಅಲೆಗೆ ಕಾರಣವಾಗಿರುವ ಅತ್ಯಧಿಕ ಪ್ರಸರಣ ಸಾಮರ್ಥ್ಯವುಳ್ಳ ಹೊಸ ವಿರುದ್ಧ ತನ್ನ ಲಸಿಕೆ ಶೇ 65.2ರಷ್ಟು ರಕ್ಷಣೆ ಒದಗಿಸಬಲ್ಲದು. ತೀವ್ರತರದ ಲಕ್ಷಣಗಳ ವಿರುದ್ಧ ಶೇ 93.4ರಷ್ಟು ಅದು ಪರಿಣಾಮಕಾರಿಯಾಗಿದೆ. ರೋಗ ಲಕ್ಷಣಗಳಿಲ್ಲದ ಕೋವಿಡ್ ರೋಗಿಗಳಿಗೆ ಕೋವ್ಯಾಕ್ಸಿನ್ ಶೇ 63.6ರಷ್ಟು ರಕ್ಷಣೆ ಒದಗಿಸಬಲ್ಲದು ಎಂದು ಕಂಪೆನಿ ತಿಳಿಸಿದೆ. ಕೋವ್ಯಾಕ್ಸಿನ್ ಲಸಿಕೆಯ ಮೂರನೇ ಹಂತದ ಪ್ರಯೋಗವನ್ನು ದೇಶದ ವಿವಿಧ ಭಾಗಗಳ 25 ಆಸ್ಪತ್ರೆಗಳಲ್ಲಿ ನಡೆಸಲಾಗಿದೆ. 18 ರಿಂದ 98 ವರ್ಷ ವಯಸ್ಸಿನ ವಿವಿಧ ವಯೋಮಾನದ 25,800 ಸ್ವಯಂ ಸೇವಕರ ಮೇಲೆ ಇದರ ಪ್ರಯೋಗ ನಡೆದಿದೆ. ಎರಡನೆಯ ಡೋಸ್ ಪಡೆದ ಕನಿಷ್ಠ ಎರಡು ವಾರಗಳ ನಂತರ, ರೋಗ ಲಕ್ಷಣವಿರುವ 130 ರೋಗಿಗಳ ಮೇಲಿನ ಕ್ಲಿನಿಕಲ್ ಪ್ರಯೋಗದ ವಿವರಗಳನ್ನು ವಿಶ್ಲೇಷಿಸಲಾಗಿದೆ. ಕೋವ್ಯಾಕ್ಸಿನ್ ಲಸಿಕೆಯ ಮೂರನೇ ಹಂತದ ಪ್ರಯೋಗ ಪೂರ್ಣಗೊಳ್ಳುವ ಮುನ್ನವೇ ಲಸಿಕೆಯ ತುರ್ತು ಬಳಕೆಗೆ ಜನವರಿಯಲ್ಲಿ ಅನುಮೋದನೆ ನೀಡಲಾಗಿತ್ತು. ಇದು ತೀವ್ರ ವಿವಾದಕ್ಕೆ ಕಾರಣವಾಗಿತ್ತು. ಭಾರತ್ ಬಯೋಟೆಕ್ನ ಅಮೆರಿಕನ್ ಸಹಭಾಗಿ ಒಕ್ಯುಜೆನ್ ಕೂಡ ಇದೇ ರೀತಿಯ ಅಧ್ಯಯನ ವರದಿಗಳನ್ನು ನೀಡಿತ್ತು.
from India & World News in Kannada | VK Polls https://ift.tt/3dApkJy
