ಲಂಡನ್: ಭಾರತದ ಮೋಸ್ಟ್ ವಾಟೆಂಡ್ ಉಗ್ರ ತಮ್ಮ ನೆಲದಲ್ಲಿದ್ದಾನೆ ಎಂದು ಸದಾ ಅಲ್ಲಗಳೆಯುತ್ತಲೇ ಬಂದಿದೆ. ಆದರೆ ಅದನ್ನೊಪ್ಪಿಕೊಳ್ಳಲು ತಯಾರಿಲ್ಲದ, ಭಾರತ 1993ರ ಮುಂಬಯಿ ಬ್ಲಾಸ್ಟ್ ಬಳಿಕ ದೇಶದಿಂದ ಪರಾರಿಯಾಗಿರುವ ದಾವೂದ್ ಪಾಕಿಸ್ತಾನದಿಂದ ತನ್ನ ವ್ಯವಹಾರಗಳನ್ನು ನಡೆಸುತ್ತಿದ್ದಾನೆ ಎಂದು ಹೇಳುತ್ತಲೇ ಬಂದಿದೆ. ಮತ್ತೀಗ ಕೂಡ ಅದನ್ನು ಒತ್ತಿ ಹೇಳಿದೆ. ದಾವೂದ್ ಇಬ್ರಾಹಿಂ ಮತ್ತಾತನ ' ಡಿ ಕಂಪನಿ' ಪಾಕಿಸ್ತಾನದಲ್ಲಿದ್ದು , ಕರಾಚಿಯಿಂದ ಆತ ತನ್ನ ಅಂತರಾಷ್ಟ್ರೀಯ ಅಪರಾಧ ಚಟುವಟಿಕೆಗಳನ್ನು ನಡೆಸುತ್ತಿದ್ದಾನೆ, ಎಂಬುದು ಭಾರತದ ವಾದ. ಮತ್ತೀಗ ಅಮೆರಿಕಾ ಸಹ ಭಾರತದ ವಾದವನ್ನು ಒಪ್ಪಿಕೊಂಡಿದ್ದು, ದಾವೂದ್ ಅಲ್ಲಿಯೇ ಇದ್ದಾನೆ ಎಂದಿದೆ. ಉದ್ಯಮಿ ವಿಜಯ್ ಮಲ್ಯ ಗಡೀಪಾರು ಪ್ರಕರಣದ ವಿಚಾರಣೆ ನಡೆಯುತ್ತಿರುವ ಲಂಡನ್ನ ವೆಸ್ಟ್ಮಿನ್ಸ್ಟರ್ ಮ್ಯಾಜಿಸ್ಪ್ರೇಟ್ ಕೋರ್ಟ್ನಲ್ಲಿ, ಸದ್ಯ ದಾವೂದ್ನ ಭೂಗತ ಸಾಮ್ರಾಜ್ಯದ (ಡಿ-ಕಂಪನಿ) ಉಸ್ತುವಾರಿ ಹೊತ್ತಿರುವ ಜಬೀರ್ ವಿರುದ್ಧ ಎಫ್ಬಿಐ ಸಲ್ಲಿಸಿರುವ ಗಡೀಪಾರು ಅರ್ಜಿ ವಿಚಾರಣೆ ಸೋಮವಾರ ನಡೆದಿದೆ. ಈ ಸಂದರ್ಭದಲ್ಲಿ ಅಮೆರಿಕಾ ಸರ್ಕಾರವನ್ನು ಪ್ರತಿನಿಧಿಸಿದ ಜಾನ್ ಹಾರ್ಡಿ ಕ್ಯೂಸಿ, "ನ್ಯೂಯಾರ್ಕ್ ಎಫ್ಬಿಐ, ಪಾಕಿಸ್ತಾನ, ಭಾರತ ಮತ್ತು ಯುಎಇನಲ್ಲಿ ನೆಲೆ ಹೊಂದಿರುವ ಡಿ-ಕಂಪನಿಯ ಬಗ್ಗೆ ತನಿಖೆ ನಡೆಸುತ್ತಿದೆ. ದಾವೂದ್ ಪಾಕ್ನಲ್ಲಿದ್ದಾನೆ ಎಂದು ಹೇಳಿದ್ದಾರೆ. ಆ ವೇಳೆ ದಾವೂದ್ನ ಡಿ-ಕಂಪನಿ ಪರ ವಕೀಲರ ವಾದಕ್ಕೆ ಪಾಕಿಸ್ತಾನದ ಉನ್ನತ ಅಧಿಕಾರಿಗಳು ಪರೋಕ್ಷವಾಗಿ ಬೆಂಬಲ ವ್ಯಕ್ತಪಡಿಸಿದ್ದಾರೆ. ''ಜಬೀರ್ ಅಪರಾಧಿಯಲ್ಲ , ಆತ ಒಬ್ಬ ಪ್ರತಿಷ್ಠಿತ ವ್ಯಾಪಾರಿ,'' ಎಂದು ಕೋರ್ಟ್ಗೆ ತಿಳಿಸಲು ಅಧಿಕಾರಿಗಳು ಯತ್ನಿಸಿದ್ದಾರೆ ಎಂದು ತಿಳಿದುಬಂದಿದೆ. 'ದಾವೂದ್ನ ಡಿ-ಕಂಪನಿ ಪ್ರತಿನಿಧಿಯಾಗಿ ಯಥೇಚ್ಛವಾಗಿ ವಿದೇಶಗಳನ್ನು ಜಬೀರ್ ಸುತ್ತುತ್ತಿರುತ್ತಾನೆ. ಮಾದಕ ವಸ್ತು ಮಾರಾಟ ಮಾಡಿ ಹಣ ದೋಚುತ್ತಾನೆ. ದಾವೂದ್ನನ್ನು ಇತರರಿಗೆ ಭೇಟಿ ಮಾಡಿಸುವುದು ಈತನೇ. ದಾವೂದ್ ಸಹೋದರ ಅನೀಸ್ಗೂ ಈತ ನಿಕಟವರ್ತಿ,'' ಎಂದು ಅಮೆರಿಕದ ಸರಕಾರದ ಪರ ವಕೀಲ ಬ್ಯಾರಿಸ್ಟರ್ ಜಾನ್ ಹಾರ್ಡಿ ಪ್ರತಿವಾದ ಮಂಡಿಸಿದ್ದಾರೆ ಎಂದು ತಿಳಿದು ಬಂದಿದೆ.
from India & World News in Kannada | VK Polls https://ift.tt/2RZG2Gt
