ಹೊಸದಿಲ್ಲಿ: ಭಾರತ ಕ್ರಿಕೆಟ್ ತಂಡದ ನಾಯಕ ಅವರಿಗೆ ಏಕದಿನ ವಿಶ್ವಕಪ್ ಗೆಲ್ಲಲು ಸಾಧ್ಯವಾಗದೇ ಹೋಗಿರಬಹುದು. ಆದರೆ ಮೈದಾನದಲ್ಲಿ ರನ್ ಹೊಳೆಯನ್ನೇ ಹರಿಸುತ್ತಿರುವ ವಿರಾಟ್ ಇದೀಗ ಮೈದಾನದ ಹೊರಗೂ ದಾಖಲೆಯನ್ನು ಬರೆದಿದ್ದಾರೆ. hopperhq.com ಬಿಡುಗಡೆ ಮಾಡಿರುವ ಅಂಕಿಅಂಶಗಳ ಪ್ರಕಾರ ವಿರಾಟ್ ಕೊಹ್ಲಿ, ಟಾಪ್ 10 ಸ್ಪೋರ್ಟ್ಸ್ ರಿಚ್ ಲಿಸ್ಟ್ನಲ್ಲಿ ಒಂಬತ್ತನೇ ಸ್ಥಾನ ಪಡೆದಿದ್ದಾರೆ. ಈ ಮೂಲಕ ಅಗ್ರ 10ರಲ್ಲಿ ಕಾಣಿಸಿಕೊಂಡ ಏಕೈಕ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದಾರೆ. ಒಟ್ಟಾರೆಯಾಗಿ ಟಾಪ್ 100 ಇನ್ಸ್ಟಾಗ್ರಾಂ ರಿಚ್ ರಿಸ್ಟ್ನಲ್ಲಿ ಟೀಮ್ ಇಂಡಿಯಾ ಕಪ್ತಾನ 23ನೇ ಸ್ಥಾನ ಪಡೆದಿದ್ದಾರೆ. ಅಂದ ಹಾಗೆ ವಿರಾಟ್ ಕೊಹ್ಲಿ ಪ್ರತಿ ಇನ್ಸ್ಟಾಗ್ರಾಂ ಪೋಸ್ಟ್ಗೆ 1.35 ಕೋಟಿ ರೂಪಾಯಿಗಳ ಸಂಭಾವನೆ ಪಡೆಯುತ್ತಾರಂತೆ! ಟಾಪ್ 10 ಇನ್ಸ್ಟಾಗ್ರಾಂ ಸ್ಪೋರ್ಟ್ಸ್ ರಿಚ್ ಲಿಸ್ಟ್ನಲ್ಲಿ ಪೋರ್ಚುಗಲ್ನ ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಅಗ್ರಸ್ಥಾನ ಕಾಪಾಡಿಕೊಂಡಿದ್ದಾರೆ. ರೊನಾಲ್ಡೊ ಪ್ರತಿ ಪೋಸ್ಟ್ಗೆ 6.74 ಕೋಟಿ ರೂಗ.ಗಳ ಸಂಭಾವನೆ ಪಡೆಯುತ್ತಾರೆ. ವಿರಾಟ್ ಕೊಹ್ಲಿ ಇನ್ಸ್ಟಾಗ್ರಾಂನಲ್ಲಿ 34 ದಶಲಕ್ಷ ಅನುಯಾಯಿಗಳನ್ನು ಹೊಂದಿದ್ದಾರೆ. ಇಂದ ಹಾಗೆ ಅಗ್ರಸ್ಥಾನದಲ್ಲಿರುವ ಕ್ರಿಸ್ಟಿಯಾನೊ ರೊನಾಲ್ಡೊ ಅನುಯಾಯಿಗಳ ಸಂಖ್ಯೆ 121 ದಶಲಕ್ಷವಾಗಿದೆ. ಟಾಪ್ 10 ಇನ್ಸ್ಟಾಗ್ರಾಂ ಸ್ಪೋರ್ಟ್ಸ್ ರಿಚ್ ಲಿಸ್ಟ್ ಇಂತಿದೆ (ಸಂಭಾವನೆ): 1. ಕ್ರಿಸ್ಟಿಯಾನೊ ರೊನಾಲ್ಡೊ (ಫುಟ್ಬಾಲ್): 6.74 ಕೋಟಿ ರೂ. 2. ನೆಯ್ಮಾರ್ (ಫುಟ್ಬಾಲ್): 4.98 ಕೋಟಿ ರೂ. 3. ಲಿಯೋನಲ್ ಮೆಸ್ಸಿ (ಫುಟ್ಬಾಲ್ ): 4.47 ಕೋಟಿ ರೂ. 4. ಡೇವಿಡ್ ಬೇಕಮ್ (ಫುಟ್ಬಾಲ್): 2.46 ಕೋಟಿ ರೂ. 5. ಲಿಬ್ರಾನ್ ಜೇಮ್ಸ್ (ಬಾಸ್ಕೆಟ್ ಬಾಲ್): 1.88 ಕೋಟಿ ರೂ. 6. ರೊನಾಲ್ಡಿನೊ (ಫುಟ್ಬಾಲ್): 1.77 ಕೋಟಿ ರೂ. 7. ಗೇರತ್ ಬಾಲೆ (ಫುಟ್ಬಾಲ್): 1.5 ಕೋಟಿ ರೂ. 8. ಲಾಟನ್ ಇಬ್ರಾಹಿಂವಿಕ್ (ಫುಟ್ಬಾಲ್): 1.38 ಕೋಟಿ ರೂ. 9. ವಿರಾಟ್ ಕೊಹ್ಲಿ(ಕ್ರಿಕೆಟ್): 1.35 ಕೋಟಿ ರೂ. 10. ಲೂಯಿಸ್ ಸುವಾಜೆ (ಫುಟ್ಬಾಲ್): 1.27 ಕೋಟಿ ರೂ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2Ybltbu
