ಹೊಸದಿಲ್ಲಿ: ಬಯೋ-ಬಬಲ್ ಒಳಗಡೆ ಪ್ರಕರಣ ದಾಖಲಾದ ಹಿನ್ನೆಲೆಯಲ್ಲಿ ಆಸ್ಟ್ರೇಲಿಯಾ ಹಾಗೂ ವೆಸ್ಟ್ ಇಂಡೀಸ್ ನಡುವಿನ ಎರಡನೇ ಓಡಿಐ ಪಂದ್ಯವನ್ನು ರದ್ದುಗೊಳಿಸಲಾಗಿದ್ದು, ಎರಡೂ ತಂಡಗಳ ಆಟಗಾರರು ಹಾಗೂ ಸಹಾಯಕ ಸಿಬ್ಬಂದಿಯನ್ನು ತಕ್ಷಣ ಹೋಟೆಲ್ನಲ್ಲಿ ಐಸೋಲೇಷನ್ಗೆ ಕಳುಹಿಸಲಾಗಿದೆ. ಗುರುವಾರ ತಡರಾತ್ರಿ ಕೆನ್ಸಿಂಗ್ಟನ್ ಓವಲ್ನಲ್ಲಿ ಆಸ್ಟ್ರೇಲಿಯಾ ತಂಡದ ನಾಯಕ ಅಲೆಕ್ಸ್ ಕೇರಿ ಹಾಗೂ ವೆಸ್ಟ್ ಇಂಡೀಸ್ ನಾಯಕ ಟಾಸ್ಗೆ ಬಂದಿದ್ದರು. ಅದರಂತೆ, ಪೊಲಾರ್ಡ್ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಟಾಸ್ ಬೆನ್ನಲ್ಲೆ ಬಯೋ-ಬಬಲ್ ಒಳಗಡೆ ಕೊರೊನಾ ಸೋಂಕು ತಗುಲಿರುವ ವಿಷಯ ಬಹಿರಂಗವಾಯಿತು. ಈ ಹಿನ್ನೆಲೆಯಲ್ಲಿಎರಡೂ ತಂಡದ ಆಟಗಾರರು ಹಾಗೂ ಸಹಾಯಕ ಸಿಬ್ಬಂದಿಯನ್ನು ತಕ್ಷಣ ಐಸೋಲೇಷನ್ಗೆ ಕಳುಹಿಸಲಾಯಿತು. ಕ್ರಿಕೆಟ್.ಕಾಮ್.ಎಯು ಪ್ರಕಾರ ಆಸ್ಟ್ರೇಲಿಯಾ ತಂಡದಲ್ಲಿ ಯಾವುದೇ ಪ್ರಕರಣ ಇಲ್ಲ ಎಂಬ ಅಂಶವನ್ನು ಬಹಿರಂಗಪಡಿಸಿದೆ. ವೆಸ್ಟ್ ಇಂಡೀಸ್ ತಂಡದಲ್ಲಿ ಯಾರಿಗೆ ಸೋಂಕು ದೃಢಪಟ್ಟಿದೆ ಎಂಬ ಬಗ್ಗೆ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಬಹುದು. ಈ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡ ಶಿಮ್ರಾನ್ ಹೆಟ್ಮಾಯರ್ ಅವರಿಗೆ ವಿಶ್ರಾಂತಿ ನೀಡಿ ಶಾಯ್ ಹೋಪ್ಗೆ ಅಂತಿಮ 11ರಲ್ಲಿ ಸ್ಥಾನ ಕಲ್ಪಿಸಿತ್ತು. ಅದರಂತೆ ಗಾಯದಿಂದ ಸಂಪೂರ್ಣವಾಗಿ ಚೇತರಿಸಿಕೊಂಡಿರುವ ಹೋಪ್, ರಾಷ್ಟ್ರೀಯ ತಂಡಕ್ಕೆ ಕಮ್ಬ್ಯಾಕ್ ಮಾಡಿದ್ದರು. ಆದರೆ, ಕೋವಿಡ್-19 ಪ್ರಕರಣಗಳಿಂದ ಅವರಿಗೆ ನಿರಾಸೆಯಾಯಿತು. ಅಂದಹಾಗೆ, ಶಾಯ್ ಹೋಪ್ ಕಳೆದ ಮಾರ್ಚ್ ತಿಂಗಳಲ್ಲಿ ವಿಂಡೀಸ್ ಪರ ಕೊನೆಯ ಅಂತಾರಾಷ್ಟ್ರೀಯ ಪಂದ್ಯವಾಡಿದ್ದರು. ಇನ್ನು ಕಳೆದ ಪಂದ್ಯವಾಡಿದ್ದ ಆಸ್ಟ್ರೇಲಿಯಾ ಅಂತಿಮ 11ರ ಬಳಗದಲ್ಲಿ ಒಂದೇ ಒಂದು ಬದಲಾವಣೆಯನ್ನು ಮಾಡಲಾಗಿತ್ತು. ವೆಸ್ಟ್ ಅಗರ್ ಬದಲು ಈ ಪಂದ್ಯಕ್ಕೆ ರಿಲೀ ಮೆರೆಡಿತ್ ಅವರಿಗೆ ರಾಷ್ಟ್ರೀಯ ಓಡಿಐ ತಂಡದಲ್ಲಿ ಚೊಚ್ಚಲ ಅವಕಾಶ ನೀಡಲಾಗಿತ್ತು. ಇದಕ್ಕೂ ಮುನ್ನ ಆಸೀಸ್ ನಿಯಮಿತ ನಾಯಕ ಆರೋನ್ ಫಿಂಚ್, ರಿಲೀ ಮೆರಿಡಿತ್ಗೆ ಕ್ಯಾಪ್ ನೀಡಿ ಗೌರವಿಸಿದ್ದರು. ಆದರೆ, ದುರಾದೃಷ್ಟವಶಾತ್ ಪಂಜಾಬ್ ಕಿಂಗ್ಸ್ ವೇಗಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಲು ಸಾಧ್ಯವಾಗಿಲ್ಲ. ಓಡಿಐ ಸರಣಿಯ ಉಭಯ ತಂಡಗಳು ವೆಸ್ಟ್ ಇಂಡೀಸ್: ಎವಿನ್ ಲೆವಿಸ್, ಶಿಮ್ರಾನ್ ಹೆಟ್ಮಾಯರ್, ಜೇಸನ್ ಮೊಹಮ್ಮದ್, ಡೆರೆನ್ ಬ್ರಾವೊ, ನಿಕೋಲಸ್ ಪೂರನ್ (ವಿ.ಕೀ), ಕೈರೊನ್ ಪೊಲಾರ್ಡ್ (ನಾಯಕ), ಜೇಸನ್ ಹೋಲ್ಡರ್, ಅಲ್ಝಾರಿ ಜೋಸೆಫ್, ಹೇಡನ್ ವಾಲ್ಷ್, ಅಕೀಲ್ ಹುಸೇನ್, ಶೆಲ್ಡನ್ ಕಾಟ್ರೆಲ್, ಫ್ಯಾಬಿಯನ್ ಅಲ್ಲೆನ್, ಶಾಯ್ ಹೋಪ್, ಆಂಡರ್ಸನ್ ಫಿಲಿಪ್. ರಾಸ್ಟನ್ ಚೇಸ್, ರೊಮಾರಿಯೊ ಶೆಫರ್ಡ್ ಆಸ್ಟ್ರೇಲಿಯಾ: ಜಾಶ್ ಫಿಲಿಪ್, ಬೆನ್ ಮೆಕ್ಡೆರ್ಮಾಟ್, ಮಿಚೆಲ್ ಮಾರ್ಷ್, ಮೊಯ್ಸೆಸ್ ಹೆನ್ರಿಕ್ಸ್, ಅಲೆಕ್ಸ್ ಕೇರಿ(ನಾಯಕ, ವಿ.ಕೀ), ಅಸ್ಟನ್ ಟರ್ನರ್, ಮ್ಯಾಥ್ಯೂ ವೇಡ್, ಮಿಚೆಲ್ ಸ್ಟಾರ್ಕ್, ಆಡಂ ಝಾಂಪ, ಅಸ್ಟನ್ ಅಗರ್, ಜಾಸ್ ಹೇಝಲ್ವುಡ್, ಡೇನಿಯಲ್ ಕ್ರಿಸ್ಟಿಯನ್, ಜೇಸನ್ ಬೆಹ್ರೆನ್ಡ್ರಾಫ್, ಆಂಡ್ರೆ ಟೈ, ಮಿಚೆಲ್ ಸ್ವೆಪ್ಸನ್, ವೆಸ್ ಅಗರ್, ರಿಲೀ ಮೆರಿಡಿತ್
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/36SKHSL
