ವಾಷಿಂಗ್ಟನ್: ಅಧ್ಯಕ್ಷೀಯ ಚುನಾವಣೆಯಲ್ಲಿ ಸೋಲು ಅನುಭವಿಸಿದ ಬಳಿಕ ಮಾಜಿ ಅಧ್ಯಕ್ಷ ಇತ್ತೀಚೆಗೆ ಹೆಚ್ಚು ಸುದ್ದಿಯಲ್ಲಿಲ್ಲ. ಸಾಮಾಜಿಕ ಜಾಲತಾಣಗಳು ಅವರನ್ನು ನಿರ್ಬಂಧಿಸಿರುವುದು ಇದಕ್ಕೆ ಕಾರಣವಿರಬಹುದು. ಆದರೆ, ಟ್ರಂಪ್ ಈಗ ಗೆಲುವಿನ ಸಂತಸದಲ್ಲಿದ್ದಾರೆ! ಸೋಂಕಿನ ಸಮಸ್ಯೆ ಜಗತ್ತನ್ನು, ಮುಖ್ಯವಾಗಿ ಅಮೆರಿಕಕ್ಕೆ ದೊಡ್ಡ ತಲೆನೋವಾಗಿ ಪರಿಣಮಿಸಿದ ಸಂದರ್ಭದಿಂದಲೂ ಡೊನಾಲ್ಡ್ ಟ್ರಂಪ್ ಇದು ಚೀನೀ ವೈರಸ್. ವುಹಾನ್ನ ಲ್ಯಾಬ್ನಿಂದ ಬಂದಿರುವ ವೈರಸ್ ಎಂದೇ ಹೇಳಿಕೆ ನೀಡುತ್ತಿದ್ದರು. ಇದು ಕೆಂಗಣ್ಣಿಗೆ ಗುರಿಯಾಗಿತ್ತು. ತಾವು ಆಗ ಹೇಳಿದ್ದು ಎಷ್ಟು ಸತ್ಯವಾಗಿದೆ ನೋಡಿ ಎಂದು ಟ್ರಂಪ್ ಹೇಳಿಕೊಂಡಿದ್ದಾರೆ. 'ಪ್ರತಿಯೊಬ್ಬರೂ ಮಾತ್ರವಲ್ಲ, ಆ 'ಶತ್ರು' ಎನ್ನಲಾಗುವವರು ಕೂಡ ಚೀನಾ ವೈರಸ್ ವುಹಾನ್ ಲ್ಯಾಬ್ನಿಂದ ಬಂದಿದ್ದು ಎಂಬ ಬಗ್ಗೆ ಅಧ್ಯಕ್ಷ ಟ್ರಂಪ್ ಹೇಳಿದ್ದು ಸರಿಯಾಗಿತ್ತು ಎಂದು ಹೇಳಲು ಆರಂಭಿಸಿದ್ದಾರೆ' ಎಂದು ಡೊನಾಲ್ಡ್ ಟ್ರಂಪ್ ಗುರುವಾರ ಹೇಳಿದ್ದಾರೆ. ಸೋರಿಕೆಯಿಂದ ಉಂಟಾದ ಸಾವು ಹಾಗೂ ಹಾನಿಗೆ ಕಾರಣವಾದ ಚೀನಾಕ್ಕೆ ದಂಡ ವಿಧಿಸಬೇಕು ಎಂದು ಸಹ ಟ್ರಂಪ್ ಸಲಹೆ ನೀಡಿದ್ದಾರೆ. ಡಾ. ಆಂಟೋನಿ ಫೌಸಿ ಮತ್ತು ಚೀನಾದೊಂದಿಗೆ ನಡೆದ ಮಾತುಕತೆಗಳು ಯಾರೂ ಕೂಡ ನಿರ್ಲಕ್ಷಿಸದಂತಹ ಸಂಗತಿಗಳನ್ನು ತೆರೆದಿಟ್ಟಿದೆ. ಚೀನಾವು ತನ್ನಿಂದಾದ ಸಾವುಗಳು ಹಾಗೂ ಹಾನಿಗೆ ಅಮೆರಿಕ ಮತ್ತು ಜಗತ್ತಿಗೆ 10 ಟ್ರಿಲಿಯನ್ ಡಾಲರ್ ದಂಡ ಪಾವತಿಸಬೇಕು ಎಂದು ಟ್ರಂಪ್ ಹೇಳಿದ್ದಾರೆ. ಅಮೆರಿಕದ ಹಿರಿಯ ಸಾಂಕ್ರಾಮಿಕ ರೋಗ ತಜ್ಞ ಡಾ. ಆಂಟೋನಿ ಫೌಸಿ ಅವರ ಖಾಸಗಿ ಇಮೇಲ್ಗಳು ಬಹಿರಂಗವಾಗಿದ್ದು, ವುಹಾನ್ ಲ್ಯಾಬ್ನಿಂದಲೇ ವೈರಸ್ಗಳು ಸೋರಿಕೆಯಾಗಿರುವುದು ಎಂಬ ಕುರಿತಾದ ವಾದವನ್ನು ಮತ್ತೆ ಹುಟ್ಟುಹಾಕಿದ್ದವು. ವಾಷಿಂಗ್ಟನ್ ಪೋಸ್ಟ್, 2020ರ ಜನವರಿಯಿಂದ ಜೂನ್ವರೆಗಿನ 3,000ಕ್ಕೂ ಅಧಿಕ ಪುಟಗಳ ಇಮೇಲ್ಗಳನ್ನು ಸಂಗ್ರಹಿಸಿದ್ದು, ಇದರಲ್ಲಿ ಫೌಸಿ ಹಾಗೂ ಅವರ ಸಹೋದ್ಯೋಗಿಗಳು ಈ ವೈರಸ್ ವುಹಾನ್ ಲ್ಯಾಬ್ನಿಂದ ಸೋರಿಕೆಯಾಗಿದ್ದರ ಬಗ್ಗೆ ಚರ್ಚಿಸಿದ್ದರು.
from India & World News in Kannada | VK Polls https://ift.tt/3fNfLII
