ಹೊಸದಿಲ್ಲಿ: ಗುರುವಾರ ಸಂಜೆವರೆಗೂ ಸರಕಾರ ರಚನೆಗೆ ಬಿಜೆಪಿ ನಿಧಾನಗತಿಯ ಹೆಜ್ಜೆ ಇಡುತ್ತಿದೆ ಎಂಬ ಸಂದೇಶವಿತ್ತು. ವರಿಷ್ಠರ ಭೇಟಿಗಾಗಿ ಮಾಜಿ ಸಿಎಂ ಜಗದೀಶ್‌ ಶೆಟ್ಟರ್‌ ನೇತೃತ್ವದಲ್ಲಿ ರಾಜ್ಯ ಬಿಜೆಪಿ ನಿಯೋಗ ದಿಲ್ಲಿಗೆ ತೆರಳಿ ಅಮಿತ್‌ ಶಾ ಭೇಟಿ ನಡೆಸಿತ್ತು. ಕಾನೂನಾತ್ಮಕವಾಗಿ ಎಚ್ಚರಿಕೆ ಹೆಜ್ಜೆ ಇಡಬೇಕಿದೆ ಎಂದು ವರಿಷ್ಠರು ಅಭಿಪ್ರಾಯಪಟ್ಟಿದ್ದರೇ ವಿನಃ ಒಪ್ಪಿಗೆ ನೀಡಿರಲಿಲ್ಲ. ಇತ್ತ ಬೆಂಗಳೂರಿನಲ್ಲಿ ಸ್ಪೀಕರ್‌ ಅವರು ಮೂವರು ಶಾಸಕರ ಅನರ್ಹತೆಗೆ ಆದೇಶ ನೀಡುತ್ತಿದ್ದಂತೆಯೇ ಹೈಕಮಾಂಡ್‌ ಚುರುಕಾಯಿತು. ರಾಷ್ಟ್ರೀಯ ಅಧ್ಯಕ್ಷ ಅಮಿತ್‌ ಶಾ ಅವರು ಕಾನೂನು ತಜ್ಞರು ಮತ್ತು ರಾಜ್ಯದ ಕೆಲವು ವಿಶ್ವಾಸಾರ್ಹ ನಾಯಕರನ್ನು ಕರೆಸಿಕೊಂಡು ಚರ್ಚೆ ನಡೆಸಿದರು. 105 ಸಂಖ್ಯಾ ಬಲದೊಂದಿಗೇ ಸರಕಾರ ರಚಿಸಬಹುದೇ, ಅದರಿಂದ ಉಂಟಾಗಬಹುದಾದ ಕಾನೂನು ತೊಡಕುಗಳು, ದೋಸ್ತಿಗಳಿಗೆ ಇರುವ ಅವಕಾಶಗಳ ಬಗ್ಗೆ ವಿವರ ಪಡೆದರು. ಕಾನೂನು ತಜ್ಞರು ಗ್ರೀನ್‌ ಸಿಗ್ನಲ್‌ ನೀಡಿದ ಬಳಿಕವೇ ವಿರಮಿಸಿದರು. ಶುಕ್ರವಾರ ಬೆಳಗ್ಗೆ 9 ಗಂಟೆಗೆ ಯಡಿಯೂರಪ್ಪ ಅವರಿಗೆ ಕರೆ ಮಾಡಿ ಪ್ರಮಾಣ ವಚನ ಸ್ವೀಕರಿಸುವಂತೆ ಸೂಚಿಸಿದರು. ಕಾನೂನು ತಜ್ಞರು ಗ್ರೀನ್‌ ಸಿಗ್ನಲ್‌ ನೀಡಿದ ಬಳಿಕವೇ ವಿರಮಿಸಿದರು. ಶುಕ್ರವಾರ ಬೆಳಗ್ಗೆ 9 ಗಂಟೆಗೆ ಯಡಿಯೂರಪ್ಪ ಅವರಿಗೆ ಕರೆ ಮಾಡಿ ಪ್ರಮಾಣ ವಚನ ಸ್ವೀಕರಿಸುವಂತೆ ಸೂಚಿಸಿದರು. ನಾಲ್ಕೈದು ತಿಂಗಳಲ್ಲಿ ಹಿಂದಿನ ಸರಕಾರ ಹಾಗೂ ನಮ್ಮ ಸರಕಾರದ ವ್ಯತ್ಯಾಸವನ್ನು ನೀವೇ ನೋಡುವಿರಿ. ನಾನು ದ್ವೇಷದ ರಾಜಕಾರಣ ಮಾಡಲ್ಲ. ಫರ್‌ಗೆಟ್‌ ಆ್ಯಂಡ್‌ ಫರ್‌ಗಿವ್‌ ನಮ್ಮ ನಿಲುವು. -ಯಡಿಯೂರಪ್ಪ, ಮುಖ್ಯಮಂತ್ರಿ
from India & World News in Kannada | VK Polls https://ift.tt/2ZihoDC
