ಹೊಸದಿಲ್ಲಿ: 300 ವರ್ಷ ಹಳೆಯ ದರೋಡೆಕೋರ ಭೂತದೊಂದಿಗೆ ಮದುವೆಯಾಗಿ ವಿಶ್ವದಾದ್ಯಂತ ಸುದ್ದಿಯಾಗಿದ್ದ ಉತ್ತರ ಐರಿಶ್‌ನ ಮಹಿಳೆ ಬಗ್ಗೆ ನೀವು ಕೇಳಿರಬಹುದು. ಮತ್ತೀಗ ಆಕೆ ಭೂತಕ್ಕೆ ನೀಡುತ್ತಿದ್ದೇನೆ ಎಂದು ಹೇಳುವ ಮೂಲಕ ಮತ್ತೆ ಸುದ್ದಿಯಾಗಿದ್ದಾಳೆ. ಡು ಪ್ಯಾಟ್ರಿಕ್‌ ನಿವಾಸಿಯಾಗಿರುವ ಮಹಿಳೆ ಅಮಾಂಡಾ 2016ರಲ್ಲಿ ಜ್ಯಾಕ್ ಎಂಬ ಹೆಸರಿನ ಭೂತವನ್ನು ವಿವಾಹವಾಗಿದ್ದಳು. ಆಕೆ ಹೇಳಿರುವ ಪ್ರಕಾರ 2010ರಲ್ಲಿ ಪ್ರಥಮ ಬಾರಿ ಮಹಿಳೆ ಜ್ಯಾಕ್‌ನನ್ನು ಭೇಟಿಯಾಗಿದ್ದಳು. ದೆವ್ವವೇ ಆಕೆಯ ಮುಂದೆ ಬಂದು ಪರಿಚಯ ಮಾಡಿಕೊಂಡಿತ್ತು. ನಿಧಾನಕ್ಕೆ ಅವರಿಬ್ಬರು ಪರಷ್ಪರ ಹತ್ತಿರವಾಗಿ 2016ರಲ್ಲಿ ವಿವಾಹವಾಗಿದ್ದರು. ವಿವಾಹದ ಬಳಿಕ ಅಮೆಂಡಾ ಆರೋಗ್ಯ ಇದ್ದಕ್ಕಿದ್ದಂತೆ ಕೆಡುತ್ತಾ ಹೋಯಿತು. ಮತ್ತೀಗ ಇದಕ್ಕೆ ಕಾರಣ ನನ್ನ ಪತಿ, ಜ್ಯಾಕ್. ಆತ ನನ್ನ ಎನರ್ಜಿಯನ್ನು ಎಳೆದುಕೊಳ್ಳುತ್ತಿದ್ದಾನೆ, ಎಂದಾಕೆ ಹೇಳುತ್ತಿದ್ದಾಳೆ. ದಿನ ಕಳೆದಂತೆ ನನ್ನ ಆರೋಗ್ಯ ಹದಗೆಡುತ್ತ ಹೋಯಿತು. ಪರಿಸ್ಥಿತಿ ಎಷ್ಟು ವಿಷಮ ಸ್ಥಿತಿಗೆ ಹೋಗಿತ್ತೆಂದರೆ ನನ್ನ ಜೀವ ಹೋಗುವುದೊಂದು ಬಾಕಿ ಇತ್ತು. ನಾನು ತುರ್ತು ಶಸ್ತ್ರಚಿಕಿತ್ಸೆಗೆ ಒಳಗಾದೆ. ಕೊನೆಗೆ ನನಗೆ ಇದ್ಯಾಕೆ ಹೀಗಾಗುತ್ತದೆ ಎಂದು ತಿಳಿದು ಹೋಯಿತು. ಜ್ಯಾಕ್ ಶಕ್ತಿಯನ್ನು ಎಳೆದುಕೊಳ್ಳುವ ರಕ್ತಪಿಶಾಚಿ. ನನ್ನನ್ನು ನಾನು ರಕ್ಷಿಸಿಕೊಳ್ಳಲು ಆತನಿಂದ ವಿಚ್ಛೇದನ ಪಡೆದುಕೊಳ್ಳುತ್ತಿದ್ದೇನೆ, ಎಂದಾಕೆ ತನ್ನ ಮದುವೆ ಮುರಿದುಕೊಳ್ಳುತ್ತಿರುವುದಕ್ಕೆ ಸ್ಪಷ್ಟನೆ ನೀಡಿದ್ದಾಳೆ. ಯಾರೇ ಆಗಲಿ ಸತ್ತ ಬಳಿಕ ಕೆಲ ಕಾಲದವರೆಗೆ ಭೂಮಿಯಲ್ಲಿರುವುದು ಸಾಮಾನ್ಯ. ಆದರೆ ಬಹಳ ದೀರ್ಘ ಕಾಲದವರೆಗೆ ಭೂಮಿಯ ಮೇಲೆ ಇರಲು ಬಯಸಿದರೆ ಅವರಿಗೆ ಶಕ್ತಿಯ ಅವಶ್ಯಕತೆ ಇರುತ್ತದೆ. ಹೀಗಾಗಿ ಆ ಶಕ್ತಿಗಾಗಿ ಜ್ಯಾಕ್ ನನ್ನನ್ನು ಬಳಸಿಕೊಂಡ. ತನ್ನ ಸಾವಿನ ಸತ್ಯವನ್ನು ಆತ ಒಪ್ಪಿಕೊಂಡಿಯೇ ಇರಲಿಲ್ಲ. ಹೀಗಾಗಿ ನನ್ನ ಶರೀರದ ಸಹಾಯದಿಂದ ಭೂಮಿಯ ಮೇಲೆ ಇರಲು ಬಯಸಿದ್ದ ಎಂದು 47 ವರ್ಷದ ಅಮಾಂಡಾ ಹೇಳಿದ್ದಾಳೆ. ಸಾವಿನ ಸನಿಕ್ಕೆ ಹೋಗಿ ಬಂದ ಮೇಲೆ ನನಗೆ ದೆವ್ವದೊಂದಿಗೆ ಮದುವೆಯಾಗಿದ್ದಕ್ಕೆ ನಿಜಕ್ಕೂ ಪಶ್ಚಾತಾಪವಾಯಿತು, ಎಂದಾಕೆ ಹೇಳಿದ್ದಾಳೆ. ಹಾಲಿವುಡ್ ಸರಣಿ ಸಿನಿಮಾ 'ದ ಕೆರೆಬಿಯನ್‌'ನಲ್ಲಿ ಕೂಡ ಜ್ಯಾಕ್ ಹೆಸರಿನ ಕಡಲ್ಗಳ್ಳನ ಕಥೆಯನ್ನು ಹೇಳಲಾಗಿದೆ.
from India & World News in Kannada | VK Polls https://ift.tt/2Y9XhuG
