ಹೊಸದಿಲ್ಲಿ: ಟೀಮ್ ಇಂಡಿಯಾದ ಮ್ಯಾಚ್ ವಿನ್ನರ್ ರಿಷಭ್ ಪಂತ್, ಕೌಂಟಿ ಸೆಲೆಕ್ಟ್ ಇಲೆವೆನ್ ವಿರುದ್ದದ ಅಭ್ಯಾಸ ಪಂದ್ಯಕ್ಕೂ ಮುನ್ನ ಕೋವಿಡ್-19 ಸೋಂಕಿಗೆ ತುತ್ತಾಗಿದ್ದರು. ಇಂಗ್ಲೆಂಡ್ ವಿರುದ್ದದ ಐದು ಟೆಸ್ಟ್ಗಳ ಸರಣಿಗೆ ಸಮರಾಭ್ಯಾಸ ನಡೆಸಲು ಎದುರು ನೋಡುತ್ತಿದ್ದ ಭಾರತ ತಂಡಕ್ಕೆ ಇದರಿಂದ ಭಾರಿ ಹಿನ್ನಡೆ ಎದುರಾಗಿತ್ತು. ಇದೀಗ ಯುವ ವಿಕೆಟ್ಕೀಪರ್ ಬ್ಯಾಟ್ಸ್ಮನ್ ಪಂತ್, ಟೀಮ್ ಇಂಡಿಯಾಗೆ ಕಮ್ಬ್ಯಾಕ್ ಮಾಡಿದ್ದಾರೆ. ಕೊರೊನಾ ವೈರಸ್ನಿಂದ ಚೇತರಿಸಿರುವ ಪಂತ್ ಡ್ರೆಸಿಂಗ್ ರೂಮ್ಗೆ ಹಿಂದಿರುಗುತ್ತಿದ್ದಂತೆಯೇ, ಸಹ ಆಟಗಾರರಿಂದ ಭವ್ಯ ಸ್ವಾಗತ ಸಿಕ್ಕಿದೆ. ಪಂತ್ಗೆ ಹಾರ ತೊಡಿಸಿ ಭಾರತ ತಂಡಕ್ಕೆ ಬರಮಾಡಿಕೊಳ್ಳಲಾಗಿದೆ. ಇದರ ಫೋಟೊಗಳನ್ನು ಪಂತ್ ತಮ್ಮ ಅಧಿಕೃತ ಟ್ವಿಟರ್ ಖಾತೆ ಮೂಲಕ ಅಭಿಮಾನಿಗಳೊಟ್ಟಿಗೆ ಹಂಚಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ ತಮಗೆ ಭವ್ಯ ಸ್ವಾಗತ ಕೊಟ್ಟ ಮುಖ್ಯ ಕೋಚ್ ಅವರಿಗೆ ಧನ್ಯವಾದ ಹೇಳಿದ್ದಾರೆ. ಈ ನಡುವೆ ಭಾರತ ತಂಡ ಡುರ್ಹ್ಯಾಮ್ನ ರಿವರ್ಸೈಡ್ ಕ್ರೀಡಾಂಗಣದಲ್ಲಿ ಕೌಂಟಿ ಸೆಲೆಕ್ಟ್ ಇಲೆವೆನ್ ವಿರುದ್ಧ 3 ದಿನಗಳ ಅಭ್ಯಾಸ ಪಂದ್ಯವನ್ನಾಡಿ ಡ್ರಾ ಸಾಧಿಸಿದೆ. ಇನ್ನು ಪಂತ್ ಟ್ವೀಟ್ಗೆ ಕೂಡಲೇ ಪ್ರತಿಕ್ರಿಯೆ ನೀಡಿದ ಮುಖ್ಯ ಕೋಚ್ ರವಿ ಶಾಸ್ತ್ರಿ, "ಕೋವಿಡ್ನಿಂದ ಚೇತರಿಸಿ ಹಿಂದಿರುಗಿದ್ದಾರೆ. ಅದ್ಭುತ, ಡ್ರೆಸಿಂಗ್ ರೂಮ್ನಲ್ಲಿ ಅತಿ ಹೆಚ್ಚು ಗಲಾಟೆ ಮಾಡೋ ಆಟಗಾರ ಬಂದಾಗಿದೆ," ಎಂದು ಟ್ವಿಟರ್ ಗೋಡೆಯ ಮೇಲೆ ಬರೆದು ಪಂತ್ ಜೊತೆಗಿನ ಫೋಟೊ ಹಂಚಿಕೊಂಡಿದ್ದಾರೆ. ಭಾರತ ತಂಡಕ್ಕೆ ಹಿಂದಿರುಗಿರುವ ಪಂತ್, ಇದೀಗ ಕೌಂಟಿ ಸೆಲೆಕ್ಟ್ ವಿರುದ್ದದ ಎರಡನೇ ಅಭ್ಯಾಸ ಪಂದ್ಯದಲ್ಲಿ ಭಾರತ ತಂಡದ ಪರ ಕಣಕ್ಕಿಳಿಯಲಿದ್ದಾರೆ. ಭಾರತ ತಂಡ ಈಗಾಗಲೇ ಗಾಯದ ಸಮಸ್ಯೆ ಕಾರಣ ಶುಭಮನ್ ಗಿಲ್, ಅವೇಶ್ ಖಾನ್ ಮತ್ತು ವಾಷಿಂಗ್ಟನ್ ಸುಂದರ್ ಸೇವೆ ಕಳೆದುಕೊಂಡಿದೆ. ಈಗ ಪಂತ್ ಆಗಮನ ತಂಡದ ಬಲ ಹೆಚ್ಚಿದಂತ್ತಾಗಿದೆ. ಕೌಂಟಿ ಸೆಲೆಕ್ಟ್ ಇಲೆವೆನ್ ತಂಡವಿಲ್ ರೋಡ್ಸ್ (ವಾರ್ವಿಕ್ಶೈರ್/ ನಾಯಕ), ರೆಹಾನ್ ಅಹ್ಮದ್ (ಲೈಸ್ಟರ್ಶೈರ್), ಟಾಮ್ ಆಸ್ಪಿನ್ವೆಲ್ (ಲ್ಯಾಂಕಶೈರ್), ಈತನ್ ಬಾಂಬರ್ (ಮಿಡ್ಲ್ಸೆಕ್ಸ್), ಜೇಮ್ಸ್ ಬ್ರಾಕೇ (ಗ್ಲೌಸ್ಟರ್ಶೈರ್), ಜಾಕ್ ಕ್ರಾಸನ್ (ಸಸೆಕ್ಸ್), ಝ್ಯಾಕ್ ಚಾಪೆಲ್ (ನಾಟಿಂಗ್ಹ್ಯಾಮ್ಸೈರ್), ಹಸೀಬ್ ಹಮೀದ್ (ನಾಟಿಂಗ್ಹ್ಯಾಮ್ಶೈರ್), ಲಿಂಡನ್ ಜೇಮ್ಸ್ (ನಾಟಿಂಗ್ಹ್ಯಾಮ್ಶೈರ್), ಜಾಕ್ ಲಿಬಿ (ವೊಸ್ಟರ್ಶೈರ್), ಕ್ರೇಗ್ ಮೈಲ್ಸ್ (ವಾರ್ವಿಕ್ಶೈರ್), ಲಿಯಾಮ್ ಪ್ಯಾಟರ್ಸನ್-ವೈಟ್ (ನಾಟಿಂಗ್ಹ್ಯಾಮ್ಶೈರ್), ಜೇಮ್ಸ್ ರೀವ್ (ಸಮರ್ಸೆಟ್), ರಾಬ್ ಯಾಟೆಸ್ (ವಾರ್ವಿಕ್ಶೈರ್). ಇಂಗ್ಲೆಂಡ್ ವಿರುದ್ಧದ ಸರಣಿಗೆ ಭಾರತ ತಂಡ ಹೀಗಿದೆವಿರಾಟ್ ಕೊಹ್ಲಿ (ನಾಯಕ), ಅಜಿಂಕ್ಯ ರಹಾನೆ (ಉಪನಾಯಕ), ರೋಹಿತ್ ಶರ್ಮಾ, ಶುಭಮನ್ ಗಿಲ್ (ಗಾಯಗೊಂಡು ಸರಣಿಯಿಂದ ಔಟ್), ಮಾಯಾಂಕ್ ಅಗರ್ವಾಲ್, ಚೇತೇಶ್ವರ್ ಪೂಜಾರ, ಹನುಮಾ ವಿಹಾರಿ, (ವಿಕೆಟ್ಕೀಪರ್), ರವಿಚಂದ್ರನ್ ಅಶ್ವಿನ್, ರವೀಂದ್ರ ಜಡೇಜಾ, ಅಕ್ಷರ್ ಪಟೇಲ್, ವಾಷಿಂಗ್ಟನ್ ಸುಂದರ್, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್, ಜಸ್ಪ್ರೀತ್ ಬುಮ್ರಾ, ಇಶಾಂತ್ ಶರ್ಮಾ, ಕೆಎಲ್ ರಾಹುಲ್ ಮತ್ತು ವೃದ್ಧಿಮಾನ್ ಸಹಾ ಕಾಯ್ದಿರಿಸಿದ ಆಟಗಾರರು: ಪ್ರಸಿಧ್ ಕೃಷ್ಣ, ಅಭಿಮನ್ಯು ಈಶ್ವರನ್, ಅರ್ಝಾನ್ ನಾಗವಾಸವಾಲ, ಅವೇಶ್ ಖಾನ್.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3eI2Iar
