ಆಕೆಯ ಹಣೆ ಮೇಲೆ ಕುಂಕುಮವಿಲ್ಲ, ಕೈನಲ್ಲಿ ಬಳೆ ಇಲ್ಲ, ಕಾಲಿಗೆ ಗೆಜ್ಜೆ ಧರಿಸುವಂತಿಲ್ಲ.. ಅವೆಲ್ಲವೂ ಆಕೆಯ ಗಂಡನ ಆಸ್ತಿಯಾಗಿತ್ತು..! ಈಗ ಆತನೇ ಇಲ್ಲವಲ್ಲ.. ಹೀಗಾಗಿ, ಆಕೆಗೆ ಏನೂ ಇಲ್ಲ..! ಆಕೆಯ ಹೆಸರು ..! ವೈಧವ್ಯ ಅನ್ನೋದು ಆಕೆಗೆ ಧುತ್ತನೆ ಎದುರಾದ ಶಾಪ.. ಚಿಕ್ಕ ವಯಸ್ಸಿನಲ್ಲೇ ಗಂಡನನ್ನು ಕಳೆದುಕೊಂಡರಂತೂ ಸಂಕಷ್ಟಗಳು ಒಂದೆರಡಲ್ಲ..! 21 ಶತಮಾನದಲ್ಲೂ, ತಂತ್ರಜ್ಞಾನದಲ್ಲಿ ಪ್ರಪಂಚ ಮುಂದುವರೆದಿರುವ ಹೊತ್ತಲ್ಲೂ ವಿಧವೆಯರ ಬಾಳು ನರಕ ಸದೃಶ.. ಇಷ್ಟೆಲ್ಲಾ ಹೇಳೋಕೆ ಕಾರಣ, ಜೂನ್ 23ರ ವಿಶೇಷ.. ಈ ದಿನ .. ವಿಶ್ವದಲ್ಲಿ ಸರಿಸುಮಾರು 258 ದಶ ಲಕ್ಷ ವಿಧವೆಯರು ಇದ್ದಾರೆ ಎಂದು ವಿಶ್ವಸಂಸ್ಥೆ ಅಂದಾಜಿಸಿದೆ. ಭಾರತ ಮಾತ್ರವಲ್ಲ, ವಿಶ್ವದೆಲ್ಲೆಡೆ ಕೂಡಾ ವಿಧವೆಯರದ್ದು ಇದೇ ಪಾಡು.. ವಿಧವೆಯರ ಸಂಕಷ್ಟ ಹಿಂದೆ ಇನ್ನಷ್ಟು ನಿಕೃಷ್ಟವಾಗಿತ್ತು. ಬಿಳಿ ಸೀರೆ ಧರಿಸಬೇಕು, ತಲೆ ಬೋಳಿಸಿಕೊಳ್ಳಬೇಕು ಎಂಬೆಲ್ಲಾ ಕಟ್ಟುಪಾಡುಗಳಿದ್ದವು. ಶುಭ ಸಮಾರಂಭಗಳಿಗೆ ವಿಧವೆಯರಿಗೆ ಪ್ರವೇಶವಿಲ್ಲ ಎಂಬ ಕಟ್ಟುಪಾಡುಗಳೂ ಇದ್ದವು. ಆದ್ರೀಗ ಪರಿಸ್ಥಿತಿ ಕೊಂಚ ಬದಲಾಗಿದೆ. ಆದ್ರೆ, ಸಂಕಷ್ಟ ಅನ್ನೋದು ಹಾಗೇ ಉಳಿದು ಹೋಗಿದೆ. ಹಿಂದೂ ಕೌಟುಂಬಿಕ ಪದ್ದತಿಯಲ್ಲಿ ಹೆಂಡತಿಯನ್ನು ಕಳೆದುಕೊಂಡ ವ್ಯಕ್ತಿ ವಿಧುರನಾದರೆ, ಆತ ಬಹುಬೇಗ ಮತ್ತೊಂದು ಮದುವೆಯಾಗಿಬಿಡಬಹುದು. ಆದ್ರೆ, ವಿಧವೆಯರಿಗೆ ಮಾತ್ರ ಅದು ಅಷ್ಟು ಸುಲಭದ ಸಂಗತಿ ಅಲ್ಲವೇ ಅಲ್ಲ. ಗಂಡನೆಂಬ ವ್ಯಕ್ತಿ ಆರ್ಥಿಕವಾಗಿಯೂ ಕುಟುಂಬದ ಆಧಾರದ ಸ್ಥಂಭವಾಗಿದ್ದರು ಅನ್ನೋದಾದ್ರೆ, ವಿಧವೆಯರ ಗತಿ ದೇವರಿಗೇ ಪ್ರೀತಿ.. ಗಂಡನ ಕಡೆಯವರಿಂದ ಆಗುವ ಆಸ್ತಿ ದೋಖಾ ಸಹಿಸಿಕೊಳ್ಳಬೇಕಾದ ಜೊತೆಯಲ್ಲೇ, ಮಕ್ಕಳನ್ನೂ ಸಾಕಬೇಕಾದ ಅನಿವಾರ್ಯತೆ.. ಮಕ್ಕಳಿರುವ ವಿಧವೆಯನ್ನು ಮದುವೆಯಾಗುವವರಾದ್ರೂ ಯಾರು? ಆಕೆಯ ಮಕ್ಕಳಿಗೆ ಮಲ ತಂದೆಯಿಂದ ಪ್ರೀತಿ ಸಿಗುತ್ತಾ..? ಸಮಾಜ ಒಪ್ಪುತ್ತಾ..? ಆಕೆಯ ಮನಸ್ಸಾದ್ರೂ ಒಪ್ಪುತ್ತಾ? ಹೀಗೆ.. ಎಷ್ಟೊಂದು ಪ್ರಶ್ನೆಗಳು.. ಸುಖ ದಾಂಪತ್ಯಕ್ಕೆ ಕೊಳ್ಳಿ ಇಡುವ ಕಾರಣಗಳಾದ್ರೂ ಲೆಕ್ಕವಿಲ್ಲದಷ್ಟು.. ಧೂಮಪಾನ, ಕುಡಿತ, ಅನಾರೋಗ್ಯಕರ ಜೀವನ ಶೈಲಿ, ಅಪಘಾತ, ಏಡ್ಸ್, ಕ್ಯಾನ್ಸರ್, ಇದೀಗ ಕೊರೊನಾ..! ಸುಖ ದಾಂಪತ್ಯ ನಡೆಸುತ್ತಿದ್ದ ಜೋಡಿಯೊಂದು ಒಂಟಿಯಾಗಲು ಎಷ್ಟೊಂದು ಕಾರಣ..! ಈ ಪೈಕಿ ಹೆಂಡತಿಯನ್ನು ಕಳೆದುಕೊಂಡ ಪುರುಷನ ಪಾಡು ಒಂದು ರೀತಿಯಾದ್ರೆ, ಗಂಡನನ್ನು ಕಳೆದುಕೊಂಡ ಮಹಿಳೆಯ ಪಾಡು ಬಹಳ ಕಷ್ಟಕರ.. ಗಂಡನನ್ನು ಕಳೆದುಕೊಂಡ ವಿಧವೆಯರು ಹಾಗೂ ಅವರ ಮಕ್ಕಳ ಪಾಲನೆ, ಪೋಷಣೆ, ಶಿಕ್ಷಣ ಸೇರಿದಂತೆ ಹಲವು ವಿಚಾರಗಳ ಕುರಿತಂತೆ ಸರ್ಕಾರಗಳು ಕಾಲಕಾಲಕ್ಕೆ ಯೋಜನೆಗಳನ್ನು ಘೋಷಿಸುತ್ತವಾದ್ರೂ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಅನ್ನೋದು ಕನ್ನಡಿಯ ಗಂಟೇ ಸರಿ.. ಅದರಲ್ಲೂ ಭಾರತದಂತಾ ಸಮಾಜದಲ್ಲಿ ಮೊದಲು ಬದಲಾಗಬೇಕಾದ್ದು, ಜನರ ಮನಸ್ಥಿತಿ. ಸಮಾನ ಅವಕಾಶ, ಗೌರವಯುತ ಬದುಕು, ಆತ್ಮಗೌರವ ಕಾಪಾಡಿಕೊಳ್ಳಲು ಅಗತ್ಯ ಸನ್ನಿವೇಶವನ್ನು ಕಲ್ಪಿಸಿದಾಗ ಮಾತ್ರ, ಈ ದಿನಕ್ಕೊಂದು ಅರ್ಥ ಬರುತ್ತೆ..
from India & World News in Kannada | VK Polls https://ift.tt/2SiZhiy
