ಲಂಡನ್: ಎಡಗೈ ಆರಂಭಿಕ ಬ್ಯಾಟ್ಸ್ಮನ್ ಡೆವೋನ್ ಕಾನ್ವೇ ಟೆಸ್ಟ್ ಕ್ರಿಕೆಟ್ಗೆ ಭರ್ಜರಿ ಎಂಟ್ರಿ ಕೊಟ್ಟಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಎರಡು ಪಂದ್ಯಗಳ ಸರಣಿಯ ಮೊದಲ ಹಣಾಹಣಿಯಲ್ಲಿ ಪದಾರ್ಪಣೆ ಮಾಡಿದ್ದ ಕಾನ್ವೇ ಶತಕ ಸಂಭ್ರಮ ಆಚರಿಸಿದ್ದಾರೆ. ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ನ್ಯೂಜಿಲೆಂಡ್ ತಂಡಕ್ಕೆ ಪಂದ್ಯದ ಮೊದಲ ದಿನವಾದ ಬುಧವಾರ ಅಜೇಯ 136 ರನ್ಗಳನ್ನು ಬಾರಿಸಿದ ಕಾನ್ವೇ ದೊಡ್ಡ ಮೊತ್ತ ತಂದುಕೊಟ್ಟಿದ್ದಾರೆ. ಮಂದ ಬೆಳಕಿನ ಕಾರಣ ಕೊಂಚ ಬೇಗ ಅಂತ್ಯಗೊಂಡ ಮೊದಲ ದಿನದಾಟದಲ್ಲಿ ಸಿಕ್ಕ 86 ಓವರ್ಗಳಲ್ಲಿ ಕಿವೀಸ್ 3 ವಿಕೆಟ್ಗೆ 246 ರನ್ ಗಳಿಸಿ ಸುಸ್ಥಿತಿಯಲ್ಲಿದೆ. ನಾಲ್ಕನೇ ವಿಕೆಟ್ಗೆ ಅನುಭವಿ ಆಟಗಾರ ಹೆನ್ರಿ ನಿಕೋಲ್ಸ್ (139 ಎಸೆತಗಳಲ್ಲಿ 46* ರನ್) ಶತಕದ ಜೊತೆಯಾಟವಾಡಿದ ಡೆವೋನ್ ಕಾನ್ವೇ ವೃತ್ತಿಬದುಕಿನ ಚೊಚ್ಚ ಟೆಸ್ಟ್ ಶತಕ ಬಾರಿಸಿ ಭಾರತ ತಂಡದ ಮಾಜಿ ನಾಯಕ ಅವರ ಹೆಸರಲ್ಲಿದ್ದ ವಿಶೇಷ ದಾಖಲೆಯನ್ನು ಮುರಿದಿದ್ದಾರೆ. ಅಜೇಯ 136 ರನ್ಗಳೊಂದಿಗೆ ಲಾರ್ಡ್ಸ್ನಲ್ಲೊ ಟೆಸ್ಟ್ ಕ್ರಿಕೆಟ್ನ ಪದಾರ್ಪಣೆಯ ಪಂದ್ಯದಲ್ಲಿ ಗರಿಷ್ಠ ಸ್ಕೋರ್ ದಾಖಲಿಸಿದ ಹೆಗ್ಗಳಿಕೆ ಈಗ ಕಾನ್ವೇಗೆ ಲಭ್ಯವಾಗಿದೆ. ಇದಕ್ಕೂ ಮುನ್ನ ಸೌರವ್ ಗಂಗೂಲಿ ಈ ದಾಖಲೆ ಹೊಂದಿದ್ದರು. 1996ರಲ್ಲಿ ಲಾರ್ಡ್ಸ್ನಲ್ಲಿ ಎದುರು ಟೆಸ್ಟ್ಗೆ ಕಾಲಿಟ್ಟಿದ್ದ ಸೌರವ್ ಮನಮೋಹಕ 131 ರನ್ಗಳನ್ನು ಬಾರಿಸಿದ್ದರು. ಅಂದಹಾಗೆ ಈ ಇಬ್ಬರೂ ಬ್ಯಾಟ್ಸ್ಮನ್ಗಳು ಎಡಗೈ ಆಟಗಾರರಾಗಿದ್ದು, ಜುಲೈ 8ರಂದು ಜನಿಸಿದ್ದಾರೆ ಎಂಬುದು ವಿಶೇಷ. ದೊಡ್ಡ ಮೊತ್ತ ಪೇರಿಸುವ ಉದ್ದೇಶದೊಂದಿಗೆ ಬ್ಯಾಟಿಂಗ್ ತಗೆದುಕೊಂಡಿರುವ ನ್ಯೂಜಿಲೆಂಡ್ ತಂಡ ಎಚ್ಚರಿಕೆಯ ಆರಂಭ ಪಡೆಯಿತು. ಓಪನರ್ಗಳಾದ ಟಾಮ್ ಲೇಥಮ್ (23) ಮತ್ತು ಕಾನ್ವೇ ಮೊದಲ ವಿಕೆಟ್ಗೆ 58 ರನ್ಗಳನ್ನು ಜೋಡಿಸಿದರು. ಈ ಸಂದರ್ಭದಲ್ಲಿ ಏಕಾಗ್ರತೆ ಕಳೆದುಕೊಂಡ ಲೇಥಮ್, ಪದಾರ್ಪಣೆಯ ಪಂದ್ಯವನ್ನಾಡಿದ ಓಲೀ ರಾಬಿನ್ಸನ್ಗೆ ವಿಕೆಟ್ ಒಪ್ಪಿಸಿದರು. ಬಳಿಕ ಕ್ಯಾಪ್ಟನ್ ಕೇನ್ ವಿಲಿಯಮ್ಸನ್ ಅವರ ಎಚ್ಚರಿಕೆಯ ಆಟವಾಡಿದ ಕಿವೀಸ್ ಬಳಗ 1 ವಿಕೆಟ್ ನಷ್ಟದಲ್ಲಿ 85 ರನ್ ಗಳಿಸಿ ಭೋಜನಕ್ಕೆ ತೆರಳಿತ್ತು. ಆದರೆ, ಭೋಜನ ನಂತರ ವಿಲಿಯಮ್ಸನ್ಗೆ ಜೇಮ್ಸ್ ಆಂಡರ್ಸನ್ ಪೆವಿಲಿಯನ್ ದಾರಿ ತೋರಿಸಿದರು. ಇದರ ಬೆನ್ನಲ್ಲೇ ಅನುಭವಿ ಬ್ಯಾಟ್ಸ್ಮನ್ ರಾಸ್ ಟೇಲರ್ ಕೂಡ ರಾಬಿನ್ಸನ್ ಬೌಲಿಂಗ್ನಲ್ಲಿ ಎಲ್ಬಿಡಬ್ಲ್ಯು ಬಲೆಗೆ ಬಿದ್ದರು. 