ಲಂಡನ್: ಐಸಿಸಿ 2019 ಏಕದಿನ ವಿಶ್ವಕಪ್ನಲ್ಲಿ ಲೀಗ್ ಹಂತದ ಪಂದ್ಯಗಳು ಕೊನೆಗೊಂಡಿರುವಂತೆಯೇ ಸೆಮಿಫೈನಲ್ ಹಣಾಹಣಿಗೆ ವೇದಿಗೆ ಸಿದ್ಧಗೊಂಡಿದೆ. ಮಂಗಳವಾರ ನಡೆಯಲಿರುವ ಮೊದಲ ಸೆಮಿಫೈನಲ್ನಲ್ಲಿ ಭಾರತ ತಂಡವು ನ್ಯೂಜಿಲೆಂಡ್ ಸವಾಲನ್ನು ಎದುರಿಸಲಿದೆ. ಇನ್ನೊಂದೆಡೆ ಗುರುವಾರ ನಡೆಯಲಿರುವ ಎರಡನೇ ಸೆಮಿಫೈನಲ್ನಲ್ಲಿ ಆಸ್ಟ್ರೇಲಿಯಾ ಹಾಗೂ ಇಂಗ್ಲೆಂಡ್ ತಂಡಗಳು ಮುಖಾಮುಖಿಯಾಗಲಿದೆ. ಕೇವಲ ತಂಡಗಳಿಗಷ್ಟೇ ಅಷ್ಟೇ ಅಲ್ಲದೆ ಇತ್ತಂಡಗಳ ನಾಯಕರ ಪಾಲಿಗೆ ಈ ಪಂದ್ಯವು ಅತಿ ಮುಖ್ಯವೆನಿಸುತ್ತಿದೆ. ಯಾಕೆಂದರೆ 11 ವರ್ಷಗಳ ಹಿಂದೆ 2008ರಲ್ಲಿ ಅಂಡರ್-19 ವಿಶ್ವಕಪ್ ಸೆಮಿಫೈನಲ್ನಲ್ಲೂ ಭಾರತ ತಂಡವನ್ನು ಹಾಗೂ ನ್ಯೂಜಿಲೆಂಡ್ ತಂಡವನ್ನು ಮುನ್ನಡೆಸಿದ್ದರು. ಇದೀಗ ಇತಿಹಾಸ ಮರುಕಳಿಸುತ್ತಿದ್ದು, ವಿಶ್ವ ಕ್ರಿಕೆಟ್ನ ಅತಿ ದೊಡ್ಡ ಟೂರ್ನಿ ಎಂದೇ ಪರಿಗಣಿಸಲ್ಪಟ್ಟಿರುವ ಐಸಿಸಿ ಏಕದಿನ ವಿಶ್ವಕಪ್ನಲ್ಲಿ ಮತ್ತೆ ಎದುರು ಬದುರಾಗುತ್ತಿದೆ. ವಿಶ್ವ ಕ್ರಿಕೆಟ್ನಲ್ಲಿ ಅತ್ಯಂತ ರೋಚಕ ಕ್ಷಣವಾಗಿ ಇದನ್ನು ಬಿಂಬಿಸಲಾಗುತ್ತಿದೆ. 11 ವರ್ಷಗಳ ಬಳಿಕ ಕೊಹ್ಲಿ-ವಿಲಿಯಮ್ಸನ್ ವೈರತ್ವ ಮತ್ತಷ್ಟು ರೋಚಕತೆಯನ್ನು ಪಡೆದಿದೆ. ಅಂದು ನ್ಯೂಜಿಲೆಂಡ್ ತಂಡವನ್ನು ಮಣಿಸಿದ ಭಾರತ ಬಳಿಕ ಫೈನಲ್ನಲ್ಲಿ ದಕ್ಷಿಣ ಆಫ್ರಿಕಾ ಮಣಿಸಿ ಅಂಡರ್-19 ಕಿರೀಟ ಎತ್ತಿ ಹಿಡಿದಿತ್ತು. ಇದೀಗ ಇದೇ ಸಾಧನೆಯನ್ನು ಕೊಹ್ಲಿ ಪುನರಾವರ್ತಿಸುವರೇ ಎಂಬುದನ್ನು ಕಾದು ನೋಡಬೇಕಿದೆ. ಮತ್ತಷ್ಟು ಗಮನಾರ್ಹ ಅಂಶವೆಂಬಂತೆ ರವೀಂದ್ರ ಜಡೇಜಾ ಕೂಡಾ ಅಂದಿನ ಅಂಡರ್ 19 ತಂಡದ ಸದಸ್ಯರಾಗಿದ್ದರು. ಅತ್ತ ವಿಲಿಯಮ್ಸನ್ ಜತೆಗೆ ಟ್ರೆಂಟ್ ಬೌಲ್ಟ್ ಹಾಗೂ ಟಿಮ್ ಬೌಲ್ಟ್ ಕಿವೀಸ್ ತಂಡದಲ್ಲಿದ್ದಾರೆ. ವಿಲಿಯಮ್ಸನ್ ವಿಕೆಟ್ ಸ್ವತ: ಕೊಹ್ಲಿ ಅವರೇ ಪಡೆದಿದ್ದರು. ಹಾಗೆಯೇ ಕೊಹ್ಲಿ ವಿಕೆಟ್ ಟಿಮ್ ಸೌಥಿ ಪಾಲಾಗಿತ್ತು. ಇವೆಲ್ಲವೂ ಮ್ಯಾಂಚೆಸ್ಟರ್ನಲ್ಲಿ ನಡೆಯಲಿರುವ ಸೆಮಿಫೈನಲ್ಗೆ ಮತ್ತಷ್ಟು ಮೆರಗು ತುಂಬಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2XuMg2a
