ಸೌಥ್ಹ್ಯಾಂಪ್ಟನ್: ಸತತ ಎರಡು ವಿಶ್ವಕಪ್ ಟೂರ್ನಿಗಳಲ್ಲಿ ಫೈನಲ್ ತಲುಪಿದರೂ ಟ್ರೋಫಿ ಗೆಲ್ಲದೇ ಉಳಿದಿದ್ದ ನ್ಯೂಜಿಲೆಂಡ್ ತಂಡಕ್ಕೆ ಕೊನೆಗೂ ಅದೃಷ್ಟ ಕೈಹಿಡಿದಿದೆ. ಚೊಚ್ಚಲ ಆವೃತ್ತಿಯ ಐಸಿಸಿ ಟೆಸ್ಟ್ ವಿಶ್ವ ಚಾಂಪಿಯನ್ಷಿಪ್ ಫೈನಲ್ನಲ್ಲಿ ಎದುರು 8 ವಿಕೆಟ್ಗಳ ಭರ್ಜರಿ ಜಯ ದಾಖಲಿಸಿ 144 ವರ್ಷಗಳ ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ವಿಶ್ವ ಚಾಂಪಿಯನ್ ಪಟ್ಟ ಪಡೆದ ಮೊದಲ ತಂಡ ಎನಿಸಿಕೊಂಡಿದೆ. 2000ರದ ಇಸವಿಯಲ್ಲಿ ನಡೆದ ಏಕದಿನ ಕ್ರಿಕೆಟ್ ನಾಕ್ಔಟ್ ಟ್ರೋಫಿ ಟೂರ್ನಿಯಲ್ಲಿ ಜಯ ದಾಖಲಿಸಿದ್ದ ನ್ಯೂಜಿಲೆಂಡ್ ತಂಡಕ್ಕೆ ಮರಳಿ ಯಶಸ್ಸು ಕೈ ಹಿಡಿದಿರಲಿಲ್ಲ. ಕಳೆದ 8 ವರ್ಷಗಳಲ್ಲಿ ಅತ್ಯಂತ ಸ್ಥಿರ ಪ್ರದರ್ಶನ ನೀಡಿದ ತಂಡಗಳಲ್ಲಿ ಒಂದಾಗಿದ್ದ ವಿಶ್ವದ ನಂ.1 ಟೆಸ್ಟ್ ತಂಡ ನ್ಯೂಜಿಲೆಂಡ್ಗೆ ಈಗ ಟೆಸ್ಟ್ ಕ್ರಿಕೆಟ್ನ ವಿಶ್ವ ಚಾಂಪಿಯನ್ಸ್ ಪಟ್ಟ ಲಭ್ಯವಾಗಿದೆ. 2019ರ ಐಸಿಸಿ ಒಡಿಐ ವಿಶ್ವಕಪ್ ಟೂರ್ನಿಯಲ್ಲಿ ನ್ಯೂಜಿಲೆಂಡ್ ಫೈನಲ್ ತಲುಪಿದ್ದರೂ ಚಾಂಪಿಯನ್ಸ್ ಆಸ್ಟ್ರೇಲಿಯಾ ಎದುರು ಸೋತು ನಿರಾಶೆ ಅನುಭವಿಸಿತ್ತು. ಬಳಿಕ 2019ರ ಒಡಿಐ ವಿಶ್ವಕಪ್ನಲ್ಲೂ ಇಂಗ್ಲೆಂಡ್ ಎದುರು ಸೀಮಿತ ಓವರ್ಗಳಲ್ಲಿ ಮತ್ತು ಸೂಪರ್ ಓವರ್ ಎರಡರಲ್ಲೂ ಸಮಬಲ ಸಾಧಿಸಿದರೂ, ಅಂತಿಮವಾಗಿ ಬೌಂಡರಿ ಕೌಂಟ್ ನಿಯಮದ ಆಧಾರದ ಮೇರೆಗೆ ರನ್ನರ್ಸ್ ಅಪ್ ಸ್ಥಾನ ಪಡೆದು ಬೇಸರದ ಕಡಲಲ್ಲಿ ಮುಳುಗಿತ್ತು. ತಂಡಕ್ಕೆ ಜಯ ತಂದ ವಿಲಿಯಮ್ಸನ್2019ರ ಒಡಿಐ ವಿಶ್ವಕಪ್ ಟೂರ್ನಿಯಲ್ಲಿ ತಂಡಕ್ಕೆ ಜಯ ತಂದುಕೊಡಲಾಗಲಿಲ್ಲ ಎಂಬ ಬೇಸರದಲ್ಲಿ ಕಣ್ಣೀರಿಟ್ಟಿದ್ದ ಕಿವೀಸ್ ನಾಯಕ ಕೇನ್ ವಿಲಿಯಮ್ಸನ್, ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ನಲ್ಲಿ ಅವಕಾಶ ಕೈತಪ್ಪದಂತೆ ಎಚ್ಚರಿಕೆ ವಹಿಸಿದರು. ಮೊದಲ ಇನಿಂಗ್ಸ್ನಲ್ಲಿ 49 ರನ್ಗಳ ಅಮೂಲ್ಯ ಕೊಡುಗೆ ಕೊಟ್ಟಿದ್ದ ಕೇನ್, ಎರಡನೇ ಇನಿಂಗ್ಸ್ನಲ್ಲಿ ಅಜೇಯ 52 ರನ್ಗಳ ಕೊಡುಗೆ ಕೊಟ್ಟು 139 ರನ್ಗಳ ಗುರಿ ಮೆಟ್ಟಿನಿಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. 3ನೇ ವಿಕೆಟ್ಗೆ ತಂಡದ ಅನುಭವಿ ಬ್ಯಾಟ್ಸ್ಮನ್ ರಾಸ್ ಟೇಲರ್ (ಅಜೇಯ 47) ಜೊತೆಗೆ ಮುರಿಯದ 96 ರನ್ಗಳ ಜೊತೆಯಾಟವಾಡಿ ಜಯದ ರೂವಾರಿ ಎನಿಸಿದರು. ಜೇಮಿಸನ್ಗೆ ಪಂದ್ಯ ಶ್ರೇಷ್ಠ ಗೌರವಮೊದಲ ಇನಿಂಗ್ಸ್ನಲ್ಲಿ 31ಕ್ಕೆ 5 ವಿಕೆಟ್ಗಳನ್ನು ಪಡೆದು ಭಾರತ ತಂಡವನ್ನು 217 ರನ್ಗಳಿಗೆ ಆಲ್ಔಟ್ ಮಾಡುವಲ್ಲಿ ಮುಖ್ಯ ಪಾತ್ರ ವಹಿಸಿದ ಕಿವೀಸ್ನ ಯುವ ವೇಗದ ಬೌಲರ್ ಕೈಲ್ ಜೇಮಿಸನ್, ಎರಡನೇ ಇನಿಂಗ್ಸ್ನಲ್ಲೂ ವಿರಾಟ್ ಕೊಹ್ಲಿ ಮತ್ತು ಚೇತೇಶ್ವರ್ ಪೂಜಾರ ಅವರ ನಿರ್ಣಾಯಕ ವಿಕೆಟ್ ಪಡೆದದ್ದೇ ನ್ಯೂಜಿಲೆಂಡ್ ಗೆಲುವಿಗೆ ಬಲವಾಯಿತು. ಅವರ ಈ ಮನಮೋಹಕ ಪ್ರದರ್ಶನಕ್ಕೆ ಪಂದ್ಯಶ್ರೇಷ್ಠ ಗೌರವವೂ ಒಲಿಯಿತು. ವಿರಾಟ್ ಕೊಹ್ಲಿ ಸತತ ವೈಫಲ್ಯವಿರಾಟ್ ಕೊಹ್ಲಿ ಟೀಮ್ ಇಂಡಿಯಾ ನಾಯಕನಾದ ಬಳಿಕ ಭಾರತ ತಂಡ ಐಸಿಸಿ ಆಯೋಜನೆಯ ಯಾವುದೇ ಟೂರ್ನಿಗಳಲ್ಲೂ ಟ್ರೋಫಿ ಗೆದ್ದಿಲ್ಲ. 2017ರ ಚಾಂಪಿಯನ್ಸ್ ಟ್ರೋಫಿ ಫೈನಲ್ನಲ್ಲಿ ಕೊಹ್ಲಿ ಬಳಗ ಪಾಕಿಸ್ತಾನ ವಿರುದ್ಧ ಮುಗ್ಗರಿಸಿತ್ತು. ನಂತರ 2019ರ ಒಡಿಐ ವಿಶ್ವಕಪ್ ಸೆಮಿಫೈನಲ್ನಲ್ಲೂ ನ್ಯೂಜಿಲೆಂಡ್ ವಿರುದ್ಧ ನಿರಾಶೆ ಅನುಭವಿಸಿತ್ತು. ಈಗ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ನಲ್ಲೂ ಭಾರತಕ್ಕೆ ಪ್ರಶಸ್ತಿ ಗೆದ್ದುಕೊಡುವಲ್ಲಿ ವಿಫಲರಾಗಿದ್ದಾರೆ. ಈ ನಡುವೆ ಸೋಷಿಯಲ್ ಮೀಡಿಯಾಗಳಲ್ಲೂ ಕೊಹ್ಲಿ ನಾಯಕತ್ವದ ವಿರುದ್ಧ ಅಸಮಾಧಾನ ಭುಗಿಲೆದ್ದಿದೆ. ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ಪಂದ್ಯದ ಸಂಕ್ಷಿಪ್ತ ಭಾರತ: ಮೊದಲ ಇನಿಂಗ್ಸ್ 92.1 ಓವರ್ಗಳಲ್ಲಿ 217ಕ್ಕೆ ಆಲ್ಔಟ್ (ರೋಹಿತ್ ಶರ್ಮಾ 34, ಶುಭಮನ್ ಗಿಲ್ 28, ವಿರಾಟ್ ಕೊಹ್ಲಿ 44, ಚೇತೇಶ್ವರ್ ಪೂಜಾರ 8, ಅಜಿಂಕ್ಯ ರಹಾನೆ 49, ಆರ್ ಅಶ್ವಿನ್ 22; ಕೈಲ್ ಜೇಮಿಸನ್ 31ಕ್ಕೆ 5, ವ್ಯಾಗ್ನರ್ 40ಕ್ಕೆ 2, ಬೌಲ್ಟ್ 47ಕ್ಕೆ 2, ಟಿಮ್ ಸೌಥೀ 64ಕ್ಕೆ 1). ನ್ಯೂಜಿಲೆಂಡ್: ಮೊದಲ ಇನಿಂಗ್ಸ್ 72 ಓವರ್ಗಳಲ್ಲಿ 5 ವಿಕೆಟ್ಗೆ 135 ರನ್ (ಟಾಮ್ ಲೇಥಮ್ 30, ಡೆವೋನ್ ಕಾನ್ವೇ 54, ಕೇನ್ ವಿಲಿಯಮ್ಸನ್ 19, ರಾಸ್ ಟೇಲರ್ 11; ಆರ್ ಅಶ್ವಿನ್ 20ಕ್ಕೆ 1, ಇಶಾಂತ್ ಶರ್ಮಾ 28ಕ್ಕೆ 2, ಮೊಹಮ್ಮದ ಶಮಿ 20ಕ್ಕೆ 2). ಭಾರತ: ಎರಡನೇ ಇನಿಂಗ್ಸ್ 170 ಆಲ್ಔಟ್ (ರೋಹಿತ್ ಶರ್ಮಾ 30, ಶುಭಮನ್ ಗಿಲ್ 8, ಚೇತೇಶ್ವರ್ ಪೂಜಾರ 15, ರಿಷಭ್ ಪಂತ್ 41; ಟಿಮ್ ಸೌಥೀ 48ಕ್ಕೆ 4, ಟ್ರೆಂಟ್ ಬೌಲ್ಟ್ 39ಕ್ಕೆ 3, ಕೈಲ್ ಜೇಮಿಸನ್ 30ಕ್ಕೆ 2). ನ್ಯೂಜಿಲೆಂಡ್: ಎರಡನೇ ಇನಿಂಗ್ಸ್ 45.5 ಓವರ್ಗಳಲ್ಲಿ 2 ವಿಕೆಟ್ಗೆ 140 ರನ್ (ಕೇನ್ ವಿಲಿಯಮ್ಸನ್ ಅಜೇಯ 52, ರಾಸ್ ಟೇಲರ್ ಅಜೇಯ 47; ಆರ್ ಅಶ್ವಿನ್ 17ಕ್ಕೆ 2). ಪಂದ್ಯಶ್ರೇಷ್ಠ: ಕೈಲ್ ಜೇಮಿಸನ್
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2UnCNxw