114 ರನ್ಗಳಿಗೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಕಿವೀಸ್ ಪಡೆಗೆ ಕಾನ್ವೇ-ನಿಕೋಲ್ಸ್ ನಡುವಣ ಶತಕದ ಜೊತೆಯಾಟ ಚೇತರಿಕೆ ತಂದುಕೊಟ್ಟಿತು. ರಾಬಿನ್ಸನ್ ಬೌಲಿಂಗ್ನಲ್ಲಿ ಫ್ಲಿಕ್ ಶಾಟ್ ಮೂಲಕ ಬೌಂಡರಿ ಬಾರಿಸಿದ ಕಾನ್ವೇ ಎದುರಿಸಿದ 163ನೇ ಎಸೆತದಲ್ಲಿ ಶತಕ ಸಂಭ್ರಮ ಆಚರಿಸಿದರು. ಪಂದ್ಯದಲ್ಲಿ 2ನೇ ಹೊಸ ಚೆಂಡಿನ ಲಾಭ ಪಡೆದು ಕಿವೀಸ್ ಬ್ಯಾಟ್ಸ್ಮನ್ಗಳನ್ನು ಬೇಟೆಯಾಡುವುದು ಇಂಗ್ಲೆಂಡ್ ಲೆಕ್ಕಾಚಾರವಾಗಿತ್ತು. ಆದರೆ 2ನೇ ಹೊಸ ಚೆಂಡಿನಲ್ಲಿ 6 ಓವರ್ಗಳು ಕಳೆದರೂ ಯಾವುದೇ ಯಶಸ್ಸು ಲಭ್ಯವಾಗಿಲ್ಲ. ಇನ್ನು ಆಡುವ ಹನ್ನೊಂದರ ಬಳಗದಲ್ಲಿ ಪರಿಣತ ಸ್ಪಿನ್ನರ್ನ ಆಡಿಸದೇ ಇರುವುದು ಇಂಗ್ಲೆಂಡ್ಗೆ ಹಿನ್ನಡೆ ತಂದೊಡ್ಡಿದೆ. ಅಂದಹಾಗೆ ಕ್ರಿಕೆಟ್ ಕಾಶಿ ಎನಿಸಿಕೊಂಡಿರುವ ಇತಿಹಾಸ ಪ್ರಸಿದ್ಧ ಲಾರ್ಡ್ಸ್ ಕ್ರೀಡಾಂಗಣದಲ್ಲಿ ಟೆಸ್ಟ್ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿ ಶತಕ ಬಾರಿಸಿದ ಬ್ಯಾಟ್ಸ್ಮನ್ಗಳು ಕೇವಲ 6 ಮಂದಿ ಮಾತ್ರ. ಇದೀಗ ಕಾನ್ವೇ ಈ ಸಾಧನೆ ಮಾಡಿದ ನ್ಯೂಜಿಲೆಂಡ್ನ ಮೊದಲ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ. ಲಾರ್ಡ್ಸ್ನಲ್ಲಿ ಪದರ್ದಾಣೆಯ ಟೆಸ್ಟ್ ಆಡಿ ಶತಕ ಬಾರಿಸಿದ ಬ್ಯಾಟ್ಸ್ಮನ್ಗಳು 1. ಹ್ಯಾರಿ ಗ್ರಹಾಮ್ (ಆಸ್ಟ್ರೇಲಿಯಾ): 107 ರನ್ (AUS vs ENG, 1893) 2. ಜಾನ್ ಹ್ಯಾಂಪ್ಶೈರ್ (ಇಂಗ್ಲೆಂಡ್): 107 ರನ್ (ENG vs WI, 1969) 3. ಸೌರವ್ ಗಂಗೂಲಿ (ಭಾರತ): 131 ರನ್ (IND vs ENG, 1996) 4. ಆಂಡ್ರ್ಯೂ ಸ್ಟ್ರಾಸ್ (ಇಂಗ್ಲೆಂಡ್): 112 ರನ್ (, 2004) 5. ಮ್ಯಾಟ್ ಪ್ರಿಯರ್ (ಇಂಗ್ಲೆಂಡ್): 126* ರನ್ (ENG vs WI, 2007) 6. (): 136* ರನ್ (NZ vs ENG, 2021)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2SWXDU0
