ಕಠ್ಮಂಡು: ಮೂರು ವರ್ಷದ ಬಳಿಕ ದೃಷ್ಟಿಯನ್ನು ಮರಳಿ ಪಡೆದ ಹುಡುಗನೊಬ್ಬನ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ರೋಶನ್ ಥೀಂಹ್ ಎನ್ನುವ 13 ವರ್ಷದ ಬಾಲಕ ಮೂರು ವರ್ಷದ ಹಿಂದೆ ದೃಷ್ಟಿ ಕಳೆದುಕೊಂಡಿದ್ದ. ಸ್ಯಾಂಡುಕ್ ರುಯಿಟ್ ಎಂಬ ಪ್ರಖ್ಯಾತ ಸರ್ಜನ್ ಪರಿಶ್ರಮದಿಂದ ಅವನೀಗ ದೃಷ್ಟಿಯನ್ನು ಮರಳಿ ಪಡೆದಿದ್ದಾನೆ. ಅವರು ಕೇವಲ 15 ನಿಮಿಷಗಳಲ್ಲಿ ಪೂರ್ಣಗೊಳಿಸಬಹುದಾದ ಕಣ್ಣಿನ ಪೊರೆ ಶಸ್ತ್ರಚಿಕಿತ್ಸೆಯ ಕ್ರಾಂತಿಕಾರಿ, ಅಗ್ಗದ ವಿಧಾನವನ್ನು ಕಂಡುಹಿಡಿದಿದ್ದು, ಬಾಲಕನ ಮೇಲೆ ಯಶಸ್ವಿಯಾಗಿ ಪ್ರಯೋಗಿಸಿದ್ದಾರೆ. ರೋಶನ್ ಎರಡನೇ ತರಗತಿಯಲ್ಲಿದ್ದಾಗ ಕಣ್ಣಿನ ಪೊರೆ ಸಮಸ್ಯೆಯಿಂದ ದೃಷ್ಟಿ ಕಳೆದುಕೊಂಡಿದ್ದರು. 15 ನಿಮಿಷದ ಶಸ್ತ್ರಚಿಕಿತ್ಸೆ ಬಳಿಕ ಮರುದಿನ ಕಣ್ಣಿನ ಪಟ್ಟಿ ಬಿಚ್ಚಿದಾಗ ರೋಶನ್ ಮತ್ತೆ ಜಗತ್ತನ್ನು ನೋಡತೊಡಗಿದ. ಆಗ ಸಂತೋಷದಿಂದ ಕುಣಿದಾಡಿದ ಆತ ಇದಕ್ಕೆ ಕಾರಣರಾದ ವೈದ್ಯರಿಗೆ ಭಾವುಕನಾಗಿ ಧನ್ಯವಾದ ಸಲ್ಲಿಸಿದ. ಆತನ ಸಂತೋಷ ಕಂಡ ಸುತ್ತಮುತ್ತಲಿನವರ ಹೃದಯ ತುಂಬಿ ಬಂತು. ರೋಶನ್ ಬದುಕು ಬಾಲ್ಯದಿಂದಲೂ ಕಷ್ಟದಿಂದಲೇ ಕೂಡಿದೆ. ತಾಯಿ ಏಡ್ಸನಿಂದ ಸಾವನ್ನಪ್ಪಿದ್ದು, ತಂದೆ ಕೂಡ ಇದೇ ಕಾಯಿಲೆಯಿಂದ ಸಾವಿನ ದಿನಗಳನ್ನು ಎಣಿಸುತ್ತಿದ್ದಾನೆ. ಪುಟ್ಟ ಹುಡುಗ ರೋಶನ್ ಅಜ್ಜಿಯ ಆರೈಕೆಯಲ್ಲಿದ್ದಾನೆ.
from India & World News in Kannada | VK Polls https://ift.tt/2xAqfEu
