ಹೊಸದಿಲ್ಲಿ: ನ್ಯೂಜಿಲೆಂಡ್ ವಿರುದ್ಧ ಅಂತಾರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ ಬೆನ್ನಲ್ಲೆ ಎಂಟು ವರ್ಷಗಳ ಹಿಂದೆ ಮಾಡಿದ್ದ ವಿವಾದಾತ್ಮಕ ಟ್ವೀಟ್ನಿಂದಾಗಿ ಇಂಗ್ಲೆಂಡ್ ವೇಗಿ ಅವರ ವಿರುದ್ಧ ಇಂಗ್ಲೆಂಡ್ ಹಾಗೂ ವೇಲ್ಸ್ ಕ್ರಿಕೆಟ್ ಅಕಾಡೆಮಿ(ಇಸಿಬಿ) ತನಿಖೆ ಆರಂಭಿಸಿದೆ. ಲಂಡನ್ ಲಾರ್ಡ್ಸ್ನಲ್ಲಿ ಬುಧವಾರ ನಡೆದಿದ್ದ ಇಂಗ್ಲೆಂಡ್ ಹಾಗೂ ನ್ಯೂಜಿಲೆಂಡ್ ನಡುವಿನ ಮೊದಲನೇ ಟೆಸ್ಟ್ ಪಂದ್ಯದ ಆರಂಭಿಕ ದಿನ ಒಲ್ಲೀ ರಾಬಿನ್ಸನ್ ಎರಡು ವಿಕೆಟ್ ಕಿತ್ತಿದ್ದರು. ಇದರ ಬೆನ್ನಲ್ಲೆ ಎಂಟು ವರ್ಷಗಳ ಹಿಂದೆ 'ಜನಾಂಗೀಯ ಹಾಗೂ ಲಿಂಗ' ಕುರಿತಂತೆ ರಾಬಿನ್ಸನ್ ಮಾಡಿದ್ದ ವಿವಾದಾತ್ಮಕ ಟ್ವೀಟ್ವೊಂದು ಸಿಕ್ಕಾಪಟ್ಟೆ ವೈರಲ್ ಆಯಿತು. ಈ ವಿಷಯ ತಿಳಿಯುತ್ತಿದ್ದಂತೆ ರಾಬಿನ್ಸನ್ ಕ್ಷಮೆಯಾಚಿಸಿದರು. ಈ ಬಗ್ಗೆ ಪ್ರತಿಕ್ರಿಯಿಸಿದ ಇಂಗ್ಲೆಂಡ್ ಹಾಗೂ ವೇಲ್ಸ್ ಕ್ರಿಕೆಟ್ ಅಕಾಡೆಮಿ ಸಿಇಓ ಟಾಮ್ ಹಾರ್ಮಿಸನ್, ಟ್ವೀಟ್ಗಳು ಹಳೆಯದಾಗಿದ್ದರೂ, ಯಾವುದೇ ತಾರತಮ್ಯವಿಲ್ಲದೆ ತಮ್ಮ "ಶೂನ್ಯ-ಸಹಿಷ್ಣುತೆ" ನೀತಿಯ ಭಾಗವಾಗಿ ಈ ವಿಷಯದ ಬಗ್ಗೆ ತನಿಖೆಯನ್ನು ಪ್ರಾರಂಭಿಸುತ್ತೇವೆ ಎಂದು ಮಾಧ್ಯಮಗಳಿಗೆ ತಿಳಿಸಿದರು. "ಇಂತಹ ಸ್ವಭಾವದ ಟ್ವೀಟ್ಗಳನ್ನು ಬರೆಯಲು ಇಂಗ್ಲೆಂಡ್ ತಂಡದ ಆಟಗಾರ ಆಯ್ಕೆ ಮಾಡಿಕೊಂಡಿರುವುದು ಎಷ್ಟು ನಿರಾಶೆಯಾಗಿದೆ ಎಂಬುದನ್ನು ವ್ಯಕ್ತಪಡಿಸಲು ನನ್ನ ಬಳಿ ಪದಗಳಿಲ್ಲ, ಆದರೆ ಇವು ಬಹಳ ಹಳೆಯದಾಗಿದೆ. ಆ ಪದಗಳನ್ನು ಓದುವ ಯಾವುದೇ ವ್ಯಕ್ತಿ, ವಿಶೇಷವಾಗಿ ಮಹಿಳೆಯರಿಗೆ, ಕ್ರಿಕೆಟ್ ಮತ್ತು ಕ್ರಿಕೆಟಿಗರ ಬಗ್ಗೆ ಕೆಟ್ಟ ಅಭಿಪ್ರಾಯ ಉಂಟಾಗಲು ಕಾರಣವಾಗುತ್ತದೆ. ನಾವು ಶೂನ್ಯ-ಸಹಿಷ್ಣು ನಿಲುವನ್ನು ಹೊಂದಿದ್ದೇವೆ ಮತ್ತು ಈ ಸ್ವಭಾವದ ನಡವಳಿಕೆಯನ್ನು ನಿರ್ವಹಿಸಲು ನಮ್ಮ ಬಳಿ ನಿಯಮಗಳಿವೆ. ನಮ್ಮ ಶಿಸ್ತಿನ ಪ್ರಕ್ರಿಯೆಯ ಭಾಗವಾಗಿ ನಾವು ಪೂರ್ಣ ತನಿಖೆಯನ್ನು ಪ್ರಾರಂಭಿಸುತ್ತೇವೆ," ಎಂದು ಹಾರ್ಮಿಸನ್ ಹೇಳಿದ್ದಾರೆ. ಯಾವುದೇ ರೀತಿಯ ತಾರತಮ್ಯದ ವಿರುದ್ಧದ ಹೋರಾಟದಲ್ಲಿ ಇಂಗ್ಲೆಂಡ್ ತಂಡ ಮತ್ತು ಇಸಿಬಿ ಒಗ್ಗಟ್ಟಾಗಿ ಉಳಿಯುತ್ತವೆ ಎಂದು ಹ್ಯಾರಿಸನ್ ಪ್ರತಿಪಾದಿಸಿದರು. "ಆ ಪ್ರಯತ್ನಕ್ಕೆ ನಮ್ಮ ಬದ್ಧತೆಯು ಅಚಲವಾಗಿ ಉಳಿದಿದೆ ಮತ್ತು ರಾಬಿನ್ಸನ್ ಅವರ ಹಿಂದಿನ ಈ ಕಾಮೆಂಟ್ಗಳ ಹೊರಹೊಮ್ಮುವಿಕೆಯು ಈ ವಿಷಯದ ಬಗ್ಗೆ ನಡೆಯುತ್ತಿರುವ ಶಿಕ್ಷಣದ ಅಗತ್ಯವನ್ನು ಪುನರುಚ್ಚರಿಸುತ್ತದೆ," ಎಂದರು. ಸೋಶಿಯಲ್ ಮೀಡಿಯಾದಲ್ಲಿ ವಿವಾದಾತ್ಮಕ ಟ್ವೀಟ್ ವೈರಲ್ ಆಗುತ್ತಿದ್ದಂತೆ, ಈ ಬಗ್ಗೆ ಪ್ರತಿಕ್ರಿಯಿಸಿದ ಒಲ್ಲೀ ರಾಬಿನ್ಸನ್ ಕ್ಷಮೆಯಾಚಿದ್ದಾರೆ ಹಾಗೂ ಜನಾಂಗೀಯ ಹಾಗೂ ಲಿಂಗದ ಬಗ್ಗೆ ವಿವಾದಾತ್ಮಕ ಟ್ವೀಟ್ನಿಂದ ನನಗೆ ಮುಜುಗರವಾಗುತ್ತಿದೆ ಎಂದು ಹೇಳಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧ ಮೊದಲನೇ ಟೆಸ್ಟ್ ಆರಂಭಿಕ ದಿನ ರಾಬಿನ್ಸನ್ ಎರಡು ವಿಕೆಟ್ ಪಡೆದಿದ್ದ ಸುದ್ದಿಗಿಂತ ಇದೀಗ ಅವರ 8 ವರ್ಷಗಳ ಹಳೆಯ ಟ್ವಿಟ್ ಸಿಕ್ಕಾಪಟ್ಟೆ ವೈರಲ್ ಆಗಿದೆ. "ನನ್ನ ವೃತ್ತಿ ಜೀವನದ ಅತ್ಯಂತ ದೊಡ್ಡ ದಿನ ಇದಾಗಿದೆ. ಎಂಟು ವರ್ಷಗಳ ಹಿಂದೆ ಜನಾಗೀಯ ಹಾಗೂ ಲಿಂಗ ಸಂಬಂಧಿತ ಮಾಡಿದ್ದ ವಿವಾದಾತ್ಮಕ ಟ್ವೀಟ್ನಿಂದ ನನಗೆ ಮುಜುಗರವಾಗುತ್ತಿದೆ. ಅದು ಇಂದು(ಬುಧವಾರ) ಸಾರ್ವಜನಿಕವಾಗಿದೆ. ನಾನು ಜನಾಗೀಯ ಹಾಗೂ ಲಿಂಗ ತಾರತಮ್ಯದ ವಿರೋಧಿಯಲ್ಲ ಎಂಬುದನ್ನು ಸ್ಪಷ್ಟವಾಗಿ ಹೇಳಲು ಇಷ್ಟಪಡುತ್ತೇನೆ. ಈ ರೀತಿ ಟ್ವೀಟ್ ಮಾಡಿದ್ದಕ್ಕೆ ನಾನು ತೀವ್ರವಾಗಿ ವಿಷಾದಿಸುತ್ತೇನೆ. ಅಂದಿನ ದಿನಗಳಲ್ಲಿ ನನಗೆ ಬುದ್ದಿ ಇರಲಿಲ್ಲ ಹಾಗೂ ಅಷ್ಟೊಂದು ಮಾನಸಿಕವಾಗಿ ಪರಿಪಕ್ವತೆ ಸಾಧಿಸಿರಲಿಲ್ಲ. ಇದೀಗ ನಾನು ಪ್ರಬುದ್ದ ವ್ಯಕ್ತಿಯಾಗಿ ಆ ಟ್ವೀಟ್ ಬಗ್ಗೆ ವಿಷಾದಿಸುತ್ತೇನೆ," ಎಂದು ಹೇಳಿದ್ದಾರೆ. ಮೊದಲನೇ ದಿನದ ಮುಕ್ತಾಯಕ್ಕೆ ನ್ಯೂಜಿಲೆಂಡ್ ತಂಡ ಪ್ರಥಮ ಇನಿಂಗ್ಸ್ನಲ್ಲಿ 3 ವಿಕೆಟ್ ಕಳೆದುಕೊಂಡು 246 ರನ್ ಗಳಿಸಿದೆ. ಡೆವೊನ್ ಕಾನ್ವೇ ಅಜೇಯ 136 ರನ್ ಗಳಿಸಿದರೆ, ಮತ್ತೊಂದು ತುದಿಯಲ್ಲಿ ಹೆನ್ರಿ ನಿಕೋಲ್ಸ್ ಅಜೇಯ 46 ರನ್ ಗಳಿಸಿ ಬ್ಯಾಟಿಂಗ್ ಮುಂದುವರಿಸಲಿದ್ದಾರೆ. ಇಂಗ್ಲೆಂಡ್ ಪರ ಒಲ್ಲೀ ರಾಬಿನ್ಸನ್ 16 ಓವರ್ಗಳಿಗೆ 50 ರನ್ ನೀಡಿ 2 ವಿಕೆಟ್ ಪಡೆದಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/34GILLM
